ئێمە لە تۆرە کۆمەڵایەتیەکان

کوردستان

بەرپرسێكی یەكێتی نهێنی بوونی چەكدارانی داعش لە قەرەچووغ دەدركێنێت

خەڵك- بەشی هەواڵ
بەرپرسی كۆمیتەی مەخموری یەكێتیی نیشتمانیی كوردستان پێیوایە بوونی چەكدارانی داعش لە چیای قەرەچووغ، گەمەیەكی ئیقلیمی و نێودەوڵەتیە و دەڵێت: “دەكرێت بڵێین بەشێك لە هەرێمی كوردستانیشی لە پشتەوەیە”، ڕەتیشدەكاتەوە بەبێ‌ هیچ كۆمەكێك چەكدارانی ڕێكخراوەكە بتوانن لەو چیایەدا بمێننەوە.

ڕەشاد گەڵاڵی، بەرپرسی كۆمیتەی یەكێتی لە مەخمور، بە (خەڵك)ی ڕاگەیاند، “چیای قەرەچووغ چیایەكی وشكە و هیچ جۆرە خواردن و ئاوێكی شیرینی تێدا نییە، بەڵام بوونی چەكدارانی داعش بە سەدان چەكدار لەماوەی دوو ساڵی ڕابردوودا، گەمەیەكی نێودەوڵەتی لەپشتەوەیە”.

بە وتەی ئەو بەرپرسە، بوونی ئەو چەكدارانە لەو ناوچەیە، دەستی هاوپەیمانی نێودەوڵەتی و ئیقلیمی و نێوخۆیی هەرێمی كوردستانیشی تێدایە، چونكە بە وتەی ئەو “100 چەكدار لەو ناوچەیەدا بەبێ‌ كۆمەك، ناتوانن بۆ چەند ڕۆژێك خواردن و ئاو پەیدا بكەن، گوندەكانی دەورووبەریش بە هەمان شێوە توانای ئەوەیان نییە خۆراك بۆ ئەو چەكدارانە دابین بكەن، بۆیە دەكرێت بڵێین بوونی چەكدارانی ڕێكخراوەكە لە ناوچەكە، گەمەیەكی نێودەوڵەتی لە پشتەوەیە”.

ڕەشاد گەڵاڵی هۆكاری ئەمە بۆ هەندێك بەرژەوەندی نێودەوڵەتی و ئیقلیمی لە عیراقدا دەگێڕێتەوە و دەڵێت: “ئەگەر سیاسەتەكانی ناوخۆی عیراق بەپێی بەرژەوەندییەكانی ئەوان بن، ئەوا چەكدارانی سەر چیای قەرەچووغ قەتیس دەبن و كۆتاییان پێدێت، بەڵام ئەگەر جموجۆڵەكانی حكومەتی عیراقی و شیعە لە دژی خواست و بەرژەوەندییەكانی وڵاتانی زلهێزبن، ئەوا پێموایە جارێكی تر چەكدارانی داعش بەكاردەهێنرێنەوە و ڕووبەڕووی حكومەتی عیراقی و هێزە عیراقییەكان دەكرێنەوە”.

کوردستان

ئەندامێكی ئەنجومەنی پارێزگەكە: ڕەوشی كەركوك پاشاگەردانییە

خەڵك- بەشی هەواڵ
ئەندامێكی ئەنجومەنی پارێزگەی كەركوك ڕایدەگەیەنێت، ڕەوشی پارێزگەكە پشێوی و پاشاگەردانییە، و چەندان هێزە لە كەركوكدا هەن، ئاماژە بە خراپی خزمەتگوزارییەكانیش دەكات لە كەركوك.

ئەحمەد عەسكەری، ئەندامی ئەنجومەنی پارێزگەی كەركوك لە لێدوانێكیدا بۆ (خەڵك) ڕایگەیاند:”ڕەوشی كەركوك پشێوی و پاشەگەردانییە، لەلایەك پۆستی پارێزگار بە وەكالەت بەڕێوەدەچێت، لەلایەكی ترەوە هێزە ئەمنییەكان هەهەجۆرن و دەسەڵاتی جیاجیایان هەیە و یەك هێزن نیین، ڕەوشی خزمەتگوزارییەكان خراپە”، ئەو دەنگۆیانەشى ڕەتكردەوە كە باس لە باشبوونی ڕەوشی كەركوك دەكەن.

سەبارەت بە سەرنەگرتنی دانیشتنەكانی ئەنجومەنی پارێزگەی كەركوكیش، ئەحمەد عەسكەری وتی:”ڕێژەی یاسایی بۆ سازدانی دانیشتنی ئەنجومەنی پارێزگە تەواو نابێت، ئەگەرنا ئەنجومەن بەشێوەی ئاسایی دانیشتنەكانی خۆی سازدەكات”.

ئەو ئەندامەی ئەنجومەنی پارێزگەی كەركوك، ئاماژەی بەو هەوڵانەش كرد كە بۆ دانانی پارێزگاری نوێ‌ بۆ كەركوك خراونەتەگەڕ و لەو بارەیەوە ڕایگەیاند:”پارتی و یەكێتی لەسەر دانانی پارێزگاری نوێ‌ ڕێكەوتوون، لەئێستاشدا ئەوەی ماوە لایەنەكانی عەرەبی و توركمانییە كە گفتووگۆكان لەگەڵیاندا بەردەوامن”، ڕەتیشیكردەوە گفتووگۆكان لەگەڵ ئەو لایەنانەدا ئەنجامی هەبوبێت بەو هۆیەی “هەر لایەكیان ڕاوبۆچوونی جیاوازییان هەیە”.

