ئێمە لە تۆرە کۆمەڵایەتیەکان

ژینگە

دوو ڕاوچی دەستگیر كران و 510 دۆنم پووش و پاوان سووتان

خەڵك – بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای دەكات، لەسەر ڕاوكردن دوو كەس دەستگیر كراون و لە بەرزنجە و سێوسێنان 510 دۆنم پووش و پاوان سووتاون و دەشڵێت: “با بەهەموومان ژینگە و سرووشتی كوردستان بپارێزین”.

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، ئاگریكی بەرفراوان لە گوندی (بەلەكجار)ی سەر بە بنكەی سێوسێنان كەوتەوە و دەستبەجێ مەفرەزەكانی بنكەی پۆلیسی دارستان و ژینگەی (سێوسێنان) گەیشتە شوێنی ڕووداوەكە و توانرا بەهاوكاری هاووڵاتیانی سنورەكە ئاگرەكە كۆنتڕۆڵ بكرێت.

ڕاشیگەیاند، بەهۆی ئاگرەكەوە (10) دۆنم پووش و پاوان و داری سرووشتی سووتان و هۆكاری ئاگركەوتنەوەكە شۆرتی كارەبا بووە.

ئاماژەی بەوەشكرد، ئاگریكی بەرفراوان لە شارەدێی (بەرزنجە) كەوتەوە و دەستبەجێ مەفرەزەكانی بنكەی پۆلیسی دارستان و ژینگەی بەرزنجە بەهاوكاری لەگەڵ ئاگركوژینەوە و دانیشتوانی سنورەكە گەیشتنە شوێنی ڕووداوەكە و توانرا دوای هەوڵ و ماندوبوونێكی زۆر ئاگرەكە كۆنتڕۆڵ بكرێت.

هێمن كمرخان ئاشكراشی كرد، زیانی ئاگرەكە سووتانی (500) دۆنم پووش و پاوان و نزیكەی (100) داری سرووشتی سنورەكە بووە و هۆكاری ئاگركەوتنەوەكە نادیارە و لێكۆڵینەوە لەو بارەیەوە بەردەوامە.

بەوتەی بەڕێوەبەری ڕاگەیاندنی پۆلیسی دارستان، “لە ئەنجامی دەرچوونی مەفرەزەیەكی بەشی پۆلیسی دارستان و ژینگەی سەیدصادق بۆ گوندی (هەیاس) بە مەبەستی نەهێشتن و ڕیگریكردن لە دیاردەی ڕاوكردن توانیان (2) ڕاوچی دەستگیربكەن، كە سەرقاڵی ڕاوكردنی باڵندەی كێوی بوون و هاوكات توانرا دەست بگیرێت بەسەر (1) چەكی جۆری تاپڕ و (1) ئۆتۆمبێلدا.

جەختیشی كردەوە، پەڕاوی لێكۆڵینەوەیان بۆ ڕێكخراوە و ڕادەستی دادوەر كراوە بۆ وەرگرتنی ڕێكاری یاسایی.

عەمید هێمن پەیامی بۆ هاووڵاتیان ئەوەیە، “با بەهەموومان ژینگە و سرووشتی كوردستان بپارێزین بەتایبەتی لەم وەرزەدا هاووڵاتیان ڕوو دەكەنە دەشت و چیاكان و زۆر دڵنیابن لە پاشماوەی ئاگر و پشكۆ لە دوای خۆیان بەجێنەهێڵن بۆ ئەوەی كارەساتی گەورە ڕوونەدات”.

ژینگە

پۆلیسی دارستان 3 كەس لەسەر ڕاو و لێدانی بیر دەستگیر دەكات

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی سلێمانی ڕایدەگەیەنێت، كە 3 كەس لەسەر ڕاوكردن و لێدانی بیر دەستگیر كراون و لە شارباژێر-یش 50 دۆنم پووش و پاوان سووتاوە.

هێمن كمرخان ئەفندی، بەڕێوەبەری ڕاگەیاندنی بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، هەمیشە و بەردەوام لەپێناو پارێزگاری كردن لەسروشت و ژینگەی كوردستان و پاراستنی ئاژەڵ و باڵندە كێویەكان مەفرەزەكانمان لەسەرجەم بەش و بنكەكان بەشەو و ڕۆژ بەردەوامیان هەیە.

