ئێمە لە تۆرە کۆمەڵایەتیەکان

جیهانی

دوای شکستی بۆنده‌که‌ی، نایمار و به‌رشلۆنه‌ له‌ دادگا ڕووبه‌ڕوی یه‌کتر ده‌بنه‌وه‌ !

خه‌ڵک سپۆرت

نایمار دا سیلڤا له‌هه‌وڵه‌کانی بۆ گه‌ڕانه‌وه‌ به‌ره‌و یانه‌ی به‌رشلۆنه‌ شکستی هێنا و ماوه‌ی داهاتوو ناچار ده‌بێت له‌به‌رده‌م دادگادا ڕووبه‌ڕوی یانه‌ که‌ته‌لۆنیه‌که‌ ببێته‌وه‌.

ڕۆژنامه‌ی “ئاس”ی ئیسپانی له‌زاری سه‌رچاوه‌ نزیکه‌کانی نایمار و به‌رشلۆنه‌وه‌ ئاشکرای کردووه‌، تا ئه‌م ساته‌ باوکی و نایمار و جه‌مسه‌ری یاریزانه‌که‌ کۆتاییان به‌ کێشه‌کانی گواستنه‌وه‌یان له‌ یانه‌ی به‌رشلۆنه‌ بۆ پاریس سانت جێرمان نه‌هێناوه‌، به‌ڵکو ئه‌و سکاڵایه‌ی باوکی نایمار له‌سه‌ر یانه‌ که‌ته‌لۆنیه‌که‌ی تۆمار کردووه‌ له‌ماوه‌ی داهاتوودا دووباره‌ له‌لایه‌ن دادگاوه‌ کاری له‌سه‌ر ده‌کرێته‌وه‌.

سه‌رچاوه‌که‌ ئاماژه‌ی کردووه‌، به‌پێی بڕیاری دادگا له‌ کۆتایی ئه‌م مانگه‌دا (مانگی نۆ) دووباره‌ نوێنه‌رانی یانه‌ی به‌رشلۆنه‌ بانگهێشتی به‌رده‌م دادوه‌ر ده‌کرێنه‌وه‌ تا له‌باره‌ی بۆندی ئیمزاکراوی نێوان (نایمار و بارسا) ورده‌کاری زیاتر و زانیاری ئاشکرا بکه‌ن، لێره‌دا نایمار هاوشانی باوکی ناچار ده‌بن له‌ دادگا ڕووبه‌ڕوی ئیداره‌ی به‌رشلۆنه‌ ببنه‌وه‌.

جێی باسه‌، به‌ر له‌وه‌ی یاریزانه‌که‌ی سیلیساو له‌ به‌رشلۆنه‌وه‌ په‌یوه‌ندی به‌ پاریس سانت جێرمانه‌وه‌ بکات بۆندی له‌گه‌ڵ یانه‌ که‌ته‌لۆنه‌یه‌که‌ نوێکرده‌وه‌، به‌پێی به‌ندێک له‌ بۆنده‌که‌یدا ده‌بوو بۆ ئه‌و نوێکردنه‌وه‌یه‌ یانه‌ی به‌رشلۆنه‌ بڕی ٢٦ ملیۆن یورۆ پێشکه‌شی باوکی یاریزانه‌که‌ بکه‌ن، به‌ڵام نوێنه‌رانی بارسا به‌ پاساوی ئه‌وه‌ی یاریزانه‌که‌ واده‌ی بۆنده‌که‌ی ته‌واو نه‌کردووه‌ ئه‌و بڕه‌ پاره‌یه‌یان پێشکه‌ش نه‌کرد‌، ئه‌وه‌ش وایکرد کێشه‌ی یاسایی بکه‌وێته‌ نێوانیانه‌وه‌ و کێشه‌کانیش تائێستا به‌رده‌وامن.

جیهانی

هازارد دووبارە پێکراوە و ماوەی دوورکەوتنەوەی ئاشکرا کرد: سیتی و کلاسیکۆ ئەنجام نادات

خەڵک سپۆرت

ئیدین هازارد ئەستێرەی یانەی ڕیاڵ مەدرید بەهۆی پێکانەوە ماوەیەکی دوور و درێژ لەیاریکردن دادەبڕێت و لە ڕووبەڕوبوونەوەکانی مانچستەر سیتی و کلاسیکۆ بەشداری ناکات.

