ئێمە لە تۆرە کۆمەڵایەتیەکان

جیهانی

 (بودجه‌ کورتی هێناوه‌) کڕینی کریستیانۆ ئاسان نییه‌ و یوڤانتۆس تائێستا باجه‌که‌ی ده‌دات !

خه‌ڵک سپۆرت

گواستنه‌وه‌ی کریستیانۆ ڕۆناڵدۆی پورتوگالی له‌ یانه‌ی ڕیاڵ مه‌دریدی ئیسپانیه‌وه‌ تائێستا کاریگه‌ری له‌سه‌ر ڕێڕه‌وی‌ دارایی یانه‌ی یوڤانتۆس هه‌یه‌ و ئیتاڵیه‌کان باجه‌که‌ی ده‌ده‌ن.

ڕۆژنامه‌ی “لاگازێتا دێلۆ سپۆرت”ی ئیتاڵی له‌زاری سه‌رچاوه‌ ناوخۆییه‌کانی یانه‌ی یوڤانتۆسه‌وه‌ ئاشکرای کردووه‌، کڕینی کریستیانۆ له‌ یانه‌ی ڕیاڵ مه‌درید ته‌نها کاردانه‌وه‌ی به‌سودی بۆ یانه‌ ئیتاڵیه‌ زه‌به‌لاحه‌که‌ نه‌بووه‌، به‌ڵکو له‌ ڕووی دارایی و کارگێڕیه‌وه‌ هاوشێوه‌ی ئاگرێک که‌وتۆته‌ نێو ماڵی خانمه‌ پیره‌که‌وه‌.

به‌پێی سه‌رچاوه‌که‌، ئیداره‌ی یوڤانتۆس توانای گواستنه‌وه‌ی یاریزانێکی به‌بڕی ١٠٠ ملیۆن یورۆ نه‌بووه‌ و ده‌ستگرتنه‌وه‌ی زۆریان له‌ بودجه‌ی ساڵانه‌ی یانه‌که‌دا کردووه‌ ته‌نها له‌پێناو ئیمزاکردنی بۆنده‌که‌دا، دواتر هه‌وڵیانداوه‌ له‌ڕێگه‌ی به‌ده‌ستهێنانی مافی فرۆشتنی وێنه‌ی یاریزانه‌که‌وه‌ ئه‌و بڕه‌ پاره‌یه‌ به‌ده‌ست بهێننه‌وه‌ و له‌و بواره‌شدا شکستێکی ته‌واویان هێناوه‌، هه‌ر به‌وهۆیه‌شه‌وه‌ پڕۆژه‌ی بودجه‌ی وه‌رزی ٢٠١٨/٢٠١٩یان به‌ کورتهێنان به‌بڕی ٤٠ ملیۆن یورۆ داخستووه‌، له‌کاتێکدا یه‌کێتی تۆپی پێی ئه‌وروپا ڕێگه‌ی پێداون به‌و که‌موکه‌رتیه‌شه‌وه‌ کۆتایی به‌ میزانیه‌ی وه‌رز بهێنن.

کریستیانۆی ته‌مه‌ن ٣٢ ساڵ به‌درێسی یانه‌ی یوڤانتۆسی ئیتاڵیه‌وه‌ وه‌ک یه‌کێک له‌ ناودارانی جیهان کاریگه‌ری له‌سه‌ر خولی ئیتاڵیا دروست کردووه‌، هه‌ندێک له‌سه‌رچاوه‌کان پێیان وایه‌ له‌ڕووی مافه‌کانی په‌خشی ته‌له‌ڤیزیۆنیه‌وه‌ سودی به‌ یانه‌کانی تری سیریا ئه‌ی گه‌یاندووه‌، به‌ڵام وا ده‌رده‌که‌وێت له‌هه‌موو ڕووه‌کانه‌وه‌ گواستنه‌وه‌یه‌کی سه‌رکه‌وتوو نه‌بووه‌.

جیهانی

کلۆپ بە ١٢٠ ملیۆن و موچەی دووهێندەوە هەوڵی کڕینی کۆڵەکەی پێکهاتەکانی زێدان دەدات

خەڵک سپۆرت

یۆرگن کلۆپی ئەڵمانی ڕاهێنەری یانەی لیڤەرپوڵی ئینگلیزی لە گواستنەوەکانی هاوینەی ٢٠٢٠ دا هەوڵی کڕینی ئەستێرەیەکی پێکهاتەی یانەی ڕیاڵ مەدرید دەدات.

پۆرتاڵی دۆن بالۆنی ئیسپانی ئاشکرای کردووە، لیڤەرپوڵ لەم وەرزەدا بەبێ کێشە دەتوانێت کۆتایی بە ململانێکان بهێنێت، بەڵام لە وەرزی داهاتوودا بەتایبەت لە هێڵی ناوەند و ناوەندی بەرگری کێشەی تاکتیکی بۆ یۆرگن کلۆپ دروست دەبێت، ئەوەش بەهۆی کەمی ئەزمونی یاخود ڕۆچوونی یاریزانانی ئەو پێگەیە بەتەمەندا، ئەو بۆچونەش پاڵپشت بەو ئاستە دروست دەبێت کە لەم وەرزەدا ناوەندی بەرگری یانە سورە زەبەلاحەکە بەراورد بە هێڵەکانی بەرگری و هێرشبەر و تەنانەت ناوەندی هێرشبەری نیشانیانداوە.

