ئێمە لە تۆرە کۆمەڵایەتیەکان

کوردستان

پۆلیسی سلێمانی هەڵمەتی گەڕان و پشكنینی فراوانی دەستپێكرد

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، هەڵمەتی گەڕان و پشكنینی دەستپێكردووە و شەوی ڕابردووش دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، شەوی ڕابردوو لە هەڵمەتێكی مەفرەزەكانی پۆلیسی پارێزگای سلێمانی، هەریەكە لەبەشەكانی پۆلیسی ناوشار ڕۆژهەڵات، ڕۆژئاوا و بەشی پۆلیسی نەهێشتنی تاوان و بنكەكانی پۆلیسی عەربەت، بەكرەجۆ، ڕاپەڕین، بازیان و بەردەقارەمانی سەر بە یاردەدەرێتی بەڕێوەبەر بۆ كاروباری قەزاكان دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.

ڕاشیگەیاندووە، هەر لە هەڵمەتەكەدا دەستگیرا بەسەر چەندین پەردەی ئۆتۆمبێل و چەندین لەزگەی جامی ڕەشی ئۆتۆمبێل لێكرانەوە، كە ڕێگە پێنەدراوە بەپێی یاسا، هەروەها چەند ئۆتۆمبێلێكی بێ سەرەتاش دەستی بەسەرداگیرا.

ئاماژەی بەوەشكردووە، تۆمەتبارێك لەلایەن بنكەی پۆلیسی ڕزگارییەوە دەستگیركرا، كە چوار فەرمانی گرتنی هەبووە لەهەریەك لە بنكەكانی پۆلیسی ڕزگاری و عەربەت و بەشی پۆلیسی شارەزوور، كە تۆمەتبار لەڕێگەی فێڵەوە پارەی لە هاووڵاتیان سەندووە.

ئاشكراشیكردووە، هەڵمەتی گەڕان و پشكنینی هێزەكانی پۆلیسی پارێزگای سلێمانی بەردەوامی دەبێت و هەركەسێك سەرپێچی بكات دەستگیر دەكرێت و ڕووبەڕووی یاسا دەكرێتەوە.

هەڵمەتی گەڕان و پشكنینی هێزەكانی پۆلیسی سلێمانی بەردەوامە

هەڵمەتی گەڕان و پشكنینی هێزەكانی پۆلیسی سلێمانی بەردەوامە شەوی ڕابردوو لە هەڵمەتێكی مەفرەزەكانی پۆلیسی پارێزگای سلێمانی ، هەریەكە لەبەشەكانی پۆلیسی ناوشار ڕۆژهەڵات – ڕۆژئاوا و بەشی پۆلیسی نەهێشتنی تاوان و بنكەكانی پۆلیسی عەربەت ، بەكرەجۆ ، ڕاپەڕین ،بازیان و بەردەقارەمانی سەربە یاردەدەرێتی بەڕێوەبەر بۆ كاروباری قەزاكان دەستگیرا بەسەر چەندین ماتۆڕسكیلی بێ‌ سەرەتاو ژمارەیەك لە ئامێری بڕەر كە ڕێگە پێنەدراوە هاوڵاتیان ئەو ئامێرانە هەڵبگرن .هەر لە هەڵمەتەكەدا دەستگیرا بەسەر چەندین پەردەی ئۆتۆمبێل و چەندین لەزگەی جامی ڕەشی ئۆتۆمبێل لێكرانەوە كە ڕێگە پێنەدراوە بەپێی یاسا ، هەروەها چەند ئۆتۆمبێلێكی بێسەرەتاش دەستیبەسەردا گیرا .لەو هەڵمەتەدا تۆمەتبارێك لەلایەن بنكەی پۆلیسی ڕزگارییەوە دەستگیركرا كە چوار فەرمانی گرتنی هەبووە لەهەریەك لە بنكەكانی پۆلیسی ڕزگاری و عەربەت و بەشی پۆلیسی شارەزور كە تۆمەتبار لەڕێگەی فێڵەوە پارەی لە هاوڵاتیان سەندووە .هەڵمەتی گەڕان و پشكنینی هێزەكانی پۆلیسی پارێزگای سلێمانی بەردەوامی دەبێت و هەركەسێك سەرپێچی بكات دەستگیردەكرێت و ڕوبەڕوی یاسا دەكرێتەوە .بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

Posted by ‎Sulaymanya police پۆلیسی سلێمانی‎ on Monday, September 9, 2019

کوردستان

وەزیری تەندروستی هەرێم پەیامێكی بڵاوكردەوە

خەڵك – بەشی هەواڵ

وەزیری تەندروستی هەرێم لە پەیامێكدا ڕایدەگەیەنێت: كەمبوونی حاڵەتەكانی كۆرۆنا مانای نەمانی ڤایرۆس نییە.

