ئێمە لە تۆرە کۆمەڵایەتیەکان

کوردستان

بڕیارەكەی پەروەردە چەند خوێندنگەیەك ناگرێتەوە
چەند خوێندنگەیەكی نمونەیی لە سلێمانی كرانەوە بە كوردی

خەڵك – بەشی هەواڵ
بەڕێوەبەری پەروەردەی ڕۆژئاوای سلێمانی ڕایدەگەیەنێت، ئەمساڵ سەرجەم ئەو خوێندنگانەی كرابوون بە ئینگلیزی دەكرێنەوە بە كوردی و تەنها چەند خوێندنگەیەك نەبێت، دەشڵێت: “دوای ئەوەی ئێمە سەرپشك كراین، خوێندنگەی ڕۆز و كۆمەڵگەی پەروەردەیی و گەشە و ئاسودەمان كردەوە بە كوردی”.

بەكر محەمەد، بەڕێوەبەری پەروەردەی ڕۆژئاوای سلێمانی بە (خەڵك)ی ڕاگەیاند، لە دواین كۆبوونەوەی ئەنجوومەنی وەزارەتی پەروەردە بڕیار لەسەر ئەوە درا سەرجەم ئەو ناوەندانەی خوێندن، كە لە ساڵی 2015ەوە وانەكانی زانست و بیركاریان كراوە بە ئینگلیزی بكرێنەوە بە كوردی و ئەمساڵ جێبەجێ‌ دەكرێت.

وتیشی، “هەندێك خوێندنگە هەیە پێش ئەو بەروارە كراون بە ئینگلیزی وەك كۆمەڵگەی پەروەردەیی و گەشە و ئاسوودە و ڕۆزی نمونەیی، وەزارەتی پەروەردە ئێمەی سەر پشك كرد، ئێمەش بە كۆی دەنگ ئەوانەشمان كردەوە بەكوردی و دەوامی كرا بە دوو دەوام بۆ ئەوەی كارئاسانی بكرێت”.

ڕاشیگەیاند، خوێندنگە نمونەیی و نێودەوڵەتیەكان وەك خۆیان دەمێننەوە و ڕێنمایی تایبەتیان بۆ دەركراوە وەك خوێندنگەی سابیس و میدیای نمونەیی، ئەوان جلوبەرگ و هەموو شتێكیان جیاوازە.

کوردستان

بەفر باری لە سۆران زیانێكی زۆری گیانی و ماددی لێ‌ كەوتەوە

خەڵك – بەشی هەواڵ
بەڕێوبەرایەتی بەرگری شارستانی سۆران ئاماری ڕووداوەكانی بەفربارینی ڕۆژانی ڕابردوو بڵاوكردەوە، كە بە پێی ئامارەكە تەنها 4 هاووڵاتی برینداربوون و ژمارەیەك پێشمەرگەش ڕزگار كراون، دەشڵێت: “زیانێكی زۆری ماددی لێ‌ كەوتۆتەوە”.

موقەدەم بیار باڵەكی، بەڕێوەبەری ڕاگەیاندنی بەڕێوبەرایەتی بەرگری شارستانی سۆران لە كۆنگرەیەكی ڕۆژنامەوانیدا ئاماری ڕووداوەكانی بەفربارینی ڕۆژانی ڕابردووی بڵاوكردەوە و ڕایگەیاندووە، لەماوەی ئەو چەند ڕۆژەی بەفربارین لە سنورەكە تەنها چوار حاڵەتی برینداربوونی هاووڵاتیان تۆماركراوە.

ئامارەكە :
۱-ڕووخانی كەپری حەوشەی ماڵی هاووڵاتی لە گەڕەكی كۆرەك لە سۆران.

۲- ڕووخانی كەپری حەوشەی ماڵی هاووڵاتی لە گەڕەكی وەستا ڕەجەب لە سۆران.

۳-دارمانی سەقفی پێشانگای فەرش و موكێت هاووڵاتی، كە لە ئاسن و جەمەلۆن دروست كرابوو لە شەقامی بارزانی نەمر لە سۆران.

٤-دارمانی سەقفی هۆڵی بۆنەكانی هەستی لە گەڕەكی (اسقلا) كە لە ئاسن و جەمەلۆن درووست كرابوو.