بەپێی سەرچاوە ئیسپانییەکە، کلۆپ لە هاوینی ٢٠٢٠ بەبڕی ١٢٠ ملیۆن یورۆ داوای گواستنەوەی کاسیمێرۆی بەرازیلی لە یانەی شاهانەی مەدرید دەکات، نوێنەرانی یانە سورەکە دەشزانن کە ئیدارەی ڕیاڵ بەو ئۆفەرە قایل نابن بۆیە هەوڵدەدەن لەڕێگەی لێپرسراوی کاروباری یاریزانەکەوە هەنگاو بنێن.

دۆن بالۆن نوسیویەتی، کاسیمێرۆی بەرازیلی لەڕیزەکانی مێرەنگی ساڵانە بڕی پێنج ملیۆن یورۆ موچە بەدەستدەهێنێت، ئەو بڕەش بەنسبەت یاریزانێکی خولی ئینگلتەراوە لاوازە و کلۆپ و هاوەڵانی بە موچەی دووهێندە (١٠ ملیۆن) هەوڵدەدەن بە پەیوەندیکردن بە لیڤەرپوڵ قایلی بکەن.

سەرچاوەکە بەدووری نازانێت، کە ئیدارەی یانەی شاهانە بۆ دوورخستنەوەی مەترسییەکانی کلۆپ و ڕفاندنی کاسیمێرۆ، هەوڵەکانیان بە ئاڕاستەی سادیۆ مانێ و فێرمینیۆ یان محەمەد سەڵاح دەستپێبکەن، لەو بارودۆخەدا دەتوانن بە چەکی ئاڵوگۆڕ، یاخود بڕێک پارەی کەمتر بەرامبەر ئەو سیانەیە هەوڵەکان پێچەوانە بکەنەوە.

بەردەوام بە لە خوێندنەوە

جیهانی

(وەڵام بە ژمارە) محەمەد سەڵاح و سادیۆ مانی کامیان لە لیڤەرپوڵ کاریگەرییان زیاترە؟

خەڵک سپۆرت

یاریزانانی یانەی لیڤەرپوڵ لەم وەرزەدا بەکۆمەڵ ئاستێکی ناوازەیان پێشکەش کردووە و توانیویانە بە جیاوازییەکی زۆرەوە لوتکەی ڕیزبەندی یانەکانی خولی ئینگلتەرا بگرن.

زۆرینەی شارەزایانی بواری تۆپی پێ پێیان وایە، یەکەمبوونی یانە سورە مێژووییەکەی ئینگلتەرا لەم وەرزەی خولی ئینگلتەرا تەنها لەسەر کات وەستاوە و نازناوی ئەم وەرزە بۆیان یەکلاییبووەتەوە.

لەسەر ئاستی تاکە کەسی یاریزانان، هەوادارانی تۆپی پێی ئینگلتەرا لەنێوان لایەنگرانی محەمەد سەڵاح و لایەنگرانی سادیۆ مانیدا دابەشبوون.

هەندێ پێیان وایە سەلاحی میسڕی ئەستێرەی یەکەمی یانەکەیە و زۆرترین کاریگەری دروست کردووە، هەندێکیش پێیان وایە بەپێچەوانەوە ئەوەی ڕوودەدات بەهۆی کاریگەری ئەستێرە ڕەش ئەسمەرەکەی سەنیگالەوەیە کە لەکۆتا ڕووبەروبونەوە بەرامبەر نۆریچ سیتی تاکە گۆڵی بردنەوە و سێ خاڵی بۆ یانەکەی تۆمار کرد.

وەک وەڵامێک بۆ دەرخستنی ڕاستییەکان و پرسیاری بەردەوامی هاندەران (کامیان کاریگەرترن؟)، ماڵپەڕی “٣٦٠ سپۆرت” بەراوردێک بەداتا و ژمارە ئەنجام دەدات و ئەنجامەکان بەم شێوەیەن:

بەشداریکردن لە تۆماری گۆڵ: دوو ئەستێرەکە لە پڕۆسەی دروستکردنی گۆڵ و تۆماری گۆڵدا نزیکن لەیەکەوە، سەڵاح ١٤ گۆڵ و ٥ ئەسیستی تۆمار کردووە، کۆی گشتی بەشداری لە ١٩ گۆڵدا بووە.

سادیۆ مانی ١٢ گۆڵ و شەش ئەسیست و کۆی گشتی لە ١٨ گۆڵدا بەشداری کردووە، بەڵام یاریزانە سەنیگالییەکە کەمتر یاریی کردووە.

