ئێمە لە تۆرە کۆمەڵایەتیەکان

کوردستان

كرێی خوێندن كەمدەكرێتەوە
سەرجەم دەرچووانی 12ی ئامادەیی لە زانكۆ و پەیمانگاكان وەردەگیرێن

خەڵك- بەشی هەواڵ
وەزارەتی خوێندنی باڵا و توێژینەوی زانستی حكومەتی هەێمی كوردستان ڕایدەگەیەنێت، كە كورسی خوێندن لە ژمارەی دەرچووان زیاترە و دەشڵێت: “پلانی كەمكردنەوەی كرێی خوێندنیان هەیە”.

د.خەتاب ئەحمەد مستەفا، بەرێوەبەری گشتی خوێندن و پلاندانان بەوەكالەت لە كۆنفڕانسێكی ڕۆژنامەوانیدا پلانی وەرگرتنی بەهەر سێ جۆری خوێندن (گشتی، پارالێڵ، ئێواران) ڕوونكردەوە و ڕایگەیاند، بۆ خوێندنی گشتی (٢٤٧٨٤) كورسی خوێندن و بۆ خوێندنی پارالێڵ (١٠٥١٤) كورسی خوێندن و بۆ خوێندنی ئێواران (١١٥٧٧) كورسی خوێندن تەرخانكراوە، بەم شێوەیەش لە زانكۆ حكومیەكان (٤٦٨٧٥) كورسی خوێندن تەرخانكراوە و بۆ خوێندنی تایبەت (٢٣٧١٤) كورسی خوێندن بۆ دەرچووان تەرخانكراوە، بەم شێوەیەش كۆی كورسی خوێندن بەهەردوو جۆری حكومی و تایبەت (٧٠٥٨٩) كورسیە.

سەبارەت بەژمارەی دەرچووانی پۆلی 12ی ئامادەیی وتی، “وەزارەتی پەروەردە ناوی (٥١٩٣٣) بۆ ئێمە ڕەوانە كردووە، كە (٣٦٣٥٠) دەرچووی زانستی و(١٥٥٨٣) دەرچووی وێژەیی-ن، بەو شێوەیەش ژمارەی كورسیەكانی خوێندن زیاترە لە ژمارەی دەرچووان”.

سەبارەت بە كەمكردنەوە و كرێی خوێندن ئاشكرای كرد، وەزارەتی خوێندنی باڵا هەوڵەكانی بۆ ئەو مەبەستە چڕكردۆتەوە و پلانی كەمكردنەوەی كرێی خوێندنی هەیە، ئەمەش پاڵپشت بە خاڵی ١٣ لەكارنامەی حكومەتی هەرێمی كوردستان هەنگاوەكانمان دەستپێكردووە.

ئەمە لەكاتێكدایە، لە كاتژمێر 5ی ئێوارەی ئەمڕۆوە زانكۆلاین (regayzanko.com) بۆ پڕكردنەوەی فۆڕمی وەرگرتن لە زانكۆ و پەیمانگاكان بۆ دەرچووانی هەردوو خولی یەكەم و دووەمی 12ی ئامادەیی خرایە كار و تا 10 ڕۆژ بەردەوام دەبێت.

کوردستان

فازل میرانی: عەلاوی بە بەرگێكی سیاسییەوە كودەتا دەكات

خەڵك- بەشی هەواڵ

فازڵ میرانی سكرتێری مەكتەبی سیاسی پارتی دیموكراتی كوردستان باس لە مەرج و داواكاری كورد دەكات بۆ بەشداری كردن لە كابینەی نوێی حكومەتی عیراقی و بژاردەكانی بەردەم كورد، هەروەها دەشڵێت ئەم بۆچونانە بۆچونی كوردستانیە كە لەكۆبونەوەی هەموو لایەنە سیاسیەكانی هەرێم لەسەرۆكایەتی هەرێم خستمانەڕوو.

