ئێمە لە تۆرە کۆمەڵایەتیەکان

جیهانی

(ڕیال مەدرید سێیەمە) ئەو یانانەی لە خولە ئەوروپیەکاندا خاوەنی گرانبەهاترین پێکهاتە و یاریزانن

خەڵک سپۆرت

ساڵانە یانە زەبەلاحەکانی ئەوروپا ملیۆنان یورۆ لەپێناو توندوتۆڵکردنەوەی هێڵەکانیان بەکاردەخەن، ئەوەش بووەتە هۆکاری بەرزبونەوەی نرخی پێکهاتەی هەندێک لە یانەکان بەشێوەیەک سنوری ملیار یورۆی تێپەڕاندووە.

سەنتەری نێودەوڵەتی لێکۆڵینەوە وەرزشییەکانی سەر بە یەکێتی تۆپی پێی جیهان (سی ئای ئی ئێس) بە داتا و ژمارەی فەرمیەوە ئاشکرای کردووە، لە خولە گەورەکانی ئەوروپادا یانەی مانچستەر سیتی ئینگلیزی خاوەنی گرانبەهاترین پێکهاتەی جیهانە و کۆی گشتی نرخی سەرجەم یاریزانانی یانەکە دەگاتە ئەودیو سنوری ملیار یورۆ (١،٠١٤ ملیار یورۆ)، بەو نرخەشەوە لە کێبڕکێی دەوڵەمەندەکاندا بەتەواوی ڕیاڵ مەدرید و بەرشلۆنەی ئیسپانیان تێپەڕاندووە.

پلەی دووەم بۆ یانەی پاریس سانت جێرمانە و کۆی گشتی نرخی یاریزانانی یانە فەرەنسیەکە ٩١٣ ملیۆن یورۆیە، هەروەها یانەی ڕیاڵ مەدرید کە ناودارترین یانەکانی ئیسپانیا و جیهانە دەکەوێتە پلەی سێیەمەوە و نرخی ٩٠٢ ملیۆنە، لە پلەی چوارەمیشدا ناوی یانەی مانچستەر یونایتد هاتووە کە کۆی نرخی یاریزانانی دەکاتە ٧٥١ ملیۆن و یوڤانتۆس لە پلەی پێنجەمدایە بە ٧١٩ ملیۆنەوە.

سەیر لەوەدایە یانەی بەرشلۆنە یەکێکە لە باشترینەکانی جیهان و لە ڕیزبەندیەکەدا دەکەوێتە پلەی شەشەمەوە بەوپێیەی بڕی ٦٩٧ ملیۆن یورۆ بە تەواوی پێکهاتەکەی دراوە، هەروەها یانەکانی تری ئیتاڵیا لە ڕیزبەندی (١٠) گرانبەهاترینەکەدا بونیان نییە و میلان لە پلەی (١٣)دا نرخی پێکهاتەکەی ٤٠٨ ملیۆنە و ئینتەر میلان لە پلەی (١٤)دا نرخی ٣٦٤ ملیۆن یورۆیە.

لەسەر ئاستی خولە ناوخۆییەکان، خولی ئینگلیزی لەسەرجەم خولەکانی تر زیاتر پارەی لە کۆکردنەوەی ئەستێرەکاندا بەکارخستووە بە نێوەندی ڕێژەی ٣٤٥ ملیۆن بۆ هەر یانەیەک، خولی ئیسپانیا لەپلەی دووەمدایە بە نێوەندی ڕێژەی ١٦٧ ملیۆن بۆ هەر یانەیەک، ئیتاڵیا پلەی سێیەمە بە نێوەندی ڕێژەی ١٢٤ ملیۆن بۆ هەر یانەیەک و خولی ئەڵمانیا دەکەوێتە پلەی چوارەمەوە بە نێوەندی ڕێژەی ١١٨ ملیۆن یورۆ بۆ هەر یانەیەک.

