ئێمە لە تۆرە کۆمەڵایەتیەکان

کوردستان

ڕێكخراوی قوتابیانی كوردستان دابینكردنی ڕێژەی كورسی خوێندن بۆ پارالێل و ئێواران ڕەتدەكاتەوە

خەڵك – بەشی هەواڵ

ڕێكخراوی قوتابیانی كوردستان لە ڕٍاگەیەنراوێكدا كە ئاڕاستەی هەر سێ سەرۆكایەتییەكەی هەرێم و وەزارەتی خوێندنی باڵا و توێژینەوەی زانستی و لیژنەی پەروەردە و خوێندنی باڵا و توێژینەوەی زانستی پەرلەمانی كردووە ڕایدەگەیەنێت:”ئێمە لە ڕێكخراوی قوتابیانی كوردستان دابینكردنی ئەم ڕێژەی زۆرەی كورسی خوێندن بۆ پارالێل و ئێواران بە درێژكراوەی پڕۆسەی بازرگانیكردن بە قوتابیانی دەرچووی پۆلی ١٢و گەرمكردنی بازاڕی زانكۆ و پەیمانگا تایبەتەكان دەزانین و بەتوندی ڕەتیدەكەینەوە”.

دەقی ڕاگەیەنراوەكە:

بەیاننامەیەك لە ڕێكخراوی قوتابیانی كوردستانەوە
بەڕێزان:

سەرۆكایەتی هەرێمی كوردستان

سەرۆكایەتی حكومەتی هەرێمی كوردستان

سەرۆكایەتی پەرلەمانی كوردستان

وەزارەتی خوێندنی باڵا و توێژینەوەی زانستی حكومەتی هەرێم

لیژنەی پەروەردە و خوێندنی باڵا و توێژینەوەی زانستی پەرلەمانی كوردستان

وەك ئاگادارن وەزارەتی خوێندنی باڵا و توێژینەوەی زانستی حكومەتی هەرێم لە پلانی خۆیدا بۆ ئەمساڵی خوێندن كە ٥١ هەزار ٩٣٣ دەرچووی پۆلی ١٢ ی ئامادەیی هەیە، تەنها ٢٤هەزارو ٧٨٤ كورسی خوێندنی بەخۆڕایی دابینكراوە، بەم پێیەش زیاتر لە نیوەی قوتابیان دەبێت بە پارە بخوێنن.
جێی ئاماژەیە لەزانكۆ حكومییەكان بە هەردوو بەشی پارالێل و ئێوارانەوە ٢٢ هەزار و ٨٩ كورسی بۆ قوتابیان دابیكراوە و قوتابی بە پارە وەردەگیرێن.

ئێمە لە ڕێكخراوی قوتابیانی كوردستان دابینكردنی ئەم ڕێژەی زۆرەی كورسی خوێندن بۆ پارالێل و ئێواران بە درێژكراوەی پڕۆسەی بازرگانیكردن بە قوتابیانی دەرچووی پۆلی ١٢و گەرمكردنی بازاڕی زانكۆ و پەیمانگا تایبەتەكان دەزانینن و بەتوندی ڕەتیدەكەینەوە.

داواكارین هەرچی زووە وەزارەت بە پلانی خۆیدا بچێتەوە و ڕێژەی كورسی خوێندنی بێ بەرامبەر بۆ نزیكی ٤٠ هەزار كورسی بەرزبكاتەوە.

هاوكات ئەوەش ئاشكرا دەكەین كە بەراورد بە ساڵانی ڕابردوو كورسی خوێندنی بێ بەرامبەر نزیكەی ١٠ هەزار كورسی كەمیكردووە و كراوە بە كورسی خوێندنی بە پارە.

ئەم زیادكردنە ئاشكرایە لە كاتێكدایە كە ڕەوشی ئابوری هاوڵاتیانی هەرێمی كوردستان سەقامگیر نییە و بەپێی دەستوری عێراقیش خوێندنی بێ بەرامبەر مافی هەموو تاكێكی عێراقییە.

بۆ ئەم مەبەستە داوا لە لایەنە پەیوەندیدارەكان دەكەین كە بەخێرایی بێنە سەر خەت و ڕێگە نەدەن قوتابیانی دەرچووی پۆلی ١٢ی ئامادەیی ڕووبەڕووی دۆخێكی ناهەموار بكرێنەوە كە نەتوانن تێیپەڕێنن و ڕەنج و ماندوبونی ١٢ ساڵیان بە زایە بڕوات.

هەروەها بانگهێشتی سەرجەم ڕێكخراوە قوتابی و خوێندكارییەكان بۆ كۆبوونەوە و هەڵوێستی هاوبەش دەكەین، كە بەرگری لە مافی ڕەوای قوتابیانی بكەین و ڕێگری لە ستەملێكردنیان بكەین كە ئەمە ئەركی سەرەكی و راستەقینەمانە.

ڕێكخراوی قوتابیانی كوردستان/ مەكتەبی سكرتاریەت

١٠ی ئەیلولی ٢٠١٩

کوردستان

برینی دوانیان سەختە
بەوێنە، لە دوو ڕووداوی هاتووچۆدا لە پێنجوێن چوار كەس برینداربوون

خەڵك- بەشی هەواڵ
لە دوو ڕووداوی هاتوچۆدا لەسەر رێگە ناڵپارێز- پێنجوێن، چوار كەس بریندار بوون، لێپرسراوی نەخۆشخانەی پێنجوێنیش دەڵێت، برینی دوانیان قورسە.

