ئێمە لە تۆرە کۆمەڵایەتیەکان

کوردستان

ناوەڕۆكی كۆبوونەوەی كورد و توركمان و عەرەب ئاشكرا دەكرێت

خەڵك-بەشی هەواڵ

ئەندامێكی سەركردایەتی یەكێتی ئاشكرایدەكات، كاندیدی پارێزگاری كەركوك گۆڕانكاری بەسەردا نەهاتووە و یەك كاندیدمان هەیە.

خالید شوانی ئەندامی سەركردایەتی یەكێتی نیشتمانی كوردستان بە دەنگی ئەمریكای ڕاگەیاند، وەفدی ئێمە نوێنەرایەتی لیستی برایەتی دەكرد لە ئەنجومەنی پارێزگای كەركوك، كۆبوونەوەكەمان بەمەبەستی ناساندنی كاندیدی لیستی برایەتی بۆ پۆستی پارێزگاری كەركوك بە پێكهاتەی عەرەب و توركمانی بوو كە ئەندامیان هەیە لە ناو ئەنومەنی پارێزگای كەركوكدا و داوامان لێكردن متمانە بەو كاندیدە بدەن بۆ ئەوەی ببێتە پارێزگار، لەگەڵ ئەوەشدا پڕۆژەیەكی سیاسی و ئیداریشمان پێبوو بۆ گفتوگۆكردن لەگەڵ پێكهاتەی عەرەب و توركمان كە دەكرێت ببێتە پڕۆژەیەك لەسەری ڕێكبكەوین لەداهاتوودا.

وتیشی”هێشتا كۆبونەوەكانمان تەواو نەبووە و لەگەڵ چەند لایەنێكی تری توركمانی و عەرەب كۆدەبینەوە كە بەشێك نین لە لیستێكی دیاریكراوی یەكگرتوو، ئەندامی ئەنجومەنی پارێزگای تری كەركوك لە عەرەب و توركمان هەیە كە ئەوانیش داواكارییەكانیان جیاوازە، كۆبوونەوەكان ئەمڕۆ و سبەی بەردەوام دەبن و چاوەڕیی وەڵامی ئەوان دەبین لەسەر ڕۆشنایی وەڵامی ئەوان ئێمە بڕیار و هەنگاوی داهاتوو دەنێین”.

ئاماژەی بۆ ئەوەش كرد، لایەنی توركمانی نۆ ئەندامی هەیە لە ئەنجومەنی پارێزگا هەر نۆ ئەندامەكەی وەك یەك بیر ناكەنەوە و دابەش بوون بەسەر چەند بەرەیەكدا، عەرەبیش بەسەر چەند بەرەیەكدا دابەش بوون، بەڵام ئێمە جەختمان كردەوە پۆستی پارێزگار مافی كوردە و ئێمە دورخراوینەتەوە لە ئیدارەو زۆرینەشین، لەبەرامبەردا لەپۆستەكانی تردا توركمان و عەرەب هاوبەشی ڕاستەقینەمان دەبن.

شوانی ڕاشیگەیاند، بەڕوونی لەگەڵ توركمان باسمان كرد كە ئەوان ئەگەر بەشدار بن لەگەڵ ئێمەدا ئەوا لەسەر پۆستەكانی تری پارێزگای كەركوك گفتوگۆیان لەگەڵ بكەین و بیاندەینێ و ئیستحقاقی خۆشیانە و ئامادەین بیاندەینێ، ئیستحقاقی خۆیانە سەرۆكی ئەنجومەنی پارێزگا یان بەڕێوەبەری گشتی، ئێمە لاریمان نییە و بەگرنگیشی دەزانین بیاندەینێ و لەگەڵمان بن، دەمانەوێت بەدانانی پارێزگار كێشە دروست نەكەین بەڵكو دەمانەوێت بەدانانی پارێزگاری كەركوك سەرەتایەك بێت بۆ گەڕانەوەی متمانە لەنێوان پێكهاتەكانی كەركوك.

ناوبراو دەنگۆی گۆڕنی كاندیدی پارێزگاری ڕەتكردەوە و ئاشكرایكرد، كاندیدی پارێزگاری كەركوك “تەیب جەبار”ە، كاندیدی لیستی برایەتییە و ڕێككەوتنی لەسەركراوە، ئەو كاندیدە بەشێك نەبووە لە ململانێ نەتەوایەتی و حیزبییەكانی ئەو شارە هەوڵدەدەین دانانی ئەو كاندیدە بكەینە سەرەتای پێكەوەكاركردن و پێكەوەژیان لەنێوان حزبە كوردییەكان و پێكهاتەی توركمان و عەرەب.

کوردستان

شارەوانی سلێمانی بەرزە پردی دەباشان سەوز دەكات

خەڵك –بەشی هەواڵ

شارەوانی سلێمانی ڕایگەیاندووە بە چەند قۆناغێك بەرزەپردی دەباشان سەوز دەكەن و ئێستا سەرقاڵی كاركردنن تێیدا.