د. سامان بەرزنجی وەزیری تەندروستی هەرێم لە پەیامێكدا كە لە لاپەڕەی فەرمی خۆی لە تۆڕی كۆمەڵایەتی فەیسبوك بڵاویكردووەتەوە ڕایگەیاندووە: هاووڵاتی بەڕێز، كەمبوونی حاڵەتەكانی كۆرۆنا مانای نەمانی ڤایرۆس نییە، بە خۆپاراستنمان زیاتر كۆنتڕۆڵ دەبێت و مردن كەمتر دەبێت.

ئەمەش لە كاتێكدایە، وەزارەتی تەندروستی حكومەتی هەرێمی كوردستان لە ئاماری ڕۆژانەی تایبەت بە كۆرۆنا ئەمڕۆ 26/11/2020 بڵاویكردەوە، 379 حاڵەتی نوێی تووشبوون بە كۆرۆنا و تۆماركردنی 17 حاڵەتی گیانلەدەستدانیش كردووە بەهۆی پەتاكەوە.

بەردەوام بە لە خوێندنەوە

کوردستان

قەرەیڵان: بۆ یەكەمجار یەكێتی پەكەكەی بردە ئەمریكا

خەڵك – بەشی هەواڵ

ئەندامی كۆمیتەی بەڕێوەبەری پەكەكە ئاشكرایدەكات: بۆ یەكەمجار یەكێتی، پەكەكەی بردووەتە ئەمریكا.

موراد قەرەیڵان، ئەندامی كۆمیتەی بەڕێوەبەری پارتی كرێكارانی كوردستان (پەكەكە) ئاشكرای دەكات لە ساڵی 1990 بۆ یەكەمجار مام جەلال، پەكەكەی بردە ئەمریكا و جەختیشیكردووەتەوە لەوەی كە لە پەیامێك كە بە ناوی پارتەكانی كوردستانەوە دەنووسرێت، ناوی پەكەكە لەسەرەوە بێت.

قەرەیلان وتیشی:” لە دوای شەڕی كوەیت، ویلایەتە یەكگرتووەكانی ئەمریكا داوای كردبوو شاندێكی پێكهاتوو لە نوێنەرانی هەر چوار پارچەی كوردستان سەردانی واشنتۆن بكات، كە بەتایبەتی داواكرابوو پەكەكەش لەو شاندەدا جێبگرێت، بەڵام پەكەكە بە هۆی ئەوەی توركیا بە پشتیوانی ئەمریكا و ناتۆ شەڕی ئەوانی كردووە، ڕەتیكردبووەوە كە نوێنەری خۆیان بنێرێتە ئەمریكا”.

قەرەیڵان ڕوونیشی دەكاتەوە، لەو كاتەدا مام جەلال نامەیەك بۆ پەكەكە دەنێرێت و تێیدا دەنووسێت: “ئەگەر پەكەكە بەشداریی لەو شاندەیەدا نەكات ئەوا، ئەو شاندە قورسایی و بایەخی خۆی لەدەست دەدات بۆیە مام جەلال داوای لە پەكەكە كرد بۆ پاراستنی ئەو دەستكەوتانەی باشوور و بۆ گەلی باشوور، بەشداریی لەم شاندەدا بكات”.

ئەندامی كۆمیتەی بەڕێوەبەری پەكەكە ئەوەشی خستەڕوو:”مام جەلال وتبووی دەبێت لەو پەیامەدا كە بە ناوی كوردەوە دەنووسرێت، ناوی پەكەكە لە سەرووی هەمووانەوە بێت”.

بەردەوام بە لە خوێندنەوە

کوردستان

محەمەد حاجی مەحمود بۆ حكومەت: ئیدارەیەكی گونجاو ڕێكبخەن و شەهیدەكان ئاسوودە بكەن

خەڵك – بەشی هەواڵ

لە شەشەمین ساڵڕۆژی شەهیدبوونی كوڕەكەیدا، سكرتێری حزبی سۆسیالیست دیموكراتی كوردستان لە گوڵەخانەوە پەیامێكی بڵاوكردەوە و داوا لە حكومەتی هەرێمی كوردستان دەكات، ماڵی كوردستان رێكبخەن و داهات و بەروبوومی كوردستان كۆبكەنەوە و ئیدارەیەكی گۆنجاو ڕێكبخەن و شەهیدەكان ئاسودە بكەن.

