ئێمە لە تۆرە کۆمەڵایەتیەکان

کوردستان

لاهور شێخ جەنگی لەبارەی بەستنی كۆنگرەوە پەیامێكی بڵاوكردەوە

خەڵك – بەشی هەواڵ

دوای ئەوەی ئەمڕۆ ئەنجومەنی سەركردایەتی یەكێتیی نیشتمانیی كوردستان لە كۆبوونەوەیەكدا ڕۆژی بەستنی چوارەمین كۆنگرەی دەستنیشان كرد، لاهور شێخ جەنگی لە ڕاگەیەندراوێكدا ئاماژەبەوەدەكات، ئەمڕۆ یەكێتیی نیشتمانیی كوردستان، بەربەستەكانی تێكشاند، پێی نایە قۆناغێكی نوێ و چارەنوسساز، رێی نوێبونەوەی گرتەبەر.

دەقی ڕاگەیەندراوەكە..

خوشك و برایانی بەڕێز

ئەمڕۆ یەكێتیی نیشتمانیی كوردستان، بەربەستەكانی تێكشاند، پێی نایە قۆناغێكی نوێ و چارەنوسساز، رێی نوێبونەوەی گرتەبەر، و ئەنجومەنی سەركردایەتی بڕیاری دا، یەكێتیی نیشتمانیی، رۆژی ٧ی ١٢ی ٢٠١٩، چوارەمین كۆنگرە ببەستێت.

بەم بۆنە گرنگەوە، پیرۆزباییەكی گەرم لە كەسوكاری شەهیدان، پێشمەرگە قارەمانەكان، كادر و رێكخستن و جەماوەر و رۆڵە تێكۆشەر و سەوزپۆشەكانی یەكێتیی نیشتمانیی كوردستان دەكەم. كە ساڵانێكە چاوەڕوانی بڕیاری وا گرنگن و سەرئەنجام، ئەمڕۆ ئەنجومەنی سەركردایەتی حزبەكەمان راستەڕێكەی هەڵبژارد.

هەڤاڵان، سەرخستنی ئەم كۆنگرەیە، پێویستی بە هۆشیاریی تەواو هەیە. ئێستا كە هەموومان لەبەردەم‌ بەردەبازێكی گرنگ و چارەنوسسازداین، پێویستە ئەو راستییە لەبەر چاو بگرین كە ئەم كۆنگرەیە، لەغیابی مامی گەورەمان، مام جەلال، دامەزرێنەر و سكرتێری گشتی (ی.ن.ك)، و رابەری مێژووكردی گەلەكەمان بەڕێوەدەچێت. بۆیە بۆ دەربازكردنی قۆناغەكه و رەچاوكردنی هەستیارییەكانی‌، پێویستە هەموو لایەكمان كۆنگرە بكەینە هەوێنی كۆكردنەوەی تەواوی بیر و بۆچونە جیاوازەكان، یەكخستنی هەڵوێستەكان، نوێكردنەوەی حیزبی شەهیدان، ئەمەش لەپێناوی بوژاندنەوەی خانوە قوڕەكان و خزمەتكردنی كۆمەڵانی خەڵكی كوردستان و كاركردن بۆ پتەوكردنی دیموكراسی، ئازادی، مافی مرۆڤ و مافی چارەی خۆنوسین كە لە بنەمادا یەكێتیی نیشتمانیی كوردستانی بۆ دروست بووە.

تێكۆشەرە دێرین و گەنجە دڵسۆزەكان!

هیوادارم لەمڕۆوە، گفتوگۆ و پرۆژە و پێشنیارەكانتان، بۆ پتەوكردنی زیاتری پایەكانی یەكێتیی نیشتمانیی كوردستان، پشتبەستوو بە ئەزموون و زانست و چاوەڕوانی خواستەكانی خۆتان و خەڵكی كوردستان گەرموگوڕتر جۆشبدەن. و بە رەچاوكردنی دیسپلین و رێكارە حزبی و رێكخراوەییەكان، هەموو هەڤاڵان، لە هەموو ئۆرگان و دەزگاكان، بەشداری بكەن لە دەوڵەمەندكردن و نوێكردنەوەی پەیڕەو و پڕۆگرام، و لە پێشنیاركردنی كەسی شیاو بۆ شوێنی شیاو، رۆڵی بەرچاو ببینن و دەستپێشخەر بن لە نوێكردنەوەی یەكێتیی نیشتمانیی كوردستان دا.

یەكێتییەكی بەهێز، كوردستانێكی بەهێزتر دروست دەكات، و كۆنگرە ئەو قۆناغەیە كە ئەگەر بە هۆشیاری و بە دڵسۆزی و یەكێتییانە مامەڵەی لەگەڵ بكەین، دەتوانێت ئایندەیەكی باشتر بۆ یەكێتیی و كۆدەنگیی و خۆشگوزەرانیی بۆ گەلەكەمان زامن بكات.

