ئێمە لە تۆرە کۆمەڵایەتیەکان

جیهانی

سەرۆکی ڕیاڵ مەدرید بۆ هاوبەشەکان: سەرکەوتنەکان تینویەتی شکاندین، پێویستە بگەڕێینەوە !

خەڵک سپۆرت

لەکۆبونەوەی نێوان سەرۆکایەتی یانەی ڕیاڵ مەدرید و هاوبەشەکانی ئەو یانەیە، فلۆرنتینۆ پێریزی کەسی یەکەمی یانە ڕوونکردنەوەی دەربارەی شکستەکانی وەرزی ڕابردوو و شێوازی گواستنەوەکان داوە.

ڕۆژنامەی “مارکا” چەندین زانیاری دەربارەی کۆبونەوەی نێوان سەرۆک و نوێنەرایەتی هاوبەشەکانی یانەی شاهانەی مەدرید ئاشکرا کردووە، تیایدا فلۆرنتینۆ پێرێز داوای کردووە متمانە بە ستافی هونەری و ئیداری ببەخشن تا لە داهاتوودا پڕۆژەی گەڕانەوە بەرەو لوتکە پەیڕەو بکەن.

لەکۆبونەوەکەدا هاوبەشەکان پرسیاریان دەربارەی شکستەکانی وەرزی ڕابردوو کردووە، پێرێزیش ڕایگەیاندووە :” سەرکەوتنە لەسەریەکەکانمان وایکرد تینویەتی و حەزمان بۆ بردنەوە بشکێت، ئەو کۆمەڵە یاریزانە لەگەڵ ڕاهێنەری ئێستامان ئێمەیان کردە پاڵەوان، دڵنیاشم جارێکی تر دەمانکەنەوە بە پاڵەوان، وەرزی ڕابردوو خراپ بووین، پێویستە بیر لە هەڵەکانی خۆمان بکەینەوە و نابێت لەوەش زیاتر لۆمەی خۆمان بکەین”.

دووبارە هاوبەشەکان پرسیاریان سەبارەت بە گواستنەوەکانی هاوینە و ناوەکانی پۆگبا و نایمار کردووە، سەرۆکی یانە جەختی لەوەکردۆتەوە، کە یانەکەیان بەو ئاڕاستەیە هەنگاوی نەناوە و ناوی نایمار و پۆگبای بەنمونە هێناوەتەوە و وتویەتی :” پۆگبا بۆ فرۆشتن نەبووە و ڕێگەپێدراو نەبووە لەگەڵ یانەکەی گفتوگۆ بکەین، نایماریش بەڕوونی هەڵوێستی خۆی نیشانداوە و بابەتەکان بەلامانەوە ڕوون نەبوون، بەڵام ئەمە ئەوە ناگەیەنێت کە لە گواستنەوەکانی داهاتوودا هەوڵیان بۆ نەدەین”.

پێرێز لەکۆتاییدا داوای لە هاوبەشەکان کردووە خۆڕاگربن و چاوەڕوانی زینەدین زێدان و یاریزانانی بکەن تا دووبارە دەگەڕێنەوە سەر ڕێڕەوی سەرکەوتنەکان، داواشی لێکردوون کە متمانەیان پێببەخشن، لەبەرامبەردا هاوبەشەکان داوایان کردووە یانەکەیان لەبەردەم میدیاکان زیاتر پارێزگاری لەخۆی بکات.

جیهانی

سەرۆکی بەرشلۆنە دەرگای گەڕانەوەی بەڕووی گواردیۆلا کردەوە

خەڵک سپۆرت

جوسێپ ماریا بارتومیۆی سەرۆکی یانەی بەرشلۆنە لاری لەگەڕانەوەی پیپ گواردیۆلا نییە و دەرگای یانەکە بەڕوویدا دەکاتەوە.

