ئێمە لە تۆرە کۆمەڵایەتیەکان

وەرزشەکانی تر

ڤاڤرینکا و پێکان کۆتاییان به‌ خه‌ونی جیۆکۆڤیچ هێنا و ماڵئاوایی له‌ کراوه‌ی ئه‌مریکا کرد

خه‌ڵک سپۆرت

نۆڤاک جیۆکۆڤیچی سڕبی ئه‌ستێره‌ی ناوداری بواری تێنسی سه‌رزه‌وی کشانه‌وه‌ی خۆی له‌ پاڵه‌وانێتی کراوه‌ی ئه‌مریکا ڕاگه‌یاند و هۆکاره‌که‌شی بۆ پێکان گه‌ڕانده‌وه‌.

له‌ڕووبه‌ڕوبونه‌وه‌ی نێوان ستانیسلاس ڤاڤرینکای سویسری و نۆڤاک جیۆکۆڤیچی سڕبی له‌چوارچێوه‌ی یارییه‌کانی قۆناغی چواری پاڵه‌وانێتی کراوه‌ی ئه‌مریکا “فلاشینگ میدۆز”، نۆڤاک جیۆکۆڤیچ به‌ ئه‌نجامی (٦ – ٤)،(٧ – ٥)، (٢ – ١) به‌رامبه‌ر ڤاڤرینکا شکستی هێنا، به‌درێژایی ماوه‌ی ڕووبه‌روبونه‌وه‌که‌ به‌ده‌ست پێکانی باڵه‌کانیه‌وه‌ ده‌یناڵاند بۆیه‌ له‌کۆتا کۆمه‌ڵه‌دا و له‌ ئه‌نجامی (٢ – ١)دا کشانه‌وه‌ی ڕاگه‌یاند.

له‌م باره‌یه‌وه‌ ڤاڤریکا ڕایگه‌یاند :” ئه‌وه‌ ڕێگه‌یه‌کی دڵخۆشکه‌ر نییه‌ بۆ بردنه‌وه‌ی یارییه‌ک، هه‌ست به‌ خه‌مباری ده‌که‌م بۆ جیۆکۆڤیچ، چونکه‌ ئه‌و هاوڕێیه‌کی خۆشه‌ویست و پاڵه‌وانێکی گه‌وره‌یه‌، به‌درێژایی مێژوومان چه‌ندینجار ڕووبه‌ڕوی یه‌کتر بوینه‌ته‌وه‌”.

هه‌روه‌ها نۆلیتۆ ڕایگه‌یاند :” ئه‌وه‌ی ڕوویدا بێزارکه‌ره‌، به‌هه‌رحاڵ، من یه‌که‌م یان کۆتا یاریزان نیم له‌پاڵه‌وانێتیه‌کی گه‌وره‌ دووچاری پێکان ده‌بم و ده‌کشێمه‌وه‌‌، به‌ڵام دڵنیابن ڕۆشتنه‌ ده‌ره‌وه‌م له‌ یاریگا به‌هۆی ئازاره‌وه‌ بوو”.

بڕیاره‌ ڤاڤرینکا له‌یاریی قۆناغی چاره‌کی کۆتاییدا ڕووبه‌روی دانیێل میدڤیدێڤی ڕوسی ببێته‌وه‌ که‌ له‌هه‌مان قۆناغ سه‌رکه‌وتنی به‌سه‌ر دۆمینیک کوێبفێری ئه‌ڵمانی به‌ده‌ستهێنا.

ریکلام

وەرزشەکانی تر

جەنگاوەرە ڕوسییەکە، تێکەڵ بە کاری سیاسی دەبێت

خەڵک

حەبیب نور محەمەدی ڕوسی، پاڵەوانی هونەرە جەنگیەکان، تێکەڵ بە کاری سیاسی دەبێت و  خۆی بۆ خولی داهاتوی سەرۆکایەتی هەرێمی داغستان کاندید دەکات.