شەوی ڕابردوو ئیدین هازاردی بەلجیکی ئەستێرەی ڕیاڵ بەهۆی پێکانەوە یاریگای بەجێهێشت، دواتر زینەدین زێدانی ڕاهێنەر ڕایگەیاند، ” لەسەرەتاوە پێمانوابوو پێکانێکی هازارد ئاساییە، بەڵام دەرکەوت بەپێچەوانەوە قورسە و لەچاوەڕوانی کۆتا پشکنینەکاندا دەبین”.

ڕۆژنامەی مارکا ئاشکرای کردووە، سەر لەبەیانی ئەمڕۆ پشکنینی ورد بۆ یاریزابەکە کراوە و دەرکەوتووە دووبارە ئێسکی قاچی شکاوە، پێکانە نوێیەکەش نزیکی هەمان ئەو پێکانەیە کە لەماوەی ڕابردوودا دووچاری بووە.

بەبۆچونی پزیشکانی یانەی شاهانە، ئەستێرەکەی ڕیاڵ تا کۆتایی وەرز دووردەکەوێتەوە، لەو ماوەیەشدا چەندین یاریی یەکلاکەرەوە و چارەنوسسازی ئەم وەرزە لەدەست دەدات.

دوای (٨٣) ڕۆژ دوورکەوتنەوە بەهۆی شکاندی ئێکسی قولە پێی ڕاستییەوە، لەدوای ڕووبەڕوبونەوەی یانەی پاریس سانت جێرمان بۆ یەکەم جار هازارد بەرانبەر یانەکانی سێلتا ڤیگۆ و لیڤانتێ بەشداری کرد، ئەم پێکانەش ڕاستەوخۆ لەهەمان پێگەدا بە نزیکی هەمان ماوە لەیاریکردن دووری دەخاتەوە.

ئەگەر زانیارییەکانی مارکا دروست بن، ئەوا هازارد بە دڵنیاییەوە هەردوو یارییەکانی مانچستەر سیتی لە خولی یانە پاڵەوانەکان و کلاسیکۆی سانتیاگۆ بێرنابیۆ لەدەست دەدات.

بەردەوام بە لە خوێندنەوە

جیهانی

گرانبەهاترین (٢٥) یاریزانی قۆناغی (١٦)ی خولی یانە پاڵەوانەکان

خەڵک سپۆرت

بڕیارە ئەمشەو لە یاریگایاکانی واندا میترۆ پۆلیتانۆ و سیگناڵ ئیدونا پارک ڕووبەروبونەوەکانی قۆناغی (١٦)ی خولی یانە پاڵەوانەکانی ئەوروپا بە دوو یاریی ئاگرین دەستپێبکەن.

لەلایەک یانەی ئەتلەتیکۆ مەدرید بەرامبەر لیڤەرپوڵ دەوەستێتەوە، لەلایەکی دیکەش یانەی پاریس سانت جێرمان دەبێتە میوانی یانەی بروسیا دۆرتمۆند.

ڕۆژنامەی “ئاس”ی ئیسپانی بەر لە دەستپێکی ڕووبەڕوبونەوەکان، لیستی گرانبەهاترین ئەو (١٥) یاریزانە بڵاودەکاتەوە کە لە قۆناغی (١٦)دا بەدرێسی یەکێک لە یانەکانەوە بەشداری ئەم گەڕەی یارییەکان دەکەن.

نرخی یاریزانەکان لەلایەن ماڵپەڕی ترانسفێر مارکێتی جیهانییەوە پشتبەست بە ئاستی ئێستا و توانای هونەریی و ڕەگەزنامە و یانە و هەڵبژاردە و دەستکەوتنەکان دیاریکراون.

ئەمەش گرانبەهاترین (٢٥) یاریزانن:

