ئێمە لە تۆرە کۆمەڵایەتیەکان

وەرزشەکانی تر

لوکلێر لە ئیتاڵیا شۆفێرانی مێرسیدسی تێپەڕاند و بردنەوەی بە “فێراری” بەخشی !

خەڵک سپۆرت

شارل لوکلێری شۆفێری ئەمارەی مۆناکۆ نازناوی پێشبڕکێی مۆنزوای ئیتاڵی بەدەستهێنا و سەرکەوتنێکی گەورەی بە تیمی فێراری بەخشی.

پێشبڕکێکە لەدەستپێکەوە جیاواز دەرکەوت، لوکلێر توانی لەسەر حەلەبەی مۆنزوا، ڤاڵتێری بوتاسی شۆفێری تیمی مێرسیدس تێپەڕینێت و هەروەها سودیشی لەهەڵەی لویس هامیڵتۆنی پاڵەوانی جیهان وەرگرت و پێشەنگی بەدەستهێنا، کە ئەوەش دووەم سەرکەوتنە تیمە ئیتاڵیەکە لەم وەرزەدا و لەچوارچێوەی پاڵەوانێتی جیهان بەدەستی دەهێنێت.

لوکلێر لەکۆتا دوو پێشبڕکێی بەلجیکا و ئیتاڵیا توانیویەتی پلەی یەکەم بۆ تیمی فێراری مسۆگەر بکات، لە کاتێکدا سباستیان ڤیتێڵی شۆفێری سەرەکی بەردەوامە لە هەڵە کوشندەکانی و تائێستا هیچکام لە نازناوەکانی پاڵەوانێتی وەرزی بەدەست نەهێناوە.

لە ڕیزبەنی شۆفێراندا شۆفێرە ناودارەکەی ئەمارەی مۆناکۆ کەوتۆتە پلەی پێنجەمەوە و خاوەنی ١٥٧ خاڵە، لەدوای هەریەک لە شۆفێران: لویس هامیڵتۆن، ڤاڵتێری بوتاس، ماکس ڤێرستابن، سباستیان ڤیتێڵەوە دێت.

تیمی فێراری لە ڕیزبەندی کۆمپانیا وەبەرهێنەکاندا بە ٣٥١ خاڵەوە دەکەوێتە پلەی دووەمەوە و لەدوای تیمی مێرسیدس دێت کە خاوەنی ٥٠٥ خاڵن.

وەرزشەکانی تر

نادال لوتکەی ڕیزبەندی یاریزانە پیشوەرەکانی تێنسی سەرزەوی گرتەوە !

خەڵک سپۆرت

ڕافائێل نادال ئەستێرەی ناوداری ئیسپانیا، توانی لوتکەی ڕیزبەندی یاریزانە پیشوەرەکانی بواری تێنسی سەرزەوی بگرێتەوە و پێش نۆڤاک جیۆکۆڤیچی ڕکابەری سڕبی بکەوێت.

بەپێی ڕیزبەندی نوێی لیژنەی نێودەوڵەتی تێنسی سەرزەوی، ڕافائێل نادالی ئیسپانی بە کۆکردنەوەی نۆ هەزار و ٥٨٥ خاڵ دەچێتە خانەی یەکەمی ڕیزبەندی یاریزانانەوە، هەروەها نۆڤاک جیۆکۆڤیچی سڕبی سەرباری بردنەوەی نازناوی پاریس، بەڵام پلەیەک هاتۆتە خوارەوە و خانەی دووەمی گرتووە.

ڕۆجێ فێدرەری ئەفسانەی سویسری دەکەوێتە پلەی سێیەمەوە، لەکاتێکدا دانێل میدڤیدێڤی ڕوسی توانیویەتی لەپلەی چوارەمدا پارێزگاری لە پێگەی خۆی بکات و پێش هەریەک لە دۆمینیک تیمی نەمساوی و ستیفانۆس سیتسیباسی یۆنانی کەوتووە.

لەپلەکانی حەوتەم و هەشتەم و نۆیەمیشدا ناوەکانی ئەلیکساندەر زڤیرێڤی ئەڵمانی و ماتیۆ پیرتینی ئیتاڵی و ڕۆبێرتۆ باوتیستای ئیسپانی هاتوون، هەروەها گایل مۆنفێسی فەرەنسی پلەیەک سەرکەوتووە و گەڕاوەتەوە پلەی دەیەم، واتا لەم ڕیزبەندییە نوێیەدا ناوی گەڕاوەتەوە نێو (باشترین دە یاریزانی تێنسی سەرزەوی).

بەردەوام بە لە خوێندنەوە

وەرزشەکانی تر

هامیڵتۆن پێشبڕکێی مەکسیکی بردەوە و هەنگاوێکی ماوە بۆ نازناوی پاڵەوان

خەڵک سپۆرت

لویس هامیڵتۆنی بەریتانی شۆفێری تیمی مێرسیدس بە پلەی یەکەم کۆتایی بە پێشبڕکێی گەورەی مەکسیک هێنا و بەو ئەنجامەشەوە لە نازناوی پاڵەوانی جیهان نزیکبووەوە.

