ئێمە لە تۆرە کۆمەڵایەتیەکان

کوردستان

سەرۆكی پەرلەمان: هەوڵەكان بۆ نووسینەوەی دەستوور و چاكسازی بەردەوامن

خەڵك – بەشی هەواڵ

سەرۆكی پەرلەمانی كوردستان لەگەڵ كونسوڵی نوێی فەڕەنسا لە هەرێمی كوردستان كۆبووەوە.

سەرۆكی پەرلەمانی كوردستان و كونسوڵی گشتیی فەڕەنسا لە هەرێمی كوردستان جەخت لە چارەسەركردنی كێشە هەڵپەسێردراوەكانی نێوان هەرێمی كوردستان و حكومەتی فیدراڵیی عیراق لە چوارچێوەی دەستووردا دەكەنەوە.

پێشنیوەڕۆی ئەمڕۆ سێشەمە 10/9/2019، د.ڕێواز فایەق سەرۆكی پەرلەمانی كوردستان لە نووسینگەی تایبەتیی خۆی لە تەلاری پەرلەمان لەگەڵ لە ئۆلیڤێ دیكۆتێنێز كونسوڵی گشتیی فەڕەنسا لە هەرێمی كوردستان كۆبووەوە.

لە كۆبوونەوەكەدا د.ڕێواز فایەق سەرۆكی پەرلەمانی كوردستان باسی لە دوایین پێشهات و دۆخی سیاسیی ئەمڕۆی هەرێمی كوردستان و عیراق كرد و ئاماژەی بەهەوڵەكانی دەستەی سەرۆكایەتیی پەرلەمان كرد بۆ دروستكردنی كۆدەنگی لەسەر كۆمەڵێك بابەتی چارەنووسساز لەگەڵ هێز و لایەنە سیاسییەكانی هەرێمی كوردستان سەبارەت بەنووسینەوەی دەستووری هەرێم و پڕۆسەی چاكسازی و چەسپاندنی ئارامی و پێشكەشكردنی خزمەتگوزاری بە هاووڵاتییان و هەماهەنگیی زیاتر و برەودان بە پەیوەندییەكانی نێوان هەرێم و بەغدا و چارەسەركردنی بنەڕەتیی كێشە هەڵپەسێردراوەكان لەگەڵ حكومەتی فیدڕالیی عیراق لە چوارچێوەی دەستووردا.

پەیوەندیی مێژوویی نێوان گەلی كورد و گەل و حكومەتی فەڕەنسا تەوەرێكی تری دیداری نێوان سەرۆكی پەرلەمان و كونسوڵی گشتیی فەڕەنسا بوو، لەوبارەیەوە سەرۆكی پەرلەمانی كوردستان سوپاسی حكومەت و گەلی فەڕەنسا و هاوپەیمانانی كرد كە لە شەڕی دژ بەداعش هاوكار و پشتیوانی كورد و هێزی پێشمەرگەی كوردستان بوون و هیوای خواست كە پەرلەمان و حكومەتی فەڕەنسا دەرفەتی زیاتر بڕەخسێنن بۆ هەماهەنگیی نێوان هەرێمی كوردستان و فەڕەنسا لە سێكتەرە جیاوازەكاندا و كونسوڵی فەڕەنساش ڕۆڵی كاریگەری خۆی لەو چوارچێوەیەدا ببینێت.

لە بەرامبەردا كونسوڵی گشتیی فەڕەنسا لە هەرێمی كوردستان ئامادەیی خۆی و وڵاتەكەی دەربڕی بۆ هەماهەنگی و هاوكاریكردنی هەرێمی كوردستان لەپێناو چەسپاندنی سەقامگیریی سیاسی و ئابووری و چارەسەركردنی كێشەكانی نێوان هەرێم و بەغدا لە چوارچێوەی دەستووردا.

کوردستان

پۆلیسی هەولێر؛ڕێگری لەو كەسانە كرا شەقامەگشتییەكان بۆ نێرگەلە و مەی خواردنەوە بەكاردەهێنن

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، هێزەكانیان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ،كە وێنەیەكی دەست (خەڵك) كەتووە ڕایگەیاندووە، بەشی پۆلیسی چالاكییە مەدەنییەكان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان ، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا و خەڵكیان بێزار دەكرد.