 

لاهور شێخ جەنگی

٧-٩-٢٠١٩

کوردستان

شارەوانی سلێمانی بەرزە پردی دەباشان سەوز دەكات

خەڵك –بەشی هەواڵ

شارەوانی سلێمانی ڕایگەیاندووە بە چەند قۆناغێك بەرزەپردی دەباشان سەوز دەكەن و ئێستا سەرقاڵی كاركردنن تێیدا.

شارەوانی سلێمانی لە ڕاگەیەندراوێكدا ڕونیكردەوە “سەرەتا دانانی ئاوەڕۆ ئەنجامدەدرێت، دواتر چینێك گڵ ‌و پاشان بە چەو، لە كۆتایشدا چینێكیتر گڵ دەكرێت بەسەر چەوەكەدا بەمەبەستی سەوزكردن”.

ئاماژەی بەوەشكرد “ئامانج لە بەكارهێنانی چەو لەگەڵ گڵەكەدا بۆ ئەوەیە كاری پاڵاوتن بۆ ئاوەكە بكات و نەهێڵێت مادە زیانبەخشەكان زیان بە سەوزكردنەكە بگەیەنێت، پاشان دەرچوونی ئاوەكە لەرێی ئاوەڕۆوە بۆ سەر مەنهۆڵی سەرەكی بەو شێوەیەش شەقامەكە تەڕ نابێت و زیانی بەرناكەوێت”.

بەردەوام بە لە خوێندنەوە

کوردستان

هاتوچۆی سلێمانی هۆكارەكانی قەرەباڵغی شەقامەكان ئاشكرا دەكات

خەڵك –بەشی هەواڵ

دوێنێ لەگەڵ دەستپێكردنی پرۆسەی خوێندنی ئەمساڵ، قەرەباڵغی و ئاستەنگی هاتووچۆ لە شەقامەكانی شاری سلێمانی دروستبووە.

كاروان سدیق وتەبێژی هاتوچۆی سلێمانی هۆكارەكانی ئەو قەرەباڵغییەی ڕونكردووەتەوە و نوسیویەتی “سەرلەبەیانی ئەمڕۆ لەیەكەم رۆژی كردنەوەی دەرگای قوتابخانەو خوێندنگا و زانكۆو پەیمانگاكان گرفتی هاتووچۆ لە بەشی زۆری شەقام و یەكتربڕو گۆڕەپانەكان بەدی دەكرا، لەهەندێك شوێن گەیشتە خنكانی هاتووچۆ وەلەكاتی تەواو بوونی دەوامی ئەو شوێنانە هەمان گرفت بەدی كرا، لۆدو قەرەبالغییەكی زۆر دروست بوو، وە هۆكاری دروستبوونی ئەم گرفتە بۆ چەند خاڵێك دەگەڕێتەوە”.

1. زۆربوونی ژمارەی ئۆتۆمبێل كە ئامارەكان دەری دەخەن تۆماری ئۆتۆمبێل لە ئێستادا (٥٥٢،٧٨١) ئۆتۆمبێل تەنها لە پارێزگای سلێمانی تۆماركراوە جگە لە ئۆتۆمبێلە میرییەكان، ئەمە جگە لەوەی كە رۆژانە ژمارەیەكی زۆری ئوتومبیلی شارەكانی تری هەرێمی كوردستان، شارەكانی تری ناوەڕاست و خوارووی عێراق سەردانی شاری سلێمانی دەكەن، وە تەنها لە شەش مانگی یەكەمی ئەمساڵ (٢٠١٩) تۆماری یەكەمجاری ئۆتۆمبێل لە هاتووچۆی سلێمانی (٢٦،٤١٥) ئۆتۆمبێل تۆمار كراوە. لێرەدا پرسیارێك دێتە پێشەوە ئەویش ئەوەیە كە ئەم ژمارە ئوتومبیلە لەگەڵ ژمارەی دانیشتوان و دۆخی ئێستای شەقامەكان دەگونجێت!
2. هاوكات لەگەڵ زۆربوونی ژمارەی ئۆتۆمبێل پڕۆژەی گرنگی ستراتیجی لە شاری سلێمانی بەدی ناكرێت، شەقام و گۆڕەپان و یەكتربڕو ڕێگاوبانەكان تا ڕادەیەك هەمان دۆخی ساڵانی پێشووتریان هەیە، فراوان بوون و نۆژەنكردنەوە بە پێی پێویست بەدی ناكریت.

3. نەبوونی پڕۆژەی گرنگ لە بواری هاتووچۆ كە هاوكار و یارمەرتیدەر بێت بۆ بەردەوام بوونی جوولەی هاتووچۆ و دروست نەبوونی لۆدو قەرەبالغی، وەك دروست كردنی (ئەندەرپاس، ئۆڤەرپاس و نەفەق)

4. خراپی سیستەمی گواستنەوەی گشتی لە هەرێمی كوردستان و شاری سلێمانی بۆیە هاوڵاتییان بە گشتی بۆ هەموو كارەكانی خۆیان ئۆتۆمبێلی تایبەتی بەكار دەهێنن، وە ئەمڕۆ ئەم هۆكارە بە ئاشكرا بەدی كرا كە دایكان و باوكان ئۆتۆمبێلی خۆیان بەكارهێنا بۆ گواستنەوەی قوتابییەكانیان وە ژمارەیەكی زۆری ئۆتۆمبێل لە شەقامەكان بەدی كراو بووە هۆی دروست بوونی لۆدو قەرەباڵغی.

