ئێمە لە تۆرە کۆمەڵایەتیەکان

جیهان

تڕەمپ، دووبارە داوای گفتوگۆ لە ڕوحانی دەكات

خەڵك – بەشی هەواڵ

سەرۆكی ئەمریكا دووبارە داوای دانیشتن و گفتوگۆ لە هاوتا ئێرانییەكەی دەكات، ئێرانیش بە بێ‌ مەرجی هەڵگرتنی سزاكانی سەری ئامادەیی هیچ دانیشتنێك نابێت.

دۆناڵد تڕەمپ، سەرۆكی ئەمریكا لە لێدوانێكدا ڕایگەیاند، دووبارە داوا لە سەرۆك كۆماری ئێران دەكەم، بە دەم داواكەم بۆ دانیشتن و گفتۆگۆ بێت، چونكە یەكتر بینینمان لە بەرژەوەندی تارانە.

بە وتەی تڕەمپ، لە ئێستادا ئێران لەوپەڕی خراپی دۆخی ئابووریدایە، بۆیە دەبێت لەگەڵیان بگاتە ڕێككەوتن و چارەسەری كێشەكانی بكات لەگەڵمان.

سەرۆكی ئەمریكا ئەوەشی وتووە، دووبارە داوا لە سەرۆك كۆماری ئێران دەكەم بەدەم داواكەم بێت و هیچ بەربەست و كێشەیەكیش لەبەردەم یەكتر بینینمان نییە.

هاوكات، حەسەن ڕوحانی سەرۆك كۆماری ئێران، ڕایگەیاندووە، وڵاتەكەی هیچ گفتوگۆ و یەكتر بینینێك بە بێ‌ هەڵگرتنی سزا ئابوورییەكانی سەری ئەنجام نادات.

پێشتر سەرۆكی ئەمریكا ڕایگەیاندبوو، ئەگەر ئێران خوازیارە چارەسەری كێشەكانی بكات، ئێمە ئامادەین لە 24 كاتژمێردا چارەسەریان بكەین.

ڕوونیشیكردەوە، پێویستمان بە وڵاتێكی نێوەندگیر نییە بۆ ڕێككەوتن، ئەگەر بمانەوێت ڕاستەوخۆ خۆمان دەچینە نێو گفتوگۆكانەوە.

جیهان

ئەردۆغان گەیشتە ئەمریكا

خەڵك –بەشی هەواڵ

ئەمڕۆ ڕەجەب تەیب ئەردۆغان سەرۆكی ئەمریكا بەسەردانێكی فەڕمی گەیشتە ئەمریكا و لە نیویۆرك پێشوازی لێكرا.

سەردانەكەی توركیا بە مەبەستی بەشداریكردنە لە 74هەمین خوولی كۆبونەوەكانی كۆمەڵەی گەشتی نەتەوە یەكگرتووەكان لە نیویۆرك.

بڕیارە بۆ بەشداریكردن لە كۆبوونەوەكانی كۆمەڵەی گشتی نەتەوە یەكگرتووەكان، سەرۆك و ڕێبەرانی وڵاتانی جیهان سەردانی ئەمریكا بكەن.

بەردەوام بە لە خوێندنەوە

جیهان

بوومەلەرزەیەك ئیندونێزیای هەژاند

خەڵك –بەشی هەواڵ

بوومەلەرزەیەك بەگوڕی ٦،٤ پلە بەپێوەری رێختەر، ویلایەتی مالوكو رۆژهەڵاتی ئیندۆنێزیای هەژاند.

ئاژانسی روانگەی كەشناسی و جیۆفیزیكی ئیندۆنێزیا (BMKG) ڕایگەیاند، چەقی بوومەلەرزەكە بەدووری ١٦٥ كیلۆمەتر لە سنوورە ئاوییەكانی باكووری رۆژئاوای ناوچەی ساوملاكی سەربە ویلایەتی مالوكو بووە و لە قووڵایی ١١ كیلۆمەتردا روویداوە.

بەپێی زانیارییە بەراییەكان بوومەلەرزەكە زیانی گیانی لێ نەكەوتووەتەوە و دوای بوومەلەرزەكەش هۆشداری نەدراوە لە ئەگەری روودانی شەپۆڵەكانی تسونامی.

١٤ی تەمووزی رابردوو بوومەلەرزەیەك بەگوڕی ٧،٣ پلە بەپێوەری رێختەر ناوچەی تێرناتە سەربە كۆمەڵە دوورگەی مالوكو رۆژهەڵاتی ئیندۆنێزیای هەژاند و لە ئاكامدا، شەش كەس گیانیان لەدەستدا.

بەردەوام بە لە خوێندنەوە

جیهان

توركیا دۆسیەی دیكە لە دژی دەمیرتاش و یۆكسەكداغ دەكاتەوە

خەڵك- بەشی هەواڵ
دادگای تاوانە قورسەكانی ئەنقەرە دۆسیەی دیكە لە دژی دەمیرتاش و یۆكسەكداغ، هاوسەرۆكانی پێشووی هەدەپە دەكاتەوە.

دادگای تاوانە قورسەكانی ئەنقەرە ئەمڕۆ شەممە بڕیاریدا بە داخستنی دۆسیەی بەرگریكردن لە سەڵاحەدین دەمیرتاش و فیگەن یۆكسەكداغ و هێشتنەوەیان لەزیندان.

بەپێی هەواڵی میدیاكانی توركیا، دادگای ئەنقەرە ئامادەكاری دەكات بۆ كردنەوەی دۆسیەیەك لەسەر خۆپیشاندانەكانی ساڵی 2014 دژی پەلاماردانی كۆبانێ‌ لەلایەن چەكدارانی داعشەوە و تۆمەتباركردنی دەمیرتاش و یۆكسەكداغ بە هاندانی هاووڵاتیان بۆ خۆپیشاندان.

ئەمە لەكاتێكدایە، كە لە دانیشتنی پێشوودا دادگاكە بڕیاریدا بە بێ تاوان بوونی دەمیرتاش لە دۆسیەی سەرەكی و ئەو تۆمەتانەی خرابوونە پاڵی دەربارەی پشتیوانی لە “تیرۆر” و بڕیاری ئازادكردنی دەرچوو، بەڵام توركیا بە بیانووی جۆراوجۆر بەرپرسانی كوردی باكووری كوردستان لە زیندان دەهێڵێتەوە سەرەڕای پشتیوانی دادگای ئەوروپا لە ئازادكردنی دەمیرتاش.

بەردەوام بە لە خوێندنەوە

کوردستان