ئەمە لەكاتێكدایە، لەماوەی ڕابردوودا بەشێكی زۆر لە شەقامەگشتییەكان و نزیك پاركەكانی هەولێر بە هۆی ئەو هاووڵاتیانەی ئێواران نێرگەلە و خواردنەوە كهولییەكانیان دەخواردەوە بوو بووە هۆی بێزاربوونی هاووڵاتیان و ئەو خیزانانەی بۆ پشوودان سەردانی ئەو شوێنە گشتیانەیان دەكرد.

بەردەوام بە لە خوێندنەوە

کوردستان

مەحموود محەمەد؛ ئەمساڵ بەجۆش وخرۆشەوە لە نێو دڵ و دەروونی گەلەخۆڕاگرەكەمان یادی 74 ساڵە دەكەینەوە

خەڵك – بەشی هەواڵ
وتەبێژ و ئەندامی مەكتەبی سیاسی پارتی دیموكراتی كوردستان ڕایدەگەیەنێت ، یادكردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەكان بەڕێوەناچن و ئەم یادە بەجۆش و خرۆشەوە لە نێو دڵ و دەروونی گەلە خۆڕاگرەكەمان و كادیر و لایەنگران و جەماوەری پارتی بەرز و پیرۆز ڕادەگرێت.

مەحموود محەمەد، وتەبێژ و ئەندامی مەكتەبی سیاسی پارتی دیموكراتی كوردستان ، لە لێدوانێكی تایبەتدا بۆ ماڵپەڕی فەرمی حزبەكەی بە بۆنەی ٧٤ ساڵەی یادی دامەزراندنی پارتی ڕایگەیاندووە، ١٦ی ئاب ساڵیادی پارتی وەك ڕۆژێكی مێژوویی و پڕ شكۆ و ڕووداوێكی گرنگی مێژوویی سەر گۆڕەپانی سیاسی و تێكۆشانی كوردستان بوو.

دەشڵێت،”لەگەڵ ئەوەی بە شكۆوە لە ١٦ی ئابی ھەموو ساڵێكدا ساڵیادی پارتی بەرز و پیرۆز ڕادەگرین، هاوكات لەم ساڵدا بەلەبەرچاوگرتنی ڕەوشی ئابووری و تەندروستی ھەرێم و پابەندبوون بە رێككارەكانی خۆپارێزی لە ڤایرۆسی كۆڕۆنا یادكردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەكانی گردبوونەوەی خەڵك و جەماوەر بەڕێوەناچن”.

ڕاشیگەیاندووە ، بۆ یادەكە تەنیا لە ڕێگەی كەناڵەكانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەكەمان و كادیر و ئەندام و لایەنگران و جەماوەری سەربەرزی پارتی دیموكراتی كوردستان بەرز و پیرۆز رادەگرین.

بەردەوام بە لە خوێندنەوە

کوردستان

دوكان؛ ئەو گەنجەی هەفتەی پێشوو خنكا ئەمڕۆ تەرمەكەی دۆزرایەوە

خەڵك – بەشی هەواڵ
دوای ئەوەی پێنج شەممەی هەفتەی ڕابردوو گەنجێكی بەرەگەز عەرەب لەكاتی مەلەكردندا لە بەنداوی دوكاندا خنكاوە و ئەمڕۆ تەرمەكەی لە زێی بچوك لە گوندی بۆگدی دۆزرایەوە.

بەڕێوەبەرایەتی بەرگری شارستانی كۆیە بڵاویكردەوە، ئەو گەنجەی پێنج شەممەی هەفتەی پێشوو لە زێی دوكاندا لەكاتی مەلەكردندا خنكا ئەمڕۆ لە لایەن تیمی غەواس لە نزیك گوندی بۆگدی شارەدێی ئاشتی لە زێی بچوكدا بە خنكاوی دۆزرایەوە.

لە ڕاگەیەنراوەكەدا هاتووە ، گەنجەكە دانیشتوی شاری بەغدا بووە و لەدایكبووی ساڵی ١٩٩٢-ە دوای دۆزینەوەی تەرمەكەی دراوە بە پۆلیسی دوكان، بەمەبەستی گەڕاندنەوەی تەرمەكەی بۆ كەس و كارەكەی.

بەردەوام بە لە خوێندنەوە

کوردستان