ئێمە لە تۆرە کۆمەڵایەتیەکان

ی.سلایدەر

بەرپرسێكی پارتی: چەكدارانی حەشدی شەعبی بە ڕۆژ حەشدی شەعبین و بە شەویش داعش

خەڵك-بەشی هەواڵ

بەرپرسێكی پارتی دیموكراتی كوردستان لە خانەقین ڕایدەگەیەنێت، چەكدارەكانی حەشدی شەعبی، بە رۆژ چەكداری حەشد و بە شەویش داعشن.

عامر ڕەفعەت بەرپرسی لیژنەی ناوچەی خانەقینی پارتی دیموكراتی كوردستان بە ماڵپەڕی حزبەكەی ڕاگەیاند، دۆخی خانەقین زۆر خراپە و هاوڵاتیان بەهیچ شێوەیەك هەست بە سەلامەتی ناكەن و بەردەوام لە ترس و دڵەڕاوكێدان و ناتوانن بە ئارامی بژین، لەبەرئەوەی بەردەوام چاویان لەوەیە كردەوەی تیرۆریستی ئەنجام دەدرێت.

وتیشی”لە سنووری خانەقین كەس تیرۆریست و چەكدارانی حەشدی شەعبی و هێزە عێراقییەكان لە یەك جیا ناكاتەوە، چونكە ناتوانی لێكیان جودا بكەیتەوە”.

ئاشكراشیكرد، چەكدارانی حەشدی شەعبی، بە ڕۆژ چەكداری حەشدی شەعبین و بە شەویش كردەوەی تیرۆریستی ئەنجام دەدەن، كە لە یەك كاتدا دوو ڕۆڵ دەگێڕن، ئەمەش زۆر مەترسیدارە، چونكە ناتوانی لە یەكیان جیا بكەیتەوە.

کوردستان

تووشبوویەكی دیكەی كۆرۆنا لە گەرمیان گیانی لە دەست دا

خەڵك – بەشی هەواڵ
ئەمڕۆ شەممە، تووشبوویەكی پەتای كۆرۆنا لە گەرمیان گیانی لە دەست دا.

ئەو هاووڵاتییە ئەفسەر بوو لە پۆلیسی نەوت و گازی گەرمیان و تەمەنی 40 ساڵە.

لە ماوەی 12 كاتژمێری ڕابردوودا ئەمە سێیەم حاڵەتی مردنی تووشبووانی كۆرۆنایە كە لە گەرمیان تۆمار كرابێت.

شەویش ڕابردووش دوو تووشبوو كە تەمەنیان 40 و 50 ساڵ بوو، لە گەرمیان گیانیان لە دەست دا.

ئەمڕۆش قایمقامیەتی شارۆچكەی سەیدسادق گیانلەدەستدانی تووشبوویەكی كۆرۆنای ڕاگەیاند.

بەردەوام بە لە خوێندنەوە

کوردستان

ژووری ئۆپەراسیۆنی گەرمیان شەش بڕیاری دەركرد

خەڵك – بەشی هەواڵ
ئیدارەی گەرمیان بڕیاری دا لە سبەینێوە بە لەبەرچاوگرتنی ڕێكارە تەندروستییەكان، دەوامی فەرمانگە و دامودەزگا حكومییەكان دەستپێبكاتەوە.

ئەمڕۆ شەممە، ژووری ئۆپەراسیۆنی ئیدارەی گەرمیان كۆبووەوە و ئەم شەش بڕیاری دەربارەی ڕێخستنەوەی دەوام و كردنەوەی بازاڕەكان لە دۆخی كۆرۆنادا دەركرد :

1-ده‌وامی فه‌رمانگه‌ و داموده‌زگاكانی حكومه‌تی هه‌رێم له‌ سبه‌ینێ (12/7/2020) وه‌ به‌ له‌به‌رچاوگرتنی خۆپارێزی و شێوازی ته‌ناوبی ده‌وام به‌ڕێژه‌ی 30% ی فه‌رمانبه‌ران ده‌ستپێده‌كات و هه‌فتانه‌ له‌ رۆژی یه‌كشه‌مه‌ تا چوارشه‌ممه‌ ده‌وام ده‌كرێت، هه‌ر هاوڵاتیه‌كیش كه‌ سه‌ردانی فه‌رمانگه‌كان ده‌كات رێكاری خۆپارێزی نه‌گرێته‌به‌ر مامه‌ڵه‌كه‌ی راییناكرێت.

2-كردنه‌وه‌ی بازاڕ و شوێنه‌ گشتییه‌كان و ماركێت و كافتریا و چێشتخانه‌ و چایخانه‌ و هۆڵه‌كانی له‌شجوانی و مه‌له‌وانگه‌ و سه‌رجه‌م شوێنی كاره‌كان، به‌ گرتنه‌به‌ری رێكاری توندی خۆپارێزی، هه‌ر شوێنێكیش خۆپارێزی نه‌كات داده‌خرێت، بۆ ئه‌و مه‌به‌سته‌ش لیژنه‌كانی چاودێری ته‌ندروستی و قایمقامیه‌ته‌كان چاودێری ورد ده‌كه‌ن.