٥- داڕمانی سەقفی چوار (٤) پێشانگا بۆ كڕین و فرۆشتنی ئۆتۆمبێل، كە لە ئاسن و جەمەلۆن دروست كرابوو لە نزیك ناوچەی پیشەسازی سۆران، كە بووە هۆی بەركەوتنی زیانێكی زۆر بە (٥۰) ئۆتۆمبێلی جۆراوجۆر.

٦- داڕمانی سەقفی غەسلی ئۆتۆمبێل شوشتن لە نزیك دەروازەی سۆران، كە بووە هۆی زیان گەیاندن بە (۳) ئۆتۆمبێل، كە بەهۆی ناجێگیری كەش و هەوا ئۆتۆمبێلەكان لەوێ ڕاگیرا بوون.

۷-داڕمانی سەقفی دوكانێكی چاك كردنەوەی ئۆتۆمبێل لە ناوچەی پیشەسازی سۆران، كە بووە هۆی زیان گەیاندن بە (۲) ئۆتۆمبێل، كە لەدوكانەكە ڕاگیرابوون.

۸- ڕووخانی بەشێك لە خانووی هاووڵاتیەك لە گەرەكی (اسقلا).

۹-داڕمانی سەقفی كارگەی نایلۆن لە نزیك ناوچەی پیشەسازی سۆران.

۱۰- دارمانی سەقفی كارگەی پلاستیك لە نزیك ناوچەی پیشەسازی سۆران.

۱۱- داڕمانی سەقفی كارگەی دروستكردنی بالیفی (پزیشكی) لە نزیك ناوچەی پیشەسازی سۆران.

۱۲- داڕمانی سەقفی كۆگایەكی پەینی كشتوكاڵ كە ٥۰۰ تەن پەینی كیمیایی تیادا بوو لە نزیك ناوچەی پیشەسازی سۆران.

۱۳- داڕمانی سەقفی غەسلی كالكان بۆ ئۆتۆمبێل شوشتن كە بووە هۆی زیان گەیاندن بە ئۆتۆمبێلێكی جۆری تویوتا كرولا ۲۰۲۰.

۱٤-ڕزگار كردنی زیاتر لە (۱٦) هاووڵاتی و (٤٥) ئۆتۆمبێل كە لە ڕێگاكان درچوو بوون بە هۆی بەفری زۆر.

۱٥-ڕزگار كردنی (۹) پێشمەرگە لە بناری چیای كۆدۆ كە بەهۆی بارینی بەفری زۆر گیریان خواردبوو كە (۲) لەو پێشمەرگانە بەهۆی ژەهراوی بوونیان بە غاز باری تەندرووستیان تێكچوو بوو ڕەوانەی نەخۆشخانە كران بەهاوكاری بەڕێوەبەرایەتی بەشی پۆیسی چۆمان و بنكەی پۆلیسی حاجی ئۆمەران و گروپی ئۆتۆمبێلی ئۆفرۆدی چۆمان.

۱٦-كردنەوەی ڕێگای گەلی عەلی بەگ لایەن تیمەكانمان، كە ماوەی دوو ڕۆژ بوو ۷٥% ڕێگاكە گیرابوو بە هۆی لادانی ئۆتۆمبێلێكی بارهەڵگر لەسەر ئەم ڕێگایە.

۱۷-ڕزگاركردنی ئۆتۆمبێلێكی بارهەڵگر بەهۆبارینی بەفری زۆر لە رێگای بێخاڵ گیری خواردبوو كە (٥۰۰۰) مریشكی دەواجنی باركردبوو .

۱۸- داڕمانی هۆڵی قوتابخانەیەك لە قەزای ڕواندز.

۱۹- داڕمانی بەشێك لە كارگەی ئاوی كانی ‌لە بێخان.

۲۰- داڕمانی شاخ لەنێوان سۆران و حاجی ئۆمەران كەبووە هۆی بریندار بوونی هاولاتیەك و زیان بەركەوتنی دوو ئۆتۆمبێل.

۲۱- زیان بەركەوتنی دوو یاریگا لە سنوری شارەدێی دیانا.

۲۲- دارمانی كەپرێك لە بەرێوەبەرایەتی یەكی میری لە سۆران

زیانی گیانی
برینداربوونی (٤) چوار كەس.

