ئێمە لە تۆرە کۆمەڵایەتیەکان

کوردستان

نێرگەلە هۆكاری سەرەكی نەخۆشی سییەكانە

خەڵك- بەشی هەواڵ

قوربانیانی جگەرەی ئەلیكترۆنی روولەزیادبوون دەكات و ‌ئەمریكا داوای لە هاووڵاتیان كردووە بۆخۆپاراستن لە نەخۆشییە مەترسیدارەكانی سییەكان، خۆیان لە كێشانی جگەرەی ئەلیكترۆنی بەدوور بگرن چونكە مردن تۆمار كراوە.

بەگوێرەی هەواڵێكی سایتی ئەلحورە، تاكو ئێستا تەنها لە ئەمەریكا (450) كەس بەهۆی كێشانی جگەرەی ئەلیكترۆنی دووچاری نەخۆشی تووندی سییەكان بوونەتەوە و ژمارەكەش روولە زیادبوون دەكات.

لە چەند رۆژی رابردوودا بەرپرسانی تەندروستی‌ ئەمریكا هۆشداریان دەربارەی بەكارهێنانی جگەرەی ئەلیكترۆنی بەهاوڵاتیان داوە كە دەبێتە هۆی توشبوون بە نەخۆشی تووندی سییەكان.

سەنتەری كۆنتڕۆڵكردنی نەخۆشییەكانی ئەمەریكا، داوای لە هاووڵاتیان كردووە بۆخۆپاراستن لە نەخۆشییە مەترسیدارەكانی سییەكان، خۆیان لە كێشانی جگەرەی ئەلیكترۆنی بەدوور بگرن لەبەر ئەوەی مەترسی لەسەر ژیانیان دروست دەكات.

سایتی ئەلحورە ئاماژەی بەوەش كردووە؛ لەسێ مانگی رابردوودا ژمارەیەك هاوڵاتی بەهۆی زیانەكانی جگەرەی ئەلیكترۆنییەوە گیانیان لەدەست داوە، ئەو كەسانەی لە ئەمەریكا جگەری ئەلیكترۆنی بەكاردێنن زیاتر لە نۆ ملیۆن كەسن كە (3.6) ملیۆنیان تەمەنیان لەنێوان (18-20) ساڵە”.

زۆر كەس بەكارهێنانی جگەرەی ئەلیكترۆنی لەبری جگەرەی ئاسایی بە تەندروستتر دەزانن، بەڵام هەندێك لە شارەزایان پێیان وایە، كاریگەرییە خراپەكانی جگەرەی ئەلیكترۆنی هێواش هێواش دەردەكەون و ئەویش هیچی كەمتر نییە لە زیانەكانی جگەرەی ئاسایی.

کوردستان

ئیدارەی خۆسەر: پڕۆگرامی سوریا لە ناوەندەكانی خوێندن ناخوێنرێن

خەڵك – بەشی هەواڵ

دەستەی پەروەردە و فێركردنی ئیدارەی خۆسەر ڕایدەگەیەنێت، نەگەڕاونەتەوە بۆ پڕۆگرامی سوریا و پڕۆگرامەكانی خوێندن وەك ساڵانی پێشووە.

دەستەی پەروەردە و فێركردن لە باكوور و ڕۆژهەڵاتی سوریا ڕایگەیاند، لە چەند ڕۆژی ڕابردوودا نووسراوێكی ساختە بە ناوی دەستەی پەروەردە و فێركردن لە ئیدارەی خۆسەر بڵاوكراوەتەوە و ئاماژە بۆ ئەوەكراوە، لە ڕۆژئاوای كوردستان پڕۆگرامەكانی حكومەتی سوریا لە ناوەندەكانی خوێندن دەخوێنرێت، بەڵام ئەو نووسراوە دوورە لە ڕاستییەوە و پڕۆگرامەكان وەك ساڵانی پێشووە.