شارەوانی سلێمانی لە ڕاگەیەندراوێكدا ڕونیكردەوە “سەرەتا دانانی ئاوەڕۆ ئەنجامدەدرێت، دواتر چینێك گڵ ‌و پاشان بە چەو، لە كۆتایشدا چینێكیتر گڵ دەكرێت بەسەر چەوەكەدا بەمەبەستی سەوزكردن”.

ئاماژەی بەوەشكرد “ئامانج لە بەكارهێنانی چەو لەگەڵ گڵەكەدا بۆ ئەوەیە كاری پاڵاوتن بۆ ئاوەكە بكات و نەهێڵێت مادە زیانبەخشەكان زیان بە سەوزكردنەكە بگەیەنێت، پاشان دەرچوونی ئاوەكە لەرێی ئاوەڕۆوە بۆ سەر مەنهۆڵی سەرەكی بەو شێوەیەش شەقامەكە تەڕ نابێت و زیانی بەرناكەوێت”.

بەردەوام بە لە خوێندنەوە

کوردستان

هاتوچۆی سلێمانی هۆكارەكانی قەرەباڵغی شەقامەكان ئاشكرا دەكات

خەڵك –بەشی هەواڵ

دوێنێ لەگەڵ دەستپێكردنی پرۆسەی خوێندنی ئەمساڵ، قەرەباڵغی و ئاستەنگی هاتووچۆ لە شەقامەكانی شاری سلێمانی دروستبووە.

كاروان سدیق وتەبێژی هاتوچۆی سلێمانی هۆكارەكانی ئەو قەرەباڵغییەی ڕونكردووەتەوە و نوسیویەتی “سەرلەبەیانی ئەمڕۆ لەیەكەم رۆژی كردنەوەی دەرگای قوتابخانەو خوێندنگا و زانكۆو پەیمانگاكان گرفتی هاتووچۆ لە بەشی زۆری شەقام و یەكتربڕو گۆڕەپانەكان بەدی دەكرا، لەهەندێك شوێن گەیشتە خنكانی هاتووچۆ وەلەكاتی تەواو بوونی دەوامی ئەو شوێنانە هەمان گرفت بەدی كرا، لۆدو قەرەبالغییەكی زۆر دروست بوو، وە هۆكاری دروستبوونی ئەم گرفتە بۆ چەند خاڵێك دەگەڕێتەوە”.

1. زۆربوونی ژمارەی ئۆتۆمبێل كە ئامارەكان دەری دەخەن تۆماری ئۆتۆمبێل لە ئێستادا (٥٥٢،٧٨١) ئۆتۆمبێل تەنها لە پارێزگای سلێمانی تۆماركراوە جگە لە ئۆتۆمبێلە میرییەكان، ئەمە جگە لەوەی كە رۆژانە ژمارەیەكی زۆری ئوتومبیلی شارەكانی تری هەرێمی كوردستان، شارەكانی تری ناوەڕاست و خوارووی عێراق سەردانی شاری سلێمانی دەكەن، وە تەنها لە شەش مانگی یەكەمی ئەمساڵ (٢٠١٩) تۆماری یەكەمجاری ئۆتۆمبێل لە هاتووچۆی سلێمانی (٢٦،٤١٥) ئۆتۆمبێل تۆمار كراوە. لێرەدا پرسیارێك دێتە پێشەوە ئەویش ئەوەیە كە ئەم ژمارە ئوتومبیلە لەگەڵ ژمارەی دانیشتوان و دۆخی ئێستای شەقامەكان دەگونجێت!
2. هاوكات لەگەڵ زۆربوونی ژمارەی ئۆتۆمبێل پڕۆژەی گرنگی ستراتیجی لە شاری سلێمانی بەدی ناكرێت، شەقام و گۆڕەپان و یەكتربڕو ڕێگاوبانەكان تا ڕادەیەك هەمان دۆخی ساڵانی پێشووتریان هەیە، فراوان بوون و نۆژەنكردنەوە بە پێی پێویست بەدی ناكریت.

3. نەبوونی پڕۆژەی گرنگ لە بواری هاتووچۆ كە هاوكار و یارمەرتیدەر بێت بۆ بەردەوام بوونی جوولەی هاتووچۆ و دروست نەبوونی لۆدو قەرەبالغی، وەك دروست كردنی (ئەندەرپاس، ئۆڤەرپاس و نەفەق)

4. خراپی سیستەمی گواستنەوەی گشتی لە هەرێمی كوردستان و شاری سلێمانی بۆیە هاوڵاتییان بە گشتی بۆ هەموو كارەكانی خۆیان ئۆتۆمبێلی تایبەتی بەكار دەهێنن، وە ئەمڕۆ ئەم هۆكارە بە ئاشكرا بەدی كرا كە دایكان و باوكان ئۆتۆمبێلی خۆیان بەكارهێنا بۆ گواستنەوەی قوتابییەكانیان وە ژمارەیەكی زۆری ئۆتۆمبێل لە شەقامەكان بەدی كراو بووە هۆی دروست بوونی لۆدو قەرەباڵغی.

