ئێمە لە تۆرە کۆمەڵایەتیەکان

کوردستان

پارێزگاری دهۆكیش دەگۆڕدرێت

خەڵك- بەشی هەواڵ

بڕیارە لە چەند ڕۆژی داهاتوودا هاوشێوەی لابردنی پارێزگاری هەولێر لە پۆستەكەی، پارێزگاری دهۆكیش لاببرێت و كەسێكی دیكە لە شوێنەكەی دابنرێت.

بەپێی زانیارییە بڵاوكراوەكان، فەرهاد ئەتروشی، پارێزگاری دهۆك و حەوت قائیمقام و دەیان بەڕێوەبەری ناحیە لە سنوری دهۆك گۆڕانكاریان تێدا دەكرێت و كەسانی دیكە لە شوێنەكانیان دادەنرێن.

هەریەك لەو كەسانەیشی ناویان دەهێنرێت بۆ شوێنگرەوەی فەرهاد ئەتروشی، عەلی تەتەر و سەربەست لەزگینن.

سەرچاوەیەك لە نوسینگەی سەربەست لەزگین، بریكاری وەزارەتی پێشمەرگەی حكومەتی هەرێمی كوردستان كە ناوی دەهێنرێت وەك كاندید بۆ پارێزگاری دهۆك بە (خەڵك)ی ڕاگەیاند، تائێستا نازانرێت كە ناوبراو ئەو پۆستە وەردەگرێت یان كەسێكی دیكە.

سەرچاوەكە كە نەیوست ناوی بڵاوبكرێتەوە ڕونیكردەوە، بڕیاری كۆتایی لەوبارەوە نەدراوە و تائێستا هیچ كەسێك دیاری نەكراوە.

گۆڕینی پارێزگاری دهۆك دوای ئەوەدێت، كە لە دوو ڕۆژی ڕابردوودا بڕیاری لابردنی نەوزاد هادی، پارێزگاری هەولێر درا و دوای نزیكەی 16 ساڵ پۆستەكەی بۆ فرسەت سۆفی، پەرلەمانتاری پێشووی پارتی جێهێشت.

کوردستان

كۆدار: پێویستە لایەنەكانی ڕۆژهەڵات ڕەخنەگرتن لە یەكدی قەبوڵبكەن

خەڵك –بەشی هەواڵ

ئەمڕۆ بۆ دووهەم ڕۆژ لە وڵاتی سوئێد كۆنفڕانسێكی تایبەت بە كێشە و ئاستەنگی پێش لایەنە سیاسییەكانی ڕۆژهەڵاتی كوردستان بەردەوامی دەبێت كە لەلایەن كەنەكەوە سازكراوە.

لەبارەی ڕەوشی ڕۆژهەڵاتی كوردستان فوئاد بێریتان هاوسەرۆكی كۆدار لە گوتارێكدا نوسیویەتی “ڕەوشی هەنووكەیی هەم بۆ كوردان و هەم بۆ ئێران مەترسیدارە. بۆیە پێویستە ئێران ڕووپەلێكی تازە بۆچارەسەری پرسی كورد بكاتەوە و هەنگاوی كرداری هەڵبگرێت”.

بێریتان دەڵێت “چۆن گەلی كورد لەم هەلومەرجە هەستیارەدا، پەیوەندی خۆی لەگەڵ سەرجەم گەلانی ئێران چڕتر و تۆختر دەكەن و تێكۆشانی هاوبەش و جدیتر بەرەو پێش دەبەن. ئێمه دەمانهەوێ ئاستی پەیوەندییەكانمان‌ لەگەڵ سەرجەم لایە‌نە سیاسییەكان پتەوتر و بەهێزتر بكەین”.

هەروەها دەڵێت “پێویسته ئێمه له رۆژهەڵاتی كوردستان كولتوری‌ رەخنە و رەخنەدان پێش بخەین. رەخنه گرتن له یەكتر بە واتای نكۆڵی كردنی یەكدی نییە، پێویستە رەخنەو رەخنەدایین لەنێوان پارتەكاندا هەبێت، چونكە ئەو كولتوورە دەبێتە هۆی پێشخستنی كۆمەڵگا”.