لەم وەرزەدا مان سیتی پیپ گواردیۆلا ئاستی بەپێی پێویست نەبووە و لە چوارچێوەی کێبڕکێکان بۆ چنینەوەی نازناوی خولی ناوخۆی ئینگلتەرا هاتونەتە دەرەوە و بە جیاوازی ١٤ خاڵ کەوتەنەتە دوای لیڤەرپوڵی یەکەمی ڕیزبەندی، لەخولی یانە پاڵەوانەکانیش نەگەیەشتونەتە ئەوپەڕی توانا هونەرییەکانیان و گواردیۆلا بە ئاشکرا دانی پێداناوە، پێکهاتەکەی لە ئاستی یانە بەهێزەکانی تردا نییە.

هەموو ئەمانە ئەو ڕاستییە دەگەیەنن، کە ڕاهێنەرە کەتەلۆنیەکە لەڕووی دەرونی و وەرزشییەوە لەم وەرزەدا جێگیر نییە و هۆکارەکەش پەیوەندی بە داهاتوویەوە هەیە لە خولی ئینگلتەرا، سەرچاوەکانیش پێیان وایە “پیپ” لەکۆتایی وەرزدا ماڵئاوایی لە سیتی دەکات پەیوەندی بە خولی ئیتاڵیاوە دەکات، یان دەگەڕێتەوە بۆ بەرشلۆنە.

ڕۆژنامەی “لاڕیپوبلیکا”ی ئیتاڵی پرسیار لە جوسێپ ماریا بارتومیۆی سەرۆکی یانەی بەرشلۆنە دەکات، ئەویش لەوەڵامدا دەڵێت :” گەڕانەوەی گواردیۆلا بەدەست من نییە، لەبەرئەوەی پیپ بۆخۆی بڕیاریدا یانەکەمان بەجێبهێڵێت، دڵنیاتان دەکەمەوە، هەرکاتێک ئەم ڕاهێنەرە حەزی کرد بگەڕێتەوە، دەرگای بەرشلۆنە هەمیشە کراوە دەبێت”.

وەڵامە ئاگرینەکەی بارتومیۆ هاوکاتە لەگەڵ ئەو زانیاریانەی میدیاکانی بەریتانیا بڵاوی دەکەنەوە و تیایدا هاتووە، گواردیۆلا بۆندەکەی تا ٢٠٢١ بەردەوامی دەبێت، بەڵام لەکۆتایی ئەم وەرزەدا ئەگەری ماڵئاوایی کردنی لە سیتی هەیە.

بەردەوام بە لە خوێندنەوە

جیهانی

ڤیێرا کورسیەکەی ئونای ئیمیری ڕەت ناکاتەوە وچاوەڕێی جوڵەی ئارسیناڵە

خەڵک سپۆرت

پاتریک ڤیێرای فەرەنسی ڕاهێنەری یانەی نیس، پەیوەندیکردن بە یانەی ئارسیناڵ ڕەتناکاتەوە و چاوەڕێی گڵۆپی سەوزی ئیدارەی یانەی زەبەلاحەکەی شاری لەندەن دەکات.

تۆڕی سکواوکا لەسەرچاوە نزیکەکانی پاتریک ڤیێرای فەرەنسیەوە ئاشکرای کردووە، ڕاهێنەری ناوبراو لەگەڵ یانەی نیۆ یۆرک سیتی وەک ڕاهێنەر کارێکی باشی ئەنجامدا و حاڵی حازر لەگەڵ یانەی نیسی فەرەنسی وەرزی دووەمی بەڕێدەکات، وەرزی ڕابردوو توانیویەتی پلەی حەوتەم لە بارودۆخێکی ناهەمواردا بەدەست بهێنێت و لەنیوەی ئەم وەرزەشەوە ئامادەیە پۆستی ڕاهێنەری ئارسیناڵ وەربگرێت.

کەناڵ پلەسی فەرەنسی پرسیاری لە ڕاهێنەرەکە کردووە: ئایا ئامادەیت ئەگەر ئارسیناڵ پەیوەندیت پێوەبکات بگەڕێیتەوە بۆ شاری لەندەن؟ ڕاهێنەرەکەش لەوەڵامدا ڕایگەیاندووە :” کێ هەیە یانەیەک ڕەتبکاتەوە کە نۆ ساڵ تیایدا وەک یاریزان ژیابێت؟!”.

