ئێمە لە تۆرە کۆمەڵایەتیەکان

ناوخۆیی

یه‌كێتی تۆپی پێی كوردستان بڕیار و ڕاسپارده‌ی نوێی ده‌ركرد

یه‌كێتی تۆپی پێی كوردستان

ئه‌مڕۆ شه‌ممه‌ 7/9/2019 به‌ ئاماده‌بوونی سه‌رۆك و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی ئاسایی خۆی ئه‌نجامدا و، ئه‌م بڕیار و راسپاردانه‌ی ده‌ركرد:

1- پیرۆزبایی گه‌رم ئاراسته‌ی سه‌رجه‌م به‌شداربووانی خولی پله‌یه‌كی لاوانی كوردستان و پاڵه‌وانیه‌تی فێرگه‌كانی تۆپی پێی كوردستان ده‌كه‌ین، به‌ هیوای سه‌ركه‌وتن و پێشكه‌وتنی زیاتری تۆپی پێی كوردستان.

2- په‌سند كردنی ئه‌نجامه‌كانی خولی پله‌یه‌كی لاوانی كوردستان به‌مشێوه‌یه‌ی خواره‌وه‌:

• یانه‌ی كۆیه‌ ـ پله‌ی یه‌كه‌م.
• یانه‌ی سیروانی شاره‌زوور ـ پله‌ی دووه‌م.
• یانه‌ی ئاڵا ـ پله‌ی سێیه‌م.

3- په‌سند كردنی ئه‌نجامه‌كانی پاڵه‌وانیه‌تی فێرگه‌كانی تۆپی پێی كوردستان به‌مشێوه‌یه‌ی خواره‌وه‌:

• فێرگه‌ی چیا ـ پله‌ی یه‌كه‌م.
• فێرگه‌ی ئاسۆ ـ پله‌ی دووه‌م.

4- یارییه‌كانی قۆناغی كۆتایی خولی پله‌یه‌كی تازه‌پێگه‌یشتووانی كوردستان، به‌ ئاماده‌بوونی هه‌ر چوار نوێنه‌ری یانه‌كانی (باباگوڕگوڕ، شۆریجه‌، خاك و سلێمانی)، بڕیاردرا یارییه‌كان به‌مشێوه‌یه‌ی خواره‌وه‌ ئه‌نجام بدرێت:

• سه‌رجه‌م یارییه‌كان له‌ یاریگه‌كانی (باباگوڕگوڕ و خاك) له‌ شاری كه‌ركووك ئه‌نجام ده‌درێت.
• یارییه‌كان به‌ شێوازی ده‌رچوون به‌ دوو دۆڕان ده‌بێت.
• كارته‌ زه‌رد و سووره‌كانی هه‌ر چوار یانه‌ ده‌سڕێته‌وه‌.
• رۆژانی (پێنجشه‌ممه‌، هه‌ینی، شه‌ممه‌ و یه‌كشه‌ممه‌) 12/9/2019 تا 15/9/2019 یارییه‌كان به‌رێوه‌ ده‌چێت.
• ئه‌ندامانی یه‌كێتی تۆپی پێی كوردستان (كرێكار زرار، سیروان نه‌جمه‌ددین و عه‌دنان عه‌بدولره‌حمان) سه‌رپه‌رشتی یارییه‌كان ده‌كه‌ن.
• یارییه‌كان به‌مشێوه‌یه‌ی خواره‌وه‌ ده‌بێت:

أ‌- سلێمانی × باباگوڕگوڕ ـ یاریگه‌ی خاك ـ 12/9/2019.
ب‌- خاك × شۆریجه‌ ـ یاریگه‌ی باباگوڕگوڕ ـ 12/9/2019.
ت‌- یاری براوه‌كان ـ یاریگه‌ی خاك ـ 13/9/2019.
پ‌- یاری دۆڕاوه‌كان ـ یاریگه‌ی باباگوڕگوڕ ـ 13/9/2019.

