ئێمە لە تۆرە کۆمەڵایەتیەکان

ئابوری

دابەشكردنی مووچەی مانگی حوزەیران دەستپێدەكات

خەڵك – بەشی هەواڵ
سەرچاوەیەك لە گەنجینەی سلێمانی ڕایدەگەیەنێت، لە سبەینێوە دەست بە دابەشكردنی مووچەی مانگی حوزەیرانی ئەمساڵ دەكرێت.

سەرچاوەیەك لە گەنجینەی سلێمانی بە (خەڵك)ی ڕاگەیاند، سبەینێ‌ یەك شەممە 8-9-2019 دەست بە دابەشكردنی مووچەی مانگی حوزەیرانی ئەمساڵ دەكرێت و بەپێی خشتەی مانگەكانی پێشوو مووچە دەدرێتە وەزارەت و دەست و فەرمانگەكان.

وتیشی، “سبەی مووچەی مانگی حوزەیرانی دیوانی وەزارەتی پێشمەرگە و لیواكان خەرج دەكرێت”.

ڕاشیگەیاند، ڕۆژی دوو شەممە پشووە و ڕۆژانی دوایی دابەشكردنی مووچە لە هێزەكانی 70 و 80 و پەروەردە و تەندروستی بەردەوام دەبێت.

بەردەوام بەرپرسانی حكومەتی هەرێم جەخت لە دابەشكردنی مووچە بە 30 ڕۆژ جارێك دەكەنەوە، كە دەبوو لە هەفتەی پێشووەوە دابەشكردنی مووچە دەست پێ‌ بكات، ئەمە سەرەڕای ئەوەی تا ئێستا چارەنووسی 3 مووچەی ئەمساڵ نادیارە.

ئابوری

وەزارەتی پەروەردە ژمارەیەك هەلی كاری راگەیاند

خەڵك- بەشی هەواڵ
وەزارەتی پەروەردەی حكوومەتی هەرێمی كوردستان ژمارەیەك هەلی كاری راگەیاند و لەمڕۆوە فۆڕم لەپارێزگای هەولێر دابەشدەكات.

ئەمڕۆ یەكشەمە 22ی ئەیلول، بەڕێوەبەرایەتی گشتی پەروەردەی هەولێر، سەر بە وەزارەتی پەروەردەی حكومەتی هەریمی كوردستان سەرجەم پەروەردەكانی سنووری پارێزگای هەولێر ئاگادار دەكاتەوە، لەمڕۆوە فۆڕم بۆ وەرگرتنی مامۆستایانی وانەبێژ دابەشدەكرێت.

لە نووسراوەكەی پەروەردەدا مەرج و رێنماییەكانی وەرگرتنی دەرچووانی زانكۆ و پەیمانگاكان بۆ مامۆستای وانەبێژ روون كراوەتەوە و ئاماژە بۆ ئەوەیش دراوە، فۆڕمی وانەبێژی بەشی پەروەردەكانی ناوەند و دەوروبەر و دەشتی هەولێر ناگرێتەوە كە دەكاتە بازنەكانی یەكەم و دووەم.

لە بەشێكی ئەو مەرجانەی بۆ وەرگرتنی مامۆستای وانەبێژ داندراون ئاماژە بەوە دراوە، پیویستە وانەبێژ خەڵكی ئەو ناوچەیە بێت كە فۆڕمەكەی لێ وەردەگرێت و خەرجی هاتوچۆكردن لە ئەستۆی خۆی دەبێت.

وەزارەتی پەروەردە بەهۆی كەمی میلاك ناتوانێت مامۆستا دابمەزرێنێت و چەند ساڵێكە بەناچاری دەستی كردووە بە وەرگرتنی مامۆستای وانەبێژ.

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

ئەمڕۆ یەكشەممە ڕێكەوتی 2019/9/22 مووچەی مانگی حوزەیرانی ئەم شوێنانە دابەشدەكرێت:
وەزارەتیناوخۆ
وەزارەتی خوێندنی باڵاوتوێژینەوەی زانستی
وەزارەتی ئەوقاف و كاروباری ئایینی
وەزارەتی سامانەسروشتیەكان
ھێزەكانی زێرەڤانی
ئەنجومەنی ئاسایش
دەزگای گشتی ئاسایش
هێزی بەرگریی فریاكەوتن
بەڕێوەبەرایەتی گشتی ڕەگەزنامەی ھەرێم
پۆلیسی نەوت وگاز

بەردەوام بە لە خوێندنەوە

ئابوری

بەشە ئاردی دوو مانگ بەسەر هاووڵاتیاندا دابەش دەكرێت

خەڵك- بەشی هەواڵ
بەڕێوەبەری دروستكراوی دانەوێڵەی سلێمانی ڕایدەگەیەنێت، بۆ ئەمساڵ 10 بەش لە ئارد بەشەر هاووڵاتیان دابەشدەكرێت و هەفتەی داهاتوو دەست بە دابەشكردنی بەشە ئاردی مانگی هەشت دەكرێت، دەشڵێت: “لەم مانگەدا 2 بەش ئارد دابەشدەكرێت”.

نەسرین محەمەد عەلی، بەڕێوەبەری دروستكراوی دانەوێڵەی سلێمانی بە (خەڵك)ی ڕاگەیاند، لەم مانگەدا دەست بە دابەشكردنی بەشە ئاردی مانگی شەش و حەوت كراوە، ڕەنگە ئەم هەفتەیە دابەشكردنی بەشە ئاردی مانگی حەوت-یش تەواو بێت.

وتیشی، “بەردەوامین لە دابەشكردنی بەشە ئاردی ماڵان و لە هەفتەی داهاتووە دەست بە دابەشكردنی بەشە ئاردی مانگی هەشت دەكرێت”.

ڕاشیگەیاند، حكومەتی عیراق بۆ ئەمساڵ بڕیاریداوە 10 بەشە ئارد دابەش بكرێـت و تا كۆتایی ساڵ هەر 10 بەش ئاردەكە دابەش دەكرێت.

ئاشكراشیكرد، ئەو ئاردەی دابەشكراوە لەماوەی چوار مانگی ڕابردوودا زۆر كوالێتی باش بووە بۆ دروستكردنی نان.

بەڕێوەبەری دروستكراوی دانەوێڵەی سلێمانیلە (خەڵك)ەوە داوا لە هاووڵاتیان دەكات، “بچن ئاردەكە وەربگرن، چونكە بە پێزە و بۆ نان كردن گونجاوە”.

بەردەوام بە لە خوێندنەوە

کوردستان