جیهانی

خشتە و کاتی یارییەکانی ئەمڕۆی چامپیۆنز لیگ (چوارشەممە)

خەڵک سپۆرت

ئەمشەو کۆتا ڕووبەروبونەوەکانی جەولەی شەشەمی قۆناغی کۆمەڵەکانی چامپیۆنزلیگ ئەنجام دەدرێن (کۆتا گەڕی قۆناغی کۆمەڵەکان)، چەندین یانە هەوڵی یەکلاکردنەوەی پێگەیەک لە قۆناغی (١٦) دەدەن و چەندینێکیش ڕووە و یوروپا لیگ و دەرەوەی پاڵەوانێتیەکە ماڵئاوایی دەکەن، گرنگترین یارییەکانی ئەمشەو ئەمانەن:

دینامۆ زاگریب – مانچستەر سیتی (٨:٥٥)

شاختار دۆنستیک – ئاتالانتا (٨:٥٥)

پاریس سانت جرمان – گەڵاتەسەرای (١١:٠٠)

کلوپ بروج – ڕیاڵ مەدرید (١١:٠٠)

بایرن میونشن – تۆتنهام (١١:٠٠)

ئەتلەتیکۆ مەدرید – لۆکۆمۆتیڤ مۆسکۆ (١١:٠٠)

بایەرلیڤەرکوزن – یوڤانتۆس (١١:٠٠)

ئۆڵۆمپیاکۆس – سرڤینیا زڤیزدا (١١:٠٠)

جامی جیهانی یانەکان

سەد – هینجین سپۆرت (٨:٣٠)

بەردەوام بە لە خوێندنەوە

جیهانی

بەرشلۆنە بلیتی قۆناغی (١٦)ی پێشکەشی دۆرتمۆند کرد و شەش یانەی تر سەرکەوتن

خەڵک سپۆرت
ئەمشەو ڕووبەڕووبوونەوە یەکلاکەرەوەکانی قۆناغی کۆمەڵەکانی چامپیۆنز لیگ ئەنجامدران و شەش یانەی تر سەرکەوتنیان بۆ قۆناغی (١٦)ی خولەکە بەدەستهێنا.
یانەی ئینتەرمیلان لەنێو یاریگا و هاندەرانیدا میوانداری بەرشلۆنەی کرد، یانە کەتەلۆنیەکە سەرەڕای ئەوەی بە پێکهاتەی یەدەگەوە یارییەکەیان ئەنجامدا، بەڵام هیچ بەزەییەکیان نیشان نەدا و بە ئەنجامی دوو گۆڵ بەرامبەر گۆڵێک سەرکەوتنیان تۆمار کرد.
گۆڵی یەکەمی بارسا لە خولەکی ٢٣ لەڕێگەی کارلیس پێرێزەوە تۆمار کرا، لە خولەکی ٤٤ ڕومێلۆ لوکاکۆ گۆڵی یەکسانکردنەوەی بۆ ئینتەر تۆمار کرد و تایمی یەکەم (١ – ١) کۆتایی هات.
لە تایمی دووەمدا ئەستێرەکانی میلانۆ خۆیان ماندوو کرد لەپیناو تۆمارکردنی گۆڵی پێشکەوتن، بەڵام لەهەوڵەکانیان شکستیان هێنا، لە خولەکی ٨٦ ئانسو فاتی بە گۆڵی دووەم بۆ بارسا کۆتایی بە خەونی ئینتەریستا هێنا و یارییەکە (١ – ٢) لەبەرژەوەندی کەتەلۆنییەکان کۆتایی هات، ئەم ئەنجامەش بلیتی سەرکەوتنی پێشکەشی دۆرتمۆند کرد کە لە یارییەکی تردا بە ئەنجامی دوو گۆڵ بەرامبەر گۆڵێک بەسەر یانەی سلاڤیا پراگدا سەرکەوتبوو.
ئەنجامی یارییەکان:
لیۆن ٢ – ٢ لایپزیگ
بەنفیکا ٣ – ٠ زینیت
(یانەکانی لایپزیگ بەپلەی یەکەم و لیۆن بەپلەی دووەم گەیشتنە قۆناغی ١٦)
چێڵسی ٢ – ١ لیل
ئەیاکس ئەمستەردام ٠ – ١ ڤالێنسیا
( یانەکانی ڤالێنسیا بە پلەی یەکەم و چێڵسی بەپلەی دووەم گەیشتنە قۆناغی ١٦)

