ئێمە لە تۆرە کۆمەڵایەتیەکان

عێراق

پێیوایە تەنیا گلەیی و گازندەیان بۆ ماوە
بەرپرسێك: توركمان لە كەركوك ستەملێكراوترینە

خەڵك- بەشی هەواڵ
ئەندامێكی ئەنجومەنی پارێزگەی كەركوك لە پێكهاتەی توركمان ڕایدەگەیەنێت، توركمان لە سەردەمی حزبی بەعس و لە دوای ساڵی 2003وە،  ستەملێكراوترین پێكهاتەیە لە كەركوك و كەس گوێ‌ بە گێڕانەوەی مافی توركمانەكان، نادات.

نەجات حسێن، ئەندامی ئەنجومەنی پارێزگەی كەركوك، لە لێدوانێكیدا بۆ (خەڵك) ڕایگەیاند:”توركمان لەنێوان پێكهاتەكانی كەركوكدا، ستەملێكراوترینە، چونكە لە سەردەمی ڕژێمی بەعس و لەئێستاشدا هەر مافخوراوە و كەس گوێ‌ بۆ گێڕانەوەی مافی توركمانەكان ناگرێت، بەتایبەت لە پارێزگەی كەركوك كە پێشتر لەلایەن پێكهاتەی عەرەبەوە دەست بەسەر چەندان ملیۆن دۆنم زەوی توركماندا گیراوە و تائێستاش ئەو زەویانە بۆ توركمانەكان نەگێڕدراونەتەوە”.

بە وتەی ئەو بەرپرسە توركمانە”وێڕای ئەوەی لەماوەی 14 ساڵی ڕابردوو هەوڵێكی زۆرییان داوە ئەو زەوییانە كە مافی پێكهاتەكەیە بگێڕدرێنەوە، بەڵام بێ‌ سوود بووە، چونكە پێكهاتەی عەرەب لە كەركوك كە دەستییان بەسەر ئەو زەویانەدا گرتووە، لەئێستاشدا دەستڕۆیشتوون و لەنێو حكومەتدا قسەیان دەڕوات و داواكاریی توركمان بۆ وەرگرتنەوەی مافی خۆی، پەڕاوێز دەكەن”.

نەجات حسێن دەڵێت”لە سەردەمی دەسەڵاتی كوردی لە كەركوك، برا كوردەكان هەوڵیاندا گۆڕانكاریی لە یاسای كشتوكاڵیدا بكەن، ئەوان لەبەر ئەوەی خاوەنی هێز و چەك و پێشمەرگەن، توانیان هەندێك لەو زەوییانەی كە مافی دێرینی پێكهاتەكەیانە بگێڕنەوە، بەڵام توركمان هێز و چەكی نییە و ئەوی هێز و چەكیشی نەبوو مافی دەخورێت و تەنیا هەر گلەیی و گازندەی بۆ دەمێنێتەوە”.

لە سەردەمی ڕژێمی پێشوودا، بۆ گۆڕینی سیمای دیموگرافی ناوچەكە و دوورخستنەوەی دانیشتوانی ڕەسەنی شارەكە، زۆربەی زەوییە كشتوكاڵییەكانی كورد و توركمان لە كەركوك زەوتكران و بە گرێبەست درانە عەرەبە هاوردەكان، بەڵام وێڕای تێپەڕینی 16 ساڵً بەسەر ڕوخانی ڕژێمی بەعس لە عیراق، تائێستاش زۆرێك لەو زەوییانە نەگێڕدراونەتەوە بۆ خاوەنەكانیان و لەلایەن عەرەبەكانەوە هەڵسوكەوتییان پێوەدەكرێت.

عێراق

داوای ناردنی هێز بۆ دەستگیركردنی گەندەڵەكانی كەركوك دەكرێت

خەڵك- بەشی هەواڵ

سەرۆكی بەرەی توركمانی ئەمڕۆ دوو شەممە داوای لە مستەفا كازمی سەرۆك وەزیرانی عێراق كرد بەپەلە لیوای ئەحمەد ئەبو رغیف رەوانەی پارێزگای كەركوك بكات.

ساڵحی لە تویتێكدا لە تویتەر وتی: خەڵكی كەركوك داوای لێكۆڵینەوە لە سیاسییەكان دەكەن كە پشتیوانی لایەنگرانیان دەكەن بۆ زیادەڕەوی بۆ موڵكی دەوڵەت.

وتیشی: داواش دەكەین ئەوانەی نەوت و بەرهەمەكانی كەركوك دەدزن و دەستدرێژی دەكەنە سەر خانووبەرە ئاشكرابكرێن و پێویستە كازمی لیوای ئەحمەد ئەبو رغیف بەپەلە بنێرێت بۆ كەركوك بۆ گەندەڵەكان.

رۆژی سێشەممە سەرۆكی دەستەی خانەنشینی ئەحمەد ساعدی دەستگیركرا لەگەڵ ژمارەیەك بەرپرسی دیكە لەسەر گەندەڵی بە فەرمانی حكومەتی عێراق.

بەردەوام بە لە خوێندنەوە

عێراق

لە زیقار خۆپیشاندەران هێرشیانكردەسەر كۆمپانیایەكی نەوت

خەڵك- بەشی هەواڵ

ئەمڕۆ دوو شەممە خۆپیشاندەران لە باشوری عێراق كۆمپانیایەكی نەوتیان داخست و كارمەندەكانیان ناچاركرد بگەڕێنەوە ماڵەوە.

ئاژانسەكانی عێراق بڵاویانكردەوە ئەمڕۆ ناڕازییەكان تایەیان سوتاندووە لە بەردەم كۆمپانیای نەوتی زیقار و دەرگای كۆمپانیاكەیان داخستووە و داوای دامەزراندن دەكەن.

دەرچووانی ئەندازیاری و پەیمانگای تەكنیكی زیقار بەردەوامن لە ناڕەزایەتییەكانن لە بەردەم دەرگای سەرەكی كۆمپانیای نەوتی زیقار.

بەردەوام بە لە خوێندنەوە

عێراق

مانگی داهاتوو كازمی لە پاریس دەبێت

خەڵك- بەشی هەواڵ

وەزیری دەرەوەی عێراق ئاشكرایكرد مستەفا كازمی سەرۆك وەزیرانی عێراق سەردانی فەرەنسا دەكات لە ناوەڕاستی مانگی داهاتوو.

فوئاد حسێن بە رۆژنامەی سەباحی وت: سەرۆك وەزیران كازمی سەردانی فەرەنسا دەكات لە ناوەڕاستی مانگی تشرینی یەكەمی داهاتوو لەچوارچێوەی خواستەكانی هەردوولایەن بۆ پەرەدان بە پەیوەندییە دووقۆڵییەكان.

فوئاد حسێن وتی: یەكێك لەو داواكاریانەی سەرۆك وەزیران دەیخاتەڕوو لەسەردانەكەیدا بۆ پاریس داواكردنی كڕینی چەكە بەپێی پێویستی سوپای عێراق.

ئاماژەی بەوەشكرد ئامانجێكی دیكەی سەرۆك وەزیران لە ئەوروپا داواكردنە لە پەرلەمانی ئەوروپا بۆ ناردنی چاودێر بۆ هەڵبژاردنە پێشوەختەكەی عێراق كە بڕیارە ساڵی ئایندە بكرێت و داواش دەكات عێراق لە لیستی پشتیوانانی تیرۆر لاببرێت.

بەردەوام بە لە خوێندنەوە

کوردستان