ئێمە لە تۆرە کۆمەڵایەتیەکان

کوردستان

ژمارەی چەكدارانی داعش لەو ناوچەیە ئاشكرادەكرێت
فڕۆكەكانی هاوپەیمانان داعش لە چیای قەرەچووغ بۆردومان دەكەن

خەڵك- بەشی هەواڵ

فڕۆكەكانی هاوپەیمانی نێودەوڵەتی، كە لەلایەن ئەمریكاوە سەركردایەتی دەكرێت، مۆڵگەكانی داعش لە چیای قەرەچووغ بۆردومان دەكەن، بەرپرسی كۆمیتەی یەكێتی-ش ژمارەی ئەو داعشانەی لەو ناوچەیەدان ئاشكرا دەكات.

ڕەشاد گەڵاڵی، لێپرسراوی كۆمیتەی مەخموری یەكێتیی نیشتمانیی كوردستان لە لێدوانێكیدا بۆ (خەڵك) ڕاگەیاند، هێزێكی سوپای عیراق و ئەمریكا لە خۆرهەڵاتی شارەدێی قەراجەوە لە چیای قەرەچووغ نزیكبوونەتەوە، لە ماوەی دوو ڕۆژی ڕابردووشدا چەندان جار مۆڵگەكانی داعش لە بناری قەرەچووغ لە لایەن هاوپەیمانانەوە بۆردومان كراون، بەڵام لە بۆردوومانەكانی 48 كاتژمێری ڕابردوودا، چەكدارانی داعش زیانی زۆریان بەركەوتووە، لەبەرئەوەی بۆردوومانەكە تەنیا سەر چیاكەی نەگرتۆتەوە، بەڵكو لە دامێنی چیاكەشی داوە، كە چەكدارانی داعش زۆرتر لەو ناوچانەدا كۆدەبنەوە”.

بە وتەی ڕەشاد گەڵاڵی، “ئەگەر هەماهەنگی لە نێوان هێزەكانی پێشمەرگە و هاوپەیمانان و سوپای عیراق هەبێت، چەكدارانی داعش لە چیای قەرەچووغ خۆیان لەناو دەچن و بەرگەی هەفتەیەك لە تینوێتی و برسێتی ناگرن و لەناو دەچن، چونكە چیای قەرەچووخ شوێنێكە ئاوی شیرنی تێدا نییە و ئەو ئاوارەی هەیە ئاوی شۆرە، بۆیە داعش ئەگەر هاوكاری نەكرێت ناتوانێت لەو چیایەدا بمێنێتەوە”.

ئەو بەرپرسەی داعش، بەدووریشی نەزانی داعش لەو ناوچەیەدا بۆ مەبەستی گەمەیەكی تری ئیقلیمی و نێودەوڵەتی بەكاربهێنرێتەوە.

چیای قەرەچووغ ، كە دەكەوێتە نزیك شارۆچكەی مەخمور، تائێستاش مۆڵگەی پاشماوەی چەكدارانی داعشە، ئەو بەرپرسەی یەكێتی دەشڵێت: “بەپێی زانیارییەكان، ژمارەی چەكدارانی داعش لەو ناوچەیەدا لەنێوان 100 بۆ 300 چەكدار دەبن”.

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان