ئێمە لە تۆرە کۆمەڵایەتیەکان

عێراق

“ڕۆژانە زیاتر لە 20 هەزار ئێرانی لە دەروازەیەكی سنورییەوە دێنە ناو عیراق”

خەڵك – بەشی هەواڵ

فەرماندەی هێزی ئاسایشی ناوخۆی پارێزگای ئیلام غەرب لە ئێران ڕایدەگەیەنێت، ڕۆژانە زیاتر لە 20 هەزار هاووڵاتی وڵاتەكەی لە ڕێی دەروازەی سنوریی میهرانەوە دەچنە عیراق.

نور عەلی یاری فەرماندەی هێزی ئاسایشی ناوخۆی پارێزگای ئیلام غەرب لە ئێران لە لێدوانێكیدا بۆ (ئاژانسی هەواڵی فارس)ی وڵاتەكەی ئاشكرایكرد، هاوكات لەگەڵ هەڵوەشاندنەوەی بڕیاری پێدانی ڤیزا ماوەی چەند ڕۆژێكە بەبۆنەی سەردانیكردنی زیارەتكارانی مەزارگە پیرۆزەكان لە عیراق ڕۆژانە زیاتر لە 20 هەزار هاووڵاتی ئێران لە دەروازەی سنوریی میهرانەوە دەچنە ئەو وڵاتەوە.

فەرماندەی هێزی ئاسایشی ناوخۆی پارێزگای ئیلام غەرب لە ئێران وتیشی، پێشبینی دەكەن لە ڕۆژانی داهاتوودا ئەو ژمارەیە زیاتر ببێت و بۆ پاراستنی سەلامەتی زیارەتكارانیش لەو دەروازیەوە هەموو ڕێوشوێنێكی پێویستیان گرتووەتەبەر.

عێراق

“لێكۆڵینەوەكان لەڕووداوی تیرۆركردنی هاشمی بەردەوامە”

خەڵك – بەشی هەواڵ

وتەبێژی فەرماندەی گشتیی هێزە چەكدارەكانی عیراق ڕایگەیاند: لێكۆڵینەوەكان لەڕووداوی تیرۆركردنی هیشام هاشمی شرۆڤەكاری سیاسیی و ئەمنیی بەردەوامییان هەیە.

عەمید یەحیا ڕەسوڵ فەرماندەی گشتیی هێزە چەكدارەكانی عیراق لە جریوەیەكدا لەهەژماری تایبەتی خۆی لەتۆڕی كۆمەڵایەتی تویتەر بڵاویكردەوە: هیشام هاشمی شارەزایەكی بەتوانا و گرنگ بوو لەبوارەكەی خۆی، هاوڕێیەكی ڕەوشت بەرز بوو، لێكۆڵینەوەكان لەڕووداوی تیرۆركردنەكەی بەردەوامە.

پێشتریش، مستەفا كازمی سەرۆك وەزیرانی عیراق جەختیكردەوە، كە دەبێت سەروەری یاسا هەمیشە دەنگی بەرز و كۆتا بێت، دەبێت دەزگا پەیوەندیدارەكان ڕێنماییەكانی جێبەجێ‌ بكەن و پەلە بكەن لە تەواوكردنی لێكۆڵینەوەكانی تیرۆركردنی هیشام هاشمی شارەزای ئەمنیی.

بەردەوام بە لە خوێندنەوە

عێراق

ژمارەی ئەوانەی چاكبوونەتەوە زیاترن
عیراق و هەرێم، 2229 حاڵەتی تووشبوونی نوێ‌ بە كۆرۆنا تۆماركرا

 

خەڵك- بەشی هەواڵ
وەزارەتی تەندروستی عیراق 2229 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 2274 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 2229 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و2274 كەسیش بە تەواوەتی چاكبوونەوە و گەڕانەوە ماڵەكانیان.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی زیقار لە پلەی دووەمدایە كە 199 كەس تووشی كۆرۆنا بوون و 6 كەسیش لە پارێزگەكەدا لەماوەی 24 كاتژمێری ڕابردوودا بەهۆی ڤایرۆسەكەوە گیانیانلەدەستداوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 374 حاڵەت، مەدینە توب: 64 حاڵەت، بەغدا كەرخ: 337 حاڵەت، بەسرە: 173 حاڵەت، نەجەف: 132 حاڵەت، سلێمانی: 159 حاڵەت، هەولێر: 85 حاڵەت، كەركوك: 89 حاڵەت، دهۆك: 10 حاڵەت، كەربەلا: 103 حاڵەت، واست: 55 حاڵەت، دیالە: 85 حاڵەت، میسان:20 حاڵەت، زیقار: 199 حاڵەت، ئەنبار: 16 حاڵەت، نەینەوا: 22 حاڵەت، بابل: 159 حاڵەت، سەڵاحەدین: 13 حاڵەت، دیوانیە: 111 حاڵەت، موسەننا: 23 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 100 حاڵەتی گیانلەدەستدانیش كرادووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 79735 كەس و لەو ژمارەیەش 3250 كەس گیانیانلەدەستداوە و 46998 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 29487 كەسن كە 412 حاڵەتیان باری تەندروستییان ناجێگیرە”.

ومنژ تفشی المرچ فی العراق، اشارت الوزارە الی أن مجموع حالات الشفا‌و بلغت 46998 ومجموع الإصابات بلغت 79735 ، والراقدین الكلی 29487 ، والراقدین فی العنایە المركزە 412 ، ومجموع الوفیات 3250.

بەردەوام بە لە خوێندنەوە

عێراق

دەبێت نرخی ئەمپێر كەمبكەنەوە
عیراق، بەبێ‌ بەرانبەر سوتەمەنی دەدرێتە موەلیدە ئەهلییەكان

خەڵك- بەشی هەواڵ
سەرچاوەیەكی ئاگادار ڕایدەگەیەنێت، مستەفا كازمی سەرۆك وەزیرانی عیراق فەرمانی بە وەزارەتی نەوت كردووە، بەبێ‌ بەرانبەر سوتەمەنی بۆ موەلیدە ئەهلییەكان دابین بكات، تا لەبەرانبەردا كاتژمێرەكانی پێدانی كارەبا زیاتربكەن و نرخەكانیش كەمبكەنەوە.

ئەمڕۆ دوو شەممە، سەرچاوەیەكی ئاگادار بە ماڵپەڕی (السومریە نیوز)ی ڕاگەیاندووە”وەزارەتی نەوت بەخۆڕایی سوتەمەنی بۆ موەلیدە ئەهلییەكان دابین دەكات، تا لەبەرانبەردا نرخەكانیان كەمبكەنەوە و كاتژمێری پێدانی كارەبا زیاتربكەن”.

بە وتەی سەرچاوەكە كە نەیویستبوو ناوی خۆی ئاشكرا بكات”ئەم هەنگاوە بە فەرمانی مستەفا كازمی بووە”.

بەردەوام بە لە خوێندنەوە

کوردستان