سەرچاوەکان پێیان وایە ئەم وەڵامەی ڤیێرا پەیامێکە بۆ ئیدارەی یانەی ئارسیناڵ و تیایدا دووپاتیدەکاتەوە، ئەگەر لەماوەی داهاتوودا لیۆنبێرگی سویدی سەرکەوتوو نەبێت ئەوا ئامادەیە پەیوەندیان پێوە بکات.

یانەی ئارسیناڵ هەفتەی ڕابردوو بەشێوەیەکی چاوەڕوان نەکراو ئونای ئیمیری ڕاهێنەری لە پۆستەکەی دوورخستەوە و وەک شوێنگرەوە چەندین ڕاهێنەری ناودار لەنمونەی ماوریسیۆ پۆچتینۆ و مایمیلیانۆ ئالێگری پێشنیازکران، بەڵام زۆرینەی سەرچاوە ئینگلیزیەکان پێیان وایە ڤیێرا لەناوخۆی گانەرزدا ژیاوە و باشترین کەسایەتیە بۆ وەرگرتنی پۆستەکە.

بەردەوام بە لە خوێندنەوە

جیهانی

جگە لە یارییەکە… ئەمشەو بەرشلۆنە و ئینتەرمیلان لەسەر مێزی گفتوگۆکردن کۆدەبنەوە

خەڵک سپۆرت

بڕیارە ئەمشەو لەچوارچێوەی یارییەکانی گەڕی شەشەمی قۆناغی کۆمەڵەکانی چامپیۆنزلیگ یانەی بەرشلۆنە و ئینتەرمیلان ڕووبەڕو ببنەوە، جگە لە بابەتە وەرزشییەکان نوێنەرانی هەردوو یانە کۆبونەوە دەربارەی گواستنەوەی چوار یاریزان ئەنجام دەدەن.

ڕۆژنامەی “ئاس”ی ئیسپانی ئاشکرای کردووە، ئەمشەو جگە لە چالاکییە وەرزشییەکان، ئیدارەی یانەکانی بەرشلۆنە و ئینتەرمیلان لە میلانۆ کۆبونەوە سەبارەت بە گواستنەوەی لاوتارۆ مارتینیزی هێرشبەری ئەرجەنتینی ئەنجام دەدەن.

یانە ئیتاڵیەکە داوای بڕی (١٠٠ بۆ ١١٠ ملیۆن یورۆ) دەکات، لەبەرامبەردا سەرۆکایەتی یانەی بەرشلۆنە ئامادەیی نیشان دەدەن لە گواستنەوەکەدا ناوەکانی ئارتورۆ ڤیدال و جان کلێر تۆدیبۆ تێهەڵکێش بکەن، بەو شێوەیە هەوڵدەدەن نرخی گواستنەوەکە کەم بکەنەوە، بەڵام کێشەی یانە کەتەلۆنیەکە لە یانەی مانچستەر سیتی ئینگلیزیدایە کە وەک شوێنگرەوەی سێرجیۆ ئەگوێرۆ هەوڵ بۆ کڕینی مارتینێز دەدەن و بەهۆی دەوڵەمەندی یانەکەوە ئەگەر هەیە پارەی تەواو بۆ ئیمزاکردنی بۆندەکەی پێشکەش بکەن.

ڕۆژنامە ئیسپانیەکە نوسیویەتی، سەرۆکایەتی یانەی ئینتەرمیلان لەماوەی ڕابردوودا هەوڵیان بۆ گواستنەوەی ڤیدال و ئیڤان ڕاکیتیچ داوە، هەروەها گرنگیان بە تۆدیبۆ داوە و پێیان وابووە بۆ پلانەکانی ئەنتۆنیۆ کۆنتی گونجاوە، بەڵام لەئێستادا یانەی بەرشلۆنە پلانی گۆڕیوە و لەنێوان ئەو سێ یاریزانە داواکراوەدا ئامادە نییە دەستبەرداری ئیڤان ڕاکیتیچ بێت.

بەردەوام بە لە خوێندنەوە

کوردستان