هامیڵتۆن توانی پلەی یەکەم لە حەلەبەی “هێرمانۆس ڕۆدریگێز” بەدەست بهێنێت و ئەو سەرکەوتنەش دەیەم بردنەوەی ئەم وەرزە دەکات لەکۆی هەژدە پێشبڕکێ، هەروەها سباستیان ڤیتێڵی ئەڵمانی شۆفێری تیمی فێراری پلەی دووەمی بەدەستهێنا و ڤاڵتێری بوتاسی شۆفێری دووەمی مێرسیدسی لە هامیڵتۆن جیا کردەوە و شۆفێرە فنلەندەیەکە پلەی سێیەمی بەدەست هێنا.

لەئێستادا پاڵەوانێتی جیهانی “فۆرمولا ١” تەنها سێ گەڕی کۆتایی ماوە و هەر سەرکەوتنێکی تر هامیڵتۆنی بەریتانی بۆ جاری شەشەم لەمێژوویدا دەکات بە پاڵەوانی جیهان.

جێی باسە، شارڵ لوکلێری شۆفێری تیمی فێراری نەیتوانی لەم پێشبڕکێیەدا ململانێی گەورەکان بکات و پلەی چوارەمی بەدەست هێنا و پێش هەریەک لە ئالیکساندەر ئالپۆن و ماکس ڤێرستابنی شۆفێرانی تیمی ڕێدبول کەوت.

بەردەوام بە لە خوێندنەوە

وەرزشەکانی تر

فێراری فێڵی لەسەرجەم تیمەکانی “فۆرمولا ١” و فیدراسیۆنی نێودەوڵەتی کردووە، بەڵام…

خەڵک سپۆرت

تیمی فێراری ئیتاڵی بەشدار لە ململانێکانی “فۆرمولا ١” لە چۆنیەتی وەبەرهێنانی بزوێنەری ئوتۆمبێلەکانیدا فێڵی لەسەرجەم تیمە ڕکابەرەکانی و فیدراسیۆنی نێودەوڵەتی ئوتۆمبێلە خێراکانیش کردووە، بەڵام فیدراسیۆنەکە هیچ هەنگاوێک بە ئاڕاستەی سزاداکانی ئەو تیمە نانێت.

ماڵپەڕی “ئاوتۆ بێلد”ی ئەڵمانی ئاشکرای کردووە، لەم وەرزەدا ئوتۆمبێلەکانی تیمی فێراری لەچوارچێوەی ململانێکانی “فۆرمولا ١” جیاوازی بەرچاویان پێوەدیار بووە، بە ئاشکرا دەرکەوتووە کە خێراییان لە خێرایی ئوتۆمبێلی تیمەکانی تر زیاترە، بەو هۆیەوەشەوە زۆرینەی تیمەکان سکاڵایان لەسەر ئیتاڵیەکان تۆمار کردووە، بەڵام فیدراسیۆنی نێودەوڵەتی هیچ کاردانەوەی نییە.

سەرچاوەیەک لە تیمێکی ڕکابەرەکەوە کە نەیویستووە ناوی ئاشکرا بکرێت، بە ماڵپەڕەکەی ڕاگەیاندووە :” ئەو بەرەو پێشچوونەی تیمی فێراری لە یەکەی وەبەرهێنانی وزەی بزوێنەرەکانیدا بەدەستیهێناوە یاسایی نییە، شێتانەیە تیمێک بەو خێراییە بتوانێت گۆڕانکاری هێندە گەورە بەرجەستە بکات، بەڵکو ئەوەی ڕوویداوە بەکارخستنی نوێترین تەکنەلۆجیای سەردەمە و بزوێنەرەکانیش گەورەترن لە بزوێنەری تیمەکانی تر”.

هەروەها دەڵێت :” فیدراسیۆنی نێودەوڵەتی ئەم ڕاستیانە دەزانێت، بەڵام نایانەوێت هیچ لەبارەیەوە بڵێن و پشکنین بۆ بزوێنەرەکانیان بکەن، دڵنیام ئەگەر ئەوە ڕووبدات ئابڕوچونێکی مێژوویی ئاشکرا دەبێت”.

لەم وەرزەدا و سەرباری ئەو تۆمەتانەی ئاڕاستەی فێراری دەکرێت، بەڵام تیمی مێرسیدسی ئەڵمانی لەسەر ئاستی تیم و شۆفێرانیش لوتکەی بوارەکەی گرتووە و چەند وەرزێکیشە کۆنترۆڵی سەرجەم پێشبڕکێکانیان کردووە.

بەردەوام بە لە خوێندنەوە

کوردستان