بەردەوام بە لە خوێندنەوە

کوردستان

چاودێری تەندروستی سلێمانی؛ دەست بەسەر زیاتر لە 1تۆن خۆراكی خراپدا گیرا

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت ، لەماوەی چەند ڕۆژی ڕابردوو دەستگیراوە بە سەر نزیكەی یەك تۆن و350 كیلۆگرام خۆراكی خراپ و ماوە سەرچوودا، دەشڵێت ،” لێپێچینەوەی یاسای لەگەڵ خاوەنەكانیان كراوە و سەرجەمیان بەشێوەیەكی تەندروست لەناوبرا” .

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بۆ پاراستنی تەندروستی هاووڵاتیان و رێگریكردن لە خۆراكی نا تەندروست و ماوەبەسەرچوو لەلایەن لیژنەكانمانەوە دەستگیرا بەسەر نزیكەی یەك تۆن و 350 خۆراكی خراپ و ماوەبەسەرچوودا.

ڕاشیگەیاندووە، لە لایەن تیمەكانی چاودێری تەندروستی دەستگیرا بەسەر نزیكەی (۳۰۰) كگم خۆراك و چەند كەل و پەلكی خراپ و ناتەندروستدا ، لە سەنتەری چاودێری تەندروستی ڕاپەڕینیش لەیەك نانەواخانەدا دەستگیرا بەسەر (٥۰۰)كگم ئاردی خراپ و ئە سپێیاوی.

ئاماژە بۆ ئەوەشكراوە، لە مەڵبەندی تەندروستی كاریزەوشك لەچەند ڕۆژی ڕابردوودا دەستگیرا بەسەر نزیكەی (۲٥۰)كگم خواردن و خواردنەوەی خراپ و ماوەبەسەرچوو، هەروەها مەڵبەندی تەندروستی شەهید شەماڵیش لەسنوری گەڕەكی ماموستایان تیمەكانمان دەستیان گرتوە بەسەر نزیكەی (۱٥۰)كگم خۆراكی خراپ و ماوەبەسەرچوودا.

ئەوەشخراوەتەوە، لە مەڵبەندی تەندروستی سەروەری لە سنوری گەڕەكەكەیان دەستگیرا بەسەر نزیكەی ( ۱۲۰) كگم خۆراكی خراپ و ماوە بەسەرچوودا، كە سەرجەمیان لێپێچینەوەی یاسای لە گەڵ خاوەنەكانیان كراوە و لەلایەن لیژنەی تایبەتەوە بە شێوەیەكی تەندروست لە ناوبرا .

وێنەی ‏Sulaymaniyah Healthcare چاودێری ت. سلێمانی‏.

وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.وێنەی ‏Sulaymaniyah Healthcare چاودێری ت. سلێمانی‏.

بەردەوام بە لە خوێندنەوە

کوردستان

بەوێنە؛ هەولێر لەناوبردنی ئەو زەویانەی سەوزەیان بە ئاوی پیس بەرهەم دەهێنا

خەڵك – بەشی هەواڵ
بەڕێوەبەرایەتی شارەوانی شەش- هەولێر ڕایدەگەیەنێت، لە سنووری بەڕێوەبەرایەتیمان دەستكرا بە پاككردنەوەی ئەو زەوییانەی، كە سەوزەواتیان بە ئاوەڕۆی پیسی زێراب دەدا مەترسی ترسناكی لەسەر تەندروستی هاووڵاتیان هەیە، دەشڵێت،” هاونیشتمانیان دڵنیا دەكەینەوە ئەم جۆرە هەڵمەتانە بەردەوام دەبێت”.

بەڕێوەبەرایەتی شارەوانی شەش- هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ پێنجشەممە 19-9-2019 هەڵمەتێكی گەورەی لابردنی سەوزەوات، كە بە ئاوەڕۆی پیسی زێراب بەدەر لە یاسا و ڕێنماییەكانی تەندروستی ئاودانیان بۆ دەكرا لە نزیك شەقامی سەرەكی هەولێر ـ موسڵ دەستی پێكرد.

ڕاشیگەیاندووە، ئەو شوێنانەی بەشێوەی زێدەڕۆیی دروستكرابوون، كە مەترسی ترسناكی هەیە لەسەر تەندروستی هاووڵاتیان، دەست كرا پاككردنەوەی شوێنەكانیان لەگەڵ دەستبەسەرداگرتنی كەلوپەلەكانی وەك ماكینەی ئاو.

بەڕێوەبەرایەتی شارەوانی شەش ـ هەولێر، لە ڕاگەیەنراوەكەدا باسی لەوەشكردووە، كە هاووڵاتیان دڵنیادەكەنەوە ئەو جۆرە هەڵمەتانە بەردەوام دەبن.

وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.وێنەی ‏بەڕێوەبەرایەتى شارەوانى شەش - هەولێر‏.

بەردەوام بە لە خوێندنەوە

کوردستان