ئێمە لە تۆرە کۆمەڵایەتیەکان

کوردستان

ئیلهام ئەحمەد: بە جیهانی ڕادەگەیەنین ئامادەین بۆ دەستپێكردنی وتووێژەكان

خەڵك-بەشی هەواڵ

هاوسەرۆكی كۆمیتەی دەستەی سەرۆكایەتی ئەنجومەنی سوریای دیموكرات ڕایدەگەیەنێت، دروستكردنی ناوچەی ئارام كارێكی باشە، بەڵام لەكاتێكدا بەردەوام دەبێت كە توركیاش هێزەكانی خۆی بكشێنێتەوە.

ئیلهام ئەحمەد هاوسەرۆكی كۆمیتەی دەستەی سەرۆكایەتی ئەنجومەنی سوریای دیموكرات بە ئاژانسی “ئەسۆشیەیتد”ی ڕاگەیاند، ئەو لێكتێگەیشتنەی لە مانگی ڕابردوو لە نێوان ئەمریكا و توركیا بە هەماهەنگی لەگەڵ هێزەكانی ڕۆژئاوای كوردستان ئەنجام درا، هەنگاوەكان بەرەوە دەستپێكردنی دیالۆگێك لەسەر نیگەرانییە هاوبەشەكان سەبارەت بە بابەتەكانی ئەمن و ئاسایش ڕێكدەخات.

وتیشی”هەوڵ دەدەین ڕێگایەك بدۆزینەوە بۆ دیالۆگ و دەستبكەین بە جێبەجێكردنی ئەم پلانە و ئامادەیی خۆشمان نیشان بدەین و دەشمانەوێ بە جیهان و هاوپەیمانانی ڕابگەیەنین كە ئامادەین هەنگاوی باش بنێین بۆ دەستپێكردنی وتووێژ”.

ئەمەش لەكاتێكدایە مانگی ڕابردوو توركیا و ئەمریكا ڕێككەوتنی نێوایان بۆ دروستكردنی ناوچەیەكی ئارام لە ڕۆژئاوای كوردستان ڕاگەیاند، دوای ڕێككەوتنەكەش وا چاوەڕوان دەكرێت، هێزەكانی سوریای دیموكرات ئەو ناوچانەی دەبنە ناوچەی ئارام چۆڵ بكەن.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان