ئێمە لە تۆرە کۆمەڵایەتیەکان

جیهانی

چییان به‌سه‌ردێت؟ هاوینی داهاتوو پێنج یاریزانی یوڤانتۆس نرخیان ده‌بێته‌ بێبه‌رامبه‌ر

خه‌ڵک سپۆرت

ئیداره‌ی یانه‌ی یوڤانتۆس له‌پێناو پته‌وکردنی پێکهاته‌ی سه‌ره‌کی و چنینه‌وه‌ی نازناوه‌ ئه‌وروپیه‌کاندا، له‌گواستنه‌وه‌کانی هاوینه‌دا چه‌ندین گواستنه‌وه‌ی به‌هێزیان ئه‌نجامدا و هاوینی داهاتوو ناچار ده‌بن پارێزگاری له‌چه‌ند یاریزانێکیان بکه‌ن.

ڕۆژنامه‌ی “توتۆ سپۆرت”ی نزیک له‌ یانه‌ ئیتاڵیه‌که‌ ئاشکرای کردووه‌، له‌ گواستنه‌وه‌کانی هاوینه‌ی ٢٠١٩دا نوێنه‌رانی بیانکۆنێری توانیویانه‌ چه‌ندین یاریزانی به‌توانای وه‌ک ئارۆن ڕامسی و ماتیاس دی لیخت و ڕابیۆ دابین بکه‌ن، به‌و شێوه‌یه‌ش توانیویانه‌ پێکهاته‌یه‌کی تێر‌وته‌سه‌ل له‌سه‌رجه‌م هێڵه‌کان بونیاد بنێن که‌ ده‌کرێت له‌ داهاتوودا ئه‌زمونی زیاتر به‌یانه‌که‌ ببه‌خشێت.

ماوریزیۆ ساری ڕاهێنه‌ری “لاڤیکیا سانیۆرا” له‌سه‌ر ئاستی یاریزانان پێویسته‌ تا هاوینی داهاتوو خوێندنه‌وه‌ی ته‌واو بۆ سه‌رجه‌م یاریزانه‌کانی بکات، به‌تایبه‌ت ئه‌وانه‌ی ته‌مه‌نیان هه‌ڵکشاوه‌ و بۆنده‌کانیان به‌ره‌و کۆتایی ده‌چێت.

توتۆ سپۆرت ئاماژه‌ی به‌ناوی پێنج یاریزان کردووه‌ که‌ بۆنده‌کانیان له‌ هاوینی ٢٠٢٠ کۆتایی دێت و چیتر نرخه‌کانیان ده‌بێته‌ بێبه‌رامبه‌ر، ئه‌وانیش پێکهاتوون له‌: بله‌یز ماتویدی، جۆرجیۆ کیلینی، خوان کوادرادۆ، جیانلویجی بوفۆن، کارلۆ پینسۆجۆلۆ، ڕاهێنه‌ری یانه‌ ناچاره‌ تا واده‌ی گواستنه‌وه‌کانی هاوینه‌ی ٢٠٢٠ ده‌رباره‌ی ئه‌م پێنج ناوه‌ گه‌وره‌یه‌ بڕیاری کۆتایی بدات بۆ نوێکردنه‌وه‌ی بۆنده‌کانیان، یاخود ڕێبه‌ردانیان به‌ ڕۆیشتن بۆ یانه‌یه‌کی تر.

به‌پێی ڕێسا کارپێکراوه‌کانی فیفا له‌ژێر ناوی بۆسمان، هه‌ر یاریزانک بۆنده‌که‌ی کۆتایی بێت به‌فه‌رمی و بێبه‌رامبه‌ر ده‌توانێت په‌یوه‌ندی به‌ هه‌ر یانه‌یه‌که‌وه‌ بکات که‌ خۆی هه‌ڵیده‌بژێرێت، به‌بێ ئه‌وه‌ی یانه‌ی پێشووی بتوانێت ده‌ستوه‌ردان له‌ گواستنه‌وه‌که‌دا بکات.