دەستەی پەروەردە و فێركردنی ئیدارەی خۆسەر جەختیشدەكاتەوە، پڕۆگرامی ناوەندەكانی خوێندن لەناو سنووری خۆبەڕێوەبەریدا نەگۆڕاوە و وەك ساڵانی پێشووە، پڕۆگرامی سوریاش لە ناوەندەكانی خوێندن ناخوێنرێت.

بەردەوام بە لە خوێندنەوە

کوردستان

پۆلیسی ڕاپەڕین.. پێشمەرگەیەك كۆتایی بە ژیانی خۆی هێنا

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: پێشمەرگەیەك لە كۆمەڵگەی شكارتەی سەر بە شارەدێی بێتواتەی سەر بە شارۆچكەی ڕانیە كۆتایی بە ژیانی هێناوە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند، پێشنیوەڕۆی ئەمڕۆ، تەرمی كەسێك گەیەنرایە پزیشكی دادوەری ڕانیە بەناوی (ق، ع، ف) تەمەن 49 ساڵان لەڕەگەزی نێر پیشە (پ، م )دانیشتووی كۆمەڵگەی شكارتەی سەر بە شارەدێی بێتواتەی سەر بە شارۆچكەی ڕانیە، شوێنەواری فیشەك بەسەر جەستەیەوە هەبووە دوای ئەنجامدانی توێكاری لە پزیشكی دادوەری ڕانیە تەرمی ناوبراو ڕادەستی كەسوكاری كرایەوە.
بەڕێوەبەرایەتی پۆلیسی ڕاپەڕین ئاماژە بەوەدەكات، بەگوێرەی لێكۆڵینەوە سەرەتاییەكان ڕووداوەكە خۆكوژی بووە، بەپێی وتەی كەسوكاری ناوبراو نەخۆشی دەروونی هەبووە.
پۆلیسی ڕاپەڕین ئەوەشی خستەڕوو، دۆسیەی لێكۆڵینەوە بۆ ڕوودواكە كرایەوە، بە مەبەستی دەرخستنی هۆكاری ڕاستەقینەی ڕووداوەكە و لێكۆڵینەوە بەردەوامە.

بەردەوام بە لە خوێندنەوە

کوردستان

لە سنووری سلێمانی چوار فەرمانگەی پێناسی باری شارستانی دادەخرێن

خەڵك- بەشی هەواڵ
لە سنووری بەڕێوەبەرایەتی ڕەگەزنامە و كارتی نیشتمانی پارێزگای سلێمانی چوار فەرمانگەی پێناسی باری شارستانی دادەخرێن و لە شوێنیان فەرمانگەی كارتی نیشتمانی دەكرێنەوە.

مقەدەم شێركۆ ئەحمەد، بەڕێوەبەری كاروباری كارتی نیشتیمانی پارێزگای سلێمانی بۆ (خەڵك) ڕایگەیاند، ئەو هاووڵاتیانەی نفوسەكانیان لە فەرمانگەكانی باری شارستانی (سورداش و سروچك و گەرمك و بیارە)یە لەسبەینیەوە تا ڕۆژی پێنج شەممە سەردانی ئەو فەرمانگانە بكەن بەمەبەستی هەر مامەڵەیەك هەیانە.

ڕاشیگەیاند، هەر هاووڵاتییەك پێویستی بە مامەڵەی تۆماری لەدایكبوونی منداڵ و گۆڕینی و وونبونی پێناسەی باری شارستانی و وەرگرتنی صورە قید و كاروبارەكانی تر هەیە لەم هەفتەیەدا سەردانی ئەو فەرمانگانە بكەن.

ئاشكراشی كرد، لە بەرواری ٢٠٢٠/١٠/١ ەوە ئیشوكار لەو فەرمانگانە ڕادەگیرێ بەهۆی ئەوەی تۆمارەكانیان ڕەوانەی بەغدا دەكرێ بەمەبەستی خەزن كردنیان لە سیستمی كارتی نیشتیمانی.

وتیشی، “بەم زووانە دوای تەواوبوونی ڕێكارەكان، كارتی نیشتمانی لە سنووری ئەو شوێنانە دەكرێنەوە”.

بەردەوام بە لە خوێندنەوە

کوردستان