ئێمە لە تۆرە کۆمەڵایەتیەکان

جیهان

دۆستەكانی ئەردۆغان دەبنە كابووس بۆی

خەڵك – بەشی هەواڵ

پاش ئەحمەد داود ئۆغڵو، كەسایەتییەكی دیاری دیكەی نێو پارتەكەی ئەردۆغان، دواى دەست لە كاركێشانەوەی بە نیازە پارتێكی نوێ دابمەزرێنێت.

 

عەلی باباجان، كە یەكێك لە دامەزرێنەرانی “پارتی داد و گەشەپێدان” بوو، لە تەمووزی ئەمساڵدا دەستلەكاركێشانەوەی خۆی لەو پارتە ڕاگەیاند، كە رەجەب تەیب ئەردۆغان سەرۆكایەتی دەكات، بە نیازە لە كۆتایی ئەمساڵدا پارتێك ڕابگەیەنێت و بێتە نێو كێبڕكێكان لە كایەی سیاسی توركیادا و بە دیاریكراوی ڕكابەری پارتەكەی ئەردۆغان دەكات.

 

باباجان، لە سەروەختی گرتنە دەستی دەسەڵاتی پارتەكەی لە توركیا، پۆستەكانی، وەزیری دەرەوە، ئابووری و پیشەسازی لە دەستدابوو، دواین پۆستیشی جێگری سەرۆك وەزیران بوو .

 

عەلی باباجان، لە ئێستادا سەرقاڵی ڕێكخستنەوەی بیرۆكەكانییەتی و لە هەوڵدایە پارتێكی سیاسی نوێ لە وڵاتەكەیدا بهێنێتە ئارا و ببێتە ڕكابەری پارتی سەرۆكی وڵاتەكەی.

 

باباجان دەڵێت، هاوڵاتیانی توركیا، گیرۆدەی سیاسەتی هەڵەی ئەردۆغانن، هەر لە سیاسەتی دەرەوە و رێكخستنەوەی ئابووری، ئەم هۆكارانە وایان كرد دەستبەرداری پارتی دادو گەشەپێدان ببم و یەكێك نەبم لە پەیڕەوانی ئەو سیاسەتە هەڵانەی ڕێڕەویان گرتووە بەرەو ڕووخاندنی توركیا.

 

لە ماوەی ڕابردووشدا، ئەحمەد داود ئۆغلۆ سەرۆك وەزیرانی پێشووتری توركیا حزبێكی نوێی لە توركیا ڕاگەیاند و لە لێدوانەكانیدا بە توندی ڕەخنەی لە ڕەجەب تەیب ئەردۆغان سەرۆكی توركیا گرت، لەسەر ئەو سیاسەتە تاكڕەوانەی كە لە وڵاتدا پیادەیان دەكات.

جیهان

سعودیە: هێرشەكەی سەر ئارامكۆ دەستی ئێرانە

خەڵك- بەشی هەواڵ
وەزارەتی دەرەوەی سعودیە ڕایدەگەیەنێت، لێكۆڵینەوە سەرەتاییەكان ئاماژە بە بەكارهێنانی چەكی ئێرانی دەكەن لە هێرشی سەر دامەزراوە نەوتییەكانی خۆرهەڵاتی شانشینی عەرەبی سعودیە.

بەپێی بەیاننامەیەك كە لەلایەن وەزارەتی دەرەوەی سعودیەوە بڵاوكرایەوە”لێكۆڵینەوە سەرەتاییەكان ئاماژە بە بەكارهێنانی چەكی ئێرانی دەكەن لە هێرشی سەر دامەزراوە نەوتییەكانی سعودیە، و هێرشەكەش بە پلەی یەك بۆ لەمپەردروستكردنە لەبەردەم گەیشتنی وزە بە جیهان”.

هەر لە بەیاننامەكەی وەزارەتی دەرەوەی سعودیەدا هاتووە”لێكۆڵینەوەكان بەردەوامن بۆ ئاشكراكردنی سەرچاوەی هێرشی سەر دامەزراوە نەوتییەكان”، جەختیشی لەسەر ئەو ڕێوشوێنە گونجاوانەش كردەوە كە “ڕیاز دەیانگرێتەبەر لەژێر ڕۆشنایی بەرەنجامی لێكۆڵینەوەكان كە دەبنە مایەی زامنكردنی ئاسایش و سەرقامگیری وڵات”.