5. باش دیراسەنەكردنی ئەو پڕۆژانەی كە لەبواری هاتووچۆ لە ماوەی رابردوو لە شاری سلێمانی ئەنجام دراوە وە دیارینەكردنی بەدیلی گوونجاو بۆ ئەو پڕۆژانە بە نموونە دانانی ترافیكی پەڕینەوەی پیادەكان لە هەندێ لە شەقامەكان بووەتە هۆی دروستكردنی لۆدو قەرەباڵغی، دەكرا لە رابردوو پێشبینی ئەم حالەتانە بكرایە لە جیاتی دانانی ترافیك پردی پەڕینەوەی كارەبایی دابنرایە. هەروەها دروستكردنی تاسەی دەستكرد (لەمپەری دەستكرد) كە ئامانج لە دانانی كەمكردنەوەی خێرایی و رووداوی هاتووچۆیە بەڵام لە هەندێ لە شەقامەكان بووەتە هۆی دروستكردنی لۆدو قەرەباڵغی.

6. هاتووچۆكردنی ئۆتۆمبێلی بارهەڵگری گەورە بۆ گواستنەوەی سووتەمەنی و كەل وپەلی بیناسازی و لە شەقامەكان لەكاتی دەستپێكردنی دەوامی فەرمی و لەكۆتایی دەوامی فەرمی هۆكارە بۆ دروست بوونی لۆد لەسەر شەقامەكان.

7. كار نەكردن و دەست پێنەكردن لە دروستكردنی پڕۆژەی شەقامی ١٠٠ مەتری شاری سلێمانی كە دەكرێت بڵێین بە دروستكردن و تەواوكردنی ئەم پڕۆژەیە بەشێكی باش لە گرفتی لۆدو قەرەباڵغی شاری سلێمانی چارەسەر دەكرێت.

8. زیادەڕەوی (تجاوز) لەسەر شۆستەو شەقامەكانی ناوشار وە زیادبوونی ئەم سەرپێچییە بە ئاشكرا بەدی دەكرێت.

9. كار نەكردن بەپێی پێویست بە پڕۆژەی ماستەرپلانی شاری سلێمانی، دروستكردنی چەندین پڕۆژەی گەورە لەسەر یەك شەقام و لە یەك ناوچە و ڕەچاو نەكردنی ژمارەی سەردانیكەرانی ئەو پڕۆژانە، بۆ نموونە دروستكردنی چەندین قوتابخانەو خوێندنگە لە یەك شوێندا.

بەردەوام بە لە خوێندنەوە

کوردستان

لیژنە هاوبەشەكان سوپاسی كافتریایەك دەكەن

خەڵك- بەشی هەواڵ

بەهۆی دەستبەجێ چاككردنەوەی كەموكورتییەكان و جێبەجێكردنی رێنماییەكان، لیژنە هاوبەشەكانی قائیمقامیەتی سلێمانی سوپاسی كافتریایەك دەكەن و قائیمقامی سلێمانیش دەڵێت؛ لیژنەكان بۆ خزمەتی گشتی پێكهێنراون نەك بۆ سزادانی دوكاندار و خاوەن شوێنەكان”.

لەئەنجامی سەردانی بەردەوامی لیژنەی سیستمی غازی سەربەلیژنە هاوبەشەكانی قائیمقامیەتی سلێمانی بۆ ئەوشوێنانەی سیستمی غازیان داناوه،‌ دەركەوتووە كافتری لاتانۆ كەموكورتی لەسیستەمەكەدا هەیه، پاش دیاریكردنی شوێنی لێچوونی غازەكە خاوەنی كافتریاكە دەستبەجێ كۆمپانیای چاككردنەوەی ئاگاداركردەوە و بەرلەرۆشتنی‌ لیژنەكە لەشوێنەكە چاسەرەری كەموكورتیەكانی كرد.

لەبەرامبەر بەدەمەوەهاتن و زووچاككردنەوەی كەموكورتیەكانیش لیژنەی سیستەمی غاز سوپاسی خاوەن كافتریای لاتانۆ_ی كرد و هیوایانخواست لەپێناو پاراستنی سەلامەتی خۆیان و شوێنەكانیان و هاوڵاتیان، خاوەن شوێنەكان بەزووی بەدەم لیژنەهاوبەشەكانەوە بچن لەچارەسەری كەموكورتیەكانییان.

بەردەوام بە لە خوێندنەوە

کوردستان