ئێمە لە تۆرە کۆمەڵایەتیەکان

کوردستان

پۆلیسی سلێمانی هەڵمەتی گەڕان و پشكنینی فراوانی دەستپێكرد

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، هەڵمەتی گەڕان و پشكنینی دەستپێكردووە و شەوی ڕابردووش دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، شەوی ڕابردوو لە هەڵمەتێكی مەفرەزەكانی پۆلیسی پارێزگای سلێمانی، هەریەكە لەبەشەكانی پۆلیسی ناوشار ڕۆژهەڵات، ڕۆژئاوا و بەشی پۆلیسی نەهێشتنی تاوان و بنكەكانی پۆلیسی عەربەت، بەكرەجۆ، ڕاپەڕین، بازیان و بەردەقارەمانی سەر بە یاردەدەرێتی بەڕێوەبەر بۆ كاروباری قەزاكان دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.

ڕاشیگەیاندووە، هەر لە هەڵمەتەكەدا دەستگیرا بەسەر چەندین پەردەی ئۆتۆمبێل و چەندین لەزگەی جامی ڕەشی ئۆتۆمبێل لێكرانەوە، كە ڕێگە پێنەدراوە بەپێی یاسا، هەروەها چەند ئۆتۆمبێلێكی بێ سەرەتاش دەستی بەسەرداگیرا.

ئاماژەی بەوەشكردووە، تۆمەتبارێك لەلایەن بنكەی پۆلیسی ڕزگارییەوە دەستگیركرا، كە چوار فەرمانی گرتنی هەبووە لەهەریەك لە بنكەكانی پۆلیسی ڕزگاری و عەربەت و بەشی پۆلیسی شارەزوور، كە تۆمەتبار لەڕێگەی فێڵەوە پارەی لە هاووڵاتیان سەندووە.

ئاشكراشیكردووە، هەڵمەتی گەڕان و پشكنینی هێزەكانی پۆلیسی پارێزگای سلێمانی بەردەوامی دەبێت و هەركەسێك سەرپێچی بكات دەستگیر دەكرێت و ڕووبەڕووی یاسا دەكرێتەوە.

هەڵمەتی گەڕان و پشكنینی هێزەكانی پۆلیسی سلێمانی بەردەوامە

هەڵمەتی گەڕان و پشكنینی هێزەكانی پۆلیسی سلێمانی بەردەوامە شەوی ڕابردوو لە هەڵمەتێكی مەفرەزەكانی پۆلیسی پارێزگای سلێمانی ، هەریەكە لەبەشەكانی پۆلیسی ناوشار ڕۆژهەڵات – ڕۆژئاوا و بەشی پۆلیسی نەهێشتنی تاوان و بنكەكانی پۆلیسی عەربەت ، بەكرەجۆ ، ڕاپەڕین ،بازیان و بەردەقارەمانی سەربە یاردەدەرێتی بەڕێوەبەر بۆ كاروباری قەزاكان دەستگیرا بەسەر چەندین ماتۆڕسكیلی بێ‌ سەرەتاو ژمارەیەك لە ئامێری بڕەر كە ڕێگە پێنەدراوە هاوڵاتیان ئەو ئامێرانە هەڵبگرن .هەر لە هەڵمەتەكەدا دەستگیرا بەسەر چەندین پەردەی ئۆتۆمبێل و چەندین لەزگەی جامی ڕەشی ئۆتۆمبێل لێكرانەوە كە ڕێگە پێنەدراوە بەپێی یاسا ، هەروەها چەند ئۆتۆمبێلێكی بێسەرەتاش دەستیبەسەردا گیرا .لەو هەڵمەتەدا تۆمەتبارێك لەلایەن بنكەی پۆلیسی ڕزگارییەوە دەستگیركرا كە چوار فەرمانی گرتنی هەبووە لەهەریەك لە بنكەكانی پۆلیسی ڕزگاری و عەربەت و بەشی پۆلیسی شارەزور كە تۆمەتبار لەڕێگەی فێڵەوە پارەی لە هاوڵاتیان سەندووە .هەڵمەتی گەڕان و پشكنینی هێزەكانی پۆلیسی پارێزگای سلێمانی بەردەوامی دەبێت و هەركەسێك سەرپێچی بكات دەستگیردەكرێت و ڕوبەڕوی یاسا دەكرێتەوە .بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

Posted by ‎Sulaymanya police پۆلیسی سلێمانی‎ on Monday, September 9, 2019

کوردستان

كۆدار: پێویستە لایەنەكانی ڕۆژهەڵات ڕەخنەگرتن لە یەكدی قەبوڵبكەن

خەڵك –بەشی هەواڵ

ئەمڕۆ بۆ دووهەم ڕۆژ لە وڵاتی سوئێد كۆنفڕانسێكی تایبەت بە كێشە و ئاستەنگی پێش لایەنە سیاسییەكانی ڕۆژهەڵاتی كوردستان بەردەوامی دەبێت كە لەلایەن كەنەكەوە سازكراوە.

