ئێمە لە تۆرە کۆمەڵایەتیەکان

جیهانی

دیل بۆسکی: به‌رپرسی هه‌ر یانه‌یه‌ک بومایه له‌به‌ر ئه‌م هۆکاره‌ نایمارم نه‌ده‌کڕی


خه‌ڵک سپۆرت

ڤیسینتی دیل بۆسکی ڕاهێنه‌ری ئه‌فسانه‌یی هه‌ڵبژارده‌ی ئیسپانیا، ئاماژه‌ به‌ هه‌وڵه‌کانی یانه‌ی به‌رشلۆنه‌ بۆ گه‌ڕاندنه‌وه‌ی نایمار دا سیلڤای به‌رازیلی ده‌کات و دووپاتی ده‌کاته‌وه‌، ئه‌گه‌ر ئه‌و له‌هه‌ر یانه‌یه‌ک به‌رپرس بوایه‌ هه‌نگاوی بۆ کڕینی یاریزانه‌ به‌رازیلیه‌که‌ نه‌ده‌نا.

ڕاهێنه‌ره‌که‌ی پێشووی ڕیاڵ مه‌درید و هه‌ڵبژارده‌ی ئیسپانیا له‌ پرۆگرامی “ئیستۆدیۆ”ی تایبه‌ت به‌ که‌ناڵی یه‌که‌می ئیسپانیا ڕایگه‌یاندووه‌ :”پێموابێت گه‌ڕانه‌وه‌ی نایمار بۆ خولی ئیسپانیا سودی ده‌بوو، به‌ڵام ئه‌گه‌ر من به‌رپرسی هه‌ر یانه‌یه‌کی گه‌وره‌ بومایه‌ هه‌رگیز ئه‌و هه‌نگاوه‌م نه‌ده‌نا، به‌هه‌ر شێوه‌یه‌ک بێت داوای گواستنه‌وه‌یم نه‌ده‌کرد”.

له‌م باره‌یه‌شه‌وه‌ ده‌ڵێت :” وه‌ک پێشتر ڕامگه‌یاندووه‌ نایمار یاریزانێکی به‌توانایه‌، به‌ڵام له‌به‌ر چه‌ند هۆکارێک خۆشم ناوێت، له‌ به‌رشلۆنه‌ به‌شێوه‌یه‌کی نه‌شیاو ڕه‌فتاری ده‌کرد و ڕه‌فتاره‌کانی زۆر خراپ بوون، له‌و ساته‌وه‌ ده‌نگۆکانی گه‌ڕانه‌وه‌ی ده‌ستیان پێکرد تا کۆتا ڕۆژی گواستنه‌وه‌کان ئه‌گه‌ر له‌سه‌ر ئاستی هانده‌رانی یانه‌ی به‌رشلۆنه‌ ڕاپرسیت بکردایه‌ ده‌بوون به‌ دوو به‌شه‌وه‌، ته‌نانه‌ت له‌سه‌دا په‌نجای هانده‌رانی یانه‌که‌ش حه‌زیان به‌ گه‌ڕانه‌وه‌ی نه‌بوو، به‌ڵکو دوودڵ بوون له‌ خۆگونجاندن و ڕه‌فتاره‌کانی له‌ژووری جلگۆڕینه‌کان”.

له‌ واده‌ی گواستنه‌وه‌کانی هاوینه‌ی ٢٠١٩دا یانه‌ی به‌رشلۆنه‌ هه‌وڵی زۆریدا نایمار له‌ پاریس سانت جێرمانه‌وه‌ بگه‌ڕێنێته‌وه‌، به‌ڵام له‌کۆتاییدا گفتوگۆکان شکستیان هێنا.

جیهانی

رۆناڵدۆی دیاردە؛ “زێدان باشترینە”


خەڵک

رۆناڵدۆی بەرازیلی، ناسراو بەدیاردە هۆکاری بەجێهێشتنی یانەی ریاڵ مەدرید و پەیوەندیکردنی بەیانەی ئەی سی میلانی ئیتاڵی بۆ خراپی مامەڵەی فابیۆ کاپیلۆی ڕاهێنەری ئەوکاتەی ڕیاڵ دەگێڕێتەوە و زێدانیش بە باشترین ناو دەبات.

رۆناڵدۆ لویس نازاریۆ دالیمای بەرازیل و ئەفسانەو دیاردەی تۆپی پێی جیهان، رایگەیاندووە،بەهۆی بوونی چەند کێشەیەک لەگەڵ فابیۆ کاپیلۆی راهێنەر، یانەی شاهانەی بەجێهێشتووە، کە بە وتەی خۆی نەیتوانیوە لە کاپیلۆ بگات.

