ئێمە لە تۆرە کۆمەڵایەتیەکان

جیهانی

ئاس: ڕیاڵ مەدرید لەئێستاوە یەکەمین گواستنەوەی زستانەی یەکلایی کردۆتەوە

خەڵک سپۆرت
یانەی ڕیاڵ مەدریدی ئیسپانی جموجۆڵەکانی بۆ گواستنەوەی یەکێک لە ئەستێرەکانی یانەی ئەیاکس ئەمستەردام دەست پێکردووە و سەرچاوەیەکی نزیکی یانە ئاماژە بە ڕێکەوتنی کۆتایی دەکات.

ڕۆژنامەی “ئاس”ی ئیسپانی لەزاری سەرچاوە ناوخۆییەکانی یانەی شاهانەی مەدریدەوە ئاشکرای کردووە، نوێنەرانی یانەی ڕیاڵ مەدرید لە ماوەی چەند هەفتەی ڕابردوودا توانیویانە گواستنەوەی دۆنی ڤان دی بێکی هۆڵەندی یەکلایی بکەنەوە و دووپاتیان کردۆتەوە، یاریزانەکە لە گواستنەوەکانی زستانەی ٢٠٢٠ دا دەبێتە یەکەمین بۆندی ئیمزاکراوی سەردەمی نوێی زێدان.

بەپێی سەرچاوەکە، پاش بێهیوابوونی ئیدارەی شاهانە و زینەدین زێدان لە گواستنەوەی پۆل پۆگبا، نوێنەرانی یانە لەسەر ڕاسپاردەی ڕاهێنەری ناوبراو توانیویانە بەبڕی ٥٠ ملیۆن یورۆ بۆندی لاوە تەمەن ٢٢ ساڵەکەی هۆڵەندا لەگەڵ یانەی ئەیاکس ئەمستەردام یەکلایی بکەنەوە، بۆندەکەشی بە ماوەی پێنج وەرز دەبێت.

“ئاس” جەخت لەوە دەکاتەوە، کە دواکەوتنی هەوڵەکان بۆ ڤان دی بێک پەیوەندی بە هەڵوێستەکانی زێدانەوە هەبووە کاتێک بە نوێنەرانی یانەی شاهانەی ڕاگەیاندووە، یاریزانەکە لاوە و هێشتا تەمەنی ٢٢ ساڵە بۆیە باشترە لەڕیزەکانی ئەیاکس ئەزمونی زیاتر بەدەست بهێنێت و داواشی کردووە لە میریکاتۆی هاوینەدا پەلە لە ئیمزاکردنی بۆندەکەی نەکرێت.

جیهانی

(ڤیدیۆ) مان سیتی لە بێرنابیۆ بەسەر ڕیاڵدا سەرکەوت و لیۆن کریستیانۆ و یوڤی ڕاگرت

خەڵک سپۆرت

لەیاریگاکانی سانتیاگۆ بێرنابیۆ و لیۆن ستادیۆم دوو کۆتا یاریی چوونی قۆناغی ١٦ی چامپیۆنزلیگ ئەنجامدران و یانەکانی مانچستەر سیتی و لیۆن بەسەر ڕیاڵ مەدرید و یوڤانتۆسدا سەرکەوتن.

لەڕووبەڕوبونەوەی سەرەکیدا ڕیاڵ مەدرید لە یاریگای بێرنابیۆ میوانداری یانەی مانچستەر سیتی کرد.

لەتایمی یەکەمدا ئەستێرەکانی شاهانە باشتر نمایشیان کرد و توانیان کۆنتڕۆڵی یاریگا بکەن، بەڵام لە تۆمارکردنی گۆڵ و ئامانجی سەرەکیدا سەرکەوتوو نەبوون، هەرچی یانەی مانچستەر سیتیە شێوازە هێرشبەرییەکەی لەدەستدا و لەو تایمەدا جەند هیرشێکی کەمیان کردە سەر گۆڵی تیبۆ کۆرتوا.

لەتایمی دووەمدا دووبارە یاریزانانی زێدان بەهێزەوە یارییان کرد و دەستپێشخەر بوون لە دروستکردنی هەلی گۆڵکردندا، لە خولەکی (٦٠) ئیسکۆ ئالارکۆن گۆڵی یەکەمی تۆمارکرد.