بەپێی ڕاگەیەندراوێك كە لەلایەن لوقمان لێپرسراوی نەخۆشخانەی پێنجوێنەوە بڵاوكراوەتەوە”لە دوو ڕووداوی هاتوچۆی وەرگەڕان و پێكدادان لە سەر رێگەی پێنجوێن ـ ناڵپارێز چوار كەس برینداربوون”.

بە وتەی لوقمان لەتیف”بریندارەكان هێندراونەتە نەخۆشخانەی پێنجوێن، برینی دوانیان سووكە و ڕەنگە دوای دڵنیابوونەوە و چارەسەر ڕەوانەی ماڵەوە بكرێنەوە، بەڵام دوانیان شكاوی ئێسكیان هەیە و ئەوان دەمێننەوە لە نەخۆشخانە”.

ڕووداوەكانی هاتووچۆ لە هەرێمی كوردستان لەم چەند ساڵەی دوایی بەشێوەیەكی بەرچاو ڕوویان لە زیادبوون كردووە، بە بۆچوونی هەندێك لە شارەزایان، هۆكارەكەی بە پابەندنەبوونی شۆفێران بە ڕێنماییەكانی هاتووچۆ و بە بۆچوونی هەندێكی تر بۆ خراپی ڕێگەوبانەكان دەگەڕێتەوە.

بەردەوام بە لە خوێندنەوە

عێراق

وەزیری كشتوكاڵی عیراق بەڵێنی چارەسەركردنی كێشەكانی گەنمی جوتیارانی هەرێمیدا

سلێمانی – نزار جەزا
لیژنەیەكی حكومەتی هەرێم لەبارەی پارەی گەنمی جوتیارانی هەرێم لەبەغدادە و وەزیری پلاندانانی هەرێمیش ئاشكرای دەكات، وەزیری كشتوكاڵی عیراق بەڵێنی چارەسەركردنی كێشەكانی داوە.

دارا ڕەشید وەزیری پلاندانانی حكومەتی هەرێم لەوەڵامی پرسیارێكی (خەڵك)دا ڕایگەیاند، پێشتر وەفدێكی حكومەتی هەرێمی كوردستان بەبەشداری وەزیری كشتوكاڵ و وەزیری هەرێم بۆ كاروباری بەغداد سەردانی بەغدادیان كرد، و بڕیاریاندا لیژنەیەك بەبەشداری نوێنەری سەرجەم وەزارەتە پەیوەندیدارەكان دروستبكرێت.

زیاتر ڕوونیكردەوە، ئەو لیژنەیە ئێستا لەبەغدادن و وەزیری كشتوكاڵی عیراق بەڵێنی چارەسەركردنی كێشەكانی داوە، بەڵام تاكو ئێستا لیژنەكە لەبەغداد نەگەڕاونەتەوە، تاكو وردەكاری بەڵێن و دەستكەوتەكانی ئەو لیژنەیە بزانن و باسی بكەن.

جوتیارانی هەرێمی كوردستان لەساڵانی 2014 و 2015 و 2016 گەنمیان بە حكومەتی عیراق داوە، بەڵام حكومەتی عیراق بەشێك لەو پارەیەی پێ نەداون، پێشتریش لەڕێگەی دادگاوە ئەو مافە بۆ جوتیارانی هەرێم گەڕێنرایەوە، بەڵام حكومەتی عیراق ئامادەنەبوو پارەكە دابین بكات.

بەردەوام بە لە خوێندنەوە

کوردستان

بەوێنە، لەچەند گەڕەکێکی هەولێر بەهۆی بارانی بەخوڕ ئاو لە چەند شوێنێک بەرزبووەوە

خەڵک

سەرلەبەیانی ئەمڕۆ پێنچ شەممە ۲۰ی شوباتی ۲۰۲۰، لەئەنجامی بارینی بارانی بەخوڕ و بەردەوام لەچەند گەڕەکێکی شاری هەولێر ئاو لە چەند شوێنێک بەرزبۆوە، پارێزگاری هەولێر ڕایدەگەیەنێت، دەبێت چارەسەری بنەڕەتی بۆ ئەو شوێنانە بکرێت.

بەبێ ئەوەی هیچ زەرەر و زیانێکی هەبێت، لەئەنجامی بارینی بارانی بەخوڕ و بەردەوام لەچەند گەڕەکێکی شاری هەولێر ئاو لە چەند شوێنێک بەرزبۆوە، دەست بەجێ تیمەکانی شارەوانی و بەرگری شارستانی و ئاوەڕۆ بەئەرکی خۆیان هەڵسان، چارەسەری کێشەی کۆبوونەوەی ئاوی بارانیان کرد.
پشتر لەلایەن تیمەکانی شارەوانی بۆ ئەوەی کێشەی لافاو درووست نەبێت، سەرجەم ئاوەڕۆکانیان پاککردبووەوە.

لەکاتی بەسەرکردنەوەی شوێنەکانیش د.فرسەت سۆفی، پارێزگاری هەولێر ڕایگەیاند، دەبێت چارەسەری بنەڕەتی بۆ ئەو شوێنانە بکرێت.

بەردەوام بە لە خوێندنەوە

کوردستان