ئێمە لە تۆرە کۆمەڵایەتیەکان

جیهان

ڤیدیۆ.. منداڵێكی پەنابەری سوریایی پەیامێك ئاڕاستەی حكومەتی ئەنقەرە دەكات

خەڵك – بەشی هەواڵ

منداڵێكی پەنابەری سوریایی لە توركیا لە پەیامێكی ڤیدیۆییدا پرسیارێك لە حكومەتی ئەنقەرە دەكات و دەڵێت:” بۆچی فێری زمانی توركیمان دەكەن و پێشمان دەڵێن بڕۆنەوە سوریا؟”.

شەزا سەبڕە منداڵێكی پەنابەری وڵاتی سوریاییە لە توركیا و لە تۆمارێكی ڤیدیۆیدا كە لە سۆشیال میدیادا بڵاوبووەتەوە و بووەتە جێی سەرنجی بەكارهێنەرانی تۆڕە كۆمەڵایەتییەكان، پرسیار لە حكومەتی ئەنقەرە دەكات و دەڵێت:”ئایا بۆچی خۆیی و منداڵانی هاوشێوەی بە زمانی عەرەبی ناخوێنن لە خوێندنگە توركییەكاندا؟”

شەزا سەبڕە لەو تۆمارە ڤیدیۆییەدا ڕایدەگەیەنێت:”سڵاوت لێبێت دەوڵەتی توركیا.. دەمانەوێت بە ڕاستگۆیانە بدوێین.. ئێمەی منداڵانی سوریا لە خوێندنگا توركییەكاندا ئەمڕۆ نازانین بە عەرەبی بدوێین و بنووسین، تەنها دەزانین بە توركی بنووسین و بدوێین”.

دەشڵێت:”بۆچی فێری توركیمان دەكەن و هەموو ڕۆژێكیش پێمان دەڵێن بڕۆنەوە سوریا.. من و نیو ملیۆن منداڵی سوریایی تر چارەنووس و داهاتوومان چییە.. داهاتوومان ونە.. ئێمە بە دەوڵەتی توركیا دەڵێین داهاتوومان لەدەستی ئێوەدایە.. ئێمە ناتوانین بگەڕێینەوە سوریا.. تەنها ئارامیمان لە ئێوە دەوێت.. ئێمە مرۆڤین”.

ئەمەش لەكاتێكدایە، دەسەڵاتدارانی توركیا زۆربەی ئەو خوێندنگا سوریاییانەیان لە وڵاتەكەیاندا داخست كە زمانی عەرەبی تێدا دەخوێندرا و بەو هۆیەشەوە لە ئێستادا 650 هەزار خوێندكاری پەنابەری سوریایی زمانی توركی وەك زمانی سەرەكی دەخوێنن و لە زمانی خۆیان بێبەشن.

جیهان

سعودیە: هێرشەكەی سەر ئارامكۆ دەستی ئێرانە

خەڵك- بەشی هەواڵ
وەزارەتی دەرەوەی سعودیە ڕایدەگەیەنێت، لێكۆڵینەوە سەرەتاییەكان ئاماژە بە بەكارهێنانی چەكی ئێرانی دەكەن لە هێرشی سەر دامەزراوە نەوتییەكانی خۆرهەڵاتی شانشینی عەرەبی سعودیە.

بەپێی بەیاننامەیەك كە لەلایەن وەزارەتی دەرەوەی سعودیەوە بڵاوكرایەوە”لێكۆڵینەوە سەرەتاییەكان ئاماژە بە بەكارهێنانی چەكی ئێرانی دەكەن لە هێرشی سەر دامەزراوە نەوتییەكانی سعودیە، و هێرشەكەش بە پلەی یەك بۆ لەمپەردروستكردنە لەبەردەم گەیشتنی وزە بە جیهان”.

هەر لە بەیاننامەكەی وەزارەتی دەرەوەی سعودیەدا هاتووە”لێكۆڵینەوەكان بەردەوامن بۆ ئاشكراكردنی سەرچاوەی هێرشی سەر دامەزراوە نەوتییەكان”، جەختیشی لەسەر ئەو ڕێوشوێنە گونجاوانەش كردەوە كە “ڕیاز دەیانگرێتەبەر لەژێر ڕۆشنایی بەرەنجامی لێكۆڵینەوەكان كە دەبنە مایەی زامنكردنی ئاسایش و سەرقامگیری وڵات”.

