ئێمە لە تۆرە کۆمەڵایەتیەکان

کوردستان

كۆبوونەوەی نوێنەرانی كورد لە بەغدا و پەڕلەمانی كوردستان بەردەوامە

خەڵك-بەشی هەواڵ

كۆبوونەوەی نێوان سەرۆكایەتی پەڕلەمانی كوردستان و سەرۆكی فراكسیۆنە كوردستانیەكان لە پەڕلەمانی عیراق بەردەوامە، لەكۆبوونەوەكەدا گفتووگۆ لەبارەی پشكی هەرێم لە بودجەی ساڵی داهاتوو و هەروەها مافە دەستووریەكانی هەرێمی كوردستان دەكرێت.

بەپێی زانیاریەكانی (خەڵك)، كۆبوونەوەی نێوان سەرۆكایەتی پەڕلەمانی كوردستان و سەرۆكی فراكسیۆنە كوردستانیەكان لە پەڕلەمانی عیراق لەدوای كۆبوونەوەیان دێت لەگەڵ دەستەی سەرۆكایەتی حكومەتی هەرێمی كوردستان و تەوەری سەرەكی كۆبوونەوەكەش پرسی بودجەی هەرێم لەیاسای بودجە و مەلەفی نەوتە.

لەكۆبوونەوەكەدا جەخت لەوەكراوەتەوە، كەوا نوێنەرانی كورد هاوبەشیان هەبێت لەتێپەڕبوونی یاساكان، كەپەیوەندی بەهەرێمی كوردستانەوە هەیە و وەك یەك تیم كاربكەن، لەهەمان كاتدا نوێنەرانی كورد داوایان كردووە لەداهاتوودا هەر شاندێك سەردانی بەغداد بكات نوێنەرانی كوردیش ئاگاداربكرێنەوە.

یەكێكی تر لەتەوەری كۆبوونەوەكان پرسی ئەنجامدانی سەرژمێری گشتی لەعیراق و هەڵبژاردنی ئەنجوومەنی پارێزگاكانە، كە مەترسیەكان خراونەتەڕوو لەبارەی دۆخی كورد لە ناوچە كوردستانیەكانی دەرەوەی ئیدارەی هەرێم.

بڕیاریشە لەداهاتوودا لەڕێگەی نوێنەرایەتیەك یاخوود بەڕێوەبەرایەتیەك لەگەڵ بەغدا تاووتوێی كێشە و گرفتەكانی نێوانیان هەولێر و بەغداد بكرێت.

کوردستان

سبەینێ لەسنووری پەروەردەی سلێمانی دەوام ئاساییە

خەڵك – بەشی هەواڵ

بەڕێوەبەری پەروەدەی ڕۆژئاوای سلێمانی ڕایدەگەیەنێت: سبەینێ شەممە 25/1/2020، لە سنووری پەروەردەی سلێمانی دەوام ئاساییە.

بەكر محەمەد بەڕێوەبەری پەروەردەی ڕۆژئاوای سلێمانی ڕایگەیاند: لەبەرئەوەی لە سنووری پارێزگای سلێمانی كەش و هەوا ئاساییە بۆیە سبەینێ شەممە 25/1/2020، لەسنووری پەروەردەی سلێمانی دەوام ئاساییە.

ئەمەش دوای ئەو بڕیارەی وەزارەتی پەروەردەی حكومەتی هەرێم دێت كە ڕایگەیاندوبوو، بەڕێوەبەرایەتییە گشتییەكانی پەروەردە سەرپشكن، لە ئەگەری ناجێگیریی باری كەشوهەوادا، دەوامی ڕۆژی شەممە بكەنە پشوو.

بەردەوام بە لە خوێندنەوە

کوردستان

كوردستان.. بوومەلەرزەیەكی بەهێز ڕوویدا

خەڵك – بەشی هەواڵ

بوومەلەرزەیەكی بەهێز چەند ناوچەیەكی باكووری كوردستانی هەژاند و لە باشوور و ڕۆژهەڵاتی كوردستانیش هەستیپێكرا.

بەپێی زانیارییەكان، ناوەندی بوومەلەرزەكە لە شارۆچكەی سیڤریچ بووە لە پارێزگای خارپێتی باكووری كوردستان و گوڕەكەی 6.8 پلە بووە بە پێوەری ڕێختەر.

هاوكات، لەچەند ناوچەیەكی باشوور و ڕۆژهەڵاتی كوردستانیش هەست بەو بوومەلەرزەیە كراوە، بەڵام تائێستا قەبارەی زیانەكانی ئەو بوومەلەرزەیە نەزانراوە.

بەردەوام بە لە خوێندنەوە

کوردستان

بۆ پشووی سبەی، پەروەردەکان سەرپشک دەکرێن

خەڵک ـ بەشی هەواڵ

لە ئەگەری ناجێگیریی باری کەش و هەوادا، وەزارەتی پەروەردەوەی حکومەتی هەرێمی کوردستان، بەڕێوەبەرایەتییە گشتییەکانی پەروەردە سەرپشک دەکات بۆ کردن یان نەکردنی دەوامی سبەی.

لە ڕاگەیەنراوێکدا، وەزارەتی پەروەردەی حکومەتی هەرێم، بەڕێوەبەرایەتییە گشتییەکانی پەروەردە سەرپشک دەکات، لە ئەگەری ناجێگیریی باری کەشوهەوادا، دەوامی ڕۆژی شەممە بکەنە پشوو.

لە ڕاگەیەنراوەکەدا هاتووە، بەهۆکاری دابەزینی پلەکانی گەرما و بارینی بەفر، بەڕێوبەرایەتییە گشتیەکانی پەروەردە لەپارێزگاکان، دەسەڵاتی ئەوەیان هەیە کە یەک ڕۆژ لەناوەندەکانی خوێندن بکەن بە پشوو، ئەگەر کەش و هەوا ئاستەنگی بۆ هاتوچۆی مامۆستایان و قوتابیان دروستکرد.

ئەوەش خراوەتەڕوو، لە ئەگەری پشوودا،  پێویستە وەزارەت لە ناوی ئەو ناوەندانەی خوێندن لەسنووری پەروەردەکەیان ئاگاداربکرێتەوە.

بەردەوام بە لە خوێندنەوە

کوردستان