ئێمە لە تۆرە کۆمەڵایەتیەکان

کوردستان

شێخ جەعفەر: ئەنجومەنێك بۆ حزبەكان بە سەرۆكایەتی بارزانی پێویستە


خەڵك –بەشی هەواڵ

ئەندامێكی مەكتەبی سیاسی یەكێتی نیشتمانی كوردستان لە بارەی دامەزراندنی ئەنجومەنی حیزبەكانەوە بێئاگایی خۆی نیشان دەدات لە باسكردنی ئەو بابەتە لە مەكتەبی سیاسی و سەركردایەتی حیزبەكەی، بەڵام دەڵێت خۆی پێی باشە بەبێ دەستوەردان لەكاروباری دامەزراوە یاساییەكانی هەرێم.

شێخ جەعفەر مستەفا كە هاوكات جێگری سەرۆكی هەرێمی كوردستانە، بۆ دەنگی ئەمریكا دەڵێت “ئەمڕۆ لەهەرێمی كوردستان سەرۆكایەتی هەرێم، پەرلەمان، حكومەت هەیە، ئەمانە هەمووی بە یاسا ڕێكخراون، هەریەكە كاری خۆی هەیە و لە بواری خۆیدا كاردەكات، ئەگەر ئەنجومەنێك دروست ببێت كە دەستی حكومەت و پەرلەمان ببەستێت و دەست وەربدارتە كاروباری ئەو سێ دامەزراوەیە باش نییە”.

ڕونیشیكردەوە “ئەنجومەنێكیش هەبێت بۆ چارەسەركردنی كێشە ناوخۆییەكان و یەكڕیزی میللەتەكەمان و ڕوبەڕوبونەوەی ئەو هەڕەشە و گوڕەشانەی لەدەرەوە لەمیللەتەكەمان دەكرێت یان كۆدەنگیەك بێت بۆ گەیاندنی دەنگی میلەتەكەمان بەهەموو دنیا باشە”.

شێخ جەعفەر ڕونیكردەوە بۆ چارەسەری ئەو كێشە ناوخۆییانەی هەن لەنێوان لایەنە سیاسییەكاندا، پێویستە بەرەیەك یان ئەنجومەنێك دروست بكەن ‌و دەنگی میللەتەكەمان بەهەموو دنیا بگەیەنن، بەڵام نەك بەشێوەیەكی ڕەسمی كە بەیاسا ڕێكبخرێت، بەڵام وەك دەنگی میللەت و سەركردایەتی سیاسی ئەم میللەتە من بەم شێوەیە پێم باشە.”

سەبارەت بە سەرۆكایەتی كردنی ئەنجومەنەكە شێخ جەعفەر شێخ مستەفا دەڵێت” كاتێك ئەنجومەنە دروستكرا بۆ سەرۆكایەتی كردنی ئەو ئەنجومەنە دەكەوێتە سەر ئەوەی چۆن و لەسەر كێ ڕێكدەكەون، واتە دەكەوێتە سەر ڕێككەوتنی لایەنەكان.”

هەروەها جەختیكردەوە “من هەموو یەكڕیزییەكی ئەم میللەتەم پێ باشە جا بەهەر ڕێگایەك هەیە، لەژێر سێبەری هەر ناوێكدا هەیە تەنها ئەوە دەڵێم دەستوەردان لەكاروباری حكومەت و پەرلەمان و سەرۆكایەتی پەرلەمان هێڵێكی سور بێت ئەگەرنا یەكڕیزی لەژێر هەر ناو سێبەرێكدا بێت وە هەركەس بەرپرسی بێت من پێم باشە.”

شێخ جەعفەر شێخ مستەفا باسی لەوەشكرد “ئەگەر بڕوانینە ڕابردوو كە بەڕەحمەت بێت جەنابی مام جەلال لەگەڵ كاك مەسعود لەگۆڕەپانەكەدا بوون توانیبویان ڕۆڵێكی باشیان هەبێت لەكۆكردنەوەی هەموو لایەنەكان بەڵام ئەمڕۆ كە جەنابی مام جەلال كۆچی دوایی كردووە هەر جەنابی كاك مەسعود ماوە، جەنابی كاك مەسعود دەتوانێت هەستێت بەو كارە.”

ریکلام

کوردستان

تەندروستی هەرێم: یەك تووشبووی نوێی ڤایرۆسی كۆرۆنا لە دەڤەری ڕاپەڕین دەستنیشان كرا


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، یەك تووشبووی دیكەی ڤایرۆسی كۆرۆنای نوێ COVID-19 لە دەڤەری ڕاپەڕین دەستنیشانكرا.