محەمەد حاجی مەحمود، سكرتێری حزبی سۆسیالیست دیموكراتی كوردستان نووسیویەتی، كوڕەكەی “لە 26ی تشرینی دووەمی 2014دا لە باشووری كەركوك بەبێ پشتیوانیی هاوپەیمانیە نێودەوڵەتییەكان، لە شەڕێكی قارەمانانەدا لە بەرامبەر هێرشێكی هێزەكانی داعش، توانیی ئەفسانەی داعش تێكبشكێنن، ئەم سەركەوتنەش بە خوێنی ژمارەیەك پێشمەرگەی قارەمان و شەهید عەتای جوانە مەرگ تۆماركرا”.
محەمەد حاجی مەحمود ئاماژەی بەوەش كردووە”ئاواتی عەتا و هەموو شەهیدەكانی دیكەش ئەوە بوو، ئەوەی كورد قارەمانانە توانیویەتی دووژمن بشكێنێت، وەكو هەمیشە تێكیشكاندووە و راویناوە، بەڵام لەدوای شەش ساڵ جگە لەوەی ئەو ناوچانە بە كەركوكیشەوە تەسلیم بە دووژمن و بەغداد كردووە، ئێستاش دەیانەوێت لەپێناو مشتێك پارەی تەزویری عێراقدا خوێنی شەهیدەكانیش بخرێتە ژێر پرسیارەوە..؟”
لە كۆتاییشدا نووسیویەتی “ماڵی كوردستان ڕێكبخەن و داهات و بەروبوومی كوردستان كۆبكەنەوە و ئیدارەیەكی گونجاو ڕێكبخەن و شەهیدەكان ئاسوودە بكەن”.

دەقی نووسینەكە:

بۆ یادی شەهید عەتا

لە ۲٠۱٤/۱۱/۲٦ لە باشوری كەركوك بە بێ پشتیوانی هاوپەیمانیە نێودەوڵەتیەكان لە شەڕێكی قارەمانانەدا لە بەرامبەر هێرشێكی هێزەكانی داعش، توانی ئەفسانەی داعش تێك بشكێنن، ئەم سەركەوتنەش بە خوێنی ژمارەیەك پێشمەرگەی قارەمان و شەهید عەتای جوانە مەرگ تۆمار كرا.
ئەمڕۆ وا ئەم یادە شەش ساڵ بەسەریدا تێپەڕ دەبێت، بۆ من وەك ڕۆژێكی ئاسایی وابوو، چونكە ئەو ڕۆژەی عەتاو هاوڕێكانی شەهید بوون، هەموو عەتاكانی تر لەسۆسیالیست و لە هێزەكانی تر هەموویان وەك عەتا وان لە لای من.
بەڵام ئەوەی ئەمڕۆ من بیرم لێ ئەكردەوە ئاواتی عەتاو هەموو شەهیدەكانی تریش ئەوەبوو ئەوەی كورد قارەمانانە توانیوێتی دوژمن بشكێنێ وەك هەمیشە تێكیشكاندوەو ڕاوی ناوە، بەلام لە دوای شەش ساڵ جگە لەوەی ئەو ناوچانە بە كەركوكیشەوە تەسلیم بە دوژمن و بەغداد كردووە، ئێستاش ئەیانەوێ لە پێناو مشتێك پارەی تەزویری عێراقدا خوێنی شەهیدەكانیش بخرێتە ژێر پرسیارەوە..؟

بۆیە لەم یادەدا داوا لە حكومەت و پەڕڵەمان و هەموولایەك دەكەم چی تر خۆتان تەسلیم دەستی قەدەر مەكەن و خۆتان ئیدارەی خۆتان بدەن و خۆتان ڕێكبخەن، چاوەڕێی شۆڤێنی عەرەب لە بەغداد مەبن.

مالی كوردستان رێكبخەن و داهات و بەروبومی كوردستان كۆبكەنەوەو ئیدارەیەكی گۆنجاو ڕێكبخەن و شەهیدەكان ئاسودە بكەن.

محەمەد حاجی مەحمود
۲٠۲٠/۱۱/۲٦
گوڵەخانە

بەردەوام بە لە خوێندنەوە

کوردستان