چەند سەرچاوەیەکی هەواڵ لە روسیا، بڵاویانکردووەتەوە، دوای تەواوبوونی خولی سەرۆکایەتی ڤلادمیر یاسیلەڤ سەرۆکی هەرێمی داغستان لەروسیا، حەبیب خۆی بۆ سەرۆکایەتی ئەو هەرێمە کاندید دەکات.

بی خۆیەوە پێگەی سپۆرت سکۆپ هەواڵەکەی پشراستکردوەتەوە و ئاماژەی بەوەداوە، کاریزمای بەهێزی حەبیب و بونی جەماوەری زۆر لەو تایبەتمەندیانەن کە توانای یەکلایی کردنەوەی ئەو پۆستەی هەیە بۆ ناوبراو.

حەبیب نور محەمەدی ڕوسی، پاڵەوانی جیهان لەپاڵەوانێتیەكانی یو ئێف سی،  تا ئێستا هیچ شکستێکی نییە و خاوەنی زۆرترین بردنەوەی لەسەر یەکە کە 28 جارە.

 

بەردەوام بە لە خوێندنەوە

وەرزشەکانی تر

گه‌نجێكی كورد، له‌ وه‌رزشی تایکواندۆدا، ده‌بێته‌ پاڵه‌وانی بەریتانیا

خەڵک

گه‌نجێكی كورد له‌ وه‌رزشی تایکواندۆ سه‌ركه‌وتنی گه‌وره‌ به‌ده‌ست ده‌هێنێت و ده‌بێته‌ پاڵه‌وانی ئه‌و یارییه‌ له‌سه‌ر ئاستی ئه‌وروپا.

رامین سه‌ردار به‌هرامی، گه‌نجێكی وه‌زرشكاری له‌دایك بووی ساڵی2002ی شاری بانه‌ی رۆژهه‌ڵاتی كوردستانه‌، ماوه‌ی 2 ساڵه‌ چووته‌ وڵاتی  بەریتانیا و له‌وێ به‌شێوه‌یه‌كی پیشه‌یانه‌ ده‌ستی كردووه‌ به‌ وه‌رزشی تایكواندۆ.

رامین له‌ماوه‌ی ئه‌و 2 ساڵه‌دا سه‌ركه‌وتنی گه‌وره‌ی له‌و یارییه‌دا به‌ده‌ست هێناوه‌و له‌كۆی 15 یاری و پاڵه‌وانێتی كه‌ ئه‌نجامی داوه‌ له‌سه‌ر ئاستی بریتانیا و ئه‌وروپا و سه‌رجه‌م یارییه‌كانی بردووه‌ته‌وه‌.

ئه‌و یاریزانه‌ كورده‌ له‌ ئێستا بۆ یانه‌ی نیشتیمانی بەریتانیا یاری ده‌كات ، له‌هه‌مان كاتدا یاریزانی یانه‌ی له‌نده‌نه‌.

رامین له‌دواین یاریدا و له‌ كێشی67 كگم، به‌ نوێنه‌رایه‌تی بەریتانیا نازناوی پاڵاوانێتی World European  championship 2020ی به‌ده‌ست هێناوه‌و مه‌دالیای زێڕینی وه‌رگرتووه‌.

له‌هه‌مان پاڵه‌وانێتی له‌ كێشی خۆیدا خه‌ڵاتی باشترین یاریزانی له‌رووی ته‌كنیك و هونه‌ری یاریكردنه‌وه‌ به‌ده‌ست هێناوه‌.

رامین سه‌ردار به‌هرامی له‌ ته‌مه‌نی 4 ساڵییه‌وه‌ ده‌ستی كردووه‌ به‌یاریكردن و له‌ ته‌مه‌نی 7 ساڵیشه‌وه‌ وه‌ك پیشه‌گه‌رێك ده‌ستی كردووه‌ به‌یاریكردن و راهێنان. له‌ ئێستادا به‌رده‌وامه‌ له‌ راهێنان و ‌ چاوی له‌گه‌یشته‌ به‌ پاڵاوانێتێیه‌كانی ئۆڵه‌مپیك و به‌ده‌ست هێنانی ناوبانگی جیهانی.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

کوردستان