ئێمە لە تۆرە کۆمەڵایەتیەکان

جیهان

ڤیدیۆ.. منداڵێكی پەنابەری سوریایی پەیامێك ئاڕاستەی حكومەتی ئەنقەرە دەكات

خەڵك – بەشی هەواڵ

منداڵێكی پەنابەری سوریایی لە توركیا لە پەیامێكی ڤیدیۆییدا پرسیارێك لە حكومەتی ئەنقەرە دەكات و دەڵێت:” بۆچی فێری زمانی توركیمان دەكەن و پێشمان دەڵێن بڕۆنەوە سوریا؟”.

شەزا سەبڕە منداڵێكی پەنابەری وڵاتی سوریاییە لە توركیا و لە تۆمارێكی ڤیدیۆیدا كە لە سۆشیال میدیادا بڵاوبووەتەوە و بووەتە جێی سەرنجی بەكارهێنەرانی تۆڕە كۆمەڵایەتییەكان، پرسیار لە حكومەتی ئەنقەرە دەكات و دەڵێت:”ئایا بۆچی خۆیی و منداڵانی هاوشێوەی بە زمانی عەرەبی ناخوێنن لە خوێندنگە توركییەكاندا؟”

شەزا سەبڕە لەو تۆمارە ڤیدیۆییەدا ڕایدەگەیەنێت:”سڵاوت لێبێت دەوڵەتی توركیا.. دەمانەوێت بە ڕاستگۆیانە بدوێین.. ئێمەی منداڵانی سوریا لە خوێندنگا توركییەكاندا ئەمڕۆ نازانین بە عەرەبی بدوێین و بنووسین، تەنها دەزانین بە توركی بنووسین و بدوێین”.

دەشڵێت:”بۆچی فێری توركیمان دەكەن و هەموو ڕۆژێكیش پێمان دەڵێن بڕۆنەوە سوریا.. من و نیو ملیۆن منداڵی سوریایی تر چارەنووس و داهاتوومان چییە.. داهاتوومان ونە.. ئێمە بە دەوڵەتی توركیا دەڵێین داهاتوومان لەدەستی ئێوەدایە.. ئێمە ناتوانین بگەڕێینەوە سوریا.. تەنها ئارامیمان لە ئێوە دەوێت.. ئێمە مرۆڤین”.

ئەمەش لەكاتێكدایە، دەسەڵاتدارانی توركیا زۆربەی ئەو خوێندنگا سوریاییانەیان لە وڵاتەكەیاندا داخست كە زمانی عەرەبی تێدا دەخوێندرا و بەو هۆیەشەوە لە ئێستادا 650 هەزار خوێندكاری پەنابەری سوریایی زمانی توركی وەك زمانی سەرەكی دەخوێنن و لە زمانی خۆیان بێبەشن.

جیهان

شەمخانی: ئاژاوەچییەكانی نێو خۆپیشاندەرانی ئێران سزا دەدەین

خەڵك-بەشی هەواڵ

سكرتێری ئەنجومەنی باڵای ئاسایشی نیشتمانی ئێران ڕایدەگەیەنێت، هاوڵاتیان ئاسایی خۆپیشاندەر و ئاژاوەچییەكان لەیەكتر جیاوازن و سزای هەموو ئاژاوەچییەكانیش دەدەین.
خۆپیشاندانی هاوڵاتیانی ژمارەیەك لە پارێزگاكانی ئێران دژی گرانبوونی نرخی بەنزین لەو وڵاتە بەردەوامی هەیە، و بەرپرسانی ئێرانیش ئاشكرایدەكەن بڕیارەكە بە ڕەزامەندی عەلی خامنەیی ڕێبەری شۆڕشی ئێران دراوە و جێبەجێ دەكرێت و پێشیان وایە بڕیارەكە لەبەرژەوەندی هەژارەكاندایە.

عەلی شەمخانی سكرتێری ئەنجومەنی باڵای ئاسایشی نیشتمانی ئێران بە ئاژانسی میهری ئێرانی ڕاگەیاند، دووڕووەكان و پاشایەتی خواز و تێكدەران هەرگیز ناتوانن ورەی خەڵك بشكێنن.

