ئێمە لە تۆرە کۆمەڵایەتیەکان

عێراق

خەڵك؛ هۆكاری نەچوونی شاندی هەرێم بۆ بەغدا ئاشكرا دەكات

خەڵك- بەشی هەواڵ
هەرچەندە بڕیار بوو شاندێكی حكومەتی هەرێم هەفتەی ڕابردوو بچێتە بەغدا، بەڵام سەردانەكە بۆ كاتێكی نادیار دواخراوە و جێگری سەرۆكی پەڕلەمانی عیراق-یش دەڵێت: “شاندەكەی هەرێم چاوەڕێی بەغدایە فەرمویان لێ‌ بكات” و جەختیشدەكاتەوە، كە تا ئێستا پڕۆژە یاسای بودجە نەگەیشتۆتە پەڕلەمان.

د. بەشیر خەلیل، جێگری سەرۆكی پەڕلەمانی عیراق لە پشكی كورد بۆ (خەڵك) ئاماژەی بەوەكرد، بڕیار بوو هەفتەی ڕابردوو شاندێكی حكومەتی هەرێم سەردانی بەغدا بكات، بەڵام چاوەڕێی ئامادەكارییەكانی بەغدا دەكەن بۆ پێشوازی لێ‌ كردنیان و فەرموو لێ‌ كردنیان.

ڕاشیگەیاند، كە هێشتا بەغدا ئامادەسازی نەكردووە، بۆیە شاندی هەرێم تا ئێستا نەهاتۆتە بەغدا و كەی ئامادەبوون ئەوكاتە شاندی هەرێم بۆ گفتوگۆ دێتە بەغدا.

سەبارەت بە بودجەی ساڵی 2020ی فیدڕاڵی د. بەشیر وتی، “تا ئێستا پڕۆژە یاسای بودجە لای حكومەتی فیدڕاڵیە و نەهاتۆتە پەڕلەمان، بۆیە ئاگاداری وردەكارییەكەی نین”.

وتیشی، “بڕوانامەم تا ئێستا باس لە پشكی هەرێم لە بودجە كرابێت، چونكە ئەوە پەیوەندی بە گفتوگۆ و دانوستانەكانەوە هەیە، بۆیە ئەوە دەمێنێتەوە تاوەكو شاندی هەرێم دێتە بەغدا و دوای گفتوگۆ ئەو پشكە دیاری دەكرێت”.

عێراق

زیاتر لە دوو هەزار تووشبووی کۆرۆنا لەعیراق چاکبوونەوە

خەڵک – بەشی هەواڵ

 

بەپێی نوێترین ئاماری تووشووانی کۆرۆنا لەعیراق لەماوەى ٢٤ کاتژمێری ڕابردوودا دوو هەزار و ١٧٢ تووشبووی کۆرۆنا چاکبوونەتەوە.

 

وەزارەتی تەندروستی عیراق ئاماری ٢٤ کاتژمێری ڕابردوودا بڵاوکردەوە، کە تێیدا سێ هەزار و ٤٦١ تووشبووی نوێی کۆرۆنا لەعیراق تۆمارکران و دوو هەزار و ١٧٢ تووشبووش چاکبوونەوە.

 

هەر بەپێی ئامارەکە، لەو ماوەیەدا ٧٥ تووشبووی کۆرۆنا گیانیان لەدەستدا.

 

بەردەوام بە لە خوێندنەوە

ئابوری

عیراق ئاستی بەرهەمهێنانی نەوت كەمدەكاتەوە

خەڵك – بەشی هەواڵ
وەزارەتی نەوتی عیراق بەڵێن دەدات كە 400 هەزار بەرمیل لە بەرهەمهێنانی نەوتی ڕۆژانە كەمبكاتەوە.

ئیحسان عەبدولجەبار وەزیری نەوت پەیوەندییەكی تەلەفۆنی لەگەڵ عەبدولعەزیز سەلمان وەزیری وزەی سعودیە ئەنجام دا و تێیدا باسیان لە بوژانەوەی بازاڕی نەوت و پابەندبوون بە ڕێككەوتنی ئۆپیك لەسەر دابەزاندنی ئاستی بەرهەمهێنانی نەوت كرد.

وەزیری نەوتی عیراق جەختیكردەوە لەوەی لەسەرەتا ئەم مانگەوە تا كۆتایی مانگی ئەیلولی داهاتوو، 100% پابەند دەبێت بە ڕێككەوتنەكەی ئۆپیكەوە.

ئیحسان عەبدولجەبار ئەوەشی خستەڕوو كە عیراق لە ماوەی ئەم دوو مانگەدا ڕۆژانە 400 هەزار بەرمیل نەوت كەمدەكاتەوە.

بەردەوام بە لە خوێندنەوە

عێراق

بەرهەم ساڵح و مستەفا كازمی: پتەوكردنی پەیوەندییەكانی نێوان هەولێر و بەغدا گرنگە

خەڵك – بەشی هەواڵ

نووسینگەی ڕاگەیاندنی سەرۆكایەتی كۆمار لە ڕاگەیەنراوێكدا ڕایگەیاند، سەرۆك كۆماری عیراق لە بەغدا پێشوازیی لە سەرۆك وەزیرانی وڵاتەكەی كرد و باسیان لە دۆخی سیاسی، ئابووریی، ئاسایش و تەندروستیی عیراق كرد و جەختیشیان لە بەهێزكردنی پەیوەندییەكانی نێوان بەغدا و هەولێر كردەوە.

نووسینگەی ڕاگەیاندنی سەرۆكایەتی كۆمار بڵاویكردەوە، بەرهەم ساڵح، سەرۆك كۆماری عیراق و مستەفا كازمی سەرۆك وەزیران لەبارەی پێویستیی نەهێشتنی تیرۆر و زیادكردنی سەركەوتنە ئەمنییەكان و دابینكردنی ئاسایشەوە پێداگر بوون.

لە بەشێكی تری كۆبوونەوەكەدا باسیان لە ڕووبەڕووبوونەوەی ڤایرۆسی كۆرۆنا كرد و پشتگیریی خۆیان بۆ لایەنە پزیشكی و تەندروستییەكان دەربڕی و جەختیان لە بەڕێوەچوونی هەڵبژاردنی پێشوەختە كردەوە.

نووسینگەی ڕاگەیاندنی سەرۆكایەتی كۆمار ئەوەشی خستووەتەڕوو، بۆ چارەسەركردنی قەیرانیی ئابووریی وڵات هەردوولا باسیان لە چەند ڕێكارێك كرد بۆ ئەوەی بیانگرنەبەر، بەتایبەت كەمكردنەوەی بەخشینە حكومییەكان و زیادكردنی سەرچاوەكانی داهات.
هەروەها، هەردوو لا جەختیان لە گرنگیی پتەوكردنی پەیوەندییەكانی نێوان حكومەتی ناوەندی و حكومەتی هەرێمی كوردستان و پێویستیی چارەسەركردنی گرفتە ماددییەكان بە گوێرەی دەستوور كردەوە.

بەردەوام بە لە خوێندنەوە

کوردستان