ئێمە لە تۆرە کۆمەڵایەتیەکان

عێراق

بە وێنە.. موقتەدا سەدر لەگەڵ نەیارە سیاسییەكانیدا دەركەوت

خەڵك- بەشی هەواڵ

لە ساڵیادی عاشورادا، موقتەدا سەدر، ڕابەری ڕەوتی سەدر لەگەڵ قاسم سولەیمانی فەرماندەی سوپای قودسی ئێران و عەلی خامنەی ڕابەری باڵای شۆڕشی ئیسلامی ئێراندا دەركەوت.

دەركەوتنی موقتەدا سەدر لەگەڵ ئەو بەرپرسە باڵایانەی ئێران لەكاتێكدایە پەیوەندییەكانی ڕەوتی سەدر و ئێران چەند ساڵێكە جۆرێك لە گرژی تێكەوتووە و چاودێرانی سیاسی بە دوو بەرەی نەیاری یەكتر هەژماریان دەكەن.

عێراق

پەرلەمانتارێكی پارتی: حكومەتی بەغدا ناڕووخێندرێت

خەڵك- بەشی هەواڵ

بڕیارە 25ی ئەم مانگە خۆپیشاندانی فراوان لە عیراقدا دەستپێبكاتەوە بۆ هەلی كار، خزمەتگوزاری و دژایەتیكردنی گەندەڵی و دەنگۆی ئەوە بڵاوكراوەتەوە كە بۆ ڕوخاندنی حكومەت و دورخستنەوەی بەرهەم ساڵح، سەرۆك كۆماری عیراق و محەمەد حەلبوسی، سەرۆكی پەرلەمانە و پەرلەمانتارێكی پارتیش دەڵێت”بەپێچەوانەوە لەم خۆپیشاندانە ڕێكخراوتر دەبێت”.

ناسر هەركی، كە هاوكات ئەندامی لیژنەی ئاسایش و بەرگری پەرلەمانی عیراقیشە بە (خەڵك)ی ڕاگەیاند، جۆرێك لە ڕێككەوتن بۆ خۆپیشاندانەكە كراوە و بۆ ئەوەی كەمترین زیان هەبێت، ڕێكدەخرێت و داواكارییەكانیان دەگەیەنرێنە حكومەت.

وتیشی”دەستكاریكردنی حكومەت و گۆڕینی سەرۆكایەتییەكان لە زیانی عیراقدایە، چونكە لەمكاتەدا ناتوانرێت جارێكی دیكە حكومەت پێكبهێنرێتەوە، یان كێ‌ پێكی دەهێنێتەوە، بۆیە ئەگەر ئەوەی بڵاوكراوەتەوە بۆ ڕوخانی حكومەت ڕاست بێت، هەموو عیراق زیانی پێدەگات”.

لەسەرەتای ئەم مانگەدا خۆپیشاندانی فراوان لە بەغدا و شارەكانی دیكە سازكران و بەهۆیەوە 107 كەس كوژران و زیاتر لە هەزار خۆپیشاندەر و كارمەندی هێزە ئەمنییەكانیش برینداربوون.

بەردەوام بە لە خوێندنەوە

عێراق

بەغدا ڕێوشوێن دژی خۆپیشاندەران دەگرێتەبەر

خەڵك- بەشی هەواڵ

لە دوو سبەیەوە بازگەكانی بەغدا ڕێگری لە هاووڵاتیان دەكەن كە لە پارێزگاكانی دیكەوە دەیانەوێت بۆ خۆپیشاندان بچنە بەغدا.

میدیاكانی عیراق لە سەرچاوەیەكی ئەمنی ئاگادارەوە ئەوەیان دەستكەوتووە، ڕێگەنادرێت هیچ هاووڵاتییەك لە شارەكانی دەرەوەی بەغداوە بچێتە پایتەختەوە.

هەروەها باس لەوەكراوە، ڕێوشوێنی ئەمنی گیراوەتەبەر بۆ ڕووبەڕووبونەوەی خۆپیشاندەران.

چاوەڕێدەكرێت ڕۆژی هەینی خۆپیشاندانەكان بە چڕی لە عیراق دەستپێبكەنەوە و بەپێی هەندێك سەرچاوەی ڕۆژنامەوانیش بەشێك لە بەرپرسانی عیراق وڵاتیان بەجێهێشتووە و هەڵهاتوون.

بەردەوام بە لە خوێندنەوە

عێراق

ئێسپەر: هێزەكانمان لە عیراق دەكشێنینەوە

خەڵك –بەشی هەواڵ

وەزیری بەرگری ئەمریكا ڕایگەیاند، هێزەكانی ئەمریكا كە لە سووریا كشاونەتەوە بەرە و عیراق دەكشێنەوە و نامێننەوە.

مارك ئێسپەر لە لێدوانێكدا ڕایگەیاند، سەردانی عیراق دەكات و لەگەڵ كاربەدەستەكانیدا وردەكاری ماوەی مانەوەی هێزەكانیان تاووتوێدەكات.

ئاماژەی بەوەشكرد، هێزەكانیان بەشێوەیەكی كاتی دەمێننەوە و دەكشێنەوە.

بەردەوام بە لە خوێندنەوە

کوردستان