ئێمە لە تۆرە کۆمەڵایەتیەکان

عێراق

لە مەڕاسیمی عاشورادا 131 كەس بوونە قوربانی

خەڵك- بەشی هەواڵ
وەزارەتی تەندروستی عیراق ڕایدەگەیەنێت، لەكاتی ئەنجامدانی مەڕاسیمی ڕاكردنی “توێرج” لە مەزاری ئیمام حسێن لە شاری كەربەلا، لانی كەم 131 كەس گیانیان لەدەستدا و بریندار بوون بەهۆی تەنگەنەفەسی و پاڵەپەستۆوە.

دكتۆر سەیف بەدر، وتەبێژی وەزارەتی تەندروستی لە بەیاننامەیەكدا ڕایگەیاند، “31 زیارەتكار گیانیان لەدەستدا و100ی تر برینداربوون بەهۆی تەنگەنەفەسی و پاڵەپەستۆوە، لەكاتی ئەنجامدانی مەڕاسیمی زیارەتی كەربەلا”.

بە وتەی سەیف بەدر، “ئەو ژمارەیە بەرەنجامی كۆتایی نییە”، ئاماژەی بە چڕكردنەوەی هەوڵەكانی كادرانی وەزارەتی تەندروستیش كردووە بۆ كۆنتڕۆڵكردنی ڕووداوەكە.

ڕاكردنی توێرج، یەكێكە لە گەورەترین گردبوونەوە مرۆییەكان لە جیهاندا، كە ساڵانە لە نیوەڕۆی ڕۆژی 10ی موحەڕەم ئەنجام دەدرێت بۆ بەرز ڕاگرتنی مەڕاسیمی شەهیدبوونی ئیمام حسێنی كوڕی عەلی كوڕی ئەبی تاڵیب (س.خ).

لەو مەڕاسیمەدا، چەندان ملیۆن زیارەتكاری عیراقی و عەرەب و بیانی بەشداری دەكەن و لە ناوچەی (قنطرە السلام) لە كەربەلا دەستپێدەكات بەرەو مەزاری ئیمام حسێن لە ناوەڕاستی شاری كەربەلا، كە ماوەكەی 2 كیلۆمەتر دەبێت و ساڵانەش بەشداربووانی ئەو مەڕاسیمە لە زیادبووندان.

عێراق

ئەمڕۆ دوو خۆپیشاندەر لە بەغدا كوژران

خەڵك- بەشی هەواڵ

ئاژانسی هەواڵی ڕۆیتەرز بڵاوی كردەوە، دوانیوەڕۆی ئەمڕۆ هەینی بەهۆی دەستڕێژی كولەوە دوو خۆپیشاندەر لە بەغدا كوژران و 22 خۆپیشاندەری دیكەش برینداربوون.

بەپێی زانیارییەكانی ئاژانسەكە خۆپیشاندەران لە چەند شوێنێكی بەغدا بڵاوبوونەتەوە و داوای هەلی كار و خزمەتگوزاری و هەڵوەشانەوەی سەرۆكایەتییەكانیان كردووە.

ئەمڕۆ بۆ ڕۆژی 29 هەمین ڕۆژ خۆپیشاندانی فراوان لە بەغدا و شارەكانی باشوری عیراق بەڕێوەچوو.

بەردەوام بە لە خوێندنەوە

عێراق

بەرپرسێكی داعش لە ڕومادی دەستگیركرا

خەڵك- بەشی هەواڵ

بەشی هەواڵگری سەربازی سوپای عیراق بڵاوی كردەوە، كە بەرپرسی پاڵپشتی لۆجستی داعشیان لە ناوچەی تاشی ڕومای دەستگیركردووە.

هەواڵگری سوپای عیراق لە ڕاگەیەنراوێكدا ئاماژەی بەوەكردووە، لەسەر بنەمای وردی هەواڵگری ئەو كەسە دەستگیركراوە و دانی بە تاوانەكەیدا ناوە.

هەر لە ڕاگەیەنراوەكەدا هاتووە، كە چەندین بەڵگە دەست هەواڵگری عیراق كەوتوون، دوای دەستگیركردنی ئەو كەسە.

بەردەوام بە لە خوێندنەوە

عێراق

یەكەیەكی حەشدی شەعبی تەقەیان لە فڕۆكەیەك كرد

خەڵك- بەشی هەواڵ

یەكەیەكی سەربازی كوردانی شەبەك كە سەر بە حەشدی شەعبە ئەمڕۆ هەینی لە نزیك شارۆچكەی تلكێف تەقەیان لە فڕۆكەیەكی نەناسراو كرد.

میدیاكانی عیراق بڵاویانكردەوە، ئەو فڕۆكەیە نەناسراو بووە و بە ئاسمانی ناوچەكەدا سوڕاوەتەوە و ئەوانیش تەقەیان لێكردووە.

بەپێی زانیاری میدیاكان فڕۆكە نەناسراوەكە ناوچەكەی جێهێشتووە و تائێستاش لایەنی فەرمی حكومەتی عیراق ڕونكردنەوەی لەوبارەوە بڵاونەكردووەتەوە.

بەردەوام بە لە خوێندنەوە

کوردستان