دروستکردنی گۆڵ: لە دروستکردنی گۆڵدا سەڵاح ٤٣ هەلی دروست کردووە، بەڵام مانی تەنها ٣٩ گۆڵی دروستکردووە.

گواستنەوەکان: مانی ٥٦٤ گواستنەوەی ئەنجامداوە بە ڕێژەی سەرکەوتویی لەسەدا ٨٢، لەبەرامبەردا سەڵاح ٤٨٤ گواستنەوەی ئەنجامداوە بە ڕێژەی لەسەدا ٧٧ی سەرکەوتوویی گواستنەوەکان، ئەوەش دەریدەخات کە مانی زیاتر بەشدارە لە بونیادنانی هێرشەکاندا و سەڵاح ئەرکی کۆتاییهێنانە بە هێرشەکان.

لێدەرکردنە سەرکەوتووەکان: مانی ٣٩ لێدەرکردنی سەرکەوتووی لە پریمەرلیگ تۆمارکردووە، بە جیاوازی پێنج لێدەرکردن پێش سەڵاح کەوتووە لەگەڵ ئەوەی یاریی کەمتر کردووە.

سەرکەوتوویی لەبەردەم گۆڵ: سەڵاح لەبەردەم گۆڵدا کاراتربووە لە مانی، یاریزانە میسڕییەکە تەنها هەشت هەلی گۆڵکردنی لەبەردەم گۆڵدا لەدەستداوە، بەڵام مانێ ١٥ هەلی لەدەستداوە و دووەم بەرزترین ڕێژەی لەدەستدانی هەلی تۆمارکردنی گۆڵی تۆمارکردووە.

بەردەوام بە لە خوێندنەوە

جیهانی

ڕابیتەی یانەکانی لالیگا گڵۆپی سەوزی بۆ بەرشلۆنە داگیرساند: یەک بۆندی ناوخۆیی ڕێگەپێدراوە

خەڵک سپۆرت

یانەی بەرشلۆنەی ئیسپانی لەلایەن ڕابیتەی یانە پیشوەرەکانی خولی ئیسپانیاوە ئاگادارکراوەتەوە، کە لەماوەی داهاتوودا دەتوانن یاریزانێکی شوێنگرەوە بۆ عوسمان دیمبیلی فەرەنسی بگوێزنەوە بۆ ڕیزەکانیان.

ماڵپەڕی “گۆڵی نێودەوڵەتی” ئاشکرای کردووە، کە لەنێوان دوێنێ و ئەمڕۆدا ڕابیتەی یانە پیشوەرەکانی ئیسپانیا بەفەرمی دەرگای گواستنەوەکانیان بەڕووی بەرپرسانی یانەی بەرشلۆنەدا کردۆتەوە بۆ ئیمزاکردنی گرێبەستێک.

سەرەڕای ئەوەی دەرگای گواستنەوەکانی زستانەی ٢٠٢٠ داخراوە، بەڵام ڕایبتەی یانەکانی لالیگا پاش لێکدانەوەی بارودۆخی پێکانی عوسمانی فەرەنسی، پێیان وایە بەپێی یاسا دەکرێت یانە کەتەلۆنیەکە لەماوەی (١٥) ڕۆژدا یەک یاریزان بۆ جێگەی هێرشبەرە فەرەنسییەکە دابین بکەن.

بەپێی یاسا کارپێکراوەکان لە ئیسپانیا، هەر یانەیەک بەر لەداخستنی دەرگای گواستنەوەکان یاریزانێکی دووچاری پێکانی درێژخایەن ببێت، دەتوانێت یاریزانێکی شوێنگرەوەی بۆ دابین بکات.

گۆڵ ئاماژەی کردووە، کە لەدوای پێشکەشکردنی ڕاپۆرتی پزیشکی پێکانی عوسمان دیمبیلی، دەرکەوتوە یاریزانەکە چەند ڕۆژێک بەر لە کۆتایی هاتنی وادەی گواستنەوەکان دووچاری پێکانی درێژخایەن بووە و بەهۆیەوە تاکۆتایی وەرز دووردەکەوێتەوە، ئەوەش ڕێگە بە یانە کەتەلۆنیەکەی دەدات لەژێر سێبەری یاسای قەرەبووکردنەوەدا یاریزانێک بکڕێت.

لەم وەرزەدا یانەی بەرشلۆنە دووجار ڕووبەڕوی قەیرانی هێرشبەران بووەتەوە، یەکەم جار بە پێکانی لویس سوارێز و دواتریش پێکانی دیمبیلی.

سەرچاوەکان پێیان وایە نوێنەرانی بارسا لەنێوان یانەکانی خولی پلە یەک و دووی ئیسپانیا دەتوانن هێرشبەرێک بگویزنەوە بۆ ڕیزەکانیان، ئەو یاریزانانەش کە دیاریکراون پێکهاتوون لە: کریستیان ستیوانی (جیرۆنا)، ویلیان جوزێ (ڕیاڵ سۆسیداد)، لۆرینزۆ مۆرن (ڕیاڵ بیتیس).

بەردەوام بە لە خوێندنەوە

کوردستان