شەممەى ڕابردوو، وتەبێژی ئەمنی وەزارەتی ناوخۆی سعودیە ڕایگەیاندبوو”كاتژمێر چواری سەرلەبەیانی تیمەكانی ئاسایشی پیشەسازی لە كۆمپانیای ئارامكۆ، دەستیان كرد بە پرۆسەی كۆنترۆڵكردنی ئەو دوو ئاگرەی كە لە دوو كارگەی سەر بە كۆمپانیاكە كەوتنبوونەوە لە پارێزگەكانی بەقیق و هیجرە خریس، ئەمەش بەهۆی بەئامانجگرتنیان لەلایەن فڕۆكە بێفڕۆكەوانەكان”.

وتەبێژی وەزارەتی ناوخۆی سعودیە لەو دەمەدا ئاماژەی بە كۆنترۆڵكرنى ئاگرەكان و دەستكردن بە لێكۆڵینەوە كردبوو لە ڕووداوەكەدا.

بەردەوام بە لە خوێندنەوە

جیهان

مۆسكۆ نێوەندگیری ئێران و سعودییەی ڕەتكردەوە

خەڵك- بەشی هەواڵ

وتەبێژی كۆشكی كرملین ڕایگەیاند، هیچ لایەنێكی ئێرانی یان سعودییە داوای نێوەندگیری لێنەكردوون بۆ خاوكردنەوەی پەیوەندییەكانیان.

دیمتری بیسكوف، بە ڕۆژنامەنوسانی وتووە”دوای هێرشەكان بۆ سەر كۆمپانیای ئارامكۆ، جۆرێك لە گرژی دروستبووە لە پەیوەندییەكانی ئێران و سعودییەدا و باس لە نێوەندگیری ڕوسیا كراوە، بەڵام بە فەڕمی هیچ لایەنێكیان ئێمەیان ئاگادارنەكردووە”.

هەر لە قسەكانیدا ناوبراو ئاماژەی بەوەكردووە، ڕوسیا دەخوازێت ئاشتی باڵ بەسەر ناوچەكەدا بكێشێت و پەیوەندییەكانی نێوان ئێران و سعودییەش نەگاتە ئاستی توندبوونەوەی زیاتر.

هەفتەی پێشوو هێرشێكی چەكداری كرایەسەر ناوچەكانی ڕۆژهەڵاتی سعودییە و دواتر وابڵاوكرایەوە هێرشەكە ئێران كردوویەتی و لە عیراقەوە كراوە.

بەردەوام بە لە خوێندنەوە

جیهان

دۆناڵد تڕەمپ: بێگومان نامانەوێت شەڕی ئێران بكەین

خەڵك-بەشی هەواڵ

سەرۆك كۆماری ئەمریكا ڕایدەگەیەنێت، گومان دەكرێت ئێران هێرشەكانی ئەم دواییەی كردبێتەسەر سعودیە، بەڵام بێگومان نامانەوێت شەڕی ئێران بكەین.

ئاژانسی جەزیرە بڵاویكردەوە، دۆناڵد تڕەمپ سەرۆك كۆماری ئەمریكا ڕایگەیاند، زانیاری زۆرمان لەبەردەستە كە ئێران هێرشی كردبێتەسەر كێڵگە نەوتییەكانی كۆمپانیای ئارامكۆ لە سعودیە، بەڵام دەمانەوێت دڵنیایی زیاتر بەدەست بهێنین كە چ گرووپ یان چ وڵاتێك هۆكاری سەرەكی ئەو هێرشە بووە.

وتیشی”نامانەوێت لەگەڵ ئێران شەڕ بكەین، سەرەڕای ئەوەی زیاتر لە هەر كەسێك ئامادەییمان هەیە، بەڵام نامانەوێت لەگەڵ هیچ لایەنێك شەڕ بكەین”.

ئاشكراشیكرد، هێرش كرایەسەر سعودیە، نەك ئێمە، ناشمەوێت بە شەڕەوە تێوەگلێم، بەڵام هەندێكجار ناچارین، ئێستا دەبێت بزانین ئەنجامی لێكۆڵینەوەكانمان چی دەبێت. نیگەرانی شەڕ نیم. ئێمە سوپایەكی بەهێزمان هەیە.

بەردەوام بە لە خوێندنەوە

کوردستان