لەدوای ئەم گۆڵە گواردیۆلا پلانەکانی گۆڕی و ڕەحیم ستێرلینگی خستە نێو یاریگا، ئەم ئاڵوگۆڕەش لەرووی هێرشبەرییەوە گۆڕانکاریی دروستکرد، توانیان لە خولەکی (٧٨) لەڕێگەی گابریال جیزۆسی بەرازیلیەوە گۆڵی یەکسانکردنەوەی ئەنجامەکە تۆمار بکەن و لەڕووی هونەرییەوە پێشەنگی بگرن.

هێرشەکانیان لەم سنورەدا نەوەستایەوە و لە خولەکی (٨٣) بەلێدانی پەناڵتی گۆڵی دووەمیان لەڕێگەی کیڤن دی بڕۆنەوە تۆمارکرد.

لەدوا خولەکەکانیشدا سێرجیۆ ڕامۆسی بەرگریکاری شاهانە بەکاردی سور لەیاریگا کرایە دەرەوە، بەڵام سیتی هەلەکەی نەقۆستەوە و هیچکام لە دوو یانەکە سەرکەوتوو نەبوون لە تۆمارکردنی گۆڵی تر، یارییەکە (٢ – ١) لەبەرژەوەندی یانە ئینگلیزیەکە کۆتایی هات.

لەڕووبەڕوبونەوەیەکی تردا، یانەی لیۆنی فەرەنسی لە ئۆڵۆمپیک لیۆن ستادیۆم میوانداری یانەی یوڤانتۆسی کرد.

لە خولەکی (٣١) لوکاس توزارت تاکە گۆڵی ڕووبەڕوبوونەوەکەی بۆ لیۆنی خاوەن هاندەر و یاریگا تۆمارکرد و ئەو تایمەیان بەو ئەنجامە کۆتایی پێهێنا.

لەتایمی دووەمدا یاریزانانی خانمە پیرەکە هەوڵیاندا ئەنجامەکە یەکسان بکەنەوە، بەڵام سەرکەوتوو نەبوون و یارییەکە بە ئەنجامی گۆڵێکی بێوەڵام لەبەرژەوەندی لیۆن کۆتایی هات، کە ئەوەش ئەرکی ماوریزیۆ ساری لەیاریی گەڕانەوەدا ئاڵۆزتر دەکات.

بەردەوام بە لە خوێندنەوە

جیهانی

بایرن میونشن پێکانی کۆڵەکەی یانەکەی بۆ ماوەی چوار هەفتە ڕاگەیاند

خەڵک سپۆرت

یانەی بایرن میونشنی ئەڵمانی لەڕووبەڕوبونەوەکانی چوار هەفتەی داهاتوودا لەتواناکانی ڕۆبەرت لیڤاندۆڤیسکی هێرشبەری پۆڵەندی بێبەش دەبێت.

بایرنی ئەڵمانی لەیاریی چوونی قۆناغی ١٦ی خولی یانە پاڵەوانەکانی ئەوروپا بە ئەنجامی سێ گۆڵی بێوەڵام بەرامبەر یانەی چێڵسی ئینگلیزی بردنەوەی بەدەستهێنا، بەهۆی ئەم ئەنجامەشەوە ئەگەرەکانی سەرکەوتنیان بۆ قۆناغی چارەکی کۆتایی بەهێزە، بەڵام ئەوەی هاندەرانی خەمبارکردووە پێکانی ڕۆبەرت لیڤاندۆڤیسکی پۆڵەندییە.

ماڵپەڕی یانە باڤارییەکە لەبارەی پێکانی “لیڤاگۆڵ”ەوە ڕاگەیاندراوێکی بڵاوکردۆتەوە، تیایدا بەفەرمی پێکانی هێرشبەرەکە پشتڕاست دەکەنەوە و وادەی چارەسەر و حەوانەوەی یاریزانەکەشیان بۆ ماوەی مانگێک (چوار هەفتە) خەمڵاندووە، کە بڕیارە لە ١٠ ڕۆژی داهاتوودا دوای حەوانەوە مەشقە جەستەییەکان دەستپێبکاتەوە.

