ئێمە لە تۆرە کۆمەڵایەتیەکان

جیهانی

بۆچی عوسمان دیمبیلی له‌ ئاڵوگۆڕی نایماردا به‌شداری نه‌کرد و پاریسی ڕه‌ت کرده‌‌وه‌؟


خه‌ڵک سپۆرت

عوسمان دیمبیلی فه‌ره‌نسی ئه‌ستێره‌ی یانه‌ی به‌رشلۆنه‌ پلانی هه‌یه‌ له‌ ڕیزه‌کانی ئازولگرانا بگاته‌ لوتکه‌ی تۆپی پێ و به‌و هۆیه‌شه‌وه‌ بۆندی یانه‌ی پاریس سانت جێرمانی ڕه‌تکردۆته‌وه‌.

ڕۆژنامه‌ی “لیکیپ”ی فه‌ره‌نسی ئاشکرای کردووه‌، له‌سه‌ر داوای تۆماس توخێل له‌واده‌ی گواستنه‌وه‌کانی هاوینه‌دا ئیداره‌ی یانه‌ی پاریس سانت جێرمانی فه‌ره‌نسی داوای عوسمان دیمبیلیان له‌ یانه‌ی به‌رشلۆنه‌ کردووه‌ و گواستنه‌وه‌ی ئه‌م ئه‌ستێره‌ لاوه‌یان کردووه‌ به‌ مه‌رجی سه‌ره‌کی ده‌ستبه‌رداربوونیان له‌ نایمار دا سیلڤای ئه‌ستێره‌ی به‌رازیلی.

سه‌رچاوه‌که‌ ئاماژه‌ی کردووه‌، له‌کاتێکدا جه‌مسه‌ره‌کان نزیکبوون له‌ڕێکه‌وتنێکه‌وه‌، عوسمانی فه‌ره‌نسی به‌هه‌موو شێوه‌یه‌ک ڕه‌تی کردۆته‌وه‌ په‌یوه‌ندی به‌ یانه‌ی پاریس سانت جێرمانه‌وه‌ بکات، به‌ڵکو دووپاتی کردۆته‌وه‌، که‌ له‌ڕیزه‌کانی یانه‌ که‌ته‌لۆنیه‌که‌ی به‌رده‌وام ده‌بێت ته‌نانه‌ت ئه‌گه‌ر نایماریش په‌یوه‌ندیان پێوه‌ بکات.

به‌پێی زانیارییه‌کانی “لیکیپ”، دیمبیلی پلانی داڕشتووه‌ له‌چه‌ند وه‌رزی داهاتوودا به‌درێسی بارساوه‌ ببێته‌ یه‌کێک له‌ پاڵێوراوانی خه‌ڵاتی “بالۆن دۆر”، ئه‌م هه‌نگاوه‌ش به‌ پێشکه‌شکردنی ئاستێکی به‌رز و درێسی یانه‌ که‌ته‌لۆنیه‌که‌وه‌ نه‌بێت هه‌رگیز ڕوونادات، بۆیه‌ ئاماده‌ نه‌بووه‌ به‌هیچ شێوه‌یه‌ک په‌یوه‌ندی به‌ تۆماس توخێلی ڕاهێنه‌ری پێشویه‌وه‌ بکاته‌وه‌ له‌ژێر هیچ بارو مه‌رجێکدا.

جیهانی

ڕیاڵ مەدرید بۆ گواردیۆلا: ڤاران بۆ فرۆشتن نییە و بە یەک مەرج دەستبەرداری دەبین


خەڵک سپۆرت

یانەی مانچستەر سیتی لەپێناو توندوتۆڵکردنەوەی هێڵی بەرگری پێکهاتەکەیدا هەوڵی گواستنەوەی ڕافائێل ڤارانی فەرەنسی دەدات و یانەی ڕیاڵ مەدریدیش بە مەرجێکی مەحاڵ وەڵام دەداتەوە.

