ئێمە لە تۆرە کۆمەڵایەتیەکان

عێراق

سائیرون داواى دانانی جێگرێك بۆ بەرهەم ساڵح لە كەمینەكان دەكات

خەڵك- بەشی هەواڵ
پەڕلەمانتارێكی هاوپەیمانی سائیرون داوا دەكات، بۆ پۆستی جێگری سەرۆك كۆمار، كەسێك لە یەكێك لە كەمینە سەرەكییەكانی عیراق دەستنیشان بكرێت، ئەمەش لەپێناو پتەوكردنی متمانە لەنێوان پێكهاتەكانی گەل.

سەعد حەلەفی، پەڕلەمانتاری هاوپەیمانی سائیرون لە بەیاننامەیەكدا ڕایگەیاندووە، “فراكسیۆنی سائیرون، ڕەتیدەكاتەوە پۆستە زیادەكان بخرێنەوەگەڕ، كە كاریگەرییان لەسەر بودجەی دەوڵەت هەیە، چونكە عیراق لەئێستادا بەدەست زۆری پۆستە زیادەكانەوە دەناڵێنێت”، جەختیش لەسەر پێویستی بنیاتنانی دەوڵەتی دامەزراوەیی دەكاتەوە، كە هەموو پێكهاتەكانی گەلی عیراق لەخۆبگرێت و لەگەڵ پڕۆژەی نیشتمانیدا یەكانگیربێت.

بە وتەی حەلەفی، “كاندیدكردنی زیاتر لە جێگرێك بۆ سەرۆكایەتی كۆمار خوازراو نییە و كاریگەری نەرێنی لەسەر باری سیاسی و ئابوری دەبێت”.

ئەو پەڕلەمانتارەی سائیرون داوای كرد، “یەك جێگر بۆ سەرۆك كۆمار دابنرێت، كە لە یەكێك لە كەمینە سەرەكییەكانی عیراق بێت، ئەمەش لەپێناو پتەوكردنی متمانە لەنێوان تایەفە و پێكهاتەكانی گەلدا”.

عێراق

بەغدا.. ئۆتۆمبێلێك تەقييەوە و سێ‌ كەس بوونە قوربانی

خەڵك – بەشی هەواڵ

بۆمبێكی چێنراو لە ڕۆژهەڵاتی بەغدا تەقییەوە و بەهۆیەوە سێ‌ كەس برینداربوون.

میدیا عیراقییەكان لە زاری سەرچاوەیەكی ئەمنییەوە بڵاویانكردەوە، بۆمبێكی چێنراو لە ناو ئۆتۆمبێلێكی جۆری (كیا) لە ڕێگای (قەناتی جەیش) لە ڕۆژهەڵاتی بەغدا تەقیوەتەوە و بەهۆیەوە سێ‌ لە سەرنشینانی ئۆتۆمبێلەكە بە سەختی برینداربوون.

ئاماژە بەوەشدراوە: دوابەدوای ڕووداوەكە بریندارەكان ڕەوانەی نەخۆشخانە كراون و هێزە ئەمنییەكان دەستیان بە ئەنجامدانی لێكۆڵينەوە لە ڕووداوەكە كردووە.

ك.ج

بەردەوام بە لە خوێندنەوە

عێراق

پەڕلەمانی عیراق پشووی زستانە وەردەگرێت

خەڵك – بەشی هەواڵ
سەرچاوەیەك لە پەڕلەمانی عیراق ڕایدەگەیەنێت، ئاگادار نین لە كۆبوونەوەی ئەمڕۆی پەڕلەمان و كۆبوونەوەكە لە لایەن سەرۆكی پەڕلەمانەوە ڕێكنەخراوە، دەشڵیت: “پەڕلەمان كەوتۆتە پشووەوە و تا 3-3-2020 كۆنابێتەوە”.

سەرچاوەیەك لە پەڕلەمانی عیراق بە (خەڵك) ی ڕاگەیاند، ئێمە لە هەفتەی پێشووەوە ئاگادار كراوینەوە، كە ئەمڕۆ كۆتا ڕۆژە و پەڕلەمان دەكەوێتە پشووی یاسایی زستانەی خۆیەوە، بۆیە ئاگادار نیم كۆبوونەوە لە پەڕلەمانی عیراق كراوە”.

وتیشی، “ئێمە لە لایەن سەرۆكی پەڕلەمانەوە ئاگادار كراوین، كە كۆبوونەوەكە ناكرێت، ئەوەی ئەمڕۆ لە پەڕلەمان كۆبوونەوە بووە لەسەر داوای جێگری سەرۆكی پەڕلەمان بووە، نازانین ئەجێندای كۆبوونەوەكە بۆ چی بووە”.

ڕاشیگەیاند، ئەگەر هەر حاڵەتێكی لەناكاو هاتە پێش و پێویستی بە كۆبوونەوە كرد ئەوا پەڕلەمان كۆبوونەوەی نائاسایی ئەنجام دەدات، بە پێچەوانە هیچ كۆبوونەوەیەكی دیكە تا 3ی ئازاری 2020 ناكرێت.

ئەمە لەكاتێكدایە، لە دانیشتنەكەی ئەمڕۆدا ڕێژەی یاسایی پەڕلەمانتاران ئامادە نەبوون و لە كۆی (329) نوێنەر، تەنیا (74)یان ‌هاتبوونە كۆبوونەوەكە، بۆیە سەرۆكایەتی پەڕلەمان دانیشتنەكەی گۆڕیوە بۆ گفتوگۆی كراوە.

بەردەوام بە لە خوێندنەوە

عێراق

بەهۆی خۆپیشاندانەوە سبەینێ‌ لە پارێزگایەكی عیراق پشووە

خەڵك- بەشی هەواڵ

ئێوارەی ئەمڕۆ دوو شەممە، زوهێر شەعلان، پارێزگای دیوانیە ڕایگەیاند، سبەینێ‌ پشووی فەرمییە.

لە ڕاگەیەندراوێكدا، كە میدیاكانی عیراق بڵاویانكردۆتەوە، پارێزگای دیوانیە وردەكاری و هۆكارەكەی ئاشكرانەكردووە، بەڵام تەنها وتویەتی بۆ پاراستنی سەلامەتی فەرمانبەران و هاووڵاتیان سبەینێ‌ دەبێتە پشوو.

ئەمڕۆ لە خۆپیشاندانێكی فراواندا لە شاری دیوانیە توندوتیژی لێكەوتەوە و چەند خۆپیشاندەرێك برینداربوون.

ماوەی سێ‌ مانگە خۆپیشاندانی فراوان لە عیراقدا بۆ گۆڕینی سیستمی وڵات بەڕێوەدەچێت و تائێستا سەرۆك وەزیرانی عیراق دەستی لەكاركێشاوەتەوە و چەند یاسایەكیش گۆڕانكارییان تێدا كراوە.

بەردەوام بە لە خوێندنەوە

کوردستان