ڕاشیگەیاند، مەفرەزەیەكی بەشی پۆلیسی دارستان و ژینگەی سەیدصادق لە دەرچوونێكی مەیدانیاندا بۆ گوندی (دۆڵاش) توانیان سەرپێچیكارێك دەستگیربكەن، كە هەستابوو بو ڕاوكردنی باڵندەی كێوی (پۆڕ) هاوكات دەستگیرا بەسەر چەكی جۆری تاپڕ، كە بۆ ڕاوكردن بەكاری هێنابوو.

وتیشی، “سەرپێچیكاران و كەرەستە دەست بەسەراگیراوەكان ڕادەستی دادگا كران بەمەبەستی لێپێچینەوەی یاسایی”.

ڕوونیشی كردەوە، مەفرەزەیەكی بەشی پۆلیسی دارستان و ژینگەی شارباژێڕ دەرچوون بۆ سنوری شارەدێی سیتەك، لە ئەنجامدا توانیان (٢) هاووڵاتی دەستگیر بكەن، كە سەرقاڵی لێدانی بیر بوون، هەروەها توانرا دەست بگرن بەسەر جیهازێكی بیرلێدان و دواتر هەردوو سەرپێچیكار ڕووبەڕووی یاسا كرانەوە.

بەڕێوەبەری ڕاگەیاندنی پۆلیسی دارستان دەشڵێت: “بەشی پۆلیسی دارستان و ژینگەی شارباژێر ئاگادار كرایەوە بە بوونی ئاگرێك لە سنوری گوندی (گۆڕەدێم )ی سەر بە شارباژێڕ، بە فەرمانی بەڕێوەبەری بەشی پۆلیسی دارستانی شارباژێڕ دەستبەجێ مەفرەزەیەكی بەش دەرچوون بۆ سنوری ناوبراو، دوای هەوڵ و ماندوبوونێكی زۆر بە هاوكاری بنكەی ئاگركوژێنەوەی شارباژێڕ توانیان ئاگرەكە بكوژێنەوە و كۆنتڕۆڵی بكەن”.

ئاشكراشی كرد، زەرەر و زیانی ئاگرەكە (50) دۆنم لە پووش و پاوان و داری سروشتی بووە و هۆكاری ئاگرەكە نەزانراوە و لێكۆڵینەوە و بەدواداچوون لەو بارەیەوە بەردەوامە.

هێمن كمرخان جەختی لەوەشكردەوە، كە لەپێناو پاراستنی سروشت و ژینگەی كوردستان دا پێویستە هەمووان پابەندبین بەڕێنماییەكانی پۆلیسی دارستان.

بەردەوام بە لە خوێندنەوە

ژینگە

بە وێنە.. بە تۆمەتی ڕاوكردن لە سەیدسادق هاووڵاتیەك دەستگیركرا

خەڵك- بەشی هەواڵ

مەفرەزەیەكی بەشی پۆلیسی دارستانی سەیدسادق لە ئەنجامی گەڕان و كێوماڵكردنی سنورەكانیان، توانیان لە سنوری گوندی (دۆڵاش)ی سەر بە سەیدسادق هاووڵاتیەك بە تۆمەتی ڕاوكردن دەستگیر بكەن، كە هەستابوو بە ڕاوكردنی باڵندەیەكی (پۆڕ).

پۆلیسی دارستان و ژینگەی سلێمانی بڵاوی كردەوە، ڕاوكەرەكە ڕووبەڕووی دادگا كراوەتەوە و چەكێكیش لە جۆری”تاپڕ” دەستی بەسەردا گیراوە.

بەردەوام بە لە خوێندنەوە

ژیاندۆستی

چەند دیمەنێك لە پاییزی باخی گشتی سلێمانی

سلێمانی ـ نزار جەزا

باخی گشتی یەكێكە لە پاركە دێرینەكانی شاری سلێمانی، كە لە ساڵی 1937 دروستكراوە و تاكو ئێستاش هاووڵاتییان ڕۆژانە سەردانی دەكەن.

تێكەڵ بوونی گەڵا زەرد و سەوزەكان و هەڵوەرینی گەڵا وشكبووەكان دیمەنێكی زۆر جوان و ناوازەی داوە بە باخەكە، كە ڕۆژانە هاووڵاتیان بۆ وێنەگرتن و بەسەربردنی كەشێكی ئارام ڕووی تێدەكەن.

 

بەردەوام بە لە خوێندنەوە

کوردستان