لەو ماوەیەدا هێرشبەرە ناودارەکەی بایرن چەندین ڕووبەڕوبونەوەی خولی ناوخۆی ئەڵمانیا لەدەست دەدات و ئەگەرێکی بەهێزە لە یاریی گەڕانەوەی قۆناغی ١٦ی چامپیۆنزلیگ نەتوانێت بەشداری بکات.

لیڤاندۆڤیسکی لەم وەرزەدا ئاستێکی ناوازەی پێشکەشکردووە و هاوشانی ئێرلینگ هالاندی نەرویجی هێرشبەری یانەی بوروسیا دۆرتمۆند بە تۆمارکردنی ١٠ گۆڵەوە گۆڵکاری خولی یانە پاڵەوانەکانە، هەروەها بە تۆمارکردنی ٢٥ گۆڵ لوتکەی ڕیزبەندی گۆڵکارانی خولی ئەڵمانیای گرتووە.

بەردەوام بە لە خوێندنەوە

جیهانی

کۆرۆنا لە بەرشلۆنە تۆمارکرا و یورۆی ٢٠٢٠ مەترسی دواخستنی لەسەرە

خەڵک سپۆرت

یەکەم حاڵەتی توشبوون بە ڤایرۆسی کۆرۆنا لە هەرێمی کەتەلۆنیای ئیسپانیا تۆمارکراوە و بەهۆی بارودۆخی ئیتاڵیاوە بەرپرسێک ئاماژە بە دواخستنی یورۆی ٢٠٢٠ دەکات.

سێ شەممەی ڕابردوو دەزگا تەندروستییەکانی هەرێمی کەتەلۆنیا ئاشکرایان کرد، کە لەگەڵ دەرکەوتنی چوار حاڵەتی توشبوون بە ڤایرۆسی کۆرۆنا لە ئیسپانیا، حاڵەتێکی نوێ لە شاری بەرشلۆنە تۆمارکراوە و کۆی گشتی توشبووان لە وڵاتی ماتادۆرەکان بۆ پێنج حاڵەت بەرزبووەتەوە.

ڕۆژنامەی “موندۆ دیپۆرتیڤۆ”ی لەم بارەیەوە ئاماژەی کردووە، کە لەحاڵی تەشەنەکردنی ڤایرۆسەکەدا ئەگەر زۆرە ڕووبەڕوبونەوەی یانەکانی ئەو هەرێمە “کەتەلۆنیا” بەبێ هاندەر بۆ ماوەیەک ئەنجام بدرێت کە ئەوەش کاریگەری دارایی و وەرزشیی لەسەر یانەکانی بەرشلۆنە و ئیسپانیۆل بەتایبەتی دەبێت.

لەلایەکی ترەوە، یوڤا میکێلی جێگری سەرۆکی یەکێتی تۆپی پێی ئەوروپا ئاشکرای کردووە، حاڵی حازر یەکێتیەکە چاودێری بارودۆخی وڵاتی ئیتاڵیا دەکەن کە ڤایرۆسی کۆرۆنا تیایدا تەشەنەی کردووە.

ئیتاڵیا یەکێکە لەو (١٢) وڵاتەی ڕووبەڕوبونەوەکانی یورۆی ٢٠٢٠یان تێدا ئەنجام دەدرێت و بێگومان هەر کێشەیەکی تەندرستی لەو وڵاتە کاریگەری لەسەر کۆی پاڵەوانێتیەکە دروست دەکات.

یوڤا میکێلی دەڵێت :” ئێمە لەقۆناغی چاوەڕوانیداین، چاودێری دۆخی هەموو وڵاتانی کیشوەرەکە دەکەین، پێویستە تۆپی پێ بەپێی بارودۆخ و شێوازی بەڕێوەچوونی ئەو وڵاتانە بەڕێبکات، ئەگەر بارودۆخەکە بەرەو خراپبوون بڕوات بێگومان ئێمەش ڕێڕەوی وەرزشیی کیشوەرەکە و پاڵەوانێتیەکان دەوەستێنین”.

بەردەوام بە لە خوێندنەوە

کوردستان