بەردەوام بە لە خوێندنەوە

جیهانی

لیڤەرپوڵ سالزبۆرگی بڕی و لەگەڵ ناپۆلی بلیتی (١٦)یان بڕی  

خەڵک سپۆرت

ئەمشەو دوو ڕووبەروبونەوەی یەکلاکەرەوەی قۆناغی کۆمەڵەکانی چامپیۆنز لیگ ئەنجامدران، تیایاندا یانەکانی لیڤەرپوڵ و ناپۆلی سەرکەوتنیان تۆمار کرد.

سالزبۆرگ – لیڤەرپوڵ

لیڤەرپوڵ بەرامبەر ڕێدبول سالزبۆرگی پاڵەوانی نەمسا یاریی کرد، لە تایمی یەکەمدا یانەی خاوەن یاریگا بەهێزەوە رووبەروی پاڵەوانی خولەکە بوونەوە و چەندین هەلی مەترسیداریان دروست کرد، لەبەرامبەردا محەمەد سەڵاح و هاوەڵانی لەئاستی ئاساییدا نەبوون و نزیکبوو لە تایمی یەکەمدا شکست بهێنن.

لەتایمی دووەمدا یۆرگن کلۆپ پلانی لیڤەرپوڵی گۆڕی و کۆنترۆڵی ناوەندی یاریگای کرد، لە خولەکی (٥٧) نابی کیتا گۆڵی یەکەمی تۆمار کرد و دوای تەنها یەک خولەک (خولەکی ٥٨) محەمەد سەڵاح تۆپێکی گەڕاوەی لە گۆڵپارێزی سالزبۆرگ ڕفاند و گۆڵی دووەمی تۆمار کرد و ڕووبەروبونەوەکە تا کۆتایی بەئەنجامی (٢ – ٠) لەبەرژەوەندی لیڤەرپوڵ کۆتایی هات.

ناپۆلی – جینک

لەڕووبەڕوبونەوەیەکی تردا، یانەی ناپۆلی لە سان پاولۆ میوانداری جینکی کرد و گۆڵبارانی یانەی میوانیان کرد.

ئەستێرەکانی ئەنچلۆتی لەسەرەتاوە هیچ دەرفەتێکیان بۆ یانە بەلجیکیە ڕکابەرەکەیان نەهێشتەوە و لەخولەکی سێ ئەرکادیۆز میلیک گۆڵی یەکەمی تۆمار کرد، لە خولەکی ٢٦ هەمان هێرشبەر گۆڵی دووەمی تۆمار کرد.

هەر لەو تایمەدا و بەتایبەت لە خولەکی ٣٨ ئەرکادیۆز میلیکی بەلێدانی سزا هاتریکی تۆمار کرد، لە خولەکی ٧٥یشدا پەناڵتیەکەی تریان بۆ هەژمار کرا و درایس مێرتینزی بەلجیکی بەسەرکەوتویی گۆڵی چوارەمی تۆمار کرد، یارییەکەش بە ئەنجامی (٤ – ٠) کۆتایی هات.

ئەنجامی کۆتایی کۆمەڵەکە

یانەی لیڤەرپوڵ بەپلەی یەکەم و ناپۆلی بەپلەی دووەمی گروپەکەیان گەیشتنە قۆناغی (١٦)، یانەی سالزبۆرگیش بەفەرمی دابەزی بۆ خولی ئەوروپی “یوروپا لیگ”، یانەی جینکی بەلجیکیش ماڵئاوایی لە خولەکە کرد.

بەردەوام بە لە خوێندنەوە

کوردستان