ئێمە لە تۆرە کۆمەڵایەتیەکان

ئابوری

لەسەر مووچەی فەرمانبەران هەوڵ دەدرێت متمانە لە وەزیری دارایی بستێنرێتەوە

خەڵك- بەشی هەواڵ
لەسەر مووچەی فەرمانبەرانی هەرێم، هەوڵ دەدرێت متمانە لە وەزیرێكی كورد بستێنرێتەوە، ئەندامێكی لیژنەی دارایی پەڕلەمانی عیراق، ئاماژە بەو گوشارانە دەكات، كە لەلایەن كوردەوە دەكرێن بۆ ڕێگرتن لە بانگهێشتی فوئاد حسێن و دوورخستنەوەی لە پۆستەكەی.

حەنین قەدۆ، ئەندامی لیژنەی دارایی لە پەڕلەمانی عیراق، لە لێدوانێكی ڕۆژنامەوانیدا ڕایگەیاندووە، “فوئاد حسێن، وەزیری دارایی سەرپێچی زۆرێك لە یاساكانی بودجەی فیدڕاڵی ساڵی 2019ی كردووە، لەڕێی ڕەوانەكردنی پارە بۆ هەرێمی كوردستان، بەبێ‌ گەڕانەوە بۆ حكومەتی فیدڕاڵ و بەشێوەیەكی نایاسایی”.

بە وتەی حەنین قەدۆ، “هەندێك لە هێزە سیاسییە كوردییەكان، گوشارێكی زۆریان خستۆتە سەر پەڕلەمان و فراكسیۆنە سیاسییەكان، تا ڕێگە لە بانگهێشتكردن و دوورخستنەوەی فوئاد حسێن بگرن لە پۆستەكەی”.

بە وتەی ئەو ئەندامەی لیژنەی دارایی پەڕلەمانی عیراق، “دواخستنی دانیشتنی یەكەمی وەرزی یاسادانانی یەكەم لە ساڵی دووەمی یاسادانان، بەهۆی گوشارە سیاسییەكانەوە بووە بۆ ڕێگرتن لە بانگهێشتكردنی ژمارەیەك لە وەزیرەكان، كە فوئاد حسێن، وەزیری داراییان لەنێواندایە، هێزە كوردییەكانیش ترسی بانگهێشتكردنی وەزیری داراییان هەیە، چونكە توانای نییە وەڵامی باوەڕپێكراو بخاتەڕوو، ئەمەش دەبێتە مایەی دوورخستنەوەی لە پۆستەكەی”.

بۆ وەرگرتنی زانیاریی زیاتر لەو بارەیەوە، (خەڵك) چەند جارێك پەیوەندی كرد بە حەنین قەدۆ، پەڕلەمانتاری هاوپەیمانی فەتح و ئەندامی لیژنەی دارایی لە پەڕلەمانی عیراق، بەڵام پەیوەندییەكە بەردەست نەبوو.

ئابوری

نرخی نەوت بەرزبۆوە

خەڵك- بەشی هەواڵ
نرخی نەوت بەهۆی بوژانەوەی داواكاریی لەسەر وزە و كەمبوونەوەی ئاستی عەمباركراوی نەوتی ئەمریكايى، ڕووی لە بەرزبوونەوە كرد.

گرێبەستە دواخراوەكانی برنت بەڕێژەی 0.55% ڕوویان لە بەرزبوونەوە كرد و نرخی بەرمیلێكی گەیشتە 42.17 دۆلار، بە هەمان شێوە گرێبەستە دواخراوەكانی نەوتی خاوی (خۆرئاوای تكساس مامناوەند) بەڕێژەی 0.6% بەرزبۆتەوە و نرخی بەرمیلێكی گەیشتە 40.55 دۆلار.

نرخی نەوت بەهۆی زیادبوونی داواكاریی و بوژانەوەی هیوای وەبەرهێنان ڕووی لە بەرزبوونەوە كردووە، وەبەرهێنەرانیش پێشبینی دەكەن هەندێك لە وڵاتان دەستبەرداریی ڕێوشوێنە توندەكانی كەرەنتینەببن، بەڵام مەترسی هاتنەبەری تەوژمی دووەمی كۆرۆنا لەئارادایە كە ڕەنگە بە هەمان شێوەی بەهاری پێشوو كاریگەریی لەسەر ئاستی داواكاریی لەسەر نەوت دروستبكات.

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

ئابوری

عیراق، كانزایەكی گرانبەها لە بیابانی ئەنباردا پشتگوێخراوە

خەڵك- بەشی هەواڵ
قایمقامی قەزای روتبە لە پارێزگەی ئەنبار ڕادەگەیەنێت، بڕێكی زەبەلاحی كانزایەكی گرانبەها لە ناوچە بیابانییەكاندا هەیە، بەبێ‌ ئەوەی لەلایەن حكومەتەوە بایەخی پێبدرێت و پشتگوێخراوە.

عیماد دلێمی قایمقامی قەزای روتبە لە لێدوانێكیدا بۆ میدیاكانی عیراق ڕایگەیاند”ناوچەی ئەرزمە  لە باشووری قەزای روتبە (15 كلم باشووری قەزای خۆرئاوای ئەنبار)، خۆڵی شوشەی تێدایە كە لە پیشەسازییە هەمەجۆرەكان و بۆ مەبەستی جیاجیا لە وڵاتە پێشكەوتووەكاندا بەكاردەهێنرێت، بە گرنگترین كانزای سروشتیش لە دوای نەوتەوە دادەنرێت”.

بە وتەی دلێمی”یەدەگی خۆڵی شوشە لەو ناوچەیە بە زیاتر لە ملیارێك تەن مەزەندە دەكرێت، پیشەسازی سلیكۆنیش لە خۆڵی شوشە زۆر قورسە و لەڕووی فیزیاییەوە سەركەوتوو نییە، باشترە لە بەردی سیلیكا دەربهێنرێت”.

قایمقامی قەزای روتبە دەڵێت”پاكی خۆڵی شوشە كە لە ناوچەكانی خۆرئاوا دەستەبەردەبێت، بەڕێژەی 99%، بۆیە پێویستە حكومەت سود لەم كانزایە ببینێت لە ناوچەكانی خۆرئاوای عیراق و كار بۆ هێنانی كۆمپانیاكانی وەبەرهێنان بكات، تا وەبەرهێنانی تێدا بكرێت”.

بەردەوام بە لە خوێندنەوە

کوردستان