5- بڕیاردرا به‌ كردنه‌وه‌ی خولی راهێنه‌رایه‌تی (c) ئاسیایی له‌ شاری دهۆك، له‌سه‌ر بڕیاری یه‌كێتی تۆپی پێی كوردستان لقی دهۆك، به‌ڵام بۆ ماوه‌ی یه‌ك ساڵ خولی (c) ئاسیایی له‌ دهۆك ناكرێته‌وه‌ له‌ رێكه‌وتی 29/9/2019 تا 29/9/2020.

6- نووسراوی یانه‌ی قه‌ڵادزێ به‌ ژماره‌ 77 له‌ رێكه‌وتی 7/9/2019 ره‌زامه‌ندی له‌سه‌ردرا، به‌ كردنه‌وه‌ی خولێكی تۆپی پێی دۆستانه‌ به‌ سه‌رپه‌رشتی هه‌ردوو یانه‌ی قه‌ڵادزێ و چوارقوڕنه‌ بۆ یانه‌ پله‌دووه‌كان.

7- ئاگاداری ده‌سته‌ی كارگێری یانه‌ی شه‌هیدان ده‌كه‌ینه‌وه‌، سكاڵای تۆماركراویان له‌سه‌ر یه‌كێتییه‌كه‌مان له‌ دادگای سلێمانی پێویسته‌ بۆ ماوه‌ی (15) رۆژ بكشێننه‌وه‌، به‌ پێچه‌وانه‌وه‌ سزاكانی سه‌ر یانه‌ی شه‌هیدان به‌رده‌وامی ده‌بێت.

8- بڕیاردرا به‌ دروستكردنی نامیلكه‌ی یه‌كێتی تۆپی پێی كوردستان بۆ وه‌رزی 2019/2020، ته‌واوی پێداویستییه‌كان له‌ لایه‌ن لێژنه‌ی پێشبركێكانی یه‌كێتییه‌كه‌مان ئاماده‌ ده‌كرێت.

9- ئاگاداری سه‌رجه‌م ده‌زگه‌ و كۆمپانیاكان ده‌كه‌ینه‌وه‌، ئه‌گه‌ر ئاره‌زوویان له‌ سپۆنسه‌ری كردنی چالاكییه‌كانی یه‌كێتییه‌كه‌مان بۆ وه‌رزی 2019/2020 هه‌یه‌، ده‌توانن سه‌ردانمان بكه‌ن و داواكانیان پێشكه‌ش به‌ یه‌كێتییه‌كه‌مان بكه‌ن.

10- داوا له‌ سه‌رجه‌م كه‌ناڵه‌كانی راگه‌یاندن ده‌كه‌ین، ئه‌گه‌ر ئاره‌زووی گواستنه‌وه‌ی یاری خوله‌كانی یه‌كێتی تۆپی پێی كوردستانیان هه‌یه‌، ده‌توانن سه‌ردانمان بكه‌ن و داواكانیان پێشكه‌ش به‌ یه‌كێتییه‌كه‌مان بكه‌ن.

11- له‌ یاری نێوان پێشمه‌رگه‌ی هه‌ولێر و زاخۆ له‌ خولی نایابی تازه‌پێگه‌یشتووانی كوردستان، به‌ هۆی ده‌ركردنی له‌ یارییه‌كه‌ و به‌كارهێنانی وته‌ی ناوه‌رزشی له‌ لایه‌ن راهێنه‌ری یانه‌ی زاخۆ (نه‌وزاد عه‌لی) بڕیاردرا به‌:

• راگرتنی ناوبراو بۆ یه‌ك یاری، كه‌ نابێت له‌ نێو یاریگه‌ ئاماده‌بێت.
• غه‌رامه‌كردنی ناوبراو به‌ بڕی 250000 دوو سه‌د و په‌نجا هه‌زار دینار.