3-مزگه‌وت و شوێنه‌ ئاینییه‌كان و پرسه‌ و هۆڵ و جێگای بۆنه‌ی كۆمه‌ڵایه‌تی به‌ داخراوه‌یی ده‌مێننه‌وه‌.

4-هاتوچۆی هاوڵاتیان و گه‌شتیاران له‌ نێوان ئیداره‌ی گه‌رمیان و پارێزگاكانی عێراق و مه‌رزی په‌روێزخان، به‌ داخراوه‌یی ده‌مێنێته‌وه‌.

5-ده‌سه‌ڵاتی ته‌واو ده‌درێت به‌ قایمقامه‌كان به‌ له‌به‌رچاوگرتنی بارودۆخی سنوری یه‌كه‌ی ئیدارییان بڕیاری زیاتر ده‌ربكه‌ن.

6-ژووری ئۆپه‌راسیۆنی ئیداره‌ی گه‌رمیان داوا له‌ هاوڵاتیانی خۆشه‌ویستی سنوره‌كه‌ ده‌كات بارودۆخی مه‌ترسیداری گه‌رمیان له‌به‌رچاوبگرن و خۆپارێزی بكه‌ن، ئه‌وه‌ش له‌ پێناو پاراستنی ته‌ندروستی خۆیان و هاوڵاتیان.

بەردەوام بە لە خوێندنەوە

کوردستان

وەزیری خوێندنی باڵا پەیامێکی بەبۆنەى دەستپێکردنی تاقیکردنەوەی نیشتیمانی بڵاوکردەوە

خەڵک – بەشی هەواڵ

 

ئارام محەمەد، وەزیرى خوێندنى باڵا و توێژینەوەى زانستى پەیامێکی بەبۆنەى دەستپێکردنى تاقیکردنەوەکانى پۆلى دوانزەى ئامادەیى بڵاوکردەوە.

 

وەزیری خوێندنی باڵا و توێژینەوەی زانستی لەو پەیامەیدا ئاماژەى بەڕۆڵی زانکۆ و پەیمانگاکان کرد لەهاوکاری و پاڵپشتی وەزارەتى پەروەردە و ئاماژەى بەئەوەدا،وەک بەشێک لە بەرپسیارێتی وەزارەتی خوێندنی باڵا و توێژینەوەی زانستی، بەمەبەستی هاوکاریکردنی وەزارەتی پەروەردە بۆ ئەمساڵی خوێندن بەشێک لە تاقیکردنەوەکانى پۆلى دوانزەى ئامادەیى لە هۆڵەکانى زانکۆ و پەیمانگەکانى هەرێمى کوردستان بەڕێوەدەچن.

 

دەقی پەیامەکە:

 

پەیامی وەزیرى خوێندنى باڵا و توێژینەوەى زانستى، بەبۆنەى دەستپێکردنى تاقیکردنەوەکانى پۆلى دوانزەى ئامادەیى

بەبۆنەى دەستپێکردن و بەڕێوەچونى تاقیکردنەوەکانى پۆلى دوانزەى ئامادەیى لە هەرێمى کوردستان، هیواى سەرکەوتن بۆ سەرجەم خوێندکاران و قوتابیانى پۆلى دوانزەى ئامادەیى دەخوازم و هیوادارم پرۆسەکە بەسەرکەوتویى بەڕێوەبچێت.

وەک بەشێک لە بەرپسیارێتی وەزارەتمان و بەمەبەستی هاوکاریکردنی وەزارەتی پەروەردە بۆ ئەمساڵی خوێندن بەشێک لە تاقیکردنەوەکانى پۆلى دوانزەى ئامادەیى لە هۆڵەکانى زانکۆ و پەیمانگەکانى هەرێمى کوردستان بەڕێوەدەچن، بۆیە جێگەى خۆیەتى لێرەدا سوپاسى سەرجەم سەرۆک زانکۆ و ڕاگر و سەرۆک بەش و مامۆستاو فەرمانبەرانی ئازیز بکەین چ لە زانکۆ حکومیەکان و چ لە زانکۆ و پەیمانگە تایبەتەکان، کە زۆر لەخۆبردوانە خەمخۆر و هاوکار بون بۆ دابینکردنى هۆڵەکان، هەر لەم سۆنگەیەشەوە جارێکی تر داوایان لێ دەکەم بەردەوام بن لە هاوکارییەکانیان بۆ ئەوەى پرۆسەى تاقیکردنەوەکان بەبێ گرفت و لە کەشێکى ئارام بەڕێوەبچێت.

لە کۆتاییدا جارێکی تر هیواى سەرکەوتن بۆ پرۆسەکە و خوێندکاران و قوتابیانى دوانزەى ئامادەیى دەخوازم.

د. ئارام محمد قادر
وەزیرى خوێندنى باڵا و توێژینەوەى زانستى

بەردەوام بە لە خوێندنەوە

کوردستان