جیهانی

مۆرینیۆ: باڵادەستی سیتی و لیڤەرپوڵ لە ڕۆڵی گواردیۆلا و کلۆپ دەرچووە !

خەڵک سپۆرت

جوزێ مۆرینیۆی پورتوگالی ڕاهێنەری پێشوی یانەی مانچستەر یونایتد، پێی وایە باڵادەستی یانەکانی مانچستەر سیتی و لیڤەرپوڵ کاری بە کۆمەڵی لەپشتە و لە ڕۆڵی ڕاهێنەران دەرچووە.

“سپێشەڵ وەن” لەچاوپێکەوتنێکدا بە ماڵپەڕی “مانچستەر ئیڤنینگ نیوز”ی ڕاگەیاندووە، ئەوەی لە ناوخۆی یانەکانی مانچستەر سیتی و لیڤەرپوڵ ڕوودەدات کارلێکی کیمیاییە لەسەرۆکایەتیەوە بۆ بەڕێوەبەران و ڕاهێنەر و یاریزانان و کارمەندانی یانەکە، بەهۆیەوە دوو یانەی بەهێز لەنەخشەی تۆپی پێدا پەیدابوون و ململانێی بەهێزترینەکانی تری ئەوروپا دەکەن.

“مۆو” ڕایگەیاندووە :” هەمووان لە یانەکانی سیتی و لیڤەرپوڵ لەسەر یەک ڕێڕەو کاردەکەن، پێموایە مەسەلەکە پەیوەندی بە پەیکەری یانەکانەوە هەیە”.

هەروەها دەڵێت :” کاتێک تەماشای مان سیتی دەکەیت، خاوەنی یانە، فیران سۆریانۆ، تیکسیکی بیگریستاین، پیپ گواردیۆلا، هاوکارانی گواردیۆلا پاشان یاریزانان، هەمووان بەیەکەوە بۆ یەک ئامانج تێدەکۆشن، مەسەلەکە خۆگونجاندنێکی بەهێزە، هەست و سۆز و کیمیایەکە داوای کوالیتی و هاوکاریکردن لە هەمووان دەکات بۆ یەک ئامانج”.

دەربارەی لیڤەرپوڵیش دەڵێت :” لیڤەرپوڵ؟ پێموایە بەهەمان شێوە یۆرگن کلۆپ لە بارودۆخێکی باشدایە، جێگیرە لەپێگەکەیدا و کۆنترۆڵی ناوچەکانی خۆیی کردووە، لەلایەن سەرۆکایەتی و کەسایەتیەکانی یانەوە پاڵپشتی دەکرێت، ئەو کەسانەش بەهەمان بیروبۆچوون و بیرکردنەوە کاردەکەن و بونیادی یانەکە بەوشێوەیە وەستاوە”.

بەردەوام بە لە خوێندنەوە

جیهانی

سێ ئەستێرەی تۆتنهام بۆ پۆچتینۆ: بۆندەکانمان نوێ ناکەینەوە !

خەڵک سپۆرت

هەندێک لە ئەستێرە ناودارەکانی یانەی تۆتنهام نایانەوێت لەگەڵ ماوریسیۆ پۆچتینۆی ڕاهێنەری ئەرجەنتینی بەردەوام بن و ئۆفەری نوێکردنەوەی بۆندەکانیان ڕەتکردۆتەوە.

ڕۆژنامەی “دەیلی مەیڵ”ی بەریتانی ئاشکرای کردووە، هەریەک لە تۆبی ئاڵدەرڤێرڵد، کریستیان ئیریکسن، یان ڤێرتۆنیگن لە هاوینی ٢٠٢٠ بۆندەکانیان بەفەرمی کۆتایی دێت و بێبەرامبەر دەتوانن پەیوەندی بەهەر یانەیەکی ترەوە بکەن، ئەوەش ئیدارەی یانەی تۆتنهامی ناچار کردووە بەهەموو شێوەیەک هەوڵ بۆ نوێکردنەوەی بۆندەکانیان بدات تا بەشێوەی بێبەرامبەر ماڵئاوایی نەکەن.