بەردەوام بە لە خوێندنەوە

کوردستان

لە شوشمێ‌ 7 كۆڵبەری كورد بریندار بوون
“ئەو دوو كۆڵبەرەی بە تەقەی پاسداران بریندار بوون گیانیان لەدەستدا”

خەڵك – بەشی هەواڵ
ڕێكخراوی مافی مرۆڤی هەنگاو ڕایدەگەیەنێت، یەكێك لەو كۆڵبەرانەی، كە شەوی ڕابردوو بە تەقەی ڕاستەوخۆی هێزەكانی ئێران لە سنووری نەوسوود بریندار كرا ئەمڕۆ بەهۆی سەختی برینەكەیەوە گیانی لەدەستدا و دەشڵێت: “كۆڵبەرێكی دیكەش بە تەقەی پاساداران گیانی لەدەستداوە”.

ڕێكخراوی مافی مرۆڤی هەنگاو لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، یەكێك لەو كۆڵبەرانەی شەوی ڕابردوو لە سنووری شۆشمێ سەر بە شاری نەوسوود بە تەقەی هێزەكانی سوپای پاسداران بریندار كرا، لە نەخۆشخانەیەكی كرماشان بە هۆی سەختی برینەكەیەوە گیانی لەدەستدا.

ڕاشیگەیاندووە، كۆڵبەرەكە ناوی (شاهد ئەداك)ەو تەمەنی ٢٢ ساڵە، خەڵكی گوندی ژیوار سەر بە شاری سەوڵاوایە.

ئاماژە بۆ ئەوەشكراوە، لە هەمان ڕووداو كۆڵبەرێكی تەمەن ٢٤ ساڵی خەڵكی گوندی دشە سەر بە شاری پاوە بە ناوی (ئەحمەد سەحرایی) بە سەختی بریندار بووە و دوای گوازرانەوە بۆ نەخۆشخانە بە هۆی سەختی برینەكەیەوە گیانی لەدەستدا.

ڕێكخراوی مافی مرۆڤی هەنگاو دەشڵێت: “٧ كۆڵبەری دیكە بە ناوەكانی شادمان سەیدی، ڕەسووڵ هووشی، تەها سولەیمانی، جەلال نووری و زاهید نوری خەڵكی جوانڕۆ، عەزیم ئەمین زادە و جەبار محەمەدی خەڵكی نۆدشە و پاوە برینداربوون”.

ئەمە لەكاتێكدایە، كاتژمیر ٨ی ئێوارەی ڕۆژی یەك شەممە 16-2-2020 هێزە چەكدارەكانی ئێران لە بەرزاییەكانی سنووری شۆشمێ سەر بە بەخشێ نەوسوودی شاری پاوە تەقەیان لەكۆڵبەران كرد.

بەردەوام بە لە خوێندنەوە

کوردستان

لە ڕووداوێی هاتووچۆدا لەسەر شەقامی 120 مەتری دوو شۆفێر بریندار بوون

خەڵك – بەشی هەواڵ

وتەبێژی پۆلسی هاتووچۆی هەولێر ڕایدەگەیەنێت، بەهۆی تیژڕەوی و بێ ئاگایی لێخوڕین لەسەر شەقامی120 مەتری ئۆتۆمبێلێك خۆی كێشا بە تەكسیەكدا، بەو هۆیەوە هەردوو شۆفێرەكە برینداربوون.

فازڵ حاجی، وتەبێژی پۆلیسی هاتووچۆی هەولێر لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، ئەمڕۆ كاتژمێر 2.30 خولەكی پاشنیوەڕۆ ئۆتۆمبێلێكی جۆری كیای تایبەت بەهۆی تیژڕەوی و بێ ئاگایی شۆفێرەكەی خۆی كێشا بە دواوەی ئۆتۆمبێلێكی تەكسیدا.

ڕاشیگەیاندووە، تەكسیەكە و كیایە، كە هەردووكیان كۆنتڕۆڵیان لەدەستدا و لەشەقام دەرچوون بۆ ناو دورگەی ناوەندی شەقامەكە و لە دواییشدا تاكسیەكە وەرگەڕا و هەردوو شۆفێرەكە برینداربوون و زیانێكی زۆری مادیش كەوتەوە.

بەردەوام بە لە خوێندنەوە

کوردستان