ئێمە لە تۆرە کۆمەڵایەتیەکان

کوردستان

نەوزاد هادی هەواڵی دەستلەكاركێشانەوەی ڕەتدەكاتەوە

خەڵك-بەشی هەواڵ

پارێزگاری پێشووی هەولێر ڕایدەگەیەنێت، تا ئێستا بە فەڕمی بڕیاری لادانم لە پارێزگار نەدراوە و بە فەڕمی هیچ پۆستێكیشم بۆ دیاری نەكراوە.

نەوزاد هادی پارێزگاری پێشووی هەولێر بە دەنگی ئەمریكای ڕایگەیاند، دەستم لەكارنەكێشاوەتەوە و هیچ شتێكی فەڕمیش نییە تا ئەم ساتە و لە پۆستی پارێزگاری هەولێر بەردەوامم.

وتیشی”ئەوە بڕیاری پارتییە كە گۆڕانكاری لە هەندێك لە پۆستەكاندا بكات، بەڵام تا ئێستا تایبەت بە پۆستی پارێزگاری هەولێر هیچ شتێكی فەڕمی نەهاتووە و نامەی دەستلەكاركێشانەوەم نەداوەتە ئەنجومەنی پارێزگا كوا ئەو هەواڵە لەكوێ هاتووە؟ هیچ شتێكی وانییە.”

ئاماژەی بۆ ئەوەش كرد، ڕێز و خۆشەویستیم بۆ ئەو خەڵكە هەیە، وەك خزمەتكارێكی ئەو خەڵكە وابووین، بەڵام پارتی بڕیاری كۆمەڵێك گۆڕانكاری هەیە ئەمە كارێكی سروشتییە و ئێمەش وەكو كادیرێك پابەند دەبین پێوەی و جێبەجێی دەكەین، منیش ئەوە نزیكەی شانزە ساڵە لەو پۆستەدام دوو خولی هەڵبژاردن سەرۆك لیست بووم.

ئاشكراشیكرد، بێگومان وەزیفە دەرفەتە بۆ ئەوەی خزمەتی خەڵك بكەیت، خەڵكانێكیش هەن هاوشێوەی من تموحی ئەوەیان هەیە بێنە وەزیفە تاخزمەتی خەڵك بكەن، منیش كاندیدی پارتی بووم لەو پۆستە ئەو حزبە چ ئەركێكی ترمان پێبسپێرێت كە خزمەتی خاك و وڵاتی تێدا بێت بێگومان جێبەجێی دەكەین.

سەبارەت بە پۆستی نوێی، ناوبراو ڕایگەیاند، وەك وتم بەشێوەیەكی فەڕمی فرمانی لادانم نەهاتووە بۆیە پێش ڕووداو ناكەوم و چاوەڕێی فەرمانی سەروخۆمم، جارێ هیچیان پێ نەوتوم چ پۆستێكم دەدەنێ.

ئەمەش لەكاتێكدایە، ماڵپەڕی فەڕمی پارتی بڵاویكردەوە، فرسەت سۆفی وەك پارێزگاری هەولێر لە هەفتەی داهاتوو دەستبەكار دەبێت و هاوكات نەوزاد هادیش وەك ڕاوێژكار لە سەرۆكایەتی هەرێم دەستبەكار دەبێت.

کوردستان

شارەوانی سلێمانی بەرزە پردی دەباشان سەوز دەكات

خەڵك –بەشی هەواڵ

شارەوانی سلێمانی ڕایگەیاندووە بە چەند قۆناغێك بەرزەپردی دەباشان سەوز دەكەن و ئێستا سەرقاڵی كاركردنن تێیدا.

شارەوانی سلێمانی لە ڕاگەیەندراوێكدا ڕونیكردەوە “سەرەتا دانانی ئاوەڕۆ ئەنجامدەدرێت، دواتر چینێك گڵ ‌و پاشان بە چەو، لە كۆتایشدا چینێكیتر گڵ دەكرێت بەسەر چەوەكەدا بەمەبەستی سەوزكردن”.

ئاماژەی بەوەشكرد “ئامانج لە بەكارهێنانی چەو لەگەڵ گڵەكەدا بۆ ئەوەیە كاری پاڵاوتن بۆ ئاوەكە بكات و نەهێڵێت مادە زیانبەخشەكان زیان بە سەوزكردنەكە بگەیەنێت، پاشان دەرچوونی ئاوەكە لەرێی ئاوەڕۆوە بۆ سەر مەنهۆڵی سەرەكی بەو شێوەیەش شەقامەكە تەڕ نابێت و زیانی بەرناكەوێت”.