بەردەوام بە لە خوێندنەوە

کوردستان

وەزیری تەندروستی عیراق دەستیلەكاركێشایەوە

خەڵك –بەشی هەواڵ

وەزیری تەندروستی عیراق عەلائەدین عەلوان دەستی لەكاركێشایەوە.

وەزیری تەندروستی عیراق نامەی دەستلەكاركێشانەوەكەی ئاڕاستەی عادل عەبدولمەهدی سەرۆك وەزیران كردووە.

ناوبراو لە نامەكەیدا باسی لە فشاری سیاسی و دەستوەردان لە كاروباری وەزارەت كردووە، ئەوانەشی وەك ئاستەنگی كار و پرۆژەكان ناوبردووە.

بەردەوام بە لە خوێندنەوە

کوردستان

جەڵتەی دڵ چۆن ڕوودەدات؟

خەڵك- بەشی هەواڵ

جەڵتەی دڵ حاڵەتێكە كتوپڕ ڕوودەدات، كاتێك بۆرییەكانی دڵ بەهۆی مەینی خوێن یان گیرانی بەهۆی چەورییە دەگیرێت وخوێن ناچێت بۆ دڵ و دەمارەكە دەتەقێت.

د.عەبدولواحید محەمەد ساڵح، پسپۆڕی پزیشكی لە فەیسبوكی خۆی ئاماژەی بەم حاڵەتەكە كردووە و نوسیویەتی”لە ئەمڕۆدا بەشێوەیەكی بەرچاو لە ناو خەڵكدا زیادی كردوە، بەداخەوە ئەمە زۆر جار بەهۆی گرنگی نەدان بە تەندروستی و شێوازی ژیانی كەسەكەوە توشی ئەم مەترسیە دەبن، ئەم حاڵەتە لە پیاواندا زیاترە.”

سەبارەت بە هۆكارەكانیش ناوبراو وتویەتی:
1_ مەینی خوێن لەناو دەمارەكانی مێشكدا كە دەبێتەوە هۆی بڕینی سوڕی خوێن.
2_جگەرەكێشان.
3_خواردنەوەی كحول.
4_بەرزی فشاری خوێن.
5_تەمەن.
6_ئەگەر لەمێژووی خیزانەكەیدا هەبێ.
7_سترێس.

گرنگترین نیشانەكانی حاڵەتەكەش ئەمانەن:
1_ئازار سنگی و ناڕەحەت بوونی.
2_ئازارە لە دەستە چەپی دا.
3_هەناسە كورتی.
4_ئارەق كردنەوەیەكی سارد.
5_هیلاكی.
6_دڵ تێكەڵهاتن.
7_سەرئێشەیەكی بەهێز و گێژبوون.

سەبارەت بە خۆپاراستنیش ناوبراو ئەم ڕێنماییانەی خستووەتەڕوو:
1_جگەرەنەكێشان.
2_ئاگادار بوون لە كێشی زیادەی لەش، هەوڵبدرێت كێشێكی تەندروستت هەبێت.
3_كۆنترۆڵ كردنی رێژەی شەكری خوێن.
4_دووركەوتنەوە لە خواردنە كحولیەكان.
5_وەرزش كردن.
6_كەم كردنەوەی ئەو خۆراكانەی كە (چەور، شیرین،سوێر) ن.

هەروەها، زۆر گرنگە هەموو كەسێك ئاگاداری شێوازی ژیانی بێت بۆ ئەوەی توشی ئەم حاڵەتە نەبێت، ئەگەر كەسێك دوچاری ئەم نەخۆشیە بوو پێویستە ڕاستەوخۆ بگەیەنرێتە نەخۆشخانە و چارەسەر وەربگرێت، بە ڕێگەی دەرمان یاخود نەشتەرگەری.

بەردەوام بە لە خوێندنەوە

کوردستان