ئێمە لە تۆرە کۆمەڵایەتیەکان

عێراق

ئامارێك بڵاوكرایەەوە
ژمارەی تیرۆریستە دەستگیركراوەكان و ڕفێنراوە ڕزگاركراوەكان ئاشكرادەكرێت

خەڵك- بەشی هەواڵً
وەزارەتی ناوخۆی حكومەتی فیدڕاڵ، ئامارێك لەبارەی ژمارەی تیرۆریستە دەستگیركراوەكان و ڕفێنراوە ڕزگاركراوەكان لەماوە ئەمساڵدا بڵاودەكاتەوە.

لیوا سەعد مەعن، وتەبێژی وەزارەتی ناوخۆی عیراق، لە كۆنفرانسێكی ڕۆژنامەوانی لە بارەگای پۆلیسی فیدراڵی ڕایگەیاند”لەماوەی ئەمساڵدا، هێزەكانی پۆلیسی فیدراڵی 376 تیرۆریستیان دەستگیركردووە و 15 ڕفێنراوییان ڕزگاركردووە و 27 تیرۆریستیان كوشتووە كە سەركردەیان تێدایە، وێڕای خاپوركردنی 153 حەشارگە”.

بە وتەی مەعن”هەواڵگری پۆلیسی فیدراڵی، تۆڕێكی گواستنەوەی پۆستەی لەنێوان سەركردەكانی داعش و ئەبو بەكر بەغدای سەركردەی ڕێكخراوەكە دەستگیركردووە، ژمارەیەك بەرپرس و سەركردەی داعش لە ویلایەتەكانی جەزیرە و دیجلە و كەركوكیش دەستگیركراون”.

وتەبێژی وەزارەتی ناوخۆی عیراق دەڵێت”3 تیرۆریست لە سامەڕا دەستگیركراون كە بۆمبیان چاندووە، بە هەمان شێوە كەسێك كە بە ئەبو خەتاب ناودەبرێت و كاریی گواستنەوەی خۆكوژەكان بووە لە حەویجە، دەستگیركراوە”.

ئەو بەرپرسەی وەزارەتی ناوخۆ، ئاماژەی بە كوژرانی 3 خۆكوژ و خاپوركردنی حەشارگەكانیان كردووە لە دۆڵی زغیتون لە موسڵ، وێڕای كوشتنی سیانی تر لە پارێزگەی كەركوك.

عێراق

باڵیۆزخانەی ئەمریكا لە بەغدا لەبارەی داعشەوە هۆشداری دەدات

خەڵك – بەشی هەواڵ

باڵیۆزخانەی ئەمریكا لە بەغدا لەبارەی پەلامارەكانی ئەمدواییەی تیرۆریستانی داعش ڕایدەگەیەنێت، سەرەڕای لاوازبوونی داعش، بەڵام هێشتا هەڕەشەیە بۆ سەر سەقامگیری و بووژانەوەی عیراق و ناوچەكە.

باڵوێزخانەی ئەمریكا لە بەغدا، ئەمڕۆ پێنجشەممە 29/10/2020 ئەو تاوانكارییەی خەیلانی شەرمەزار كرد كە بەهۆیەوە 6 كەس گیانیان لەدەستدا، ئاماژەشیدا ئەو كردەوە تاوانكارییە بەڵگەیە لەسەر ئەوەی كە تا ئێستا داعش هەڕەشەیە بۆ سەر سەقامگیری عیراق.

باڵوێزخانەی ئەمریكا لە بەغدا لە ڕاگەیەنراوێكدا ڕایگەیاند، ولایەتە یەكگرتووەكانی ئەمریكا بەتوندی سەركۆنەی ئەو هێرشە وەحشیگەرانەیە دەكات كە لەم هەفتەیەدا تاقمی تیرۆریستی داعش لەدژی ڕۆڵەكانی هۆزی بەنی كەعب لە پارێزگای دیالە ئەنجامییان دا.

باڵوێزخانەی ئەمریكا لە بەغدا ئەوەشیخستووەتەڕوو، ئەم پەلامارانەی تیرۆریستان بەڵگەی ئەوەن كە ئەو گرووپە تاوانكارە سەرەڕای لاوازبوونیان، بەڵام هێشتا هەڕەشەن بۆ سەر سەقامگیری و بووژانەوەی عیراق و ناوچەكە، شانبەشانی عیراقییەكان و هاوپەیمانی نێودەوڵەتی لەهەوڵی كاردەكەن لەپێناو زامنكردنی تێكشاندنی بەردەوامی تیرۆریستانی داعش.

بەردەوام بە لە خوێندنەوە

عێراق

خانەقین.. پەلامارێكی داعش تێكشكێنرا

خەڵك – بەشی هەواڵ

هێزە ئەمنییەكانی عیراق پەلامارێكی تیرۆریستانی داعشیان بۆ سەر گوندێكی شارۆچكەی خانەقین تێكشكاند.

هومام تەمیمی نوێنەری پارێزگای دیالە لە ئەنجومەنی نوێنەرانی عیراق ڕایگەیاند، تیرۆریستانی داعش پەلاماری گوندی غایەی سەر بە شارۆچكەی خانەقینیان دا و لەلایەن هێزەكانی حەشدی شەعبییەوە بەرپەرچدرانەوە.

هومام تەمیمی ڕوونیشیكردەوە، پەلامارەكەی داعش نزیكەی دوو كاتژمێری خایاند و تێیدا دوو چەكداری حەشد بریندار بوون.

ئەو نوێنەری دیالە لە ئەنجومەنی نوێنەران ڕەخنەی لە سوپای عیراق گرت بەوەی نەچوون بە هانای هێزەكەی حەشدی شەعبییەوە و بەرپرسیاریەتی ئەوەشی خستە ئەستۆی فەرماندەی ئۆپراسیۆنەكانی دیالە.

بەردەوام بە لە خوێندنەوە

عێراق

عیراق؛ لە 24 سەعاتی ڕابردوودا 3804 حاڵەتی نوێ تۆماركراوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 3804 حاڵەتی نوێی تووشبوون بە ڤایرۆسی كۆرۆنا تۆماركراوە و 3376 كەسیش چاكبوونەتەوە و 45 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 18 هەزار و 575 پشكنینی تایبەت بە كۆرۆنا ئەنجام دراوە و دەركەوتووە 3804 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 256 و هەولێر 580 و كەركوك 175 و دهۆك 440 حاڵەت تۆماركراوە.

ڕوونیشی كردۆتەوە ، كە 3376 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 77 و هەولێر 114 و دهۆك 312 و كەركوك 102 كەس چاكبوونەوە.

ڕاشیگەیاندووە، 45 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 10815 كەس.

 

بەردەوام بە لە خوێندنەوە

کوردستان