ئێمە لە تۆرە کۆمەڵایەتیەکان

ئابوری

دابەشكردنی نەوت لە سلێمانی دەستپێدەكات

خەڵك – بەشی هەواڵ
سەرۆكی‌ لیژنەی‌ پیشەسازی‌ و وزە‌ لە ئەنجوومەنی‌ پارێزگای‌ سلێمانی‌ ڕایدەگەیەنێت، عیراق لە هەفتەی داهاتوودا دەست بەدابەشكردنی بەشە نەوتی هاووڵاتیان دەكات و ڕێژەی دیاریكراوی نەوتيش ڕەوانەی پارێزگای سلێمانی دەكات، دەشڵێت: “لەگەڵ بڕیارەكەی ئەنجوومەنی وەزیران ئومێد دەكەین ئەمساڵ لە پار باشتر پڕۆسەی دابەشكردنی نەوت بەڕێوەبچێت”.

كەریم عەلی، سەرۆكی‌ لیژنەی‌ پیشەسازی‌ و وزە‌ لە ئەنجوومەنی‌ پارێزگای‌ سلێمانی‌ بە (خەڵك)ی ڕاگەیاند، بڕیارەكەی ئەنجوومەنی وەزیرانی هەرێم بۆ پێدانی بەرمیلێك نەوت پێش هاتنی وەرزی سەرما جێگەی دڵخۆشیە و ئێمە چاوەڕێی میكانیزمی دابەشكردنی دەكەین.

وتیشی، “لە سبەینێوە یان هەفتەی داهاتوودا عیراق دەست بە دابەشكردنی بەشە نەوت دەكات بە سەر هاووڵاتیاندا و ڕێژەی پێویستیش بۆ پارێزگای سلێمانی ڕەوانە دەكات، بۆیە بە گەیشتنی نەوت بۆ خەزانەكانی سلێمانی دابەشكردنی پڕۆسەی نەوت دەستپێدەكاتەوە”.

ڕاشیگەیاند، ئومێد دەكەین ئەمساڵ زیاتر لە پار پڕۆسەی دابەشكردنی نەوتی سپی ماڵان زیاتر و خێراتر بێت و ئاماژەكان بۆ ئەوە دەچن عیراق ئەمساڵ زیاتر لە پار نەوت ڕەوانەی سلێمانی و شارەكانی دیكە بكات.

لە كۆبوونەوەی پێشووی ئەنجوومەنی وەزیرانی هەرێم بڕیار دراوە، كە پێش هاتنی وەرزی سەرما و باران بەرمیلێك نەوت بەسەر هاووڵاتیاندا دابەش بكرێت و لەهەمان كاتیشدا حكومەتی عیراق ساڵانە بەرمیلێك نەوت بۆ هەر خێزانێكی هەرێمی كوردستان ڕەوانە دەكات.

ئابوری

وەزیری نەوتی عیراق: ساڵی داهاتوو هەرێم نەوت لە ڕێگەی سۆمۆوە هەناردە دەكات

خەڵك- بەشی هەواڵ

وەزیری نەوتی عیراق ئاشكرایكرد، تێگەیشتن لە نێوان هەرێم و بەغدا هاتووەتەئاراوە بۆ ناردنی 250 هەزار بەرمیل نەوتی ڕۆژانە لە ڕێگەی سۆمۆوە.

سامر غەزبان، لە چاوپێكەوتنێكی ڕۆژنامەنوسیدا باسی لەوەكردووە، ڕۆژی یەك شەممەی ئەم هەفتەیە شاندێكی ئابووری و هونەری هەرێم سەردانی بەغدا دەكەن و بڕیاری كۆتایی لەسەر ئەو بابەتە دەدرێت.

ناردنی نەوتی هەرێم لە ڕێگەی بەغداوە، بەرامبەر بە ناردنی بڕێك لە مووچەی فەرمانبەرانی هەرێمی كوردستانە.

وەزیری نەوتی عیراق وتیشی”ڕۆژانە هەرێمی كوردستان مانگی ڕابردوو 440 هەزار بەرمیل نەوتی هەناردە كردووە، بەڵام لە ڕێگەی بەغداوە نەبووە”.