5. باش دیراسەنەكردنی ئەو پڕۆژانەی كە لەبواری هاتووچۆ لە ماوەی رابردوو لە شاری سلێمانی ئەنجام دراوە وە دیارینەكردنی بەدیلی گوونجاو بۆ ئەو پڕۆژانە بە نموونە دانانی ترافیكی پەڕینەوەی پیادەكان لە هەندێ لە شەقامەكان بووەتە هۆی دروستكردنی لۆدو قەرەباڵغی، دەكرا لە رابردوو پێشبینی ئەم حالەتانە بكرایە لە جیاتی دانانی ترافیك پردی پەڕینەوەی كارەبایی دابنرایە. هەروەها دروستكردنی تاسەی دەستكرد (لەمپەری دەستكرد) كە ئامانج لە دانانی كەمكردنەوەی خێرایی و رووداوی هاتووچۆیە بەڵام لە هەندێ لە شەقامەكان بووەتە هۆی دروستكردنی لۆدو قەرەباڵغی.

6. هاتووچۆكردنی ئۆتۆمبێلی بارهەڵگری گەورە بۆ گواستنەوەی سووتەمەنی و كەل وپەلی بیناسازی و لە شەقامەكان لەكاتی دەستپێكردنی دەوامی فەرمی و لەكۆتایی دەوامی فەرمی هۆكارە بۆ دروست بوونی لۆد لەسەر شەقامەكان.

7. كار نەكردن و دەست پێنەكردن لە دروستكردنی پڕۆژەی شەقامی ١٠٠ مەتری شاری سلێمانی كە دەكرێت بڵێین بە دروستكردن و تەواوكردنی ئەم پڕۆژەیە بەشێكی باش لە گرفتی لۆدو قەرەباڵغی شاری سلێمانی چارەسەر دەكرێت.

8. زیادەڕەوی (تجاوز) لەسەر شۆستەو شەقامەكانی ناوشار وە زیادبوونی ئەم سەرپێچییە بە ئاشكرا بەدی دەكرێت.

9. كار نەكردن بەپێی پێویست بە پڕۆژەی ماستەرپلانی شاری سلێمانی، دروستكردنی چەندین پڕۆژەی گەورە لەسەر یەك شەقام و لە یەك ناوچە و ڕەچاو نەكردنی ژمارەی سەردانیكەرانی ئەو پڕۆژانە، بۆ نموونە دروستكردنی چەندین قوتابخانەو خوێندنگە لە یەك شوێندا.

بەردەوام بە لە خوێندنەوە

کوردستان

لیژنە هاوبەشەكان سوپاسی كافتریایەك دەكەن

خەڵك- بەشی هەواڵ

بەهۆی دەستبەجێ چاككردنەوەی كەموكورتییەكان و جێبەجێكردنی رێنماییەكان، لیژنە هاوبەشەكانی قائیمقامیەتی سلێمانی سوپاسی كافتریایەك دەكەن و قائیمقامی سلێمانیش دەڵێت؛ لیژنەكان بۆ خزمەتی گشتی پێكهێنراون نەك بۆ سزادانی دوكاندار و خاوەن شوێنەكان”.

لەئەنجامی سەردانی بەردەوامی لیژنەی سیستمی غازی سەربەلیژنە هاوبەشەكانی قائیمقامیەتی سلێمانی بۆ ئەوشوێنانەی سیستمی غازیان داناوه،‌ دەركەوتووە كافتری لاتانۆ كەموكورتی لەسیستەمەكەدا هەیه، پاش دیاریكردنی شوێنی لێچوونی غازەكە خاوەنی كافتریاكە دەستبەجێ كۆمپانیای چاككردنەوەی ئاگاداركردەوە و بەرلەرۆشتنی‌ لیژنەكە لەشوێنەكە چاسەرەری كەموكورتیەكانی كرد.

لەبەرامبەر بەدەمەوەهاتن و زووچاككردنەوەی كەموكورتیەكانیش لیژنەی سیستەمی غاز سوپاسی خاوەن كافتریای لاتانۆ_ی كرد و هیوایانخواست لەپێناو پاراستنی سەلامەتی خۆیان و شوێنەكانیان و هاوڵاتیان، خاوەن شوێنەكان بەزووی بەدەم لیژنەهاوبەشەكانەوە بچن لەچارەسەری كەموكورتیەكانییان.

بەردەوام بە لە خوێندنەوە

کوردستان