ئێمە لە تۆرە کۆمەڵایەتیەکان

کوردستان

پارێزگاری هەولێر ماڵئاوایی لە یەكە ئیدارییەكان دەكات

خەڵك-بەشی هەواڵ

 

بەمەبەستی ماڵئاوایی، نەوزاد هادی لەگەڵ بەڕێوەبەری یەكە ئیدارەییەكانی هەولێر كۆدەبێتەوە.

کۆبوونەوەی نەوزاد هادی پارێزگاری هەولێر لەگەڵ قائیمقامەکان و بەڕێوەبەری ناحیەکان و بەڕێوەبەرانی گشتی و بەرێوەبەری فەرمانگەکانی هەولێر۱۰/۹/۲۰۱۹

Posted by Xelk Media Network on Tuesday, September 10, 2019

هەرچەندە ئەمڕۆ نەوزاد هادی پارێزگاری هەولێر ڕایگەیاند، دەستی لەكار نەكێشاوەتەوە و پارێزگاری هەولێرە و لەلایەن پارتی دیموكراتی كوردستانیشەوە هیچ فەرمانێكی لەو شێوەیەی بەدەست نەگەیشتووە، بەڵام ماڵپەڕی فەڕمی حزبەكە ئاشكرایكرد، كە ناوبرا پۆستی ڕاوێژكاری لە سەرۆكایەتی هەرێم پێدراوە و هەفتەی داهاتووش فرسەت سۆفی وەك پارێزگاری هەولێر دەستبەكار دەبێت.

 

پەیامنێری (خەڵك) ڕایگەیاند، ئەمڕۆ سێ شەممە نەوزاد هادی پارێزگاری هەولێر لەگەڵ بەڕێوەبەری یەكە ئیدارییەكان و بەڕێوەبەری فەرمانگەكان كۆدەبێتەوە و ئامانج لە كۆبوونەوەكەش ماڵئاوایی كردنە وەك پارێزگاری شارەكە.

کوردستان

بەڤیدیۆ..لە بەرنامەیەكی ڕاستەوخۆدا لە بومەلەرزەكەی باكوری كوردستان چی ڕوویدا؟

خەڵك-بەشی هەواڵ

بەهۆی ڕوودانی بومەلەرزەیەك لە توركیا و باكوری كوردستان لانی كەم 20 كەس گیانیان لەدەستدا و بە سەدانی دیكەش بریندار بوو.

تۆڕی سپوتنیك تۆمارێكی ڤیدیۆیی بەرنامەیەكی ڕاستەوخۆی تەلەفزیۆنی لەساتەوەختی ڕوودانی بومەلەرزەكەی باكوری كوردستانی بڵاوكردەوە.

ئارامگرتنی ئەو كەسانەی لە بەرنامەكەدا بوون، لە تۆڕە كۆمەڵایەتییەكان مشتومڕی زۆری لێكەوتەوە، لەكاتێكدا لەكاتی بومەلەرزەكەدا تەنها چەند چركەیەك وتوێژەكانیان ڕاگرت.

هەندێك لە بەكارهێنەرانی تۆڕە كۆمەڵایەتییەكان ئاماژە بۆ ئەوە دەكەن، ناخۆشترین وادەی ڕوودانی بومەلەرزە ئەو كاتانەیە كە لە بەرنامەیەكی ڕاستەوخۆدایت و هەندێكی دیكەش دەڵێن، بەهۆی ئەوەی متمانەیان بە ئەندازیارەكانی خۆیان هەیە تەنها سەیركەری بومەلەرزەكە بوون و هیچ هەڵوێستێكیان نەبووە.
لەبەرانبەردا هەندێكی دیكە دەڵێن، ئەگەر ئەوان بوونایە بەرنامەكەیان جێدەهێشت و هەڵدەهاتن.

س.ع

بەردەوام بە لە خوێندنەوە

کوردستان

بومەلەرزەكەی باكوری كوردستان، بە سەدان هاوڵاتی دەكاتە قوربانی

خەڵك-بەشی هەواڵ

بەهۆی ئەو بوومەلەرزەیەی لە باكووری كوردستان ڕوویدا، 20 هاوڵاتی گیانیان لەدەستدا و بە سەدان هاوڵاتیش دیكەش بریندار بوون.

شەوی ڕابردوو نزیكەی 30 بوومەلەرزە توركیا و باكووری كوردستانیان هەژاند و بەپێی زانیارییەكان، بوومەلەرزەی یەكەم بە پلەی 6.8 ڕێختەر بووە بومەلەرزەانی دیكەش پلەكەیان كەمتر بووە.

میدیاكانی توركیا بڵاویانكردەوە، تاكو ئێستا و بەپێی ئامارە سەرەتاییەكان، 20 هاوڵاتی لە شارەكانی خارپێت و مالاتیا گیانیان لەدەستداوە و سەدانی دیكەش بریندار بوون و چەندین خانوو و باڵەخانەش ڕووخاون.

س.ع

بەردەوام بە لە خوێندنەوە

کوردستان

بەڕێوەبەرایەتی گشتی پەروەردەی پارێزگای هەڵەبجە: سبەینێ‌ دەوامی فەڕمییە

خەڵك – بەشی هەواڵ

بەڕێوەبەرایەتی گشتی پەرەوەردەی پارێزگای هەڵەبجە لە ئاگادارینامەیەكدا ڕایدەگەیەنێت، سبەینێ‌ شەممە 25/1/2020 لەسەرجەم ناوەندەكانی خوێندن لە سنوری پارێزگاكەیان دەوامی فەڕمییە.

دەقی ئاگادارینامەكە..

سەرجەم بەڕێوەبەر و مامۆستایان وقوتابییان و خوێندكارانی خۆشەویستی سنووری بەڕێوەبەرایەتی گشتی پەروەردەی هەڵەبجەی شەهید ئاگادارئەكەینەوە ، سبەی شەممە 2020/1/25 دەوامی ئاساییە لە ناوەندەكانی خوێندن ، ئەویش بەهۆی جێگیری دۆخی كەش و هەوا لەناوچەكەمان ، لەئەگەری هەرگۆڕانكارییەك لەدۆخی كەش و هەوای ناوچەكەمان لەڕێگەی پەیجەكەمانەوە ئاگاداری نوێ بڵاو ئەكەینەوە.

ك.ج

بەردەوام بە لە خوێندنەوە

کوردستان