ئێمە لە تۆرە کۆمەڵایەتیەکان

ژینگە

تەوژمێكی سەرما ئەوروپا دەگرێتەوە و لەعیراق و هەرێم گەرما كۆتایی دێت

خەڵك- بەشی هەواڵ
كەشناسێك پێیوایە، تەوژمێكی سەرما كاریگەری لەسەر عیراق دروست دەكات و دەبێتە مایەی دابەزاندنی پلەكانی گەرما.

سادق عەتیە، كەشناسی عیراقی، لە هەژماری تایبەتی خۆی لەسەر تۆڕی كۆمەڵایەتی (فەیسبووك) نووسیویەتی، “چاوەڕوان دەكرێت، تەوژمێكی توندی سەرما لە كۆتایی ئەم هەفتەیە و سەرەتای هەفتەی داهاتوودا ئەوروپا بگرێتەوە”.

بە وتەی سادق عەتیە، “تەوژمە كاریگەری بۆ سەر كەشی عیراق دەبێت و دەبێتە مایەی دابەزاندنی پلەی گەرما، لێوەی گۆڕانكارییەكانی كەشوهەوای پاییز دەستپێدەكات”.

ئەو كەشناسە عیراقییە پێشبینی دەكات، بەرزبوونەوەی پلەی گەرما، كە لە پێنج شەممەی ڕابردووەوە دەستیپێكردووە، تا ناوەڕاستی ئەم هەفتەیە بەردەوام بێت، بەڵام ئاماژە بە شكانی تەوژمەكە دەكات بەشێوەیەكی پلەبەندی، كە لێوەی وەرزی نوێ‌ لە چوار شەممەی داهاتووەوە دەستپێدەكات.

ژینگە

پۆلیسی دارستانی سەیدسادق سێ‌ تۆمەتباری دەستگیركرد

خەڵك- بەشی هەواڵ

لە سنوری گوندی ( سەراوی سوبحان ئاغا ) ی سەر بە سەیدسادق، پۆلیسی دارستان و ژینگەی سەید سادق توانیان ( ٣ ) هاووڵاتی دەستگیر بكەن كە سەرقاڵی ڕاوكردنی باڵندەی كێوی بوون و توانرا دەست بگرن بەسەر تەواوی كەل و پەلەكانیان كە بۆ راوكردن بەكاریان هێنابوو، ( ٢ ) چەكی جۆری تاپڕ و ( ٥ ) فیشەك.

لە ڕاگەیەندراوێكدا پۆلیسی دارستان و ژینگەی سلێمانی نوسیویەتی”پەراوی لێكۆڵینەوە ڕێكخراوە و ڕادەستی بەڕێز دادوەر كراوە بۆ وەرگرتنی ڕێكاری یاسایی.”

بەردەوام بە لە خوێندنەوە

ژینگە

پۆلیس 5 تۆمەتبار دەستگیر دەكات

خەڵك-بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە بنكەی باوەخۆشێن 5 ڕاوچی دەستگیركران.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەندراوێكدا ئاماژە بۆ ئەوە دەكات، لەئەنجامی دەرچوونی مەفرەزەیەكی بنكەی پۆلیسی دارستان و ژینگەی باوەخۆشێن بۆ سەر ڕووباری دێوانە توانیان 5 ڕاوچی دەستگیربكەن كە سەرقاڵی ڕاوكردنی ماسی بوون.

ئاشكراشیدەكات، پۆلیس توانی دەست بگیرێت بەسەر 1 ئۆتۆمبێل و 14 ماسی و 3 تۆڕ و 1 مۆلیدەی كارەبایدا و پەڕاوی لێكۆڵینەوەش ڕێكخراوەو ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

ژینگە

10 دۆنم پوش و ئاوان لە سنوری پیرەمەگرون سوتان

خەڵك- بەشی هەواڵ

لە سنوری ناحیەی پیرەمەگروون بەهۆی ڕوداوی ئاگركەوتنەوە نزیكەی ( ١٠ ) دۆنم لە پوش و پاوان سووتا.

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكرد، بە هۆكارێكی نادیار ئاگرێكی بەرفراوان لە سنوری گوندی ( گەبە )ی سەربە ناحیەی پیرەمەگروون كەوتەوە و بووە هۆی سووتانی نزیكەی ( ١٠ ) دۆنم لە پوش و پاوانی سنورەكە ، لەگەڵ بیستنی هەواڵەكە دەستبەجێ مەفرەزەیەكی بنكەی پۆلیسی دارستانی پیرەمەگروون گەیشتنە شوێنی مەبەست ودوای هەوڵ و ماندوبوونی كارمەندانی بنكەی پۆلیسی دارستانی پیرەمەگروون توانرا ئاگرەكە بكوژێنەوەو كۆنتڕۆڵی بكەن”.

هەر لە ڕاگەیەندراوەكەدا هاتووە”هۆكاری ئاگر كەوتنەوەكە نادیارەو لێكۆلێنەوەو بەدواداچوون بەردەوام”.

بەردەوام بە لە خوێندنەوە

کوردستان