بەردەوام بە لە خوێندنەوە

کوردستان

هاتوچۆی سلێمانی هۆكارەكانی قەرەباڵغی شەقامەكان ئاشكرا دەكات

خەڵك –بەشی هەواڵ

دوێنێ لەگەڵ دەستپێكردنی پرۆسەی خوێندنی ئەمساڵ، قەرەباڵغی و ئاستەنگی هاتووچۆ لە شەقامەكانی شاری سلێمانی دروستبووە.

كاروان سدیق وتەبێژی هاتوچۆی سلێمانی هۆكارەكانی ئەو قەرەباڵغییەی ڕونكردووەتەوە و نوسیویەتی “سەرلەبەیانی ئەمڕۆ لەیەكەم رۆژی كردنەوەی دەرگای قوتابخانەو خوێندنگا و زانكۆو پەیمانگاكان گرفتی هاتووچۆ لە بەشی زۆری شەقام و یەكتربڕو گۆڕەپانەكان بەدی دەكرا، لەهەندێك شوێن گەیشتە خنكانی هاتووچۆ وەلەكاتی تەواو بوونی دەوامی ئەو شوێنانە هەمان گرفت بەدی كرا، لۆدو قەرەبالغییەكی زۆر دروست بوو، وە هۆكاری دروستبوونی ئەم گرفتە بۆ چەند خاڵێك دەگەڕێتەوە”.

1. زۆربوونی ژمارەی ئۆتۆمبێل كە ئامارەكان دەری دەخەن تۆماری ئۆتۆمبێل لە ئێستادا (٥٥٢،٧٨١) ئۆتۆمبێل تەنها لە پارێزگای سلێمانی تۆماركراوە جگە لە ئۆتۆمبێلە میرییەكان، ئەمە جگە لەوەی كە رۆژانە ژمارەیەكی زۆری ئوتومبیلی شارەكانی تری هەرێمی كوردستان، شارەكانی تری ناوەڕاست و خوارووی عێراق سەردانی شاری سلێمانی دەكەن، وە تەنها لە شەش مانگی یەكەمی ئەمساڵ (٢٠١٩) تۆماری یەكەمجاری ئۆتۆمبێل لە هاتووچۆی سلێمانی (٢٦،٤١٥) ئۆتۆمبێل تۆمار كراوە. لێرەدا پرسیارێك دێتە پێشەوە ئەویش ئەوەیە كە ئەم ژمارە ئوتومبیلە لەگەڵ ژمارەی دانیشتوان و دۆخی ئێستای شەقامەكان دەگونجێت!
2. هاوكات لەگەڵ زۆربوونی ژمارەی ئۆتۆمبێل پڕۆژەی گرنگی ستراتیجی لە شاری سلێمانی بەدی ناكرێت، شەقام و گۆڕەپان و یەكتربڕو ڕێگاوبانەكان تا ڕادەیەك هەمان دۆخی ساڵانی پێشووتریان هەیە، فراوان بوون و نۆژەنكردنەوە بە پێی پێویست بەدی ناكریت.

3. نەبوونی پڕۆژەی گرنگ لە بواری هاتووچۆ كە هاوكار و یارمەرتیدەر بێت بۆ بەردەوام بوونی جوولەی هاتووچۆ و دروست نەبوونی لۆدو قەرەبالغی، وەك دروست كردنی (ئەندەرپاس، ئۆڤەرپاس و نەفەق)

4. خراپی سیستەمی گواستنەوەی گشتی لە هەرێمی كوردستان و شاری سلێمانی بۆیە هاوڵاتییان بە گشتی بۆ هەموو كارەكانی خۆیان ئۆتۆمبێلی تایبەتی بەكار دەهێنن، وە ئەمڕۆ ئەم هۆكارە بە ئاشكرا بەدی كرا كە دایكان و باوكان ئۆتۆمبێلی خۆیان بەكارهێنا بۆ گواستنەوەی قوتابییەكانیان وە ژمارەیەكی زۆری ئۆتۆمبێل لە شەقامەكان بەدی كراو بووە هۆی دروست بوونی لۆدو قەرەباڵغی.