میرانی لە وتووێژێكدا لەگەڵ بەشی كوردی دەنگی ئەمریكا ڕایگەیاند” من وەك پارتیەك قسە ناكەم بەڵكو وەكو كوردستانیەك قسە دەكەم. عەلاوی وا دەزانێت لە مەریخەوە هاتووە، نازانێت ” ئەصلەن ” عێراق وڵاتێكە لەساڵی 1958 وە لەسەر سێ كوچكەكەی سونە و شیعە و كورد دروست بووە كە عبدالكریم قاسم هاتووە سەر حوكم، محەمەد نەجیب ڕوبەیعی سەرۆكی ئەنجومەنی سەركردایەتی ، سونی بووە، محەمەد مەهدی كوبە شیعە بوو، خالید بن نەقشەبەندی كورد بووە. ئەم هەموو حیزبانە خەباتیان كردووە بەتایبەتی ئێمەی كورد شۆڕشمان كردووە، دنیایەك ” شەهیدمان ” داوە، ئەكرێ ئەمڕۆ حەقی ئەوەمان نەبێ وەكو كیانێكی فیدڕاڵی ‌ كاندیدی خۆمان دابنێین كە نوێنەرایەتیمان بكات لە عێراق؟!” لەبەر ئەوە ئەمە ڕەتكراوەیە لای نەك هەر ئێمە بەڵكو لای تەواوی هێزەكانی عێراق لە شێوازی مامەڵەی عەلاوی ڕازی نیین، هەندێكیان بێ دەنگن، هەندێكیان قسە دەكەن، هەندێكیان لەوانەیە ڕازی بن. بەڵام لەڕاستیدا،ئەو ئەگەر ئەمەمان بۆ قبوڵ نەكات لەبەرامبەریشدا ئێمەش ئەومان(عەلاوی)” قبوڵ نی یه.”

سەبارەت بەوەی ئەگەر كورد بەشداری حكومەتی عیراقی نەكات چی دەكات؟ فازڵ میرانی دەڵێت” زۆر شت دەتوانین بكەین ، ئەوە نەبێت كە كورد بێ دەسەڵات بێت هەتا ئێستا چوار كودەتای سەربازی لەعیراقدا كراوە ،ئەمەی عەلاوی دەیكات كودەتای پێنجەمە، بەڵام بەرگێكی سیاسی لەبەر كردووە. لەبەر ئەوە هەموو پێكهاتەكانی عێراق بە كورد و عەرەب و توركمان و ئەرمەنەوە چیتر ڕازی نیین حوكمێكی شمولی جا قەومی بێ یان تائیفی بێ هەرچیەك بێت قبوڵ بكرێت، گەلی عێراق چیتر ناچێتەبەر حوكمێكی شمولی ئەمەمان قبوڵ نیە.

میرانی ئاماژەی بەوەكرد” لە بڕیاری دەركردنی هێزەبینایەكان و هێزەكانی ئەمریكا تەنها دەنگی شیعە بوو، كوردو سوننەو پێكهاتەكانی تر بەشدار نەبوون بەڵام ئەوەتا بڕیارەكە جێ بەجێ نەكرا حكومەتی بەتەنها شیعەش هەروای لێدێت.”

هەروەها لەوەڵامی ئەو پرسیارەی كورد دەتوانێت چی بكات ئەگەر بەشداری حكومەتی نوێی عیراقی نەكرد بژاردەكانی بەردەمی چی-ن؟ فازڵ میرانی دەڵێت” دەتوانین لەم حكومەتە بەشدار نەبین، بەڵام ئێمە داوای هەڵبژاردنی پێش وەختەی لێ دەكەین، ڕوبەڕووی گەندەڵی ببێتەوە و ئەوانەی خۆپیشاندانیان كوشتووە بیگرن و بیدەن بەدادگا، “دنیایەیەك”‌ بەڵێنی لەسەرخۆی داناوە، لەلایەكی ترەوە مومكین نیە لەم وڵاتە حوكمی یەك قەومی یەك تایفی بەڕێوە بچێت لەعیراق.كورد میللەتی دووەمە لە عێراقدا، ئێمە فیدڕاڵییەكی دەستوریمان هەیە، هەروەها سوننە پێكهاتەیەكی سەرەكی یە، توركمان و ئاشوری پێكهێنەرێكن ناكرێ حوكمەت سەركەوتوو بێت، بەڕێوەبچێت بەبێ ئەم پێكهاتانە.” ‌

بەردەوام بە لە خوێندنەوە

کوردستان

هەركەسێك بەقاچاخ هاتبێتەوە كەرەنتین دەكرێت
ناو و ژمارە و ناونیشانیان لای وەزارەتی ناوخۆ هەیە

خەڵك-ئارام سەردار

 

سەرۆكی ئەنجوومەنی پارێزگای هەولێر ڕایدەگەیەنێت، مامەڵەكردن لەگەڵ دۆخی كەركوك هەستیارە و ناكرێت بڵێین خەڵكی كەركوك نابێت بێنە هەرێم، بەڵام پشكنینی پزیشكی بۆ هاوڵاتیان لەبازگەكان ئەنجام دەدەن.