لەبارەی ڕەوشی ڕۆژهەڵاتی كوردستان فوئاد بێریتان هاوسەرۆكی كۆدار لە گوتارێكدا نوسیویەتی “ڕەوشی هەنووكەیی هەم بۆ كوردان و هەم بۆ ئێران مەترسیدارە. بۆیە پێویستە ئێران ڕووپەلێكی تازە بۆچارەسەری پرسی كورد بكاتەوە و هەنگاوی كرداری هەڵبگرێت”.

بێریتان دەڵێت “چۆن گەلی كورد لەم هەلومەرجە هەستیارەدا، پەیوەندی خۆی لەگەڵ سەرجەم گەلانی ئێران چڕتر و تۆختر دەكەن و تێكۆشانی هاوبەش و جدیتر بەرەو پێش دەبەن. ئێمه دەمانهەوێ ئاستی پەیوەندییەكانمان‌ لەگەڵ سەرجەم لایە‌نە سیاسییەكان پتەوتر و بەهێزتر بكەین”.

هەروەها دەڵێت “پێویسته ئێمه له رۆژهەڵاتی كوردستان كولتوری‌ رەخنە و رەخنەدان پێش بخەین. رەخنه گرتن له یەكتر بە واتای نكۆڵی كردنی یەكدی نییە، پێویستە رەخنەو رەخنەدایین لەنێوان پارتەكاندا هەبێت، چونكە ئەو كولتوورە دەبێتە هۆی پێشخستنی كۆمەڵگا”.

بەردەوام بە لە خوێندنەوە

کوردستان

وەزیری تەندروستی عیراق دەستیلەكاركێشایەوە

خەڵك –بەشی هەواڵ

وەزیری تەندروستی عیراق عەلائەدین عەلوان دەستی لەكاركێشایەوە.

وەزیری تەندروستی عیراق نامەی دەستلەكاركێشانەوەكەی ئاڕاستەی عادل عەبدولمەهدی سەرۆك وەزیران كردووە.

ناوبراو لە نامەكەیدا باسی لە فشاری سیاسی و دەستوەردان لە كاروباری وەزارەت كردووە، ئەوانەشی وەك ئاستەنگی كار و پرۆژەكان ناوبردووە.

بەردەوام بە لە خوێندنەوە

کوردستان

جەڵتەی دڵ چۆن ڕوودەدات؟

خەڵك- بەشی هەواڵ

جەڵتەی دڵ حاڵەتێكە كتوپڕ ڕوودەدات، كاتێك بۆرییەكانی دڵ بەهۆی مەینی خوێن یان گیرانی بەهۆی چەورییە دەگیرێت وخوێن ناچێت بۆ دڵ و دەمارەكە دەتەقێت.

د.عەبدولواحید محەمەد ساڵح، پسپۆڕی پزیشكی لە فەیسبوكی خۆی ئاماژەی بەم حاڵەتەكە كردووە و نوسیویەتی”لە ئەمڕۆدا بەشێوەیەكی بەرچاو لە ناو خەڵكدا زیادی كردوە، بەداخەوە ئەمە زۆر جار بەهۆی گرنگی نەدان بە تەندروستی و شێوازی ژیانی كەسەكەوە توشی ئەم مەترسیە دەبن، ئەم حاڵەتە لە پیاواندا زیاترە.”

سەبارەت بە هۆكارەكانیش ناوبراو وتویەتی:
1_ مەینی خوێن لەناو دەمارەكانی مێشكدا كە دەبێتەوە هۆی بڕینی سوڕی خوێن.
2_جگەرەكێشان.
3_خواردنەوەی كحول.
4_بەرزی فشاری خوێن.
5_تەمەن.
6_ئەگەر لەمێژووی خیزانەكەیدا هەبێ.
7_سترێس.

گرنگترین نیشانەكانی حاڵەتەكەش ئەمانەن:
1_ئازار سنگی و ناڕەحەت بوونی.
2_ئازارە لە دەستە چەپی دا.
3_هەناسە كورتی.
4_ئارەق كردنەوەیەكی سارد.
5_هیلاكی.
6_دڵ تێكەڵهاتن.
7_سەرئێشەیەكی بەهێز و گێژبوون.

سەبارەت بە خۆپاراستنیش ناوبراو ئەم ڕێنماییانەی خستووەتەڕوو:
1_جگەرەنەكێشان.
2_ئاگادار بوون لە كێشی زیادەی لەش، هەوڵبدرێت كێشێكی تەندروستت هەبێت.
3_كۆنترۆڵ كردنی رێژەی شەكری خوێن.
4_دووركەوتنەوە لە خواردنە كحولیەكان.
5_وەرزش كردن.
6_كەم كردنەوەی ئەو خۆراكانەی كە (چەور، شیرین،سوێر) ن.

هەروەها، زۆر گرنگە هەموو كەسێك ئاگاداری شێوازی ژیانی بێت بۆ ئەوەی توشی ئەم حاڵەتە نەبێت، ئەگەر كەسێك دوچاری ئەم نەخۆشیە بوو پێویستە ڕاستەوخۆ بگەیەنرێتە نەخۆشخانە و چارەسەر وەربگرێت، بە ڕێگەی دەرمان یاخود نەشتەرگەری.

بەردەوام بە لە خوێندنەوە

کوردستان