ئێمە لە تۆرە کۆمەڵایەتیەکان

کوردستان

لە شارەزوور 5 تۆمەتبار دەستگیر كران


خەڵك-بەشی هەواڵ

بەڕێوەبەرێتی پۆلیسی شارەزوور ڕایدەگەیەنێت، 5 تۆمەتباریان دەستگیر كردووە و بەپێی مادەی 42ی ژینگە بەندكراون.

بەڕێوەبەرێتی پۆلیسی شارەزوور لە ڕاگەیەندراوێكدا ئاماژە بۆ ئەوە دەكات، بە تۆمەتی هەڵكەندنی بیر بە شێوەیەكی نایاسایی، 5 تۆمەتباریان دەستگیر كردووە و دەستیش بەسەر 4 ئامێری بیرهەڵكەندندا گرتووە.

ئاشكراشیدەكات، 2 لە تۆمەتبارەكان هاووڵاتی سوریان و بەپێی مادەی 42ی ژینگە بەندكراون و لێكۆڵینەوەش بەردەوامە.

کوردستان

١٢ تووشبووی کۆرۆنا لەسلێمانی چاکبوونەوە


خەڵک – بەشی هەواڵ

 

بەڕێوەبەری تەندروستی سلێمانى ڕایگەیاند، ١٢ تووشبووی ڤایرۆسی کۆرۆنای نوێ لەپارێزگاى سلێمانى چاکبوونەوە.

 

سەباح هەورامی بەڕێوەبەری گشتی تەندروستیی سلێمانی ڕایگەیاند، ١٢ تووشبووی ڤایرۆسی کۆرۆنای نوێ لەپارێزگاى سلێمانی چاکبوونەوە.

 

ئاماژەى بەئەوەشدا، ئەم کەسانە دواى ئەنجامدانى پشکنینی یەک لەدواى یەک ڕاوانەى ماڵەوە کرانەوە.

بەردەوام بە لە خوێندنەوە

کوردستان

یەکێتى هەڵوێستى لەسەر هەڵگرتنی قەدەغەى هاتوچۆ ڕاگەیاند


خەڵک – بەشی هەواڵ

میدیای فەرمی یەکێتیی نیشتیمانیی کوردستان هەڵوێستى حزبەکەی لەبارەى قەدەغەى هاتوچۆوە ڕاگەیاند.

ماڵپەڕی فەرمیی یەکێتیی نیشتیمانیی کوردستان بڵاویکردەوە، سه‌رۆكایه‌تیی یەکێتیی نیشتیمانیی کوردستان په‌یوه‌ندی به‌ به‌ڕێز جێگری سه‌رۆكی حكومه‌تی ھه‌رێم و به‌ڕێز پارێزگاری سلێمانییه‌وه‌ كردووه‌ كه‌ پێویسته‌ ھاوسه‌نگی بكرێت له‌ نێوان ڕێكاره‌ ته‌ندروستییه‌كانی پاراستنی ژیانی ھاووڵاتیان و گوزه‌رانیان.

ئەوەشی خستۆتەڕوو، چونكه‌ به‌كرده‌وه‌ ده‌ركه‌وتووه‌ شێوازی توندی قه‌ده‌غه‌كردنی ھاتووچۆ و په‌كخستنی بازاڕ و كه‌سابه‌ت چاره‌سه‌رێكی گونجاو نییه‌، له‌جیاتی ئه‌وه‌ حه‌قه‌ حكومه‌ت و ده‌زگا ته‌ندروستییه‌كان ڕێنمایی توند بڵاوبكه‌نه‌وه‌و چاودێری ته‌ندروستی بكه‌ن باشتره‌ له‌ بژارده‌ی قه‌ده‌غه‌ی ھاتوچۆ.

ھه‌ر به‌پێی زانیارییه‌كان، سه‌رۆكایه‌تی  یه‌كێتی ده‌زگا ئه‌منییه‌كانی ڕاسپاردوه‌، كه‌ ھه‌ڵسوكه‌وتیان به‌رامبه‌ر ناڕه‌زایی ھاووڵاتیان كه‌ به‌دوای كاسبی و گوزه‌رانی خۆیانه‌وه‌ن، نه‌رم بێت و ڕه‌چاوی باری ده‌روونی خه‌ڵك بكه‌ن.

بەردەوام بە لە خوێندنەوە

ژینگە

كەشناسی: پلەكانی گەرما نزم دەبنەوە


خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما نزم دەبنەوە.

بەپێی پێشبینییەكانی كەشناسی، ئەمڕۆ سێ شەممە ئاسمان ساماڵ و پەڵە هەور دەبێت.

هەر بەپێی پێشبینییەكان، سبەینێ چوار شەممە، ئاسمان ساماڵ و كەمێك پەڵە هەور دەبێت لەگەڵ ئەگەری تۆزێكی سووك و پلەكانی گەرماش 2 بۆ 3 پلە نزم دەبنەوە.

بەردەوام بە لە خوێندنەوە

کوردستان