شەممەى ڕابردوو، وتەبێژی ئەمنی وەزارەتی ناوخۆی سعودیە ڕایگەیاندبوو”كاتژمێر چواری سەرلەبەیانی تیمەكانی ئاسایشی پیشەسازی لە كۆمپانیای ئارامكۆ، دەستیان كرد بە پرۆسەی كۆنترۆڵكردنی ئەو دوو ئاگرەی كە لە دوو كارگەی سەر بە كۆمپانیاكە كەوتنبوونەوە لە پارێزگەكانی بەقیق و هیجرە خریس، ئەمەش بەهۆی بەئامانجگرتنیان لەلایەن فڕۆكە بێفڕۆكەوانەكان”.

وتەبێژی وەزارەتی ناوخۆی سعودیە لەو دەمەدا ئاماژەی بە كۆنترۆڵكرنى ئاگرەكان و دەستكردن بە لێكۆڵینەوە كردبوو لە ڕووداوەكەدا.

بەردەوام بە لە خوێندنەوە

جیهان

مۆسكۆ نێوەندگیری ئێران و سعودییەی ڕەتكردەوە

خەڵك- بەشی هەواڵ

وتەبێژی كۆشكی كرملین ڕایگەیاند، هیچ لایەنێكی ئێرانی یان سعودییە داوای نێوەندگیری لێنەكردوون بۆ خاوكردنەوەی پەیوەندییەكانیان.

دیمتری بیسكوف، بە ڕۆژنامەنوسانی وتووە”دوای هێرشەكان بۆ سەر كۆمپانیای ئارامكۆ، جۆرێك لە گرژی دروستبووە لە پەیوەندییەكانی ئێران و سعودییەدا و باس لە نێوەندگیری ڕوسیا كراوە، بەڵام بە فەڕمی هیچ لایەنێكیان ئێمەیان ئاگادارنەكردووە”.

هەر لە قسەكانیدا ناوبراو ئاماژەی بەوەكردووە، ڕوسیا دەخوازێت ئاشتی باڵ بەسەر ناوچەكەدا بكێشێت و پەیوەندییەكانی نێوان ئێران و سعودییەش نەگاتە ئاستی توندبوونەوەی زیاتر.

هەفتەی پێشوو هێرشێكی چەكداری كرایەسەر ناوچەكانی ڕۆژهەڵاتی سعودییە و دواتر وابڵاوكرایەوە هێرشەكە ئێران كردوویەتی و لە عیراقەوە كراوە.

بەردەوام بە لە خوێندنەوە

جیهان

دۆناڵد تڕەمپ: بێگومان نامانەوێت شەڕی ئێران بكەین

خەڵك-بەشی هەواڵ

سەرۆك كۆماری ئەمریكا ڕایدەگەیەنێت، گومان دەكرێت ئێران هێرشەكانی ئەم دواییەی كردبێتەسەر سعودیە، بەڵام بێگومان نامانەوێت شەڕی ئێران بكەین.

ئاژانسی جەزیرە بڵاویكردەوە، دۆناڵد تڕەمپ سەرۆك كۆماری ئەمریكا ڕایگەیاند، زانیاری زۆرمان لەبەردەستە كە ئێران هێرشی كردبێتەسەر كێڵگە نەوتییەكانی كۆمپانیای ئارامكۆ لە سعودیە، بەڵام دەمانەوێت دڵنیایی زیاتر بەدەست بهێنین كە چ گرووپ یان چ وڵاتێك هۆكاری سەرەكی ئەو هێرشە بووە.

وتیشی”نامانەوێت لەگەڵ ئێران شەڕ بكەین، سەرەڕای ئەوەی زیاتر لە هەر كەسێك ئامادەییمان هەیە، بەڵام نامانەوێت لەگەڵ هیچ لایەنێك شەڕ بكەین”.

ئاشكراشیكرد، هێرش كرایەسەر سعودیە، نەك ئێمە، ناشمەوێت بە شەڕەوە تێوەگلێم، بەڵام هەندێكجار ناچارین، ئێستا دەبێت بزانین ئەنجامی لێكۆڵینەوەكانمان چی دەبێت. نیگەرانی شەڕ نیم. ئێمە سوپایەكی بەهێزمان هەیە.

بەردەوام بە لە خوێندنەوە

کوردستان