ئێمە لە تۆرە کۆمەڵایەتیەکان

ئابوری

پەڕلەمانتارێكی یەكێتی: بەغدا زوڵم لە هەرێم دەكات
دوو بەڵگە لەسەر ڕێژەی دانیشتووانی هەرێم ئاشكرا دەكرێت

خەڵك- بەشی هەواڵ
پەڕلەمانتارێكی یەكێتیی نیشتمانیی كوردستان پێیوایە ئەگەر حكومەتی فیدڕاڵی پشت بەو پشكە ببەستێت لە بودجەدا، كە لەلایەن حەیدەر عەبادی، سەرۆك وەزیرانی پێشووەوە بۆ هەرێمی كوردستان دیاری كراوە، زوڵم لە هەرێم دەكرێت، پشكەكەشی بە هەنگاوێكی “نایاسایی” لەقەڵەمدا.

شیروان میرزا، پەڕلەمانتاری یەكێتی لە پەڕلەمانی عیراق، لە لێدوانێكیدا بۆ (خەڵك) ڕایگەیاند، “دیاریكردنی پشكی هەرێمی كوردستان لە بودجەدا بە 12.67%، هەنگاوێكی نایاساییە و هیچ بنەمایەكی نییە، چونكە پشتی بە هیچ بەڵگەنامەیەكی یاسایی یان سەرژمێری دانیشتووان نەبەستووە”.

بە وتەی ئەو پەڕلەمانتارەی یەكێتی، “بەڵگەنامەی فەرمانگەی سەرژمێری ناوەندی فیدڕاڵییان لەبەردەستدایە، كە ئاماژە بە ڕێژەی دانیشتووانی هەرێم دەكات، كە 13.92%ی كۆی دانیشتووانی عیراقە، بەپێی بەڵگەنامەیەكی تریش، كە لەلایەن وەزارەتی بازرگانییەوە بۆ كۆبۆنەكانی خۆراك دەرچووە، ڕێژەی دانیشت,وانی هەرێمی بە 14% دیاری كردووە”.

شیروان میرزا دەڵێت: “فراكسیۆنە كوردستانییەكان لەكاتی ئامادەكردنی بودجەی 2019 هەوڵیاندا گۆڕانكاری لەو ڕێژەیەدا بكەن، كە بە 12.67% بۆ هەرێمی كوردستان دیاریكراوە، چونكە ڕێژەكە نایاساییە و لەلایەن عەبادییەوە دیاریكراوە كاتێك سەرۆك وەزیران بوو”، بەپێویستیشی زانی لانی كەم هەوڵ بدرێت لانی كەم پشكی هەرێمی كوردستان لە داهاتوودا بە ڕێژەی 14% دیاری بكرێت.

پەڕلەمانتارەكەی یەكێتی ئاماژەی بە ڕێژەی 17%ش كرد، كە بە وتەی ئەو، “لەكاتی خۆیدا بە ڕێككەوتنی سیاسی دیاریكرابوو”، جەختی لەسەر پێویستی گەڕانەوە بۆ ئەو ڕێژەیە كردەوە، تا لێوەی هەرێمی كوردستان پشكی دادپەروەرانەی خۆی لە بودجەی فیدڕاڵیدا پێ ببڕێت.

شیروان میرزا لەبارەی بودجەی ساڵی 2020وە، بە (خەڵك)ی ڕاگەیاند، “تائێستا پڕۆژە یاسای بودجەی ساڵی داهاتوو لەبەردەمی حكومەتدایە و كاری لەسەر دەكرێت”، ئاماژەی بەو هەوڵە سیاسیانەش كرد، كە لەنێوان هەرێمی كوردستان و حكومەتی فیدڕاڵدا خراونەتەگەڕ، تا هەردوولا لەسەر شێوازێكی گونجاو بۆ ئەو مەبەستە ڕێكبكەون و لێوەی پشكی هەرێمی كوردستان لە بودجەی گشتی دەوڵەتی عیراقی بۆ ساڵی داهاتوو دیاری بكرێت.