ڕۆژنامەی “موندۆ دیپۆرتیڤۆ”ی ئیسپانی ئاشکرای کردووە، لەماوەی چەند هەفتەی ڕابردوودا کاربەدەستانی یانەی مانچستەر سیتی لەسەر داوای پیپ گواردیۆلا پەیوەندییان بە یانەی شاهانەی مەدریدەوە کردووە و داوای دیاریکردنی نرخێکیان بۆ گواستنەوەی ڕافائێل ڤارانی فەرەنسی کردووە.

بەپێی سەرچاوەکە، بەرپرسانی یانەی بەرشلۆنە ڕاستەوخۆ داواکاریی یانە ئینگلیزییەکەیان ڕەتکردوووتەوە و ڕایانگەیاندووە کە بەرگریکارە فەرەنسییەکەیان هەرگیز بۆ فرۆشتن نەبووە و بەنیازیش نین بیفرۆشن.

موندۆ جەختی لەوە کردۆتەوە، کە بەرپرسانی سیتی بەو وەڵامەش کۆڵیان نەداوە و ئامادەییان دەربڕیوە بڕی زیاتر لە ١٥٠ ملیۆن یورۆ پێشکەش بکەن، بەو هیوایەی نرخە بەرزەکە دەرگای گفتوگۆکردن بەڕوویاندا بکاتەوە، بەڵام ئەو وەڵامەی لە فلۆرنتینۆ پێرێز و هاوەڵانیەوە بەدەستیانهێناوە شۆکهێنەربووە.

پێرێز بە ستافی گفتوگۆکەری یانەی مانچستەر سیتی ڕاگەیاندووە کە لەگەڵ سوربوونیان لەسەر کڕینی بەرگریکارەکە، یانەی ڕیاڵ مەدرید تەنها لە یەک حاڵەتدا دەستبەرداری دەبێت ئەویش لە ئەگەری پێشکەشکردنی نرخی شکاندنی بۆندەکەی کە بە (٥٠٠) ملیۆن یورۆ دەخەمڵێنرێت، ئەوەش کۆتایی بەهەموو پەیوەندییەکان هێناوە.

بەردەوام بە لە خوێندنەوە

جیهانی

مۆراتی: تۆپی پێ گۆڕانکاری بەسەردا دێت و گواستنەوەی مێسی مەحاڵ نییە


خەڵک سپۆرت

ماسیمۆ مۆراتی سەرۆکی پێشووی یانەی ئینتەرمیلانی ئیتاڵی، بۆچونی خۆی دەربارەی قەیرانی کۆرۆنا و ئەگەرەکانی دەستپێکردنەوەی خولی ئیتاڵیا ئاشکرا دەکات.

سەرۆکە مێژووییەکەی ئینتەر لەچاوپێکەوتنێکدا بە “لاگازێتا دێلۆ سپۆرت”ی ڕاگەیاندووە :” کاتێک دەگەڕێینەوە سەر چالاکییەکانی بواری تۆپی پێ، هیچ شتێک لەجێگەی خۆیدا نامێنێت و گۆڕانکاری بەسەردا دێت، ئەوەی لەپێشوودا بەشێوەیەکی ئاسایی دەمانکرد چیتر بۆمان ناکرێت، پێویستە بەدوای ڕێسا و یاسای نوێدا بگەڕێین پاڵپشت بە یاسا کۆنەکان، پێویستە ئازایەتی ئەوەمان تێدابێت یاساکان جێبەجێ بکەین”.

لەبارەی دەستپێکردنەوەی چالاکییەکانی ئەم وەرزەی خولی ئیتاڵیا، دەڵێت :” نازانم تا چ ڕادەیەک دەتوانین لەگەڵ ئەم وەرزەدا ڕێبکەین، ئەوەی لەسەر هەمووانبوو ئەنجامیاندا لەپێناو دەستپێکردنەوەی چالاکییەکان، بەڵام ئەگەر بمانەوێت بگەڕێینەوە و دەستپێبکەینەوە ناچارین قوربانی بدەین، لەکۆتاییشدا هەموو ئەمانە لەسەر بڕیارێکی دروست وەستاوە”.