ریکلام

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

ناوخۆیی

ماراسۆنی ئاشتی كوردستان له‌ 14ی ئادار، بۆ كاتێكی نادیار دواخرا

خەڵک سپۆرت – ئارام سەردار

به‌هۆی ڤایرۆسی كۆرۆناوە رێكخراوی ماراسۆنی ئاشتی كوردستان سه‌رجه‌م چالاكییه‌كانی ڕاگرت.

كاپتن كارۆخ ساڵح  لەم بارەیەوە بە میتدیاکانی ڕاگەیاند :”بۆ به‌رژه‌وه‌ندی ته‌ندروستی هاووڵاتیان، سه‌رجه‌م چالاكییه‌كانمان راده‌گرین”.

هەروەها لە ڕاگەیاندراوێکدا سەبارەت بە ڕاگرتنی چالاکییەکان، کارۆخ ساڵح ئاماژەی کردووە: له‌ روانگه‌ی پابه‌ندبوون به‌ رێنمایی و راسپارده‌كانی حكومه‌تی هه‌رێمی كوردستان، بۆ جێبه‌جێكردنی رێنماییه‌كانی وه‌زاره‌تی ته‌ندروستی و سه‌رۆكایه‌تی ئه‌نجومه‌نی وه‌زیران، به‌مه‌به‌ستی خۆپاراستن له‌ ڤایرۆسی كۆرۆنا، ده‌سته‌ی باڵای ماراسۆنی ئاشتی كوردستان بڕیاریدا به‌ دواخستنی نیو ماراسۆنی ئاشتی كوردستان كه‌ بڕیاربوو شه‌ممه‌ی داهاتوو 14ی ئادار له‌ هه‌ولێر به‌ڕێوه‌بچێت.

له‌م باره‌یه‌وه‌ كاپتن (كارۆخ ساڵح) سه‌رپه‌رشتیاری ماراسۆن، له‌ لێدوانێكی رۆژنامه‌نووسیدا ئاماژه‌ی بۆ ئه‌وه‌ كرد: له‌سه‌ر راسپارده‌ی حكومه‌تی هه‌رێمی كوردستان به‌مه‌به‌ستی جێبه‌جێكردنی رێنماییه‌كانی سه‌رۆكایه‌تی ئه‌نجومه‌نی وه‌زیران و وه‌زاره‌تی ته‌ندروستی، بۆ خۆپاراستن له‌ په‌تای كۆرۆنا، ده‌سته‌ی باڵای ماراسۆنی ئاشتی كوردستان بڕیاریدا به‌ دواخستنی نیو ماراسۆنی ئاشتی كوردستان كه‌ بڕیاربوو شه‌ممه‌ی داهاتوو 14ی ئادار له‌ هه‌ولێر به‌ڕێوه‌بچێت‌.

هه‌روه‌ها ئاماژه‌ی بۆ ئه‌وه‌ كرد: بۆ به‌رژه‌وه‌ندی ته‌ندروستی هاووڵاتیان سه‌رجه‌م چالاكییه‌كانمان تا كاتێكی نادیار، راده‌گرین.

هه‌روه‌ها كاپتن كارۆخ ووتی: قه‌ره‌باڵغی و ھەر چالاکیەکی تری بە کۆمەڵ، ھۆکارە بۆ بڵاوبوونه‌وه‌ی په‌تاو نه‌خۆشی, بۆیه‌ له‌ ده‌سته‌ی باڵای ماراسۆنی ئاشتی كوردستان به‌چاكمانزانی سه‌رجه‌م چالاكییه‌كانمان رابگرین و به‌هیوای سه‌لامه‌تی و ته‌ندروستی باش بۆ هه‌موولایه‌ك .. خوا كوردستانی ئازیزمان بپارێزێت.

ئەم بڕیارەی سەرپەرشتیارانی ماراسۆنی ئاشتی پاش ئەوە دێت، کە یەکێتی تۆپی پێی کوردستان چالاکییەکانی تۆپی پێی بەتەواوی تا کاتێکی نادیار ڕاگرت.

بەردەوام بە لە خوێندنەوە

کوردستان