5. باش دیراسەنەكردنی ئەو پڕۆژانەی كە لەبواری هاتووچۆ لە ماوەی رابردوو لە شاری سلێمانی ئەنجام دراوە وە دیارینەكردنی بەدیلی گوونجاو بۆ ئەو پڕۆژانە بە نموونە دانانی ترافیكی پەڕینەوەی پیادەكان لە هەندێ لە شەقامەكان بووەتە هۆی دروستكردنی لۆدو قەرەباڵغی، دەكرا لە رابردوو پێشبینی ئەم حالەتانە بكرایە لە جیاتی دانانی ترافیك پردی پەڕینەوەی كارەبایی دابنرایە. هەروەها دروستكردنی تاسەی دەستكرد (لەمپەری دەستكرد) كە ئامانج لە دانانی كەمكردنەوەی خێرایی و رووداوی هاتووچۆیە بەڵام لە هەندێ لە شەقامەكان بووەتە هۆی دروستكردنی لۆدو قەرەباڵغی.

6. هاتووچۆكردنی ئۆتۆمبێلی بارهەڵگری گەورە بۆ گواستنەوەی سووتەمەنی و كەل وپەلی بیناسازی و لە شەقامەكان لەكاتی دەستپێكردنی دەوامی فەرمی و لەكۆتایی دەوامی فەرمی هۆكارە بۆ دروست بوونی لۆد لەسەر شەقامەكان.

7. كار نەكردن و دەست پێنەكردن لە دروستكردنی پڕۆژەی شەقامی ١٠٠ مەتری شاری سلێمانی كە دەكرێت بڵێین بە دروستكردن و تەواوكردنی ئەم پڕۆژەیە بەشێكی باش لە گرفتی لۆدو قەرەباڵغی شاری سلێمانی چارەسەر دەكرێت.

8. زیادەڕەوی (تجاوز) لەسەر شۆستەو شەقامەكانی ناوشار وە زیادبوونی ئەم سەرپێچییە بە ئاشكرا بەدی دەكرێت.

9. كار نەكردن بەپێی پێویست بە پڕۆژەی ماستەرپلانی شاری سلێمانی، دروستكردنی چەندین پڕۆژەی گەورە لەسەر یەك شەقام و لە یەك ناوچە و ڕەچاو نەكردنی ژمارەی سەردانیكەرانی ئەو پڕۆژانە، بۆ نموونە دروستكردنی چەندین قوتابخانەو خوێندنگە لە یەك شوێندا.

بەردەوام بە لە خوێندنەوە

کوردستان

لیژنە هاوبەشەكان سوپاسی كافتریایەك دەكەن

خەڵك- بەشی هەواڵ

بەهۆی دەستبەجێ چاككردنەوەی كەموكورتییەكان و جێبەجێكردنی رێنماییەكان، لیژنە هاوبەشەكانی قائیمقامیەتی سلێمانی سوپاسی كافتریایەك دەكەن و قائیمقامی سلێمانیش دەڵێت؛ لیژنەكان بۆ خزمەتی گشتی پێكهێنراون نەك بۆ سزادانی دوكاندار و خاوەن شوێنەكان”.

لەئەنجامی سەردانی بەردەوامی لیژنەی سیستمی غازی سەربەلیژنە هاوبەشەكانی قائیمقامیەتی سلێمانی بۆ ئەوشوێنانەی سیستمی غازیان داناوه،‌ دەركەوتووە كافتری لاتانۆ كەموكورتی لەسیستەمەكەدا هەیه، پاش دیاریكردنی شوێنی لێچوونی غازەكە خاوەنی كافتریاكە دەستبەجێ كۆمپانیای چاككردنەوەی ئاگاداركردەوە و بەرلەرۆشتنی‌ لیژنەكە لەشوێنەكە چاسەرەری كەموكورتیەكانی كرد.

لەبەرامبەر بەدەمەوەهاتن و زووچاككردنەوەی كەموكورتیەكانیش لیژنەی سیستەمی غاز سوپاسی خاوەن كافتریای لاتانۆ_ی كرد و هیوایانخواست لەپێناو پاراستنی سەلامەتی خۆیان و شوێنەكانیان و هاوڵاتیان، خاوەن شوێنەكان بەزووی بەدەم لیژنەهاوبەشەكانەوە بچن لەچارەسەری كەموكورتیەكانییان.

بەردەوام بە لە خوێندنەوە

کوردستان