  • کیلیان مباپێ (پاریس سانت جێرمان): ٢٠٠ ملیۆن یورۆ
  • نایمار دا سیلڤا ( پاریس سانت جێرمان): ١٦٠ ملیۆن
  • ڕەحیم ستێرلینگ (مانچستەر سیتی): ١٦٠ ملیۆن
  • هاری کەین (تۆتنهام): ١٥٠ ملیۆن
  • محەمەد سەڵاح (لیڤەرپوڵ): ١٥٠ ملیۆن
  • سادیۆ مانی (لیڤەرپوڵ): ١٥٠ ملیۆن
  • کیڤن دی برۆین (مانچستەر سیتی): ١٥٠ ملیۆن
  • لیۆنێل مێسی (بەرشلۆنە): ١٤٠ ملیۆن
  • ئیدین هازارد (ڕیاڵ مەدرید): ١٢٠ ملیۆن
  • ئەنتوان گریزمان (ئەتلەتیکۆ مەدرید): ١٢٠ ملیۆن
  • جادۆن سانچۆ (بدۆرتمۆند): ١٢٠ ملیۆن
  • ئەلیکساندەر ئاڕنۆڵد (لیڤەرپوڵ): ١١٠ ملیۆن
  • یان ئۆبلاک (ئەتلەتیکۆ مەدرید): ١٠٠ ملیۆن
  • ڤێرجیل ڤان دایک (لیڤەرپوڵ): ١٠٠ ملیۆن
  • بێرناردۆ سیلڤا (مانچستەر سیتی): ١٠٠ ملیۆن
  • جواو فیلێکس (ئەتلەتیکۆ مەدرید): ١٠٠ ملیۆن
  • لیرۆی سانێ (مانچستەر سیتی): ١٠٠ ملیۆن
  • نگۆلۆ کانتی (چێڵسی): ١٠٠ ملیۆن
  • ساول نیگوێز (ئەتلەتیکۆ مەدرید): ٩٠ ملیۆن
  • ئالسۆن بیکەر (لیڤەرپوڵ): ٩٠ ملیۆن
  • ڕۆبێرتۆ فێرمینهۆ (لیڤەرپوڵ): ٩٠ ملیۆن
  • دیلی ئالی (تۆتنهام): ٩٠ ملیۆن
  • مارک تێر شتیگن (بەرشلۆنە): ٩٠ ملیۆن
  • فرینکی دی یۆنگ (بەرشلۆنە): ٩٠ ملیۆن
  • پاولۆ دیبالا (یوڤانتۆس): ٨٥ ملیۆن
بەردەوام بە لە خوێندنەوە

جیهانی

پاریس بە یەک مەرج ئامادەیە دەستبەدرادری مباپێ ببێت بۆ ڕیاڵ مەدرید

خەڵک سپۆرت

سەرچاوەیەکی فەرەنسی دووپاتی دەکاتەوە، کە ئیدارەی یانەی پاریس سانت جێرمان لە گواستنەوەکانی هاوینەی ٢٠٢٠ ئامادەن دەستبەرداری کیلیان مباپێ ئەستێرەی فەرەنسی ببن پەیوەندی بە یانەی ڕیاڵ مەدریدەوە بکات.

ڕۆژنامەی “لو ١٠ سپۆرت”ی فەرەنسی لەزاری سەرچاوە ناوخۆییەکانی یانەی پاریس سانت جێرمانەوە ئاشکرای کردووە، لە وادەی گواستنەوەکانی هاوینەی ٢٠٢٠دا ئیدارەی یانە فەرەنسییەکە بە مەرج ئامادە دەبن دەستبەرداری مباپێ ببن پەیوەندی بە یانەی ڕیاڵ مەدریدەوە بکات.

بەپێی سەرچاوەکە، ئیدارەی یانەی شاهانەی مەدرید زیاتر لە ٢٠٠ ملیۆن بۆ گواستنەوەی مباپێ پێشکەشی ئیدارەی شێخ ناسڕ خلێفی دەکەن، لەبەرامبەردا نوێنەرانی پاریس داوای دەستبەرداربوون لە تیبۆ کۆرتوای گۆڵپارێزی بەلجیکی لە یانەی شاهانە دەکەن، لەو هەلومەرجەشدا هەردوو یانە ئامادەدەبن بۆندەکە ئیمزا بکەن.

گواستنەوەکەش بەم شێوازە هاوشێوەی ئاڵوگۆرێکی هەژێنەر دەردەکەوێت، لەڕێگەی گواستنەوەی مباپێ بۆ ڕیاڵ مەدرید و کۆرتوا بۆ پاریس و لەنێوان دوو یانەکەشدا زیاتر لە ٣٥٠ ملیۆن یورۆ ئاڵوگۆڕی پێدەکرێت.

لو ١٠ سپۆرت جەخت لەوە دەکاتەوە، کە ناسڕ خلێفی و هاوەڵانی جگە لە کەیسی مباپێ، کەیسەکانی بەردەوامبوون و ڕۆیشتنی نایمار دا سیلڤا و ئیدینسۆن کاڤانی و تیاگۆ سیلڤا یەکلایی دەکەنەوە.

بەردەوام بە لە خوێندنەوە

کوردستان