ئابوری

ئەمڕۆ مووچەی وەزارەتێك دابەش دەكرێت

خەڵك- بەشی هەواڵ

بڕیارە ئەمڕۆ یەك شەممە مووچەی مانگی حوزەیرانی وەزارەتی تەندروستی حكومەتی هەرێمی كوردستان دابەش بكرێت.

بەپێی خشتەیەكی نافەڕمی كە پێشتر لە وەزارەتی دارایی و ئابورییەوە بڵاوكراوەتەوە، ئەمڕۆ مووچەی وەزارەتی تەندروستی دابەش دەكرێت.

دابەشكردنی مووچەی ئەو وەزارەتە دوای ئەوەدێت، كە مووچەی پێشمەرگە و پەروەردە دابەشكراوە و پێشبینی دەكرێت لە ڕۆژانی داهاتووشدا چەند وەزارەتێكی دیكە مووچە وەربگرن.

بەردەوام بە لە خوێندنەوە

ئابوری

وەزیری نەوتی عیراق: چاوەڕوانی وەڵامی ئەرێنیی حكومەتی هەرێمین

خەڵك – بەشی هەواڵ

وەزیری نەوتی عیراق ڕایدەگەیەنێت، ڕێككەوتنی نێوان هەرێمی كوردستان و بەغدا لەسەر پرسی نەوت كاریگەری لەسەر بودجەی ساڵی 2020ی عیراق دەبێت و تا ئێستاش چاوەڕوانی وەڵامی ئەرێنیی حكومەتی هەرێمن.

سامر غەزبان وەزیری نەوتی عیراق لە لێدوانێكی ڕۆژنامەوانیدا ڕایگەیاند: “گفتوگۆكانی نێوان هەولێر و بەغدا لەسەر ڕادەستكردنی 250 هەزار بەرمیل نەوت بە حكومەتی عیراق بەردەوامە و چاوەڕوانی وەڵامی ئەرێنی هەرێمی كوردستانین”.

وەزیری نەوتی عیراق باسی لەوەشكرد: “ڕێككەوتنی نەوتی لەنێوان هەرێمی كوردستان و بەغدا كاریگەری لەسەر بودجەی ساڵی 2020ی عیراق دەبێت”.

سامر غەزبان ئەوەشی خستەڕوو، لە بودجەی ساڵی 2020ی عیراق نرخی بەرمیلێك نەوت بە 50 دۆلار خەمڵێنراوە.

بەردەوام بە لە خوێندنەوە

ئابوری

“ناتوانرێت سفرەكانی سەر دراوی عیراقی لاببرێت”

خەڵك – بەشی هەواڵ

ئەندامێكی لیژنەی دارایی لە ئەنجومەنی نوێنەرانی عیراق ڕایدەگەیەنێت، حكومەتی عیراق ناتوانێت بودجەی پێویست بۆ لابردنی سفرەكانی سەر دراو تەرخان بكات.

شیروان میرزا ئەندامی لیژنەی دارایی لە ئەنجومەنی نوێنەرانى عيراق ڕایگەیاند، گفتوگۆ لەسەر لابردنی سفرەكانی سەر دراوی عیراق كراوە، بەڵام لە ئێستادا هەنگاوێكی پراكتیكی نییە، چونكە لابردنی سفرەكان بودجەیەكی زۆی پێویستە و حكومەتی عیراق ناتوانێت ئەو بودجەیە دابین بكات و سفرەكانی سەر دراو لاببات.

سەبارەت بە تێچووی لابردنی سفرەكانی سەر دراو و گرنگی ئەو پرسەش، شیروان میرزا ئاماژەی بۆ ئەوەكردووە، تێچووی چاپكردنی هەر پارەیەكی نەقدی عیراقی بڕی 4 بۆ 6 سەنتی تێدەچێت، لابردنی سفرەكانیش بەهێزیی پارەكە پیشان دەدات.

بەردەوام بە لە خوێندنەوە

کوردستان