تەندروستی هەرێم ڕوونیشیكردووەتەوە: تووشبووەكە پیاوێكی كاسبی تەمەن ٥٠ ساڵە و نیشانەی نەخۆشی ھەیە، دانیشتووی گەڕەكی نەورۆزە لە شارۆچكەی ڕانیە.

دەقی ڕاگەیەنراوەكە:

دەرەنجامی نوێ …

لە بەردەوامی پشكنینەكان و گەڕان بەدوای گومانلێكراوان و تووشبووان، یەك تووشبووی دیكەی ڤایرۆسی كۆڕۆنای نوێ COVID-19 لە دەڤەری ڕاپەڕین دەستنیشانكرا، پیاوێكی كاسب تەمەن ٥٠ ساڵ، نیشانەی نەخۆشی ھەیە، دانیشتووی گەڕەكی نەورۆزە لە قەزای ڕانیە.

وەزارەتی تەندروستی
٢ حوزەیران ٢٠٢٠

بەردەوام بە لە خوێندنەوە

کوردستان

ڕێكەوت زەكی: ببینن حكومەتی مەركەزی چەند لەخەڵك و خواستەكانی دوورە


خەڵك- بەشی هەواڵ

ئەندامێكی ئەنجومەنی پارێزگای سلێمانی ڕایدەگەیەنێت، حكومەتی مەركەزی ئاوایە لەدورەوە بەھێز لەناوەوە فشۆڵە و دەشڵێت: “دەركەوت چەند دوور و بێ ئاگان”.

ڕێكەوت زەكی، ئەندامی ئەنجومەنی پارێزگای سلێمانی بۆ (خەڵك) ڕایگەیاند، حكومەتی مەركەزی ئاوایە لەدوورەوە بەھێزە و لەناوەوە فشۆڵە، ئەھا چەن لەخەڵك و خواستەكانی دوورە، بڕیار دەدات بەبێ ئەوەی ئاگای لەگوزەرانی میللەتەكەی بێت.

دەشڵێت: ” گۆڕینی بڕیار لەژێر گوشاردا و لە ماوەی ٢٤ كاتژمێردا بێ ئەرزشە و دەریخست، كە چەند دوور و بێ ئاگان”.

لەدوای بڕیارەكەی وەزارەتی ناوخۆی هەرێم بۆ قەدەغەی هاتوچۆ تاوەكو 6 ڕۆژ كاردانەوەی هاووڵاتیانی لێ كەوتەوە و خۆپیشاندان لە زۆرێك لە شار و شارۆچكەكان لەلایەن كاسبكارانەوە دەستی پێكرد و ئەوەش بووە هۆی ئەمڕۆ وەزیری ناوخۆ و تەندروستی لەگەڵ پارێزگارەكان كۆببنەوە و دەسەڵاتیان پێ بدەن بۆ هەڵگرتنی قەدەغە و كارئاسانی بۆ هاووڵاتیان.

بەردەوام بە لە خوێندنەوە

کوردستان

خوێندنی باڵا ژمارەیەك بڕیاری بۆ زانكۆ و پەیمانگاكان دەركرد


خەڵك- بەشی هەواڵ
وەزارەتی خوێندنی باڵا و توێژینەوەی زانستی حكومەتی هەرێم ژمارەیەك بڕیار دەربارەی ڕێكخستنەوەی ساڵنامەی خوێندنی و ئەژماركردنی ئەنجامی نمرەی كۆشش و جەختیشدەكاتەوە، كە وانەی پەڕینەوە (عبور) ئەوا هەڵسەنگاندنەكەی لەسەر 100 نمرە بۆ ئەنجام ئەدرێت و دواتر بەپێی ڕێنماییەكانی پێشوو مامەڵەی لەگەڵ دەكرێت.

وەزارەتی خوێندنی باڵا لە گشتاندنێكدا، كە دوێنێی 1ی حوزەیران بە واژۆی د. ئارام، وەزیری خوێندنی باڵا دەرچووە، ئاماژەی بەوەكردووە، .لە جێبەجێكردنی هەموو ئەو ڕێكارانە نابێت قوتابیان و خوێندكاران بگەڕێنەوە نێوكامپەس و بەشە ناوخۆییەكان، ئەمەش لەپێناو پاراستنی تەندروستی قوتابیان و خوێندكاران.

هەر بەپێی گشتاندنەكە، .پەسەندكردنی 4 هەفتەی خوێندنی ئەلكترۆنی (بەشێوەی پاڵپشتیكار) كە لە مانگی ئایار خوێندراوە.

دەقی گشتاندنەكە:

بەردەوام بە لە خوێندنەوە

کوردستان