بەردەوام بە لە خوێندنەوە

ئابوری

حكومەتی عیراق ساڵی داهاتوو دەستكاری مووچە دەكاتەوە

خەڵك- بەشی هەواڵ

سەرۆكی فراكسیۆنی دارایی و ئابوری لە پەرلەمانی عیراق ڕایگەیاند، لە چوارچێوەی چاكسازییدا بە هەماهەنگی پەرلەمان و حكومەت ڕێكخستنەوەیەكی نوێ‌ بۆ مووچە دەكرێت.

هەیسەم جبوری بۆ ئاژانسی هەواڵی فەرمی عیراق ئاماژەی بەوەكردووە، هەندێك لە دەرماڵەكان ناپێویستن و بە یاسا دانەنراون، بۆیە دەستكاری دەكرێنەوە و لادەبرێن.

هەر لە قسەكانیدا ئەو پەرلەمانتارە ڕونیكردووەتەوە، ئاستی زۆرترین مووچە بۆ حكومەت دیاری كراوە و گفتووگۆش دەكرێت بۆ ئەوەی بزانرێت كام دەرماڵانە بدرێن و كامانە لاببرێن.

وتیشی”ئەوەی بە یاسا دانرابێت وەكخۆی دەمێنێتەوە و دەستكاری ناكرێت، بەڵام هەندێك دەرماڵە بە بڕیار دانران و هەندێكیان پێویست نین”.

جبوری هەروەها ئاماژەی بەوەكردووە، لە هەموو حاڵەتەكانیدا نابێت جیاوازی مووچەی بەرزترین پلە لە عیراقدا چوار هێندە لە فەرمانبەرێكی ئاسایی زیاتر بێت.

بەردەوام بە لە خوێندنەوە

ئابوری

مووچەی پەرلەمانتار و ئیمتیازاتی سەرۆكایەتییەكان عیراق بۆ نیوە كەمكرانەوە

خەڵك- بەشی هەواڵ

لەدانیشتنی دوێنێی پەرلەمانی عیراقدا دەنگ لەسەر هەمواری یاسایی خانەنشینی درا و مووچەی پەرلەمانتار و وەزیر و پلەباڵاكان بۆ نزیكەی نیوە كەمكرایەوە و بەوەش جیاوازی نێوان مووچەی پێشوو و ئێستا دەركەوت.

بەپێی یاسا هەمواركراوەكە دەرماڵەی سەرۆكایەتییەكان كەمكرانەوە و دیاریكراون و ئەو لیوا و فەوجە سەربازییانەی بۆ پاراستنی سەرۆكایەتییەكان دروستكرابوون لابران.

هەر بەپێی یاسا هەمواركراوەكە مووچەی پەرلەمانتار لە 10 ملیۆن دینارەوە بۆ 5 ملیۆن دینار كەمكرایەوە و زۆربەی ئیمتیازاتەكانیش بڕدران.

محەمەد شاكر، ئەندامی پەرلەمانی عیراق بە “بغداد الیوم”ی وتووە”ئێستاش مووچەی پەرلەمانتارێك پێنجار لە فەرمانبەرێكی ئاسایی زیاترە”.

كەمكردنەوەی مووچەی پلەباڵاكانی عیراق لەكاتێكدایە تائێستا پڕۆژەیاسای چاكسازی لە هەرێمی كوردستاندا كاری پێناكرێت و وەزیر و پەرلەمانتار و بریكاری وەزیر و سەرۆكایەتییەكانی هەرێم پارەیەكی زۆریان بۆ خەرج دەكرێت.

هەدار بارزانی، ئەندامی پەرلەمانی عیراق لە فراكسیۆنی پارتی دیموكراتی كوردستان بە (خەڵك)ی ڕاگەیاند، ئەوان وەك فراكسیۆنی پارتی لەگەڵ ئەوەدان پڕۆژەی چاكسازی هاوشێوەی بەغدا لە هەرێمی كوردستانیش كاری پێبكرێت و جۆرێك لە عەدالەت لە دابەشكردنی مووچەدا بێتەكایەوە.

بەردەوام بە لە خوێندنەوە

کوردستان