عەلی ڕەشید سەرۆكی ئەنجوومەنی پارێزگای هەولێر لەكۆنفڕانسێكی ڕۆژنامەوانیدا ڕایگەیاند، حكومەت كۆمەڵێك هەنگاوی گرتووەتەبەر بەمەبەستی خۆپارێزی و نابێت هاوڵاتیانیش بترسن، چونكە ڤایرۆسەكە بەم شێوەیە كوشندە نییە و ڕێژەی مردن بەهۆی كۆرۆنا كەمە.

دەشڵێت”كۆمەڵێك هاوڵاتی لەوڵاتی ئێران گەڕاونەتەوە كەرەنتین كراون، هەركەسێكیش لەم هاوڵاتیە گەڕاوانە دڵنیا نییە لەكەلوپەلی شوێنەكە دەتوانێت داوا لەكەسوكاری بكات پێداویستیەكانی خەویان بۆ ببەن”.
وتیشی”هەندێك كەموكوڕی هەیە داوامانكردووە چارەسەربكرێن وەك شوێنەكانی كەرەنتین و ئەو كەسانەی لەژێر چاودێریدان، هاوكات لەبارەی زبڵ و خاشاكی كەرەنتینەكان، پێمان ڕاگەیانراوە ئۆتۆمبێل و كارمەندی تایبەت دابینكراوە”.

عەلی ڕەشید، ڕەتیكردەوە هیچ هاوڵاتیەك لەسنووری پارێزگای هەولێر بەقاچاخ هاتبێتەوە و ئەو هاوڵاتیانەشی بەڕێگای پارێزگاكانی تری عیراق هاتوونەتەوە وەزارەتی ناوخۆ ناو و ژمارە و ئاماری هەموویانی لایە و هەركات بگەن بەبازگەگانی هەرێم لەگەڵ شارەكانی تری عیراق، كەرەنتین دەكرێن لەشوێنی تایبەت.

ئاماژەی بەوەكرد، مامەڵەكردن لەگەڵ دۆخی كەركوك هەستیارە و ناكرێت بڵێین خەڵكی كەركوك نابێت بێنە هەرێم، بەڵام پشكنینی پزیشكی بۆ هاوڵاتیان لەبازگەكان ئەنجام دەدەن، لەسەرجەم بازگەكان تیمی پزیشكی هەن و كۆمەڵێك بڕیار و ڕێوشوێنیش گیراونەتەبەر بۆ ڕووبەڕووبونەوەی كۆرۆنا وەك ڕاگرتنی چالاكییەكانی نەورۆز و هاتنی گروپە گەشتیارییەكانی شارەكانی عیراق و قەدەغەكردنی نێرگەلە و كەمكردنەوەی مێزكان لە خواردنگە و شوێنە گشتیەكان.

بەردەوام بە لە خوێندنەوە

کوردستان

قەڵادزێ.. بەبڕی زیاتر لە 108 ملیۆن دینار دوو پرۆژەی كارەبا جێبەجێ دەكرێت

خەڵك- بەشی هەواڵ

لەسەر بودجەی داهاتی كارەبای بەرێوەبەرایەی گشتی كارەبای سلێمانی و بەپێی گرێبەستێك كە لەگەڵ كۆمپانیایەك ئەنجامدراوە، بەبڕی (108.292.000) سەدو هەشت ملیۆن و دووشەد نەوەد و دوو هەزار دینار دوو پرۆژەی كارەبا لەسنوری پشدەر جێبەجێ دەكرێت.

بەڕێوەبەرایەتی كارەبای سلێمانی لە ڕاگەیەندراوێكدا نوسیویەتی:

پرۆژەكانیش بریتین لە:
نۆژەنكردنەوەی هێڵی پەستان نزمی ناحیەی هێرۆ لە گوندی سپیانەوە تا گوندی بێناسە و دارەشمانە، كە دەكەونە سەر فیدەری 13 لە وێستگەی 132 كەی ڤی قەڵادزێ، لەگەڵ گواستنەوەی هێڵی كارەبای گوندی نورەدین بۆ سەر فیدەری 33ی كەی ڤی ئیسێوە لە وێستگەی 1312 كەی ڤی قەڵادزێ.

بڕیاریشە پرۆژەكان لەماوەی (40) رۆژدا تەواو بێت و لەلایەن كۆمپانیای (شازەكار) جێبەجێ دەكرێت.

بەردەوام بە لە خوێندنەوە

کوردستان