لەبارەی موچەی یاریزانان و کەمکردنەوەیەوە، مۆراتی دەڵیت :” یاریزانان لەپێش هەمووانەوە دەبێت لە مەترسی دۆخەکە تێبگەن و لەپێناو بەرژەوەندی یانەکانیاندا بڕیاربدەن، ئەوەی لێیدەترسم بەرژەوەندی یاریزانانی یانە نچوکەکانە کە لەپێناو ژیاندا یاریی دەکەن و ئەوەش لە هەڵەکانی ژیان دووریخستونەتەوە، ئەوانە تاکە کەسانێکن کە دەبێت خەمیان بخۆین”.

هەروەها لەبارەی ئەگەرەکانی گواستنەوەی نایمار بۆ یانەی بەرشلۆنە، دەڵێت :” پێموابێت لەئێستادا مەحاڵ نییە میسی بگوێزینەوە بۆ یانەی ئینتەر میلان، لەپێشوودا هەوڵی زۆرماندا بەڵام شکستمانهێنا، ناشزانم ئەم دۆخەی ئێستا بەسەر تۆپی پءدا هاتووە کاریگەری لەسەر دۆخی مێسی دەبێت بەرەو خراپبوون دەچێت یان نا، ئەوەی لێی دڵنیام لەکۆتایی وەرزدا زۆر بابەت گۆڕانکارییان بەسەردا دێت”.

بەردەوام بە لە خوێندنەوە

جیهانی

دیل بۆسکی هۆشداری بە بەرشلۆنە دەدات: نایمار یاریزانێکی گزیکەرە و نمونە نییە


خەڵک سپۆرت

ڤیسینتی دیل بۆسکی ڕاهێنەری ئەفسانەیی هەڵبژاردەی ئیسپانیا هۆشداری بە یانەی بەرشلۆنە دەدات لە کڕینی نایمار دا سیلڤا و دووپاتیدەکاتەوە، کە یاریزانی ناوبراو نمونەیی نییە.

ڕاهێنەرە ئەزموندارەکەی لارۆخا بە ماڵپەڕی “موندۆ دیپۆرتیڤۆ”ی ڕاگەیاندووە :” نایمار یاریزانێکی سەرسەختە، بەنسبەت منەوە نمونە نییە بۆ یاریزانانی تری بواری تۆپی پێ”.

هەروەها دەڵێت :” بەنسبەت منەوە نایمار وەک یاریزانێک نایابە، ئەگەر داوام لێبکەن باشترین پێنج یاریزانی جیهان دیاریبکەم، نایمار لەناو لسیتەکەمدا دەبێت، بەڵام لەناو یاریگا هاوڵی خەڵەتاندنی ناوبژیوانان دەکات، فێڵ و ساختەدەکات، هەروەها پێویستە سەیری ئەو شێوازە بکرێت کە یانەی بەرشلۆنەی بەجێهێشت و ڕوویکردە یانەی پاریس سانت جێرمان”.

ڕاهێنەری پێشووی ئیسپانیا زیاتر دەدەوێت و رایدەگەیەنێت :” یانەی بەرشلۆنە بۆخۆی بڕیاردەدات کام یاریزانە دەگوێزێتەوە بۆ ڕیزەکانی و کێ پشتگوێ دەخات، نابێت گوێ لەوە بگیرێت کە یاریزانان دەیڵێن و خواستیان لەسەریەتی، لەبەرئەوەی بەڕێوەبەرانی هونەریی و وەرزشیی لە یانەکان بوونیان هەیە و ئەوان بڕیاردەدەن، دڵنیاشتان دەکەم کە هیچ یاریزانێکی بواری تۆپی پێ بە خراپ باسی هاوڕێیەکی کۆنی ناکات، ئەوە بووە بە پیشەی یاریزانانی ئەم سەردەمە”.

لەڕێگەی ئەم لێدوانانەوە دیل بۆسکی هۆشداری بە کاربەدەستانی یانەی بەرشلۆنە دەدات و داوایان لێدەکات، بۆند لەگەڵ نایماری بەرازیلی ئیمزانەکەن.

بەردەوام بە لە خوێندنەوە

کوردستان