ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

کاتی بەردەست خستنی وەشانی iOS 13 ڕاگەیەنرا

خەڵک-

ئای ئۆ ئێس سیستەمێکی بەکارخەریی مۆبایلەکانی کۆمپانیای ئەپڵە وەک ئایفۆن، ئایپاد، ئایپۆد. کۆمپانیاکە پشت بەم سیستەمە دەبەستێت لە ساڵی ٢٠٠٧ـەوە تاوەکوو ئێستا.

مۆبایلەکان نوێیەکانی ئەپڵ بە وەشانی iOS 13 بەردەست دەبن سیستەمەکە چەندین نوێکاری لە خۆ دەگرێت و زۆرترین مۆبایلەکانی ئەپڵ دەگرێتەوە.

بوونی نەخشەی وردتر لە نێو مۆبایلەکەدا لەگەڵ تایبەتمەندییەکانی کامێرا و ڤیدیۆ لەگەڵ چەند تایبەتمەندییەکی گرنگ بۆ پۆرترەیت مۆد.

تایبەتمەندی باری تاریکیش یەکێک دەبێت لە گرنگترین نوێکارییەکان بۆ پاراستنی چاو لە زیانەکانی ڕوناکی سپی کە ئاڕاستەی چاو دێن، پێشبینی دەکرێت لە وەشانی نوێدا تەختەکلیلی کوردیش بەردەست بخرێت بۆ بەکارهێنەران.

وەشانە نوێیەکە لە ڕۆژی ١٩ی مانگ بەردەست دەخرێت رۆژێک پێش بەردەست بوونی ئایفۆنە نوێکان لە بازاڕەکانی جیهاندا.

Related image

ریکلام

ئۆتۆمبێل و تەکنەلۆژیا

نرخی مۆبایلی Galaxy Z Flip دەگاتە ١٤٠٠ دۆلاری ئەمریکی

خەڵک-سەلمان خالید

لە میانەی ڕاگەیاندنی زنجیرە مۆبایلەکانی گالاکسی ئێس ٢٠ پێشبینی دەکرێت هەر لە رێکەوتی ١١ ی مانگی دوو کۆمپانیا کۆرییەکە مۆبایلێکی چەماوەش ڕابگەیەنێت.

پێشبینی دەکرێت نرخی S20 Ultra بگاتە ١٣٠٠ دۆلار لەگەڵ بوونی Galaxy Buds+ ێکدا، هەروەها نەوەی دووەمی مۆبایلە چەماوەکەی سامسۆنگ بەناوی Galaxy Z Flip نرخی دەستپێکی بگاتە ١٤٠٠ دۆلاری ئەمریکی.

مۆبایلی Galaxy Z Flip پشتگیری بارگاویکەرەوەی ١٥ واتی دەکات و پێشبینی دەکرێت دیزاینی مۆبایلەکە هاوشێوەی مۆتۆ ڕاز ٢٠١٩ بێت کە ساڵی پێشوو لەلایەن لینۆڤۆ وە ڕاگەیەنرابوو.

ڕکابەری مۆبایلە چەماوەکان لە ئێستادا لە نێوان سامسۆنگ و هواوی و لینۆڤۆدایە و سامسۆنگی کۆری ساڵی پێشوو توانی بەشێکی زۆری بازاڕی ئەم مۆبایلانە داگیربکات.

Image result for Galaxy Z Flip

بەردەوام بە لە خوێندنەوە

ئۆتۆمبێل و تەکنەلۆژیا

ڕاپۆرتێک: ئەڤاست زانیاری وێبگەڕی بەکارهێنەران کۆدەکاتەوە و دەیانفرۆشێت

خەڵک-سەلمان خالید

کۆمپانیای پارێزگاری ئەڤاست ڕاپۆرتی لەسەر بەرزکراوەتەوە کە هاوشێوەی کۆمپانیاکانی دیکە هەڵدەستێت بە کۆکردنەوەی زانیاری گەڕانی بەکارهێنەران لە وێبگەڕەکاندا هاوشێوەی گووگڵ و مایکرۆسۆفت و ئەوانی تریش.

ڕاپۆرتەکە لە ئەنجامی لیکۆڵینەوەی Motherboard و PCMagـە، کە لە زانیارییەکانی لایەنی دووەمەوە دەستیان کەوتووە.

ئاماژەیان بەوەکردووە پاش دابەزاندنی لەسەر کۆمپیوتەری بەکارهێنەران هەڵدەستێت بە کۆکردنەوەی زانیاری بەکارهێنەران و چالاکییەکانیشیان، هەروەها کۆمپانیاکە هەڵدەستێت بە فرۆشتنەوەی ئەو زانیارییانە.

Image result for Avast Collected and Sold Users’ Web Browsing Data: Report

پڕۆسەکە لە ژێر ناوی “All Clicks Feed” دایە، کە شوێن چالاکییەکانی بەکارهێنەران دەکەوێت و ئەم زانیارییانەش داهاتێکی زۆریان دەبێت.

جێگەی ئاماژەیە دژەڤایرۆسی ئەڤاست بەکارهێنەرێکی زۆری هەیە و ساڵانێکی زۆرە بەکاردێت لەلایەن بەکارهێنەرانی کۆمپیوتەرەوە و چاوەڕێ دەکرێت ئەم هەنگاوەی ئەڤاست ناڕەزایی بەکارهێنەرانی لێ بکەوێتەوە.

بەردەوام بە لە خوێندنەوە

ئۆتۆمبێل و تەکنەلۆژیا

بەرواری ڕاگەیاندنی مۆبایلی POCO X2 ئاشکراکرا

خەڵک-سەلمان خالید

پاش جیابوونەوەی لە کۆمپانیای شاومی، کۆمپانیای پۆکۆ بەرواری ٤ ی مانگی دووی ئاشکراکرد بۆ ڕاگەیاندنی مۆبایلی POCO X2 کە پێشبینی دەکرێت هەڵگری هەستەوەری کامێرای سۆنی بێت لە جۆری IMX686.


هەروەها مۆبایلە چاوەڕێ دەکرێت خاوەنی پڕۆسێسەری سناپدراگۆن بێت و شاشەکەی لە جۆری LCD بێت بە بوونی دەرچەی USB-C و دەرچەی ئۆکس.

هەروەها پێشبینی دەکرێت تێکڕای نوێبوونەوەی شاشەی POCO X2 بریتی بێت لە 120 هێرتز.

ساڵی پێشوو شاومی POCO F1 ی ڕاگەیاند بوو، کە نرخێکی زۆر گونجاوی هەبوو و نزیکی ٣٠٠ دۆلار بوو، فرۆشێکی زۆری هەبوو لە بازاڕەکانی جیهاندا، ئایا پێشبینی دەکەیت پۆکۆ هەمان سەرکەوتنی پار بەدەست بهێنێت؟

بەردەوام بە لە خوێندنەوە

کوردستان