ئێمە لە تۆرە کۆمەڵایەتیەکان

کوردستان

بەوێنە..نەوزاد هادی دەستی لە پۆستەكەی كێشایەوە


خەڵك-بەشی هەواڵ

نەوزاد هادی پارێزگاری هەولێر دەستی لەپۆستەكەی كێشایەوە و بڕیارە پارتی دیموكراتی كوردستان كەسێكی دیكە بۆ پارێزگاری هەولێر كاندید بكات.

ئەمڕۆ دووشەممە نەوزاد هادی پارێزگاری هەولێر سەردانی ئەنجومەنی پارێزگای هەولێری كرد بە مەبەستی ماڵئاوایی لەسەرجەم ئەندامان و فراكسیۆنەكانی ئەنجومەنەكە و ئەنجومەنی پارێزگای هەولێرو عەلی ڕەشید سەرۆكی ئەنجومەنی پارێزگای هەولێر بەناوی ئەنجومەن و خەڵكی هەولێرەوە سوپاس و پێزانینیان پێشكەش كرد كە لەماوەی ڕابردودا خزمەتی شارەكەی كردووە.

بەپێی زانیارییەكانی (خەڵك) پارتی دیموكراتی كوردستان، فرسەت سۆفی پەرلەمانتاری پێشووی پارتی دیموكراتی كوردستانی بۆ پۆستەكە دیاری كردووە و بڕیارە ڕۆژی چوارشەممەی داهاتوو دەستبەكار بێت.

ژینگە

ڕێكخراوی سروشتی كوردستان ڕاگەیەنراوێك بڵاودەكاتەوە


خەڵك – بەشی هەواڵ

ڕێكخراوی سروشتی كوردستان- بۆردی باڵا ڕایدەگەیەنێت ، لە ماوەی ڕابردوودا ڕێكخراوەكەمان سەربەخۆیانە و قازانج نەویستانە بەردەوام بووە لە كاركردنی بۆ پاراستنی ژینگەی كوردستان و پەروەردەی ژینگە و یاسای ژینگەی كردووە بە بنەمای كاركردنی لە داهاتوشدا بەردەوام دەبێت .

ڕێكخراوی سروشتی كوردستان-بۆردی باڵا بەبۆنەی نۆهەمین ساڵیادی دامەزراندنی ڕێكخراوەكەیان، كە هاوكاتە لەگەڵ ڕۆژی جیهانی ژینگە ڕاگەیەنراوێكی بڵاوكردەوە تێیدا هاتووە، لەم یادەدا پەیاممان ئاڕاستەی سەرۆكایەتی پەڕلەمانی كوردستان و سەرجەم فراكسیۆنەكان دەكەین بە مەبەستی خستنە بەرنامەی كار و پەسەندكردنی هەردوو پرۆژەی یاسای پێشكەشكراوی ڕێكخراوەكەمان پرۆژە یاسای پاركی نیشتمانی و پرۆژە یاسای ئاژەڵانی بێ پەناگە.

ئاماژە بۆ ئەوەشكراوە ، كە ڕێكخراوەكەیان داوا لە وەزارەتی پەروەردەی حكومەتی هەرێمی كوردستان دەكات ژینگە بكەن بە پرۆگرام لە ناوەندەكانی خوێندن بەتایبەت قۆناغی باخچەی منداڵان و بنەڕەتی.

ساڵیادی دامەزراندنی ڕێكخراوی سروشتی كوردستان
بەبۆنەی 9 نۆ هەمین ساڵیادی دامەزراندنی ڕێكخراوی سروشتی كوردستان, كە هاوكاتە لەگەڵ ڕۆژی جیهانی ژینگە, جوانترین پیرۆبایی لە خۆمان و تەواوی ئەندامانمان دەكەین لە سەرجەم نوێنەرایەتیەكانی(هەولێر, سلێمانی, هەڵەبجەی شەهید, گەرمیان, ڕاپەڕین, دەربەندیخان).
وەك چۆن لە ڕابردودا ڕێكخراوەكەمان سەربەخۆیانە و قازانج نەویستانە, بەردەوام بووە لە كاركردنی بۆ پاراستنی ژینگەی كوردستان , وە پەروەردەی ژینگە و یاسای ژینگەی كردووە بە بنەمای كاركردنی, لە داهاتوشدا لە ژێر دروشمی ژینگەیەكی سەوز و تەندروست لە پەروەردەیەكی دروستەوە سەرچاوە دەگرێت, كاری زیاتر و باشتر دەكات بۆ تێگەیاندن و پێگەیاندنی تاك و نەوەكانمان, بە ئاراستەی پاراستن و چاككردنی ژینگەی باشوری كوردستان.
بەپێویستی دەزانین پەیاممان ئاراستەی سەرۆكایەتی پەرلەمانی كوردستان و سەرجەم فراكسیۆنەكان بكەین بەمەبەستی خستنە بەرنامەی كار و پەسەندكردنی هەردو پرۆژەی یاسای پێشكەشكراوی ڕێكخراوەكەمان(پرۆژەیاسای پاركی نیشتمانی, پرۆژە یاسای ئاژەڵانی بێ پەناگە). وە داوا لە وەزارەتی پەروەردەی حكومەتی هەرێمی كوردستانیش دەكەین ژینگە بكەن بە پرۆگرام لە ناوەندەكانی خوێندن, بەتایبەت قۆناغی باخچەی منداڵان و بنەڕەتی.
هەرلەمڕۆدا و بەبۆنەی ساڵیادی دامەزراندنی ڕێكخراوەكەمانەوە, یەكەمین پرۆژەی ئۆنلاینی ژینگەیی بەناوی(قوتابخانەی سەوز) “شۆڕشی سەوز” ڕادەگەیەنین, كە پرۆژەیەكی پەروەردەیی ژینگەییە و كاردەكات بۆ ئەنجامدانی خول و سیمیناری ژینگەیی ئۆنلاین.
پاراستنی ژینگە.. پاراستنی ژیانە
ڕێكخراوی سروشتی كوردستان- بۆردی باڵا
5/6/2020