بەپێی ئەو زانیاریانەی دەست سەرچاوە ئینگلیزیەکە کەوتووە، سیانەی ناوبراو تەواوی ئەو ئۆفەر و بۆندانەیان ڕەتکردۆتەوە کە بۆ نوێکردنەوەی گرێبەستەکانیان بەدەستیان گەیشتووە، سەرجەمیان کۆک بوون لەسەر کارنەکردن لەژێر چاودێری ماوریسیۆ پۆچتینۆ و پەیوەندیکردن بە یانەیەکی ترەوە، جگە لەو سێ یاریزانەش دانی ڕۆزی بەرگریکاری هەمان یانە تا ئێستا لەگەڵ ئیدارەی کەڵەشێرە ڕومیەکان نەگەیشتۆتە ڕێکەوتن و لەنوێکردنەوەی بۆندەکەیدا پێگەی لە پێگەی سیانەی ناوبراو لاوازترە، بۆیە ئەگەر زۆرە ئەم یاریزانەش بچێتە ڕیزی سێ یاریزانەکەی ترەوە و لە هاوینی داهاتوو پەیوەندی بە یانەیەکی ترەوە بکات.

بەردەوام بە لە خوێندنەوە

جیهانی

کریستیانۆ لە یوڤی بێزارە و دەیەوێت بگەڕێتەوە بۆ ڕیاڵ مەدرید !

خەڵک سپۆرت

کریستیانۆ ڕۆناڵدۆی پورتوگالی لە ئیتاڵیا بێزارە و توڕەیی گەیشتۆتە ئەو ئاستەی بیر لە گەڕانەوە بۆ یانەی ڕیاڵ مەدرید بکاتەوە.

ماڵپەڕی “کالچیۆ میریکاتۆ”ی ئیتاڵی لەزاری چەند سەرچاوە و کەسێکی نزیکی کریستیانۆ ڕۆناڵدۆی ئەفسانەی ناوداری یانەی یوڤانتۆسەوە بڵاویکردۆتەوە، لە ئێستادا و بەهۆی ئاڵوگۆڕکردنی لە دوو ڕووبەڕوبونەوەدا کریستیانۆ زۆر بێزارە، توڕەیی لە ماوریزیۆ ساری ڕاهێنەری یوڤی و بێ هەڵوێستی ئیدارەی یانەکە گەیشتۆتە ئاستێک، کە بیر لە گەڕانەوە بکاتەوە ڕووەو یانەی ڕیاڵ مەدرید.

سەرچاوەکە نوسیویەتی، دۆنی پورتوگال بە کەسە نزیکەکانی ڕاگەیاندووە، بەهۆی پشتگوێخستن و دابەزینی ئاستیەوە لە یوڤانتۆس بێزار بووە و هەست بە خەمباری دەکات، هەروەها پەشیمانی دەربڕیوە لە جێهێشتنی یانەی شاهانەی مەدرید و بەشێوەیەکی زارەکی ئامادەیی نیشانداوە دووبارە بگەڕێتەوە بۆ یانە زەبەلاحەکەی ئیسپانیا و لەژێر چاودێری زینەدین زێدان دەست بە یاریکردن بکاتەوە.

کریستیانۆ لەم وەرزەدا ئاست و ژمارەکانی بەڕێژەیەکی زۆر دابەزیون و ئەوەش لە ململانێی باشترینەکانی جیهان بەدووریان خستووەتەوە، لەبەرامبەردا ماوریزیۆ ساری ڕاهێنەری یانە ئیتاڵیەکە لەبری یاریدەدانی لە دوو ڕووبەڕوبونەوەدا ئاڵوگۆڕی پێکردووە بەبێ ئەوەی پێشوەخت لەو بارەیەوە ئاگاداری بکاتەوە.

بەردەوام بە لە خوێندنەوە

کوردستان