ئێمە لە تۆرە کۆمەڵایەتیەکان

ژینگە

ڤیدیۆ.. ئاگرێك لە قەرەداغ كەوتەوە و 7 دۆنم پووش و پاوان سووتان

خەڵك- بەشی هەواڵ
بەهۆی بەرزبوونەوەی پلەكانی گەرما و كەمتەرخەمی و خەمساردی هەندێك لە هاووڵاتیان ڕووداوەكانی ئاگركەوتنەوە ڕوویان لە زیادبوون كردووە و پۆلیسی دارستان و ژینگەی سلێمانی دەڵێت: “لە سنووری قەرەداغ ئاگرێك كەوتەوە و 7 دۆنم لە پووش و پاوان سووتان”.

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی بۆ (خەڵك) وتی، “ئاگرێكی بەرفراوان لە سنوری ناحیەی (سێوسێنان) كەوتەوە و دەستبەجێ مەفرەزەكانی بنكەی پۆلیسی دارستان و ژینگەی سێوسێنان گەیشتنە شوێنی ڕووداوەكە، دوای هەوڵ و ماندوبوونێكی زۆر و بە هاوكاری ئاگركوژێنەوە توانرا ئاگرەكە كۆنتڕۆڵ بكرێت “.

وتیشی، “بەهۆی ئاگرەكەوە 7 دۆنم لە پووش و پاوانی ناوچەكە سووتا و تا ئێستاش هۆكاری كەوتنەوەی ئاگرەكە نازانرێت”.

هێمن كمرخان جەختیشی كردەوە، پێویستە لەسەر سەرجەم هاووڵاتیان و گەشتیاران و گوندنشینان لەپێناو پارێزگاری كردن لە سروشت و ژینگە (جگەرەی نەكوژاوە یان بتڵی ئاو) فڕێ نەدەن و دڵنیابن لە تەواو كوژانەوەی پاشماوەی ئاگرەكانیان .

لە سنوری سێوسێنان بەهۆی ڕوداوی ئاگرکەوتنەوە نزیکەی ( ٧ ) دۆنم لە پوش و پاوان سووتا.

لە سنوری سێوسێنان بەهۆی ڕوداوی ئاگرکەوتنەوە نزیکەی ( ٧ ) دۆنم لە پوش و پاوان سووتا.ئاگرێکی بەرفراوان لە سنوری ناحیەی( سێوسێنان ) کەوتەوە کە بووە هۆی سووتانی نزیکەی ( ٧ ) دۆنم لە پوش و پاوان و داری سروشتی، دەستبەجێ مەفرەزەیەکی بنکەی پۆلیسی دارستانی سێوسێنان گەیشتنە شوێنی مەبەست و دوای هەوڵ و ماندوو بونێکی زۆر بە هاوکاری ئاگرکوژێنەوەی سێوسێنان توانیان ئاگرەکە کۆنتڕۆڵ بکەن،هۆکاری ئاگر کەوتنەوەکە نادیارەو لێكۆلێنەوەو بەدواداچوون بەردەوامە

Posted by ‎بەڕێوەبەرایەتی پۆلیسی دارستان و ژینگەی پارێزگای سلێمانی‎ on Tuesday, September 3, 2019

ژینگە

بڕی باران بارینی 24 كاتژمێری ڕابردوو بڵاوكرایەوە

خەڵك- بەشی هەواڵ

لە ماوەی 24 كاتژمێری ڕابردوودا زۆرترین بڕی باران لە ناوچەی هەڵشۆی سەر بە پارێزگای سلێمانی بووە.

لە ڕاگەیەندراوێكدا بەڕێوەبەرایەتی كەشناسی و بومەلەرزەزانی هەرێمی كوردستان ڕایگەیاند، لە چەند ناوچەیەكی هەرێمی كوردستان بە بڕی جیاواز باران باریووە.

بەردەوام بە لە خوێندنەوە

ژینگە

كەشناسی هەرێم ئاگادارییەكی بڵاوكردەوە

خەڵك- بەشی هەواڵ

بەڕێوەبەرایەتی گشتی كەشناسی و بوومەلەرزەزانی ھەرێمی كوردستان، ئاگادارییەكی لەبارەی هاتنی شەپۆلێكی باران بارینەوە بڵاوكردەوە.

بەڕێوەبەرایەتییەكە لە ئاگادارییەكەدا نوسیویەتی”سەنتەری كاریگەریی نزمە پاڵەپەستۆیەك دەكەوێتە سەر ناوەڕاستی عێراق، كاریگەرییەكەی درێژ دەبێتەوە بۆ سەر بەشێك لە ناوچەكانمان”.

هەروەها نوسراوە”ئەمشەو بارانبارین لە كاتەكانی درەنگانی شەودا لە بەشێك لە ناوچەكانمان دەست پێدەكات، ئاستی بارانبارینەكە لەسەر بەشەكانی باشووری هەرێمی كوردستان زیاتر دەبێت، بە تایبەتی بەشێك لە (ئیدارەی گەرمیان و بەشێك لە ناوچەكانی باشووری پارێزگای سلێمانی)، لە كاتی زیادبوون و بەهێزبوونی كاریگەریی ئەم شەپۆلە، پێشبینی دەكرێت ئاستی باران بۆ بارانی بە لێزمە بگۆڕدرێت لە ناوچەكانی ئاماژەپێكراو، هەروەها لەكاتی بارانبارینی بەلێزمەدا، ئەگەری دروستبوونی هەورە تریشقەش هەیە”.

لە بەشێكی دیكەدا نوسراوە” لە درەنگانی شەوی سبەی سێشەممەدا، كاریگەریی ئەم شەپۆلە لەسەر ناوچەكانی باشووری هەرێمی كوردستان كۆتایی دێت، بەڵام لەسەر ناوچەكانی دیكەی هەرێمی كوردستان لە كاتێكی زووتر كۆتایی دێت”

بەردەوام بە لە خوێندنەوە

ژینگە

بڕی باران بارینی 24 كاتژمێری ڕابردوو بڵاوكرایەوە

خەڵك- بەشی هەواڵ

لە ماوەی 24 كاتژمێری ڕابردوودا زۆرترین بڕی باران لە قەزای ئامێدی سەر بە پارێزگا دهۆك باریووە.

لە ڕاگەیەندراوێكدا بەڕێوەبەرایەتی كەشناسی و بومەلەرزەزانی هەرێمی كوردستان ڕایگەیاند، لە چەند ناوچەیەكی هەرێمی كوردستان بە بڕی جیاواز باران باریووە.

بەردەوام بە لە خوێندنەوە

کوردستان