رۆناڵدۆ وتویەتی؛ کێشم لە 100كگم، نزیک دەبووەوە کاتێک لەیانەی ڕیاڵ مەدرید هاتووەتە دەر، بەڵام لەتۆپی پێدا کێش گرنگ نییە گرنگ تواناو یاریکردن و جیاوازی کردنە، بۆیە کاپیلۆ بەهەڵە هەڵسەنگاندنی دەکرد لەمبارەیەوە، بۆیە پەیوەندیەکانمان بەرەو خراپی و لێک نەگەیشتن چوو.

بە وتەی رۆناڵدۆ کاپیلۆ شایستەی پۆستی را‌هێنەرایەتی تیپەکە نەبووە و دەبوو یانە شاهانەییەکە لەو کاتەدا راهێنەرێکی بەهێزی دەستنیشان بکردایە.

لەلایەکی ترەوەو لەبارەی بەراوردی نێوان مێسی و کریستیانۆ رۆناڵدۆ ئەستێرە بەرازیلییەکە ” مێسی کاتێک تۆپ لە بەردەم قاچەکانیدایە، هەست بەچێژو خۆشەویستی دەکات بەڵام توانا و ژمارەکانی رۆناڵدۆش ناکرێت نادیدە بگرین بۆیە، بەراوردکردنی ئەو دوو یاریزانە ئەستەمە.

رۆناڵدۆی بەرازیلی، لە تۆپی پێدا زێدان بە باشترین هاوڕێ و یاریزان ناودەبات کە هاوشانی یاریکردووە و دەڵێت” زێدان باشترینە، من دڵخۆش بوم لەگەڵ سەرجەم یاریزانەکانی ریاڵ مەدرید، بەڵام زێدان بۆ من زۆر تایبەت بوو”.

بەردەوام بە لە خوێندنەوە

جیهانی

گاریس بەیڵ: شەیدای یاریی گۆڵفم


خەڵك
گاریس بەیڵی وێڵزیی و یاریزانی یانەی ریاڵ مەدرید، دەڵێت: هەندێك وا بیر دەكەنەوە كە ئێمە بۆ یاریكردن دروست بووین، ئەمە هەڵەیە، ئێمەش مرۆڤین و كاتمان بۆ نان خواردن و بەسەربردن و ئاهەنگ گێڕان دەوێت خۆ رۆبۆت نین.

رۆژنامەی ماركا، دیمانەیەكی لەگەڵ ئەستێرە وێڵزییەكە سازداوە و تیایدا بەیڵ وتوویەتی ” لەروانگەی هەندێكەوە رۆبۆتێك زیاتر هیچی كە نین، خەڵكانێ: هەن وا دەزانن كە تۆ تەنها بۆ یاریكردن دروست بوویت، دەیانەوێت بەو شێوەیەی كە خۆیان دەیانەوێت تۆ بژیت، ئێمەش دەبێت نان بخۆین و بچینە دەرەوە و كات و ساتی خۆش بەسەر بەرین “.

بەیڵ دەڵێت ” ژیانی تۆپی پێ ماوەیەكی كەمە، ناكرێت قوربانی بەژیانی خۆمان بدەین لە پێناو ئەو ماوە كەمەی لە تۆپی پێدا هەیە”.

گاریس بەیڵ ڕاشكاوانە دەڵێت ” شەیدای یاریی گۆڵفم، بەڵام هێشتا بیرم لەوە نەكردۆتەوە دوای وازهێنانم لە یاریی تۆپی پێ چی بكەم”.

بەردەوام بە لە خوێندنەوە

جیهانی

كریستیانۆ رۆناڵدۆ:  مێسی پێی وتم  بە ڕۆشتنت توشی كێشە بووم


خەڵك
كریستیانۆ رۆناڵدۆی پورتوگالی و ئەستێرەی یانەی یۆڤانتۆسی ئیتاڵی، دەڵێت، بەكاروانی وەرزشی مێسی سەرسامم و لە كاتی ڕۆشتنم لە ڕیاڵ مەدرید پێی وتم بە رۆشتنت تووشی كێشە دەبم چونكە، بوونت لە لالیگا ڕكابەری نێوانمانی بەهێزتر دەكرد.

رۆژنامەی میرەری بەریتانی بڵاویكردووەتەوە، كە كریستیانۆ ڕۆناڵدۆ، سەرسامە بەو كاروانە وەرزشییەی مێسی پێیدا تێپەڕیوە..

بەگویرەی ڕۆژنامەكە، ڕۆناڵدۆ ڕایگەیاندووە، جوانە ڕكابەریی هەبێت، هەموو كەسێكی دیار ڕكابەرێكی هەیە، من چیژم لە ڕكابەریی نێوان خۆم و مێسی وەردەگرت، هەمیشە هەوڵی زیاترم دەدات بۆ بردنەوە و چنینەوەی نازناوەكان.
كریس ئەوەشی وتووە: كاتێك خولی ئیسپانیم بەجێهێشت، مێسی پێی وتم بە ڕۆیشتنت توشی كێشە بووم، چونكە ڕكابەری نێوانمان بەهێزتری دەكردین.

بەردەوام بە لە خوێندنەوە

کوردستان