بەردەوام بە لە خوێندنەوە

کوردستان

جوان ئیحسان؛ ئەگەر هەرێم ئەمجارە نەرمی نواندبێت بۆ عیراق ئەوە لە حیكمەتی ئەوەیە كە بەرپرسیارەیەتەكەی گەورەیە


خەڵك – بەشی هەواڵ

سەرۆكی فراكسیۆنی یەكێتی نیشتمانی كوردستان لە پەڕلەمانی عیراق ڕایدەگەیەنێت، دەبێت حكومەتی هەرێم میكانیزمی دانوستان كردنی لەگەڵ هێزە سیاسییەكانی عیراق و تەنانەت حكومەتیش بگۆڕێت ، دەشڵێت،”نەك لە هەرێم لەمسەری عیراق بۆ ئەو سەری خەڵك هەیە دوو مووچە و سێ مووچە و چوار مووچەی هەیە، تا ئێستاش حكومەت ئەمەی پێ كۆنتڕۆڵ نەكراوە”.

د.جوان ئیحسان ، سەرۆكی فراكسیۆنی یەكێتی نیشتمانی كوردستان لەپەڕلەمانی عیراق بە دەنگی ئەمریكای ڕاگەیاندووە ، ئەگەر هەرێم نەرمی نواند بێت بۆ حكومەتی ناوەندی ئەوە لە حیكمەتی ئەوەیە ، كە بەرپرسیارەیەتەكەی گەورەیە دەبێت نەرمی بنوێنێت بۆ ئەوەی قوتی خەڵك بپارێزێت و بەرگری لە خەڵكی خۆی بكات ، چونكە ئەمە كاری سەرەكی حكومەتە.

دەشێڵێت، “یەكێك لە كێشەكان ئەوەیە كە حكومەتی هەرێم دەبێت میكانیزمی دانوستان كردنی لەگەڵ ئەو هێزە سیاسیانەی ناو عیراق و تەنانەت حكومەتی ئێستاش بگۆڕێت ، چونكە ئێستا قۆناغەكە گۆڕاوە كۆمەڵێك سەركردەی كاریزما لە گۆڕەپانی سیاسی عیراقدا نەماون”.

ڕاشیگەیاندووە، نەك لە هەرێم بەڵكو لە مسەری عیراق بۆ ئەو سەری عیراق، خەڵك هەیە دوو مووچە و سێ مووچە و چوار مووچەی هەیە، تا ئێستا حكومەت ئەمەی پێ كۆنتڕۆڵ نەكراوە، ئەمە بووە بە ئەركێكی گەورە بەسەر شانی دەوڵەتی عیراقەوە.

د.جوان ئاماژەی بەوەشكردووە، ئەوەی ئێستا خاڵی سەرەكی ناكۆكی یە لەنێوان حكومەتی هەرێم و حكومەتی ناوەندی مەسەلەی ناكۆكی یە لەسەر خەرجی “فیعلی” ئێستا ئەوەی كە داوای دەكات حكومەتی ناوەند بەپێی یاسای بەڕێوەبردنی دارایی دەبێت حكومەتی هەرێمی داهاتی هەیە بە نەوت و جگە لەنەوت ڕادەستی حكومەتی ناوەندی بكات بەڵام بەرامبەر ئەوە حكومەتی ناوەندی تەنها 450 ملیار دینار مانگانە بڕاوەی بۆ بنێرێت ئەمەش بەشی موچەی هەرێم ناكات كە دەبێت هەرێم خۆی تەواوی بكات بە داهاتی ناوخۆی خۆی، كێشەكەش لێرەدا ئەوەیە كە داهاتی هەرێم دابەزیووە لەپاڵ ئەوەشدا داهاتی حكومەتی عێراقی دابەزیووە.

بەردەوام بە لە خوێندنەوە

کوردستان

دوو هاووڵاتی دیكەی تووشبووی كۆرۆنا لە سلێمانی گیانيان لەدەستدا


خەڵك – بەشی هەواڵ

بەڕێوبەری نەخۆشخانەی شەهید تاهیر عەلی والی بەگ ڕایدەگەیەنێت ، بەرە بەیانی ئەمڕۆ هەینی دوو هاووڵاتی دیكەی تووشبووی كۆرۆنا لە سلێمانی گیانيان لەدەستدا، كە پێشتریش چەند نەخۆشییەكی دیكەیان هەبووە.

ئازاد هەورامی ، بەڕێوەبەری نەخۆشخانەی شەهید تاهیر عەلی والی بەگ لە لێدوانێكیدا ڕایگەیاندووە، تووشبووەكان زۆرینەيان نیشانەكانی ڤایرۆسی كۆرۆنایان هەبووە ، پێشتریش چەند نەخۆشییەكی دیكەیان هەبووە، بەتایبەتی نەخۆشیی هەناسەتەنگی و كێشەی سییەكانی.

ڕاشیگەیاندووە، دوو توشبووەكە تەمەنیان 68 ساڵ و 56 ساڵن و هەردووكیان لە رەگەزی نێرن، نەخۆشی دیكەشیان هەبووە”.

ئەمە لەكاتێكدایە، تا ئێستا لە سلێمانی 589 كەس تووشی كۆرۆنا بوون، 163یان چاكبوونەتەوە و 14 تووشبوویان گیانیان لەدەستداوە.

بەردەوام بە لە خوێندنەوە

کوردستان