ئێمە لە تۆرە کۆمەڵایەتیەکان

عێراق

وردەكاری هێرشەكانی ئیسرائیل بۆ سەر حەشدی شەعبی ئاشكرا دەكرێن

خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، واشنتن بەغدای لەوە ئاگادار كردوەتەوە كە ئیسڕائیل هێرشی كردوەتەسەر بنكە و بارەگاكانی حەشدی شەعبی.
ئاژانسی ئیسنا بڵاویكردەوە، عەبدولخالق عەزاوی ئەندامی لیژنەی ئاسایش و بەرگری لە پەڕلەمانی عیراق ڕایگەیاند، ئەو لیژنانەی كە بەرپرسیارێتی لێكۆڵینەوەكانیان پێسپێردرابوو سەبارەت بە هۆكاری هێرشەكان بۆسەر بنكە و بارەگاكانی حەشدی شەعبی كۆتاییان بە كارەكانیان هێنا.

وتیشی”لە ئەنجامی لێكۆڵینەوەكانیان ئەوە دەركەوت كە 12 هێرش كراوەتەسەر بنكە و بارەگاكانی حەشدی شەعبی بە فڕۆكەی بێ فڕۆكەوان”.

ئاماژەی بۆ ئەوەش كرد، ئەمریكا بۆ بەرپرسانی بەغدای ئاشكرا كردووە، هێرشەكان بە فڕۆكەی بێ فڕۆكەوان لەلایەن ئیسڕائیلەوە ئەنجام دراوە، بەشێك لە هێرشەكانیش ڕاگەیەنراوە و بەشێكی دیكەشیان ڕانەگەیەنراوە.
ئاشكراشیكرد، بەرپرسانی عیراق و ئەمریكا و ئیسرائیل هیچ هەڵوێستێكیان لەسەر ئەو بابەتە ئاشكرا نەكردووە.

لە چەند هەفتەی ڕابردوو، پێنج جار بنكە و بارەگاكانی حەشدی شەعبی بۆدرومان كران و لای خۆشیانەوە حەشدی شەعبی ئیسڕائیلیان بە بۆردومانەكە تۆمەتبار كرد.

عێراق

عەلی سیستانی: پێكهێنانی حكومەتی نوێ‌ لە ماوەی دەستوری لایداوە

خەڵك- بەشی هەواڵ

نوێنەری مەرجەعی باڵای شیعەكان لە عێراق نوێترین هەڵوێستی “عەلی سیستانی” لەبارەی بارودۆخی عێراقەوە رادەگەیەنێت و ئاماژە بەوەدەكات “پێكهێنانی حكومەتی نوێ زۆر دواكەوتووە و لە ماوەی دەستوریی لایداوە”.

ئەحمەد سافی، نوێنەری عەلی سیستانی، مەرجەعی باڵای شیعەكان لە عێراق لە وتاری ئەمڕۆ هەینییدا لە كەربەلا وتی”مەرجەعی ئاینی جەخت لەسەر ئەوە دەكاتەوە، دەبێت چاكسازی راستەقینە ئەنجام بدرێت كە هاوڵاتیان داوای دەكەن و قوربانییان لە پێناودا داوە، پێكهێنانی كابینەی نوێی حكومەت دواكەوتووە و عیراق كەوتووەتە بۆشایی دەستورییەوە”.

ئەحمەد سافی وتیشی”مەرجەع پێیوایە پشتگوێخستنی ئەنجامدانی چاكسازی راستەقینە، دەبێتە هۆی ئەوەی هاوڵاتیان زیاتر رووبەڕووی نەهامەتی ببنەوە و ناسەقامگیری ئەمنی و سیاسی لە عێراقدا درێژە بكێشێت”.

سافی پشتیوانی بۆ خۆپیشاندانی ملیۆنیش دەربڕی و وتی”مەرجەع لەگەڵ دەستتێوەردانی دەرەكیدا نییە و دەیەوێت عیراق سەربەخۆ بڕیاربدات”.

بەردەوام بە لە خوێندنەوە

عێراق

سائیرون: خۆپیشاندانی ملیۆنی ئەمڕۆ پەیامێكە بۆ ترەمپ

خەڵك- بەشی هەواڵ

عەلا ڕوبێعی، پەرلەمانتاری سائیرونی سەر بە ڕەوتی سەدر ڕایگەیاند، خۆپیشاندانی ئەمڕۆی بەغدا پەیامێكە بۆ سەرۆكی ئەمریكا كە عیراق بەشێك نییە لە ئەمریكا.

ڕوبێعی بۆ میدیاكانی عیراق ئاماژەی بەوەكردووە، ئەمریكییەكان وتویانە حكومەتی كاربەرێكەر توانای دەركردنی هێزەكانی ئەوانی نییە، بەڵام ئەمڕۆ ئەوان بە جەماوەر و خەڵكی عیراق بۆیان دەسەلمێنن كە گەلانی عیراق ئەوانی ناوێت.

هەر لە قسەكانیدا ڕونیكردووەتەوە، خۆپیشاندانەكەیان ئاشتیخوازانەیە و دەستدرێژی ناكەنەسەر هیچ مۆڵكێكی گشتی و تایبەت و تەنها مەبەستی خۆپیشاندانەكەش دەركردنی هێزەكانی ئەمریكایە.

ڕۆژی 7ی ئەم مانگە پەرلەمانی عیراق بە زۆرینەی دەنگ، بڕیاری دەركردنی هێزەكانی ئەمریكای دەركرد.

بەردەوام بە لە خوێندنەوە

عێراق

بە ڤیدیۆ.. خۆپیشاندانی ملیۆنی لایەنگرانی سەدر دەستی پێكرد

خەڵك- بەشی هەواڵ

بەیانی ئەمڕۆ هەینی خۆپیشاندانی ملیۆنی لایەنگرانی موقتەدا سەدر لە ناوچەی جادرییەی بەغدا دەستی پێكرد.

میدیاكانی عیراق بڵاویانكردەوە، مەبەستی خۆپیشاندانەكە بریتییە لە ناڕەزایەتی ڕەوتی سەدر دژ بە مانەوەی هێزەكانی ئەمریكا لە عیراق.

سەڵاح عوبێدی، وتەبێژی فەرمی موقتەدا سەدر ڕایگەیاند، خۆپیشاندانەكە ئاشتیانە و مەبەستەكەشی ڕوونە و دژ بە مانەوەی هێزەكانی ئەمریكایە.

ڕۆژی 7ی ئەم مانگە پەرلەمانی عیراق بە زۆرینەی دەنگ بڕیاری دەركردنی هێزەكانی ئەمریكای دەركرد.

بەردەوام بە لە خوێندنەوە

کوردستان