ئێمە لە تۆرە کۆمەڵایەتیەکان

ئابوری

بڕی غەرامەی هاوبەشی نەكردنی ئاو دیاری كرا

خەڵك- بەشی هەواڵ
بەڕێوەبەرایەتی ئاوی ڕاپەڕین ئاگاداری هاووڵاتیانی ڕانیە دەكاتەوە، كە ئەو ماڵانەی هاوبەشی ئاویان نەكردووە سەردانی بەشی زیادەڕۆیی بكەن بۆ هاوبەشی كردن و دەشڵێت: “بەپێچەوانەوەی سزای یاسایی دەدرێن”.

بەڕێوەبەرایەتی ئاوی ڕاپەڕین لە ڕاگەیەندراوێكدا، كە وێنەی دراوە بە (خەڵك) ئاماژەی بەوەكردووە، ئاگاداری هاووڵاتیانی ڕانیە دەكەین، ئەوانەی هاوبەشی ئاویان نیە، پێش ئەوەی لیژنەی زیادەڕۆیی ئاگاداریان بكاتەوە سەردانی بەشی زیادەڕۆیی بكەن بۆ مەبەستی هاوبەشی كردن، چونكە دوای ئاگادار بوون و زانینی بەشی زیادەڕۆیی تووشی سزا دەبن

بەڕێوەبەرایەتی ئاوی ڕاپەڕین جۆری سزاكانی دیاری كردووە بە غەرامە كردن بە بری ١٠٠ هەزار دینار و بڕینی ئاوی ماڵەكە و كۆتایهێنان بە هاوبەشیەكەی و پێنەدانەوەی.

ڕوونیشی كردۆتەوە، هاووڵاتیان دەتوانن ئاگادارمان بكەنەوە لە زیادەڕۆیی ئاو لەڕێگەی ژمارە تەلەفۆنەكانی (٠٧٧٣٠٥٦٧٦٨٨ یان ٠٧٥٠٠١٣٧٧٩٩).

ئابوری

ئەم هەفتەیە ژمارەكان دەفرۆشرێن
هاتووچۆی هەڵەبجە: پلانمان بۆ خەرجكردنی پشكی هاتووچۆ داناوە

 

خەڵك-بەشی هەواڵ

پارێزگاری هەڵەبجە ڕایدەگەیەنێت، 23ی ئەم مانگە ژمارە نایابەكانی هەڵەبجە دەفرۆشرێن.

ئازاد تۆفیق، پارێزگار هەڵەبجە لە نووسراوێكدا ئاماژ بۆ ئەوە دەكات، بەرواری 23-10-2019 كاتژمێر 10ی سەرلەبەیانی لە ناوەندی پارێزگای هەڵەبجە زیادكردنی ژمارە نایابەكانی هەڵەبجە ئاشكرا دەكرێت.

بەپێی زانیارییەكانی (خەڵك) 20%ی ئەو بڕە پارەیە، كە لە فرۆشتنی ژمارەكان دێتە دەستK دەدرێتە هاتووچۆی هەڵەبجە و بەڕێوەبەری بەڕێوەبەرایەتی هاتووچۆی هەڵەبجەش ئاشكرای دەكات، پلانمان بۆ خەرجكردنی پارەكە داناوە.

حەسەن عەبدوڵڵا، بەڕێوەبەری بەڕێوەبەرایەتی هاتووچۆی هەڵەبجە بە (خەڵك)ی ڕاگەیاند، پلانمان زۆرە بۆ ئەو پارەیەی، كە دێتە دەستمان لە فرۆشتنی ژمارە نایابەكانی هەڵەبجە، بەشێوەیەك لە پلانماندایە چەندین بینا و هێمای هاتووچۆ و كەرەستەی هاتووچۆ و ئۆتۆمبێلی پێ بكڕین و بەدەستی بهێنین.

وتیشی، “جگە لە 20%ی ئەو پارەیە، ئەگەر لەمەودوا داهاتمان هەبێت 17%ی بۆ هاتووچۆ دەبێت، هەرچەندە پێداویستی هاتووچۆ بەردەوامە و كۆتایی نایەت”.

ئاشكراشیكرد، هەندێك لە پلانەكانمانی پێ جێبەجێ دەكەین و پێموانییە بەو بڕە پارەیەش پلانەكانمان تەواو ببێت، بەڵام دەتوانین هەندێك كەموكوڕی پێ پڕبكەینەوە.

بەردەوام بە لە خوێندنەوە

ئابوری

بەڕێوەبەرایەتییەك هەلی كار ڕادەگەیەنێت

خەڵك- بەشی هەواڵ
بەڕێوەبەرایەتی كار و ڕاهینانی پیشەیی گەرمیان هەلی كار لە كۆمپانیایەك بۆ دوو شۆفێر بە مووچەی مانگانەی 500 هەزار دینار بۆ هەریەكەیان ڕادەگەیەنێت.

بەڕێوەبەرایەتی كار و ڕاهینانی پیشەیی گەرمیان لە ڕاگەیەنراوێكدا، كە وێنەی دراوە بە (خەڵك) ئاماژە بەوەكراوە، هۆبەی كاری بەڕێوەبەرایەتیمان هەلی كاری ڕەخساندوە لەكەرتی تایبەت لە كۆمپانیای (مازوخ)، كە پێویستی بە (2) كارمەندە لەڕەگەزی (نێر) بۆ كاری شۆفێری كاتی.

ڕاشیگەیاندووە، كاتی كاركردن (8) كاتژمێر دەبێت بە مووچەی (500.000) هەزار دینار.

سەبارەت بە مەرجی وەرگرتن ئاشكراشی كردووە، دەبێت هەڵگری مۆڵەتی شۆفێری (گشتی) بێت و شارەزایی تەواوی هەبێت لە شۆفێری كردنی (خەباتەی مەكەزی یان شۆفل)دا .

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بەپێی خشتەیەك كە لە وەزارەتی دارایی و ئابورییەوە بەشێوەیەكی فەڕمی بڵاوكراوەتەوە، ئەمڕۆ مووچەی مانگی تەمموزی چەند وەزارەت و دەزگا و بەڕێوەبەرایەتییەك دابەش دەكرێت.

بەپێی خشتەكە ئەمڕۆ مووچەی هەریەك لە وەزارەتی داد، وەزارەتی سامانە سروشتییەكان، وەزارەتی ئەوقاف، وەزارەتی خوێندنی باڵا، وەزارەتی ناوخۆ، بەڕێوبەرایەتی گشتی ڕەگەزنامە، لیوای نەوت و گاز، هێزەكانی زێرەڤانی، پۆلیسی بەرگری و فریاكەوتن، دەزگای ئاسایش، ئەنجومەنی ئاسایش دابەش دەكرێت.

دابەشكردنی مووچەی ئەو شوێنانە دوای ئەوەدێت، كە چارەنوسی سێ‌ مووچەی ئەمساڵ بە نادیاری ماوەتەوە و نازانرێت دابەشكردنی مووچە لە ساڵی داهاتوودا بەردەوام دەبێت یان پاشەكەوتی مووچە دەستپێدەكاتەوە.

بەردەوام بە لە خوێندنەوە

کوردستان