وتیشی”دوژمن دەیویست ناڕەزایەتییەكانی هاوڵاتییان بە دۆخی بژێوی ژیان لە بەرژەوەندی خۆی بقۆزێتەوە، بە ڵام بە هۆشیاریی هاوڵاتیان ئەم پیلانە شكستی هێنا”.

ئاشكراشیكرد، نابێت ڕێگە بدەین ناڕەزایەتی هاوڵاتیان ببێتە ئاژاوە، لەلایەكی دیكەشەوە هۆشیاری خەڵك بە هەمووانی سەلماند كە ڕیزی ئاژاوەگێڕان و خەڵكی ناڕازی لە یەكتر جیاوازن، لەبەرئەوه حكومەتی ئێران سەرجەم ئاژاوەچییەكان لە هەر كوێی ئێران بن دەناسێتەوە و سزایان دەدات.

بەردەوام بە لە خوێندنەوە

جیهان

جارێكی تر پێكهێنانی حكومەتی نوێی ئیسڕائیل شكستیهێنا

خەڵك – بەشی هەواڵ

دوای شكستهێنانی بنیامین ناتانیاهۆ لە پێكهێنانی حكومەت، بێنی گانتز، سەركردەی پارتی ڕكابەریش شكستهێنانی خۆی لە پێكهێنانی حكومەت بە سەرۆكی وڵاتەكەی ڕاگەیاند.

ئەمڕۆ چوارشەممە چەند كاتژمێرێك بەر لەكۆتاییهاتنی وادەی پێكهێنانی حكومەتی نوێی ئیسڕائیل، بێنی گانتز، سەركردەی پارتی شین و سپی ئیسڕائیل بە ڕیوڤین ڕیڤلین، سەرۆكی وڵاتی ڕاگەیاند، پارتەكان ناگەنە ڕێككەوتن و ناتوانن حكومەتی داهاتوو پێكبهێنن.

هاوكات، ئەڤیگدۆر لیبەرمان، وەزیری بەرگریی پێشووی ئیسرائیل كە هەڵوەشانەوەی حكومەت بە دەستلەكاركێشانەوەی ئەو دەستیپێكرد، دەڵێت: ئەو لەگەڵ هیچ كامیاندا نییە، نە پشتگیری لە پارتی ناتانیاهۆ دەكات و نە لە پارتەكەی بێنی گانتز.

جێی ئاماژەیە، لەماوەی ساڵێكدا ئەمە دوووەمجارە هەڵبژاردن دەكرێت و ئەوانەی بۆ پێكهێنانی حكومەت ڕادەسپێردرێن كە هەریەك لە بنیامین ناتانیاهۆ و بێنی گانتزن و شكستهێنانیان بە سەرۆكی وڵات ڕادەگەیێنن.

بەردەوام بە لە خوێندنەوە

جیهان

كەشتیگەلی ئەبراهام لینكۆڵن گەرووی هورمزی تێپەڕاند

خەڵك – بەشی هەواڵ

بە فەرمانی دۆناڵد ترەمپ سەرۆكی ئەمریكا كەشتیگەلی  ئەمریكی ئەبراهام لینكۆڵن، بۆ یەكەمجار لە پاش ناردنی بۆ ڕۆژهەڵاتی ناوەراست گەرووی هورمزی تێپەڕاند.

هێزی دەریایی ئەمریكا ڕایگەیاند: كەشتیگەلی  ئیبراهام لینكۆڵن بە گەرووی هورمزدا تێپەڕیوە و بەرێوەیە بۆ كەنداو.
ئەمەش لە كاتێكدایە، كەشتییەكە لە مانگی ئایاردا بۆ ڕۆژهەڵاتی ناوەڕاست گواسترایەوە و تائێستا لە دەریای عەرەبدا مابووەوە دوور بوو لەو ڕێڕەوەی سنووری لەگەڵ ئێراندا، چاوەڕوانیش دەكرێت ناردنی ئەو كەشتیگەلە لەلایەن ئیدارەكەی ترەمپەوە بۆ كەنداو گرژییەكانی نێوان تاران و واشنتۆن زیاتر بكات.

بەردەوام بە لە خوێندنەوە

کوردستان